رواية جحيم شمس الفصل الرابع 4 بقلم رشا منصور
رواية جحيم شمس الجزء الرابع
رواية جحيم شمس البارت الرابع
رواية جحيم شمس الحلقة الرابعة
الضابط أحمد …. مافيش مشكله أنا قاعد هنا يومين بخلص شغل وراجع الصعيد تانى تبقي تعالى معايا مع أنى كنت مستعجل ع التقرير المفروض البنت تدفن
صحيح اعذرني مال رأسك أنت اتخبطت ولا ايه
دكتور خالد. اة وقعت على الأرض و… خلينا في موضوعنا
قبل ما تسافر بلغني وأنا لو قدرت أعمل تشخيص مبدئي هجيبهولك معايا
الضابط أحمد…. تمام
دكتور خالد.
وبالمناسبة نسيت اسألك هى البنت إسمها ايه
رد وقالي إسمها ( شمس )
شمس …… هاله 😱
وقتها بس أفتكرت بنتي لما قالتلي صاحبتي شمس وافتكرت كلمة أتبع الشمس هو اللى بيحصلي ده حقيقة ولا خيال .
بصيت للضابط أحمد وقولت له أنا عاوز أشوف أهلها ضرورى محتاج أتأكد من حاجه هتفيد في القضية دى
قالي حاجه إيه يا عبقري عصرك وأوانك
قولت له هتعرف لما توديني هناك قالي تمام يا شارلوك هولمز أنا كدا كدا رايح كمان يومين علشان موضوع الحرايق اللى بتحصل هناك من يوم ما البنت ماتت
بدرجه أنى ابتديت أشك أنها لعنه بجد وأن البنت دى ماتت بفعل فاعل بس مش لاقي أى دليل نفسي امسك ولو طرف خيط في القضية دى ومافيش قدامي غيرك يا دكتور .
وبعد ما خلصت المقابله مع أحمد روحت البيت اطمن علي هاله
ولقيتها بتلعب بالعرايس بتاعتها وأول ما شافتني جريت عليا حضنتني وقاتلي فين الشيكولاته بتاعتي
طلعت لها الشيكولاته وفضلت باصص لها مش عارف اسألها أقولها إيه إذا كنت أنا مش مستوعب أن في جثة كلمتني يبقي إزاى طفله تستوعب ده
واخدت إجازة وفضلت متابع تصروفاتها ولما سألتها فين صاحبتك شمس طلعت ليا العروسه بتاعتها وقالتلي أهي يا بابا أنا بحبها اوي ابتسمت لها وسكت وأنا متأكد أنها مخبيه حاجه عني ….
وبعد يومين أتصل بيا الضابط أحمد وقالي من الفجر تكون جاهز للسفر
قولت له وأنا جاهز وفعلاً روحنا هناك و شوفت البير من بعيد نظرآ للنار الخارجه منه ووصلنا لبيت الطفله شمس ولقيت الضابط أحمد بيعرفني علي أبوها وأمها من أول نظرة تقول استحاله يكونوا أهلها بقي الناس دى يبجيبوا الجمال والبراءة دى وابتدي شكي يزيد …
علشان كده فكرت في حيلة تخليهم يعترفوا
قولت لهم محتاج اخد عينه دم منكم ضرورى …
أبوها قالي ليه أن شاء الله هو علشان ندفن بنتنا لازم تحللوا لينا ولا ايه .
بصيت له ومن جوايا مش طايقه قولت له أنا الدكتور اللى كشفت ع بنتك واكتشفت أن كان عندها مرض خطير وده بيكون وراثه علشان كده محتاجين العينه دى علشان اللى دمه فيه نفس المرض لازم يتعزل فوراً ويتحط في الحجر الصحي وينظر في أمره .
الأم صوتت وقالت أنا ماليش دعوه أنتوا هتعدمونا ولا ايه دى لأ بنتي ولا أعرفها منك لله يا متولي هى حصلت جايب لنا مصيبه لحد عندنا
بصيت للأب قولت له وأنت ايه هتيجي معانا تحلل مفضلش غيرك قالي يا بيه إحنا ملناش دعوه دى بت يتيمه وأحنا مش بنخلف وخدناها نربيها نكسب فيها ثواب لكن والله ما بنتنا ولا نعرف حتى مين أهلها إحنا مش عاوزين نصيبه وخلوها عندكم ادفنوها بمعرفتكم أنا مش عاوزها
قولت له أومال مين متولى ده اللي جاب لكم البنت
قالي أخوه مراتي شغال غفير عند باشا كبير وهو اللى قال إنها كانت بنت الشغاله وماتت وملهاش أهل ولسه يابيه من تلات أسابيع كان عندنا وجايب لها لعب وهدوم كتير وادانا فلوس كمان وكل شهر بيبعت لنا فلوس علشانها
دكتور خالد……
قولت له طب ادينا عنوان الباشا نروح نلحق متولي لحسن يكون اتعدى ولا حاجه من البنت مدام كان عارف امها
واخدنا العنوان ومشينا أنا والضابط أحمد اللى بقي مستغرب ومش فاهم حاجه.
ومرة واحدة أحمد بصلي وقالي أنت كنت تعرف منين أنهم مش أهلها ؟!
قولت له بعدين افهمك وكدا كدا أنت كنت عاوز طرف الخيط وادينا رايحين ل بدايه الخيط من أوله
وفعلاً وصلنا عند فيلا الباشا ولقيتها هى نفس الڤيلا اللى شوفتها مع الطفله وقتها اتأكدت أن كل اللى حصل معايا حقيقة
ولقينا واحد قاعد على الباب ووشه عليها هموم الدنيا كلها
الضابط أحمد… أنت متولي
متولي… ايوة يا بيه هو في إيه أنا معملتش حاجه وماليش دعوة بحاجه
الضابط أحمد… هو أنا وجهت لك أى تهمه علشان تقول كدا إحنا جايين نسألك
الطفله شمس تبقي بنت مين واوعي تنكر إحنا لسه جايين من عند أختك وعرفنا منها كل حاجه يعني أحسن لك تعترف بدل ما نعتبرك متهم في جريمة الق..تل
متولي … يا بوي ق.تل والله يا بيه ما عملت حاجه أنا كنت قاصد خير أنا هحكيلك يا سعاده البيه كل حاجه بس أمانه عليك ما تقول لحد أنى قولتلك أنا غلبان وعندى عيال عاوز اربيهم
الضابط أحمد … قولي شمس تبقي بنت مين
وأنت يا دكتور خالد اكيد تعبت من السفر تقدر تروح تنام أو ترجع شغلك وأنا لو توصلت ل أى حاجة ممكن تفيدك هتصل عليك
وفعلاً مشي الدكتور خالد واخدت متولي ع الاوضة بتاعته علشان محدش يشوفني معاه
ها يا متولي اتفضل احكي وفهمني
متولي…. أنا يا بيه شغال هنا من خمستاشر سنه من أيام حسين باشا الله يرحمه كان راجل ونعم الرجال عنده شركه كبيرة والفيلا دى وفلوس وعربيات ياما وبيعطف ع الغلابه وكل الناس بتحبه وكان متجوز الست نريمان هانم بنت الأصول وفي يوم عرفنا أن حسين باشا مات قالوا إنه عمل حادثه بالعربيه ومات هو والسواق زعلنا عليه أوى وكانت الصدمه كبيرة على الست ناريمان لأنها كانت 😱
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جحيم شمس)
