رواية جحيم شمس الفصل الثاني 2 بقلم رشا منصور
رواية جحيم شمس الجزء الثاني
رواية جحيم شمس البارت الثاني
رواية جحيم شمس الحلقة الثانية
بقيت أصرخ زى المجنون فى حد هنا شايفني . فى حد هنا سامعني
لحد ما لقيت صوت رقيق بيقولى تعالي
ببص لقيت الطفله دى بتشاورلي
بس إزاى دى المفروض ميته جريت ناحيه البنت يمكن أفهم إيه اللى بيحصل هو أنا عايش ولا ميت ولو عايش يبقي أنا جيت هنا إزاى اسئله كتير بدور في دماغي وأنا باصص للطفله اللى ابتسمت ليا وقالت ليا أنت عايش بس حالياً أنت في عالمي علشان تعرف اللى حصلي وتجيب ليا حقي ..
حقك من مين واشمعني أنا
🦋🦋🦋🦋🦋
بصلتي وعنيها مليانه دموع أنا يتيمه ماليش حد
أرجوك يا عمو أنت الوحيد اللي هتقدر تساعدنى .
هزيت لها رأسي وسكت وفي نفس الوقت أطمنت أنى لسه عايش مع أنى مش فاهم حاجه
مشيت قدامى ودخلت ل فيلا قولت لها إحنا رايحين فين شاورت ليا أنى أدخل معاها ولقيت بودى جارد في كل مكان بس ازاى محدش شايفني أنا مش فاهم أصلا المفروض أعمل إيه Rasha
الفيلا كانت عبارة عن اوضة عند البوابه وبعد كدا جنينه كبيرة وفيلا دورين واضح من الشكل الخارجي أنها فخمه جدا
وبعد كدا باب الفيلا أول ما تدخل تلاقي ريسيبشن كبير وواسع ومليان تحف وانتيكات شكلها فخم أوى وفجأة سمعت صوت ولما روحت وراء الصوت لقيت راجل شكله له هيبه ووقار
المشهد مكتب شيك وراجل في العقد الخمسين من عمره يجلس وامامه رجل واضح أنه شريكه أو مدير أعماله وواحد تانى شكله غريب أوى زى ما يكون شغال في سيرك من كتر الحاجات اللى لبسها في رقبته والرسومات اللى ع أيده
وابتدء الراجل البلياتشو يتكلم وقاله ياباشا أنا عملت اللى عليا وقولتلك عوزين قربان لكن أنت اللى استعجلت وأدى النتيجة
رد عليه الراجل الجالس أمامه يا شيخ خميس أنت مش قولت مجرد ما نقدم القربان المغارة هتتفتح ليه لحد دلوقتي مافيش حاجه حصلت
الباشا… اوعي تكون بتلعب بينا يا شيخ خميس أنت مش متخيل أنا ممكن أعمل فيك ايه ده أنا ادفنك حي
خميس يا باشا والله أنا عملت اللى عليا بس إحنا دلوقتي في كاارثه تانيه البنت اللي اتقدمت قربان كان عليها حمايه
ولما قدمنا البنت الجن الراصد افتكر أننا بنحاربه
وفي حرب قايمه دلوقتي بينهم ولو الراصد خسر مش بعيد العشيرة بتاعته تقtلنا كلنا إحنا حياتنا في خطر
الباشا أنت بتخرف بتقول ايه بقولك أنا هديك اسبوع واحد بس ولو متصرفتش أنا اللى هقدمك أنت وعيالك قربان واعتقد بقي كدا الجن الراصد هيرضي عنا مش أنت اللى اخترت المكان قولت ايه
الشيخ خميس وشه أصفر وقاله أنا هكلم خدامى وهحاول اشوف حل بقلم رشا منصور ✍️
ولقيت الباشا قاله يلا غور من قدامى وزى ما قولتلك قدامك اسبوع واحد بس
جريت علشان استخبي اتكعبلت ووقعت والفازة وقعت على رأسي اة ومحستش بحاجه تاني
لحد ما فوقت لقيت نفسي في السرير الكشف وفي دكتور واقف وعامل المشرحه
ايه ده أنا فين أنا كنت بحلم ولا ايه
ولقيت الدكتور بيخيط رأسي ع اد ما كان الألم ع أد ما فرحت أنه كان حلم
بس فجأة عيني جت ع ترابيزة الأدوات ولقيت قطعه ملونه لونها ملفت بركز فيها لقيتها نفس لون الفازة اللى كانت في الفيلا يعني ايه أنا مكنتش بحلم 😱
قولت للعامل ايه اللى حصل قالي دخلت يا دكتور لقيت حضرتك واقع جمب ترابيزة الآلات ومتعور بلغت الطوارئ ع طول ..
حمدالله على سلامتك يا دكتور هتقدر تروح البيت ولا اشوف حد لحضرتك يوصلك..
قولت له روح اعملي قهوة بسرعه
كنت حاسس بصداع وألم ولخبطه ومش عارف أنا ايه اللى حصل معايا ده
طب ياتري فعلاً الطفله تواصلت معايا طول عمري كنت أسمع أن ممكن يحصل تواصل مع الأرواح بس أنا أول مرة يحصلي كدا أنا عمري ما صدقت غير الوقائع والدلائل الماديه.
ومش فاهم إيه المفروض أعمله دلوقتي
صممت ارجع تاني غرفه التشريح وأول ما دخلت حسيت برعشه في جسمي جريت للترابيزة وبصيت ع الطفله قولت لها انتى مين وعاوزة منى ايه هو اللى حصل معايا ده حقيقي ولا أنا اللى اتجننت انطقي
طب اعملي أى إشارة أنا عاوز اتاكد أن اللى حصل ده كان حقيقه انطقي ارجوكي
وفجأة ……
يتبع……
لقراءة الفصل التالي : اضغط هنا
لقراءة الرواية كاملة اضغط على : (رواية جحيم شمس)
