رواية جحيم شمس الفصل الثامن 8 بقلم رشا منصور
رواية جحيم شمس الجزء الثامن
رواية جحيم شمس البارت الثامن
رواية جحيم شمس الحلقة الثامنة
الضابط أحمد…. مافيش الكلام ده لازم دليل
خالد …. أنا قولتلك ع إحساسي عليك أنت تحقق وتوصل للدليل دى شغلتك يا أحمد بيه لكن أنا مجرد دكتور ماليش في التحريات
الضابط أحمد … يبقي مافيش قدامى غير أنى أكمل تحقيق مع متولي البواب وأكيد هوصل ل حاجه
ع العموم أنا لسه في بداية الخيط ومش هسكت لحد ما اعرف الحقيقة
دكتور خالد…..
ربنا يوفقك أنا تعبان جدآ وهروح البيت أرتاح ولازم اطمن ع بنتي
الضابط أحمد…
معلش يا دكتور تعبك معايا وأنا عارف أنك متصاب أرتاح يا دكتور وأنا لو وصلت لأى حاجه هتصل عليك …
وانتهت المكالمة ع كداااا وحسيت أنى كدا عملت اللى عليا وفعلاً روحت البيت وأول ما دخلت …
حسيت بمدي التعب والارهاق حسيت أنى محتاج حمام دافئ وانام بعدها ودخلت اوضة بنتي هاله لقيتها نايمه بس بمجرد ما بوستها صحيت ولقيتها ابتسمت ليا وبتقولى أنا مبسوطه بك أوى يا بابا وفخورة بك وعوزاك تكمل الطريق
دكتور خالد….. طريق إيه يا هاله مش فاهم
هاله…. أنك تستمر في مساعدة شمس لحد ما تجيب حقها
دكتور خالد… قولت لها مين اللى قالك شمس
هاله…. لأ يا بابا عمو حسين بابا شمس ما هو معاها الحارس بتاعها
دكتور خالد … ابتديت اخاف أنا مش مستوعب بنتي بتكلم أموات فضلت باصص لها وساكت
هاله…. متخافش يا بابا هما بيتواصلوا معايا لحد ما تساعدهم بس وطيبين أوى يا بابا وعمو حسين معجب بحضرتك وبمساعدتك ل بنته شمس..
دكتور خالد…. هاله عمو حسين مات من قبل ما شمس ما تتولد يبقي إزاى هو معاها ولا الحارس بتاعها
هاله…
هو علشان مات ملوش حق يشوف بنته ولقيتها زعلت
دكتور خالد…..
وأنا عارف أن موت مامتها مأثر فيها ودايما بتقولي بحس بها معايا علشان كده قولتلها
حقه يا حبيبتي بس ليه مدام هو الحارس بتاعها مدفعش عنها
هاله…. اسأله أنت يا بابا عمو واقف وراك أهو
دكتور خالد 😱😱 أهي كملت
بصيت حواليا مافيش حد شاورت لها بأيدي هو فين
هاله…. لقيتها بتضحك روح نام يا بابا شكلك تعبان أوى
دكتور خالد… حسيت أنها كانت بتهرج ضحكت لها ومن كلامها عن النوم حسيت نفسي بتثاؤب والنوم حل عليا قولت لها عندك حق تصبحي ع خير يا لولو 😘
ودخلت اوضتي وعملت الفون صامت وشيلت فيشه الفون الأرضي أنا محتاج أنام وارتاح …
وأول ما غمضت عيني وابتديت أنام حسيت بحد موجود معايا في الاوضه عاوز أفتح عيني وأشوف مين بس مخبيش عليكم خايف حاسس برعشه في جسمي وقولت لنفسي هى موته ولا اكتر واتشجعت وفتحت عيني ايه ده
أنا فين لقيت نفسي في مكان غريب مكان فاضي ومش شايف أى حاجة حواليا مش شايف غير سواد كأننا في نص الليل والكهرباء قاطعه والسماء مفيهاش نجوم مش شايف ولا سامع أى حاجة هدوء رهيب
فضلت أجري شويه واقف شويه بس مافيش غير سواد كأنى فجأة في الفضاء
قولت لنفسي ده حلم وهصحي دلوقتي كل ده مش حقيقه
لحد ما شوفت خيال ناس جايه من بعيد
دول دول 😱
أهلا بك في عالمنا يا دكتور خالد
😱 كملت
انتوا مين وعالم إيه اللى بتتكلموا عنه
كنت متوقع ألاقي الطيف الأبيض اللى ظهر ليا في المشرحه لكني لقيت راجل وست قمه في الشياكه
الراجل لابس بدله فخمه جدآ وساعه شيك واضح أنها ماركه عالميه وله هيبه وع وشه البشوش ابتسامه جميله
وسيده قمة الشياكه والاناقه تحس أنها عارضه ازياء ولبسه طقم الماظ وبشرتها بيضاء لدرجه النقاء وشكلها مش غريب عليا حاسس اني شوفتها قبل كدا
أيوة أيوة افتكرت بس إزاى
وكان واضح ع معالم وشي الاستغراب وأنا مش فاهم دول ناس زيي أومال ايه عالمنا وجو الرعب ده
ولقيت الراجل بيبصلي وبيقولي اتفضل يا دكتور خالد أقعد واستريح وبيشاور بأيده لقيت صالون فخم جدا
هو ده جه أمتي وازاى بصيت له وعلامات استفهام زاد عليها علامات الرعب
ولقيته مسك بأيد السيده مثل أى رجل چينتل مان وجلست أولا وبعد ذلك جلس هو وقال
أهلا بك دكتور خالد إحنا من أشد المعجبين بك أحب أعرفك بنفسي أنا نسيح قرين حسين والد شمس الحاله بتاعتك في المشرحه ودى تبقي ناميران قرينه ناريمان هانم أم شمس .
دكتور خالد 🙃 قرين وقرينه
يعني ايه مش فاهم يعني أنتوا عايشين ولا اموات
نسيح…. هههههههههههه لكل إنسان قرين يا دكتور خالد
ودورنا أن نلازم الإنسان من أول ميلاده لحد الممات وبنكون معاه في كل مكان وزمان ونعلم عنه كل شئ
ولما حسين مات كان لازم انتقم له من اللى قtله
لكن اللى حصل يوم الحادث كان كفيل أنه يغير كل حاجه
دكتور خالد ….ايه اللي حصل
نسيح ….
وظيفه القرين أنه يكون ملازم للإنس ويوم الحادث في الشركه حسين اتعصب لما عرف أن صفوت اخد عموله من شركه منافسه نظير أنه نتنازل عن تقديم الورق في المناقصه
وقالوا إزاى تتصرف كدا وتصغرني في السوق
واتصل على صاحب الشركه وقالوا فلوسك دى ملتزمنيش وأنا داخل المناقصه دى
ابعت خد فلوسك ولا فرقها ع الغلابه اللى أنت متعرفش حاجه عنهم وقفل السكه في وشه
وقال ل صفوت غور من وشي ولو عملت أى تصرف من دماغك مرة تانية أنا هرفدك ومش بس كدا أنا هقدمك للتحقيق
صفوت …. يا حسين باشا أنا عملت كدا علشان خايف عليك دول ناس مؤذيه وأنا قولت نفوت لهم دى وناخد إحنا مناقصه غيرها بقلم رشا منصور ✍️
حسين… هو أنت متعرفشي أن شغله مش نضيف وبياخد المناقصات دى علشان تغطي ع شغله الأساسي في غسيل الأموال تروح تاخد منه عموله ع آخر الزمن عاوزنى اخد قرش حرام أخرج بره امشي من قدامي
مش طايق أشوف وشك
صفوت.. خرج وخرجت وراه لقيته بيتصل ع حد وبيقولوا حسين باشا بهدلني وشكله كدا مش هيعدى الموضوع ده ع خير
ودخل عليه واحد اسمه علاء
علاء…. فى ايه يا صفوت ايه الصوت العالى ده ايه اللى حصل
صفوت …..
حسين باشا رفض العموله واتصل ع الناس وأنا مش عارف اتصرف ازاي أنا النسبه بتاعتي روحت دفعتها امبارح دفعه من الديون اللى عليا وكمان بيهددنى بالرفد
علاء وناوى ع ايه ….. صفوت لسه مش عارف
دخلت تانى ل مكتب حسين ولقيته بيتصل ب ناريمان
وبيقولها اجهزى علشان نروح للدكتور عاوز اطمن عليكي وعلى النونو أنا كنت حاسس بيكي طول الليل وانتى تعبانه
يلا أجهزى أنا قدامى نص ساعه وانزل
رن جرس المكتب ودخل له علاء
تحت أمرك يا فندم بقلم رشا منصور ✍️
حسين…. يا علاء كلم السواق يجهز العربية نازل كمان نص ساعة وهاتلي أوراق الصفقه من عندك
علاء….. الأوراق كلها مع الاستاذ صفوت
حسين….
روح هات الأوراق منه بسرعه أنا مش فاهم هو في ايه
خرج علاء وراح ل صفوت وقالوا الحق ده طالب أوراق الصفقة
صفوت …
بقولك ايه يا علاء قولوا أنا روحت الجمارك بخلص الشحنه ونزل بعدها من الشركه بسرعه
وحسين نزل بعد كدا وركب عربيته والعربيه بعد دقيقه بقت تروح يمين وشمال لحد ما خبطت في عربيه نقل واتقلبت
.
نسيح …
كنت واقف وشايف حسين بيطلع في الروح لقيته باصص ليا ورغم أن كنت واقف بشكلي الحقيقي إلا أنه فضل باصص ليا وقالي…
يا تري ايه اللي حصل مع نسيح القرين
وايه اللي قاله حسين باشا له
اتتظروني فى الحلقة القادمة من جحيم شمس
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية جحيم شمس)
