رواية جحيم شمس الفصل الثالث 3 بقلم رشا منصور
رواية جحيم شمس الجزء الثالث
رواية جحيم شمس البارت الثالث
رواية جحيم شمس الحلقة الثالثة
بعد ما فوقت صممت أرجع تاني غرفه التشريح وأول ما دخلت حسيت برعشه في جسمي جريت للترابيزة وبصيت ع الطفله قولت لها انتى مين وعاوزة منى إيه هو اللى حصل معايا ده حقيقي ولا أنا اللى اتجننت
طب اعملي أى إشارة أنا عاوز اتاكد أن اللى حصل ده كان حقيقه انطقي ارجوكي
وفجأة ……
وفجأة لقيت عامل المشرحه بيقولى يا دكتور خالد أنت سامعني
أنت كويس قولت له أنت دخلت امتى
قالي سلامتك يا دكتور أنا بنادي عليك من بدري جبت لحضرتك القهوة وبردت كمان وحضرتك مش حاسس بوجودى كأنك كنت في عالم تاني
… هزتنى الكلمه فعلاً عالم تاني عالمها هي وبصيت عليها وهي نايمه ع تربيزة التشريح لقيت العامل بيقولى هو حضرتك طلعتها من التلاجه ليه ناوى تشتغل عليها وأنت تعبان كدا 🧐
قولت له أنا مطلعتش حاجه قالي يا دكتور أنا مدخلها بنفسي التلاجه بعد ما بلغت الطوارئ أنك وقعت ومغمي عليك ..
كان باين ع وشي الاندهاش بس قولت له
اه افتكرت أنا فعلاً طلعتها بس دخلها تانى أنا هقوم اروح البيت محتاج أرتاح.
بقيت مش عارف يا تري دى الإشارة أنها تخرج بره التلاجه لأ لأ كل ده مش حقيقي أنا دكتور وفاهم كويس واضح أنى بمر بهلاوس سمعيه وبصريه أيوة مافيش حاجه من اللى حصلت دى حقيقة دى تهيؤات
وعلشان أثبت لنفسي
هتصل ع الضابط أحمد
الضابط أحمد….. الوو يا دكتور خالد أخبارك خلصت تقرير الحاله
ايوة يا أحمد بيه كنت محتاج منك ملف الحاله في حاجات عاوز اعرفها عنها وعن الحادث كله
الضابط أحمد ….
تمام هبعتلك صورة من الملف بس أرجوك سرع التقرير أحسن أبوها مصمم ياخدها بيقولى بعد ما ماتت جابت اللعنه ل أهل القرية كلها والحرائق في البيوت عماله تزيد وبيقول أن في حاجات كتير في القريه عماله بتحصل
ده غير أن في ناس من عمال الحفر اتصابت بدون سبب كأن البير بينتقم منهم أو أن روح البنت هى السبب
قولت له إزاى ده
الضابط أحمد…. أنا في الصعيد دلوقتي وهكون في القاهره بكره الصبح وهعرفك بالنتائج اللى وصلنا لها وخلصت المكالمه
وبقيت ماشي مرعوب هو ايه اللي بيحصل ولعنه ايه وأبوها مين اللي عاوز يدفنها
وهى قالت ليا أنها يتيمه من وهى صغيرة وملهاش أهل واضح أن في لغز وراء الحاله دى ولازم افهمه
وما صدقت وصلت البيت تعبان وهلكان من كتر التفكير والخبطه اللى فى رأسي دخلت غرفة هاله اطمن عليها
وسمعتها بتكلم حد وبتقول
هاله ….. متخافيش أنا واثقه في بابا واكيد هيساعدك بس هو مشكلته أنه مش بيصدق أن في ناس غيرنا موجودة وعايشه معانا أنا هكلمه واقوله يساعدك .
خالد… هاله انتى بتكلمي مين
هاله…. بكلم صاحبتي الجديدة شمس المهم يا بابا أنت عامل ايه أنا خوفت عليك لما عرفت أنك وقعت والفازة وقعت فوقك أنت كويس
🙄 أنتى عرفتي منين يا هاله موضوع الفازة ده
هاله.. …
صاحبتي قالت ليا يلا بس يا بابا دلوقتي لازم تستريح أنت عندك شغل وحاجات كتير لازم تنفذها .
.. بصيت لها وأنا مستغرب ودخلت اوضتي وأنا بكلم نفسي هى عرفت منين الكلام ده أنا مقولتش لحد ومين صاحبتها دى أنا طول عمري كنت بسمعها بتكلم مع حد بس بقول عادى بتلعب مع العرايس بتاعتها لكن إزاى
وفجأة سمعت صوت في ودنى رقيق بيقولى متفكرش كتير أنت تعبان دلوقتي ولازم ترتاح ولقيتني بغمض عيني وسامع زى همس بيقول أتبع الشمس ونمت ومصحتشي غير تاني يوم وهاله بتبوسني قبل ما تنزل تروح المدرسة …
قومت وأنا في دماغي حاجه واحده بس أنا لازم اعرف ايه حكايه الطفله دى وازاى وقعت في البير اللى معمول له سور عالى وازاى مفيهاش أى كسور ومين أبوها ده إذا كان هى ملهاش اب قومت خدت شاور وشربت القهوة واتصلت على الضابط أحمد وعرفت أنه وصل القاهره ونزلت وروحت له ع قسم المعادى
هو قالي أن له أصحاب هناك وكان شغال هناك قبل ما يتنقل الصعيد وطول فترة وجودة في القاهره هيكون هناك
ودخلت مكتب الضابط أحمد وبعد السلام والتحية سألته
بقولك يا أحمد بيه أنا ينفع أروح أشوف البير واعاين المكان بنفسي
أنا حاسس إني لو شوفت البير وموقع الحادث يمكن اقدر احل لغز أن البنت مفيهاش أى كسور وبالمره أتعرف ع أهلها مش أنت قولت أن لها أب
الضابط أحمد …. مافيش مشكله أنا قاعد هنا يومين بخلص شغل وراجع الصعيد تانى تبقي تعالى معايا مع أنى كنت مستعجل ع التقرير المفروض البنت تدفن
صحيح اعذرني مال رأسك أنت اتخبطت ولا ايه
دكتور خالد. اة وقعت على الأرض و… خلينا في موضوعنا
قبل ما تسافر بلغني وأنا لو قدرت أعمل تشخيص مبدئي هجيبهولك معايا
الضابط أحمد…. تمام
دكتور خالد.
وبالمناسبة نسيت اسألك هى البنت إسمها ايه
رد وقالي إسمها ( شمس )
شمس …… هاله 😱
يا تري ايه اللي هيحصل وهل شمس هى اللى ظهرت ل هاله منتظرة
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جحيم شمس)
