رواية جحيم الصعيد الفصل الرابع عشر 14 بقلم أميرة أسامة
رواية جحيم الصعيد الجزء الرابع عشر
رواية جحيم الصعيد البارت الرابع عشر
رواية جحيم الصعيد الحلقة الرابعة عشر
راحت وراكم بالتوك توك بعد ما سعيد مشي راحت عالموجف .ولجت سعيد ركبكم.. عربيه.. ولما مشي وسابكم. فضلت واجفه اني جولتلها تتوكدي اللول ان العربيه طلعت بيهم وخليكي معايا عالتلافون.. كانت بتجولي كل اللي هي شيفاه..من اول ما نزلتو لحد ما وجفتي انتي وامك تتحدتو لحد ما جت ووصفتلك بيت العمده بنفسها يا سهي..
سهي…
فرحه… انتي معايا..
رحيم.. خد التليفون… براڤو عليكي يا فرحه.. مكنتش اعرف انك بالذكاء ده كله…
فرحه…. شكرا يا حضرت العمده… بس في اوجات لما البني ادم بيتظلم وخصوصي من اجرب الناس ليك..
عجلك بيجف عن التفكير..وبيحل مكانه الجلب.. وتفكير الجلب.. اجوي بكتيييير من تفكير العجل.عشان الجلب لما بينظلم عقابه فالتفكير مهيصدجهوش بشر.. وعلي جد ما يتظلم علي جد ما تفكيره بيبجي جاسي..
رحيم… عنديكي حج..يافرحه…
المهم الوجت.. اني سمعت كل حاجه..وعايز اعرف الوجت هنعمل ايه..
فرحه..بابتسامه.. هتسألني اني ياحضرت العمده..
رحيم… طبعا هسألك…بعد طريجت تفكيرك دي مينعش حد يستهون بيكي عاد ولا ايه…
فرحه… اللول لازم العمليه دي تنكشف عشان ابوي وسعيد يروحو في داهيه…
رحيم.. انتي تعرفي المكان اللي خطفهم فيه..
فرحه.. لا دي الحاجه الوحيده اللي معرفهاش… بس اللي اعرفه ان هما في خطر اي حد بيجي علي سكت ابوي وسعيد اخوي بيبجي اخرت سكته دم..
رحيم…. اني محتاجك معانا يا فرحه..واني اوعدك اني هحميكي.
فرحه.. اني معاك من غير اي حاجه. يا رحيم بيه.. وصدجني اني مش خايفه والمرادي خلاص مبجاش فيها خوف او حتي تراجع لازم يكون في نهايه واني اتعلمت من ادهم.. ان الخوف بيعطل كتير واني مش عايزه عطله..ولو سكتي اخرتها موت مبجتش فارجه.. كفايه عليا اني اخلص الناس من شرهم.. وساعتها اجابل أدهم في مكان احسن من ده بكتير….
رحيم… لا يافرحه لسه بدري علي مجابلتك لي ادهم…انتي هتعيشي.. وهتكملي..حتي لو من غير ادهم بس كفايه انك ترجعي حجه وتنقذي تلاته ملهمش اي ذنب في ظلم عمران
فرحه… المهم الوجت عشان تجدر تتصرف. زين.. انت معاك الورج.. ولازمآ تاخد التسجيلات…بس يوم ما تنوي تبلغ متجولش حاجه عن التسجيلات الوجت..
رحيم… ليه.
فرحه… لو جدمتها علي طول الحكومه مهتعترفش بيها..وهتجولك انه مش قانوني… لازما الاول تعمل محضر وتجدم الورج بس اللول تكون حد تعرفه وتكون سريه… عشان الحكايه لو انكشفت جبل الاوان هنروحو في داهيه واللي اتخطفو مهيرجعوش….لما تبجي تعمل محضر والنيابه تبتدي تتحرك هنبجي نجولهم ان في تسجيلات سجلناها.. بخصوص الجضيه وساعتها ممكن يعترف بيها…
رحيم باعجاب….انتي دارسه ايه يافرحه…
فرحه…اني معايا ثانويه عامه وجعدت مكملتش…
رحيم.. اللي يسمعك يجول مخلصه علام.
فرحه.. كان نفسي.. بس الله يسامحه ابوي ماهيعملش حاجه عدله.. بس اني اتعلمت كتير من ادهم هو بالنسبالي كان اكبر واهم مدرسه…
رحيم.. ربنا يرحمه…المهم انا عايز اشوفك بكره ضروري عشان التسجيلات..
فرحه .. بأمر الله هحاول اخرج بأي حجه وهجيلك من غير ما حد ياخد باله.
رحيم.. ماشي يافرحه وشكرا جدا ليكي..وياريت لو في اي جديد تبلغيني.
فرحه.. انشالله يارحيم بيه مع الف سلامه…
قفلت فرحه… وهي حاسه بجزء من الراحه لقربها من تحقيق انتقامها ..ورجوع حق ادهم….
اما رحيم فا بعد ما خلص مع فرحه… طلع.. الورق من شنطه حور.. وفضل يتفحصها هو وسليم…
سليم… الله يخرببته ايه البلاوي دي كلها…
رحيم.. ماسك دماغه… انا مش قادر افكر…حاسس اني دماغي مشوشه ومش قادر افكر صح..
حنان… لازم تنام با ابني عشان تقدر تفكر..
جده.. صوح ياولدي لازمآ تنام وتهدي بالك شويه وتنسي اي حاجه حاصله عشان تجدر..تفكر زين…اني هروح انام شويه اني كمان عشان مش جادر…
رحيم.. اتفضل ياجدي..
الجد.. البيت بيتكم يابنتي
حنان.. تسلم ياحاج…
طلع جد رحيم…
سليم..رحيم الصبح تروح النيابه.. وتبلغ بكل اللي حصل.. وعرفهم ان في مهمه هتتعمل يوم الخميس…
رحيم.. انا كنت ناوي علي كده فعلا.. يلا نروح عالبيت التاني ننام شويه..وعشان الجماعه كمان يرتاحو شويه..
رحيم… مش محتاج اقولك ياجماعه البيت بيتكم طبعا..
حنان … تسلم
سهي.. شكرا.
رحيم.. بينا ياسليم.. وخد معاه الورق وراحو عالبيت التاني..
سليم.. انا مش قادر عايز اخد شاور وانام انام
رحيم.. انا كمان مش قادر عايز انام واحاول افصل شويه.عشان بكره يوم طويل…
سليم.. ربك يسهل ياصاحبي متقلقش كل حاجه هتتظبط.
رحيم… الله كريم…
ودخل كل واحد فيهم خد شاور وراح كل واحد علي اوضه عشان ينام…
فضل رحيم. اعد عالسرير.. واعد يقرا فالورق ويكتشف بلاوي اكتر لعمران… فضل يفكر في حور… اد ايه البيت من غيرها وحش. واكتشف ان حياته مكنتش حلوه من غيرها اصلا.بعد تفكير كتير.. غلبه النوم….
فص صباح يوم جديد… صحي رحيم.. وسليم.خدو الشاور بتاعهم …ولبسو وجمع رحيم الاوراق..والفديو الخاص بخطف حور..وراحو للمديريه. يقضدمو بلاغ رسمي للنائب العام..
وبعدو وصولهم .. وبعد ما حكي كل حاجه رحيم..
للواء شرف الدين..
رحيم.. بس ده كل حاجه ياسياده اللواء..
شرف الدين.. انا مراقب عمران وابنه من فتره وهما تحت عيوننا من فتره بس بعد المعلومات دي انت يعتبر سهلت علينا كتير في حكايه العمليه دي..
المفروض احنا كده عارفبن اليوم ناقص بس نعرف المعاد والمكان..
رحيم… حضرتك فرحه بنته.. عندها كل المعلومات والمفروض انها هتحاول تيجي انهرده ونتقابل واعرف منها كل حاجه بس المهم الوقت انا عايز اطمن علي اختي وابن عمي وعلي حور. .مش عايز يحصلهم حاجه ومش عارف ايه اللي ممكن يكون حصلهم اكتر مش عارف افكر ولا عارف الاقيهم.. خصوصا اننا الوقت متأكدين ان عمران مش مخبيهم في بيته زي ماكان مخبي حور اول مره.. وميتهيأليش برده..هيخبيهم في مكان تبعه..
شرف الدين… بص يارحيم يا ابني انت عارف معزتك عندي وعايزك متقلقش مش هيحصلهم اي حاجه انا المأموريه دي هكلف بيا اكفأ الظباط عندي.. متقلقش..
رحيم.. طيب المفروض ايه الخطوه اللي تتاخد حاليا..
شرف الدين…اول خطوه كل التسجيلات اللي مع فرحه توصلني.. تاني حاجه نعرف منها المعاد والمكان.. تالت حاجه انا هحط تليفوناتهم تحت المراقبه واكيد هنوصل للمكان اللي خاطفهم فيه..وسيب الباقي علينا.
رحيم.. بس حضرتك انا مش عايز عمران يحس باي حاجه ولا عايز فالوقت ده انه يعرف ان في بلاغ ضده.. اولا عشان فرحه اول واحده هتتأذي. ثانيا انا لسه معرفش مكان اختي وحور وامجد .
شرف الدين.. متقلقش يارحيم.. احنا اكيد عارفين شغلنا كويس..
رحيم. طبعا يا افندم وياريت حضرتك متزعلش بس اكيد انت مقدر التوتر والقلق اللي انا فيه..
شرف الدين. طبعا مقدر بس لازم تكون اهدي عشان تقدر تفكر.
رحيم.. تمام يا فندم وقت ما اوصل للتسجيلات واعرف المعاد والممان هبلغ حضرتك فورا..
شرف الدين..وانا مستني..
رحيم. بعد اذن حضرتك..
شرف الدين.. اتفضل ….
……………. مشي رحيم وسليم. علي القصر..كان الكل متجمع تحت.
رحيم.. السلام عليكم..
الجميع عليكم السلام.
جده… خير ياولدي في جديد.
رحيم.. انا لسه جاي من المديريه وقابلت اللواء شرف الدين وكله الوقت في ايده..
سهي… طيب هنفضل مستنين كده ده الحكومه معروفه ديما بتوصل متأخر ..
سليم.. بضحك… انتي بتتفرجي علي افلام كتير شكلك.
سهي… بصوت واطي… ايه الخفه ده..
سليم… بتقولي حاجه.
سهي.. ابدا..
رحيم … بصوت واطي لسليم.. مش وقتك ياحنين
سليم… بضحك انا عملت حاجه..
رحيم… الوقت بس محتاجين فرحه تيجي.. عشان اقدر اخد منها التسجيلات ونعرف منها معاد العمليه..
حنان… طيب ما تكلمها كده..
رحيم.. انا مش عايز اكلمها… احسن يكون حد جمبها تحصل مشكله..
سليم.. يبقي مفيش ادامنا غير اننا نستني…
والدته… اني هجوم احضر الغدا.
مرات عمه… خديني معاكي يا امنه…
حنان… ممكن اجي اساعدكم..
امنه.. ياخبر لا ميصحش معبزينش نتعبوكي
حنان.. تعب ايه بس تعبكم راحه اهو بدل ما انا اعده كده قلقانه..
مرات عمه.. طيب يلا نحضرو مع بعض ..
دخلو الستات مع بعض للمطبخ…. اما جده وعمه.. دخلو المكتب…
واتبقي رحيم.. وقمر.. وسليم وسهي….
قمر. بصوت واطي.. رحيم.. ممكن اتحدت معاك.
رحيم.. وهو مش باصصلها… مفيش بينا حديت يا جمر.
قمر… معلش عشان خاطري..
رحيم.. ملكيش خاطر عندي..
قمر…. طيب هما كلمتين وبعدين متكلمنيش…
رحيم.. بزهق.. اتفضلي… وخرجو علي الجنينه. وفضل سليم وسهي….
سليم حاول ينكشها .ويكسر الصمت..
سليم… كنتي بتقولي ايه بقي كده مسمعتكيش.
سهي . بصتله… انت بتكلمني..
سليم.. لا بكلم الحيطه..
سهي… ياحرام… انت لسعت.
سليم.. نعممم
سهي.. مالك بس مش ده كلامك مادام وصل بيك الحال انك تكلم الحيطه يبقي لسعت..
سليم.. ماشي هعديها وبردو عايز اعرف كنتي بتقولي ايه..
سهي.. اولا ايه هعديها دي. لو معدتهاش يعني هيحصل ايه..
ثانيا انت طلعت تقصدني اهو مكنتش تقصد الحيطه..
ثالثا وده الاهم.. كنت بقول ايه الخفه ده في حاجه..
سليم. ايه يا حاجه ماتهدي كده علي نفسك مالك بالعه قطر.
سهي.. ايه حجه دي انت شايف سناني مكسره…
سليم.. تصدقي انا اللي غلطان اني قولت اجبر بخاطرك. واتكلم معاكي بعد ما الكل مشي كده..انا اللي غلطان اني بتكلم مع عيله صغيره…صحيح اللي يمشي ورا العيال..
سهي… اولا انا مقولتلكش تتكلم معايا وتسليني في وحدتي… ثنايا ايه عيله دي انت خدت عليا اوي ما تحترم نفسك…
سليم… وهو مكشر انتي قولتي ايه…
سهي.. . قامت وقفت.انا هقوم اشوف ماما..
سليم..قام وقف قصدها.ومسكها من اديها… انتي قولتي ايه..
سهي.. سيب ايدي انا راحه لماما..
سليم.. طب لما انتي جبانه كده.. بطولي لسانك ليه.
سهي… لا بقولك ايه انا سكتالك من الصبح..تنا لجبانه ولا خوافه وبعدين انت مستطول نفسك يعني..
سليم.. مستطول نفسي يابنتي بصي في مرايه كده وشوفي انتي رافعه عينك ازاي عشان تشوفيني وبعدين ابقي طولي لسانك براحتك.
سهي.. طب سيب ايدي بدل ما اعمل حاجه مش هتعجبك..
سليم.. باستفزاز اللي عندك اعمليه..
سهي.. بلاش.. هتزعل وبعدين اللعب مع العيال مش حلو ولا ايه يا كبير..
سليم.. انا قولتلك اللي عندك اعم وقبل ما يكمل كلامه كانت سهي ضربته في منطقه خطر بركبتها وطلعت تجري اول ما ساب ايدها…وابتسامه نصر علي وشها.
سليم…بألم اااااه يا بنت الجزمه ولله ما انا سايبك….
………..
رحيم.. خير ياجمر .
قمر.. واقفه قدامه بتوتر وبتفرك في اديها…
رحيم.. ما تنطجي ولا اسيبك وادخل عاد..
قمر.. خلاص هنطج .كنت عايزه اجولك.. يعني ان طريجتك معايا مش زينه هتفضل تتجاهلني لحد ميته اني اتأسفتلك وانت مش راضي تسمعني.
رحيم… واسمعك ليه ياجمر.. هو في كلام تاني يتجال بعد اللي جولتيه اشحال انك عارفه امجد بالنسبالي ايه وعارفه ان كلكم اهم حاجه عندي .طيب هجول اني السبب في خطف اخوكي ماشي . طيب واختي يا غبيه هخطف اختي ليه..
قمر… يا رحيم.. ولله كان غصب عني يعني كل اللي حصل ده وحكيتهولك..يخلي اي حد دماغه تشت عاد..
رحيم.. فين الدماغ دي يابت عمي مالاساس انتي شيلتي دماغك وحطيتي مكانها جزمه جديمه..
قنر.. بحزن .. الله يسامحك ياود عمي
رحيم.. شوفي ياجمر اني المفروض بعد اللي جولتيه ده ما عايزش اعرف ليوم الدين مش بس اجطع معاكي كلام.. بس مجادرش انتي عارفه انك كيف ساره عندي وانتو التنين من صغركم وانتو متعلجين بيا بس مكنتش اتوجع انك تشكي فيا عاد..
قمر.. سامحني يا خوي .. ولله مكانش جصدي… خلاص بجي عاد طب يارب اتخطف اني كمان
رحيم.. بنصف ابتسامه.. ماشي ياجمر…
قمر… صافيه لبن.
رحيم.. حليب يا جشده…
ضحكت قمر هي ورحيم.. ورجعو تاني دخلو عالقصر….
قمر… هي فين سهي.
سليم.. بالم واضح.. مش عارف تقريبا فالمطبخ معاهم.
قمر.. اني رايحالهم..
رحيم .مالك بتتلوي زي التعبان كده ليه.
سليم.. لا مفيش..
رحيم.. ايه روقتك ولا ايه..
سليم.. وديني لا ربيها.
رحيم.. بضحك… اضربت تحت الحزام يامعلم..تستاهل..
سليم.. انت فرحان فيا..
رحيم.. اه وللله تخيل
………………………… ……………………….
بعد كذا ساعه كان ابتدا الليل يدخل…وبعد ما اتغدو ..وخلصو..
دخل الغفير بعد ما استأذن .ياحضرت العمده في واحده ست بتجول عايزه سعادتك.
رحيم.. دخلها
ثواني ومانت داخل القصر امرأه منتقبه
رحيم..انتي مين…
سهي… باندفاع دي فرحه..
رفعت.. فرحه النقاب.. صح اني فرحه..
بصلها سليم بزهول..
اما سهي. فا رفعت كتفها في كبر وتحدي لسليم..
رحيم… بلهفه.. اهلا يافرحه فينك كل ده.. مكنتش عايز اتصل بيكي عشان ميحصلكيش مشكله..
فرحه… كويس انك متصلتش ابوي وسعيد طول النهار فالبيت ومصدجت خرجو وخد اغلب الرجاله معاه وبالعافيه عرفت اخرج من امي
رحيم… هي تعرف حاجه..
فرحه…ايوه عارفه كل حاجه.. وعارفه كمان اني جايه اهنه وبالعافيه عرفت اجي. منيها كانت جلجانه علبا..اني جولتلها تفضل واجفه فالشباك ولو حست باي حاجه تكلمني بسرعه..
رحيم.. طيب تنام.. ومش هأخرك .. متجلجيش..
الوقت اني عايز كل التسجيلات ..اللي عنديكي..
فرحه.. طلعت فلاشه…وادتها لرحيم.
فرحه.. الفلاشه دي عليها كل التسجيلات ….
ومن ضمنيهم في تسجيل.. بالمعاد والمكان..
رحيم.. ايه هو المعاد والمكان طيب.
فرحه… يوم الخميس… يعني بعد بكره.. والساعه 11بليل والمكان اني مهعرفهوش.. بس لازم تلافونه يتراجب عشان تكونو وراه وتعرفو المكان منيه.. وبردو هو جايل فالتسجيل مواصفات معينه يمكن لما تسمعها تعرف منيه المكان لاكن اني معرفهوش.. هو كل اللي فهمته انه مكان بيبعد عن العمار.. في وسط الطريج فالخلا…
رحيم.. تمام يافرحه.. روحي انتي عشان ميحصلكيش مشكله..وانا لو حبيت اعرف حاجه هكلمك.
فرحه…ماشي بس في حاجه مهمه حابه اجولهالك..
رحيم.. جولي يافرحه..
فرحه… اني حاسه ان المكان ده هيكون موجود فيه حور واختك وجوزها.. ميتهيأليش هيكونو في مكان تاني..
رحيم… صح يا فرحه.. حجيجي اني مغلطتش لما جولت انك حد مهم معانا..
سليم.. انتي ازاي كده..
فرحه… باحراج اكده ازاي…
سليم… انتي ذكيه جدا وطريقت تفكيرك خرجت بره إطار الصعيد هنا ..
قمر.. ومالهم بنات الصعيد عاد..
سليم.. زي الفل طبعا مش قصدي بس.الفكره ان انسه فرحه. ماشاء الله عليها مفيش كلمه بتخرج منها هي مش عارفه طريقها.. وبص لسهي بتشفي.. ده حتي خلت انسه سهي.. تنفز خطتها وتمشي وراها وهي مش حاسه..
سهي.. وهي الشرار هيطلع من عينها…
فرحه.. الكلام ده كتير عليا ياجماعه ولله.. كل الحكايه اني اتعلمت افكر زين..
معلش انب لازم امشي بسرعه زمان امي جاعده علي اعصابها..
رحيم.. استني اوصلك.. بسرعه عشان نكسبو وجت عاد..
فرحه.. لا ميصحش اني هروح بسرعه كيف ما جيت..
عشان كمان محدش ياخد باله…
رحيم.. تمام وجت ما توصلي وتلاجي كله تمام طمنينا .
فرحه.. حاضر ربنا يستر..
مشيت فرحه…
اما سهي.. كانت بتبص لسليم نظرات ناريه مش طيقاه…عشان مدحه في فرحه…
سهي.. بتكلم نفسها .. هو انا مال مضايقه كده ليه انا مالي اصلا ده انسان ,رخم…
بس شكله عجبك…
سهي.. عجبني ايه لا لا انا اصلا مش طيقاه..مش كفايه انه كان يقصد اني مشيت ورا فرحه زي العيله…
اما سليم.. كان كاتم ضحكه علي منظرها وهي هتموت وتولع فيه..
رحيم… اني هجوم الوجت يا جدي.. بسرعه اروح للواء شرف الدين.. وهبلغه باللي حوصل غشان مبجاش في وجت..
جده.. ماشي ياولدي ربنا معاك..
سليم.. انا جي معاك..
رحيم وهو ساحبه وبصوت واطي.. وانا يعني هينفع اسيبك دي سهي تولع فيك ولله بعد اللي عملته.
سليم.. انت ملاحظ بقي.
رحيم… ايوه يا اخويا ملاحظ عايز ترجع حقك بعد ما البت علمت عليك..
سليم.. بس متبولش علمت عليا بدل ما اروح اديها مطوه في وشها اللي زي القمر ده..
رحيم… بضحك… طب اركب يا وحش
وصل بعد مده رحيم وسليم وقابلو اللوا شرف الدين.. وادوله التسجيلات.. وعملو بحث بمواصفات المكان وتقريبا اتأكدو منه….
شرف. الدين…. رحيم.. مش عايز انبهك انك متحاولش تروح المكان لو روحت هتبوظ كل حاجه بلاش تسرع عايزين الوضع يبان طبيعي وافتكر ديما ان اي غلطه هتعملها هتعرض حيات المخطوفين للخطر..واي حاجه هتعملها من غير ما ترجعلنا احنا مش مسؤولين عنها.
انا هبلغ الظباط المكلفين بالمؤموريه عن الاخبار الجديده اللي وصلت ومتقلقش هيتعمل مسح فالمكان بطريقتنا وهنتأكد قبل العمليه.. اذا كان مخببهم هناك او لا..
رحيم.. تمام يا فندم..هستأذن انا..
شرف الدين.. اتفضل…
…………..
سليم.. فرحان انا بالبوء الاخير اللي قالهولك ده..
رحيم.. اشمعني..
سليم.. عشان عارف يا صاحبي دماغك كانت هتوديك لفين
..وكل كلمه قالها اللوا انت كنت ناوي عليها صح ولا غلط.
رحيم.. مش قادر امنع نفسي في اني اروح يا سليم….مش قادر استني.
سليم… وافرض رحنا وملاقينهمش فنفس المكان….
ده مجرد توقع مش اكتر ويمكن المكان اللي مخبيهم فيه مش هو ده..
رحيم.. مش عارف بس مش قادر..
سليم.. انت حبيتها ياصاحبي مش كده..
رحيم.. بتوتر انا لا اقصد يعني انا قلقان عليهم كلهم مش اكتر وبعدين انت لو كنت شوفتها وشوفت التعذيب اللي اتعرضتله اللي باين في كل جسمها… كنت هتعرف انا قلقان ليه…
سليم…. بضحك كمان وصلت لكل جسمها..
رحيم.. اتلم عشان متزعلش.. وبعدين اقصد من كلام الدكتوره .
سليم.. ماشي ياعم همشي ورا كلامك بس هقولك كلمه واحده… امشي ورا قلبك وصدقه ياصاحبي عشان الحب لما بيجي مينفعش نخبيه عشان لو خبيناه عنينا مبتقدر تخبي وبتفضحنا… وصدقني انا مبسوط عشان شايف الفضيحه في عنيك يا صاحبي….
اكتفي رحيم.. بابتسامه لسليم… ودور العربيه وطلع بيها…..
وراح عالبيت بتاع المزرعه ومقدرش يروح القصر تاني… حس انها وحشته وريحتها فالبيت وتخيله لوقفتها في كل مكان فالبيت وحشته….
…………
في مكان تاني…..
مايه.. مايه… عايزه اشرب..
امجد… ساره.. حبيبتي انتي كويسه..
ساره.. ايوه يا امجد بس عايزه اشرب..
امجد طيب جومي. براجه هاتي يدك…
ساره.. اني مش شيفاك…
امجد.. تعالي مسكتك اهه…
ساره… انت كويس…
امجد بالم باين في صوته حاول يخفيه..ايوه اني بخير خدي مايه اشربي.
مسكت ساره المايه وفضلت تشرب لحد ما شبعت…
ساره… هنضلو اهنه كتير اني خايفه..
امجد متجلجيش اني معاكي…
ساره… حور مش طالعلها صوت ليه…
امجد… مش عارف… شكلها نايمه من التعب..
ساره.. لو فضلنا اهنه اكتر من اكده هتموت .
امجد… اني مش عارف اعمل اي حاجه ياساره.. بالنهار… الرجاله جاعدين معانا.. ومغميين عنينا.. واول ما الليل يجي يشيلو الغمامه من علي عنينا ويمشو ومهنبجاش شيفين حاجه.. اني حاسس اني مهشفش النور تاني…
ساره بعياط…. يارب حلها من عندك..
امجد…. بطلي عياط.. عشان خاطري.. وتعالي براحه نشوف حور…
مسحت ساره دموعها… وقامو.. وفضلو يتسندو علي الحيطه.. ويمشو براحه يدورو علي حور…
ساره.. وه.. حاسب استني اني خبطت فيها …وطت ساره وامجد عالارض.. وقومو حور.. شويه….
فضلت ساره تخبط علي وشها براحه….حور.. حور.. جومي ياحور.. انتي سمعاني…
امجد..ايه الميه اللي مغرجاها دي..
ساره… ايوه صوح هدومها فيها ميه كتيير.
يمكن.. لما خدوها من شويه.. يضربوها.. يمكن عزبوها بالميه..
امجد.. معارفش.. بس الجو تلج.. اكده هتموت وولاد الكلب مسايبينش اي حاجه نطعطو بيها ..
ساره… ده حتي الشبابيك كلها مكسور الجزاز بتاعها وكأنهم جاصدين….عشان نموتو من البرد..
امجد… حاولي تفوجيها طيب…
ساره.. معيزاش تفوج اني خايفه يكون جرالها حاجه….
وبصوت ضعيف نطقت حور…. رحييييييييم جاي.
ساره.. فاجت يا امجد بتجولي ايه ياحور.. مسمعكيشي علي صوتك ..
حور… رحيممممم جاي……
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جحيم الصعيد)
