رواية جحيم الصعيد الفصل التاسع 9 بقلم أميرة أسامة
رواية جحيم الصعيد الجزء التاسع
رواية جحيم الصعيد البارت التاسع
رواية جحيم الصعيد الحلقة التاسعة
اتفتح الباب بتاع الاوضه براحه وعمل صوت سمع حور فا فتحت عينها براحه ناحيه الكنبه لقت رحيم نايم بصت ناحيه الباب لقت اللي واقف قدامها وخلاها صوتت …..
حورررررر… رحييييم رحييييم الحقني يارحيم…
فتح عينه رحيم وجري عليها ولمح الشخص اللي فاتح الباب وجري ناحيته بس هو كان اسرع منه هو واللي معاه.. وفلحظه…رحيم شاف اشخاص كنير مع الشخص ده واقفين وراه… حس انهم في خطر خلاص ومش هيقدر ينقذها ولا ينقذ نفسه…جري عليها وشدها من عالسرير.. وخباها ورا ضهره بسرعه نسيت وجع رجليها والالم والجروح ووقفت وراه ماسكه في ضهره تتحامي فيه وهي منهاره من العياط.. في لحظه رحيم حس ان كل حاجه هتنتهي وهيخسرها ويخسر حياته….لان عددهم كان كبير…ومهما كان هو قوي ويقدر يحميها لاكن في اوقات كتير الكتره بتغلب الشجاعه….
رحيم… عايزين ايه…
الشخص… عايزين السنيوره..اللي ورا ضهرك وفغمضه عين عنمشي من هنا..ولا حد هيقربلك… بس بعد عنيها….عشان متتأذيش..
رحيم…علي جثتي لو عايزيين تاخدوها يبقي هتاخدوها وانا ميت مش عايش….
الشخص… بعد عنيها احسنلك وفكر زين… الشجاعه اوقات بتأذي صاحبها ومش في كل وجت فتحه الصدر.. بتبجي زينه…
رحييييم…جولتلك مهتلمسوش منها شعره واللي هيجرب منيها هجتله ..ومحدش هياخدها غير واني جثه ..
الشخص…. يبجي انت اللي اخترت ومتلوميش غير نفسك….شوفو شغلك يارجاله…
دخل الرجاله واحد ورا التاني.. اما رحيم.. فا كان واقف قدام حور..وهي ضهرهافي ركن في الحيطه وماسكه في رحيم فضل رحيم.. يضرب في كل راجل يقرب منه وكانت بتطوله بعض الضربات كان بيسدد ضربات وكان في ضربات بتصيبه كان مركز جدا وحريص انه ميتصبش عشان يقدر يقف علي رجله ويحميها..اما الرجاله فيهم اللي كان بيقع من شده الضربه ويقوم تاني وفيهم اللي كان بيقع فاقد الوعي….حور…مبطبتلش عياط و صراخ خصوصا كل ما تيجي ضربه في رحيم…
اما رحيم.. فا كان بيضرب بكل قوته…لحد ما جتله ضربه قويه في بطنه.. افقدته توازنه… واستغل الرجاله الموقف…ومسكوه وفضلو يضربو فيه بكل قوتهم وكذا واحد فيهم مسكه وطلع شخص فيهم مطوه وغرسها في بطنه.. وبمجرد ما حور شافت صرخت بكل قوتها لااااااااااااااااااا رحيم لاااااا قوم والنبي..قوم متسبنيش لوحدي قوم انا مبقاليش غيرك رحييييييييم…
الشخص… مسكها من ايدها… تعالي ياحلوه مش وجت بكا عاد…
حور… سيبني انت عايز مني ايه انت مين… حرام عليك رحيم بيموت طيب سبني اتصل باي حد يلحقه وهاجي معاك…
شخص. اخر… يلا يا حلوه هي لسه فيها حد يلحجه البجيه في حياتك ده مات خلاص..
حور… لااااااااااا لااااا سبوني سبوني رحيييييم لااااااااااااا.
………………..
رحيم… حووور… حووووور. اصحي.. اصحي.. حور. فوقي…
عليكو واااااحد والشتيمه حرام
صحيت حور بفزع وكل جسمها غرقان مايه من العرق.. وعلامات الخوف والرعب والقلق علي وشها ونفسها سريع جدا….مسكت في ايد رحيم..
حور… انت كويس. صح.. انا بحلم مش كده..
رحيم… ايوه انا كويس وانتي كويسه ياحور.. انتي اكيد بتحلمي …
حور.. لا لا ده كابوس ده مش حلم ده كابوس كابوس كابوس..
رحيم.. بس بس اهدي خلاص مفيش حاجه.. خدي اشربي…
حور.. مسكت الميه بايد مرتعشه والميه بتقع منها.. مسك رحيم الكبايه منها وشربها براحه…
رحيم.. اهدي بقي كده وصلي عالنبي احنا بخير متقلقيش..
حور… عليه الصلاه والسلام…
رحيم… شوفتي ايه رعبك كده…
حور… شفت كابوس وحش اوي.. واحد فتح الباب وانا نايمه فتحت عيني لقيتك نايم مكانك زي ما كنت بالظبط واول ما صرخت انت جيت جري عليا.. كان معاه رجاله كتير وكانو عايزيني وانت مرضتش تسبني ابدا وفضلو يضربو فيك وانت تضربهم وفالاخر ضربوك بمطوه….. في بطنك ولما طلبت منهم اساعدك وبعدين اروح معاهم قالولي انك مت… فضلت حور تعيط جامد…
رحيم.. خدها في حضنه.. بس اهدي كل حاجه تمام احنا بخير ياحور.. ده مجرد كابوس عشان انتي الفتره دي خايفه ومتوتره ومريتي الفتره اللي فاتت باحداث كتير وحشه فا طبيعي يجيلك كوابيس….
وبعدين انا قولتلك قبل كده ان انا عامل باب مخصوص محدش يقدر يفتحه حتي لو ميت راجل بيحاولو يفتحوه… يعني انتي معايا هنا في امان….
حور……. الحمد لله انه كابوس.. وانه مش حقيقه…
رحيم.. الحمد لله ممكن يلا تنامي
حور.. لا لا انا مش هنام تاني انا خايفه…
رحيم.. خايفه من ايه بس.. يلا نامي بلاش دلع انا معاكي…
حور… طيب ممكن طلب…
رحيم.. طبعا..
مكن تفضل اعد هنا جمبي.. لحد ما انام…
رحيم.. بابتسامه… ااااه عشان ترجعي تطولي لسانك.. وتقوليلي انت استحليتها….
حور…بجديه لا ولله مش هقول خليك هنا انا خايفه بجد..
رحيم… خلاص يا ستي هفضل جمبك لحد ما تنامي… وبعدين معنديناش حريم تجول بخاف عاد…
ابتسمت حور لطريقته..
رحيم.. يلا نامي… ولف رحيم من الجهه المقابله ليها.. واعد علي طرف السرير.. وسند راسه لورا…اما هي.. فا نامت تاني عالمخده…وغمضت عينها في محاوله للنوم مره تانيه…اما رحيم. فرفع راسه من السرير وفضل باصص عليها وهي نايمه زي الاطفال وواخده مساحه صغيره من السرير…ابتسم غصب عنه.. وقضلت سرحان في وشها كتير كانت حور راحت فالنوم.. اما رحيم.. مقدرش يقاوم النوم فا راح فالنوم هو كمان جمبها……
عدت بعض الساعات..كان وقت الضهر…. فتحت حور. عنيها براحه…وحاسه في حاجه تقيله علي صدرها.. ركزت لقتها ايد رحيم… وهو نايم جمبها ورايح في سابع نومه.. اتخضت وثواني وابتدت تجمع افكارها.. وافتكرت الكابوس اللي شافته….شالت ايده براحه من عليها…..وقامت تتسند براحه عشان تدخل الحمام… وبعد معاناه والم وصلت ودخلت وقفلت براحه عشان ميصحاش.. وحست ان المغص رجعلها تاني .. فقررت تاخد شاور وتخرج تدور علي اي حاجه دافيه ..تشربها….بعد وقت بسيط.. خرجت براحه من الحمام… كانت لابسه ترنج اسود وعليه رسمه ارنب باللون الروز وماسك في جسمها..وصلت لباب الاوضه.. وفتحت براحه وخرجت وسابته تكمل نوم…فضلت تدور علي حاجه فالمطبخ. المطبخ كبير وهي مش عارفه مكان اي حاجه فضلت تخبط وترزع وتفتح الدرف وتقفلها.. صحي.. رحيم.. علي صوت الازعاج ده بص جمبه ملقهاش.. اتنطر بسرعه من مكانه وراح علي صوت التخبيط.. بص من بعيد.. لقاها واقفه تكلم نفسه..
حور… يعني ياربي.. بيت طويل عريض.. مفيهوش. اي حاجه دافيه الواحد يشربها.. كله قهوه ونسكافيه وشاي…
بني ادم غريب وبيته غريب وطبخه غريب .. كل حاجه فيه غريبه…طب اروح اصوت في ودنه اصحيه مصروع عشان يجي يشوفلي حاجه اشربها.. بس لو رحت مش بعيد يديني بوكس يموتني فيها.. طب اعمل ايه ياربي مش قادره اقف علي رجلي خلاص.. وبطني هتموتني..
رحيم… ماسك نفسه من الضحك…
حور…. انا تاعبه نفسي لي. مانا اروح اخبطه بالمخده يقوم يديني مسكن ويعرفني حاطط حاجته فين في مغاره علي بابا دي… وبتلف لقت رحيم.. واقف ساد عالباب ومربع ايديه.. ورافع حواجبه…
حور…. عاااااااااا ..حرام عليك صرعتني انت واقف من امته..
رحيم.. بضحك من منظرها….لما انتي خوافه اوي كده وبتتخضي من اقل حاجه عامله فيها سبع رجاله ليه ولسانك ديما طويل… انا واقف هنا من ساعت ما كان مفيش حاجه عجباكي لا فيا ولا فالبيت وشايفه كله غريب
لحد ما كنتي عايزه تيجي تصوتي في ودني.. لحد ما قررتي تيجي تديني بالمخده….
حورررر. لا بقولك ايه انت هتعمل عقلك بعقلي وبعدين انا واحده واقفه تكلم نفسها انت ايه دخلك انا جبت سيرتك ولا دوستلك علي طرف….
رحيمم. بضحك جبانه… ايه اللي صحاكي….
حور.. هو انا المفروض افضل نايمه احنا بقينا الضهر حضرتك..
رحيم… يابت بطلي طولت لسان..
حور.. حطت ايدها علي بوئها اهو
رحيم… وسعي كده لما اعمل الفطار لجنابك.. بقيت شغال داده عندك..
حور… لا انا مش عايزه افطر انا عايزه مسكن وعايزه اشرب حاجه دافيه…
رحيم.. فهم انها تعبانه.. وحب يرخم عليها….ليه ؟؟ايه اللي بيوجعك…
حور.. اتلغبطت ومعرفتش ترد…
لا انا مش تعبانه انا عادي يعني بحب اشرب حاجه دافيه..يعني عادي
رحيم.. بس بس خلاص ضربتي لخمه عشان سؤال ومع ذلك حاضر هعملك حاجه دافيه وبرضو هتفطري عشان تاخدي علاجك…وهديكي مسكن عشان بطنك مت جعكيش…
حوررر…
رحيم.. كاتم ضحكه علي منظرها… واداها ضهره وفضل يحضر….اما حور فا فضلت علي وضعها..
حور…
رحيم.. هتفضلي مبلمه كده يلا روحي اعدي لحد ما احضر عشان رجليكي متتعبش من الوقفه…
حور…. علي فكره…لف رحيم وشه ليه وسند بضهره عالرخامه… وسند بايده الاتنين عالرخامه…افندم…
حور…. انت قليل الادب ومش مؤدب..
رحيم…… نعم…
حور… انا هروح اعد لحد ما تخلص الفطار
ومشيت من ادامه بسرعه علي طراطيف صوابعها وراحت اعدت ادام التلفزيون وهي بتبصله بنص عين…
اما رحيم.. فا فضل يضحك من جواه علي المجنونه اللي خطفته ب٠مالها وعيونها. وخفه دمها وطفولتها…
وطولت لسانها…
بعد مده كان رحيم حط الفطار .. وكلو وخلصو واداها العلاج…. وشال الامل وظبط الدنيا ..
حور… تصدق انت فعلا غريب…
رحيم.. ليه تاني..
حور.. يعني اول مره اشوف راجل منظم وبيعرف يعمل اكل وبيحب البيت ديما نضيف مع اني من يوم ما جيت هنا مش فتش حد جه نضف او عمل حاجه انت اللي بتعمل كل حاجه بنفسك…
رحيم… انا لما عيشت فالقاهره كنت لوحدي اتعلمت الاكل طبعا مش كله حاجات بسيطه او بمعني اصح الحاجات اللي بحبها.. انا بطبعي مش بعرف اعد في مكان مش نضيف بحب اشوف كل حاجه ادامي منظمه. مبحبش الاهمال وده طبع معرفش اغيره.. بس ياستي…
حاجه تاني…
حور… لا..
رحيم… هتاعدي هنا مش عايز اسمع صوت ولا لعب عيال…ادامك التلفزيون اهو.. والريموت جمبك اتفرجي علي اللي يعجبك .. زهقانه اسمعي اغاني وحطي الهاند في ودنك المهم مش عايز ازعاج.. عشان في شغل مهم لازم اخلصه. تمام….
حور…. بزهق طيب.. انت هتاعد فين..
رحيم.. هعد عالمكتب هناك.. عشان لو حبيتي تعلي تبقي براحتك وانا اعرف اشتغل حاجه تاني….
حوور.. لا بس يعني..
رحيم… خير عطلتي تاني ماتكملي..
حور.. ايه عطلتي دي هو انا عربيه…. هي دكتوره سماح هتيجي انهرده…
رحيم… اه هتيجي بليل زي كل يوم…
حور… طيب هو لنا ينفع اكلمها..
رحيم… ليه خير. بقيتو صحاب..
حور… لا بس كنت عايزه اقولها حاجه….
حور… كانت محتاجه منها تجبلها حاجه من الصيدليه عشان اللي معاها خلصو.. وهي محروجه تقول لرحيم وخايفه تقوله تنزل يقتلها فيها…
رحيم…اطمني اللي عايزه تقوليهولها انا قولتلها تجبهولك حاجه تاني…
حوووور…
رحيم.. بضحكك الحمد لله اخيرا سكتت…
حور… علي فكره انت… قاطعها رحيم… عارف رخم وقليل الذوق وقليل الادب ومش متربي. حاجه تاني…
انتي عارفه يابت انتي انا مش عارف ايه اللي مسكتني علي طوله لسانك دي…
حور..
رحيم… انا لوحد تاني كنت دفنته مطرحه.. مبقاش غيرك يا اوزعه يكلمني انا كده…
حور.. انا اوزعه
رحيم.. ايوه.. ويلا العبي في اي حاجه لحد ما اخلص شغل عشان هنزل…
حور… ليه…هتنزل ليه هتروح فين…القصر صح .. طب هتتأخر .
رحيم.. يابت افصلي شويه.. وبعدين انتي مالك هو انتي مراتي وانا معرفش..
حوور.. بصوت واطي.. انت تطول
رحيم… انا قايم عشان مرتكبش فيكي جريمه….
حوور… جريمه مختار
رحيم.. عض شفايفه وكور قبضه ايده كأنه هيضربها بالبوكس…
حور… اتفضل ياباشا شوف شغلك..
مشي رحيم.. وهو كاتم ضحكه …
فضل رحيم.. اكتر من 3ساعات يشتغل وفصل تماما كأنه لوحده كان مندمج فالشغل جدا وكل شويه مكالمات ويرجع يكمل عاللاب توب..
وحور.. شويه تندمج مع الافلام وشويه تبص عليه
ورجع جاتله مكالمه تاني من سليم صاحبه…فضل يكلمه كتير… ويخلص شغل معاه..
سليم… كده تمام ..كله مظبوط.. المهم بقي قولي..
رحيم… ايه ارغي…
سليم.. جاي امته انت المفروض تيجي بعد بكره صح..
رحيم.. ولله ياسليم لسه مش عارف..
المفروض ارجع بعد بكره زي ما احنا متفقين.. بس انت عارف الظروف اللي فيها ممكن اجل تاني يومين كمان..
سليم… لا ياراجل انت اعد مبسوط.. وانا هنا شايل الطين فوق دماغي..
رحيم.. حقك عليا ولله غصب عني كلها كام يوم وارجع وهشيل عنك ياعم ولو حابب تاخد اجازه ابقي خد…
سليم… المهم انت بس متتأخرش.. انت وحشتني واعد زهقان جداا ومش لاقي حاجه اعملها..
رحيم.. ما شي ياعم هاجي وهظبطك متقلقش..
سليم.. ايه ده بجد هتظبطني..
رحيم… ياض استرجل بدل ما اجي اروقك..
سليم. بضحك.. ماشي ياعم.. العريس اخباره ايه..
رحيم.. متجبليش سيرته عشان مش طايقه .
سليم.. ليه عملك ايه..
حكاله رحيم.. عالموقف اللي عمله لما كان عايزه يتصرف عشان يعرف يمشي ويرجع لحور.
فضل سليم يضحك..
احسن ولله فرحان فيك.. ما تسيبه بقي ياعم وطلعه من دماغك شويه… انت كنت قارفه في عيشته دي بقت مراته خلاص..
رحيم… ماشي يا خويا .. يلا اقفل خليني اخلص…يا دي النيله ادي بوز الاخص بيتصل عليا جبنا في سيره القط جه ينط..
سليم.. رد عليه والنبي دخله معانا في المكالمه عشان اسلم عليه
رحيم.. استني..خليك معايا..
رحيم… نعممممم عايز ايه.
امجد بضحك… بزمتك ده رد ترده علي جوز خيتك..
امجد.. مش قادر يمسك نفسه من الضحك..
هو وسليم. سليم… ازيك ياعريييييسس
امجد… وه سليم باشا معانا عالخط واحشنب ولله
سليم.. انت اكتر.. ايه اخبار الجوازز
امجد . وه ده مهينفعش فالتلافون عاد ده عابزه جعده
سليم بضحك الله يرحمك يا امجد
رحيم.. امجد اصطبح وجول ياصبح بدل ما اجي اعرفك شغلك زين اني لا طايجك ولا طايج اشوفك..
وه مالك اكده مش انت اللي جولتلي اتصرف واديني انقذتك.. واتصرفت زعلان ليه عاد..
رحيم….. اللهم اطولك ياروح.. انت شكلك فايج عالصبح.
عايز ايه عاد…
امجد… هتاجي ميته عايزين نجعدو معاك شويه عشان تعرفني فيك ايه عاد وكنت عايز تمشي ليه وعشان كمان نسلمو عليك جبل مانسافرو بكره بأمر الله
سليم.. علي فين يا عريس..
امجد.. علي شرم يا صاحبي.. اصل رحيم. حبيببي وولد عمي.. حاجزلنا نجضو شهر العسل عشان ندلع اني وخيته…
سليم…. ميت من الضحك ..
رحيم.. انت عارف اني هاجي صوح بس متزعلش من اللي هيحصول فيك..
امجد.. بضحك.. خلاص ولله بضحك معاك متزعلش.. هتاجي امته بجي…
رحيم… ساعه اكده واكون عنديكم..
امجدد.. ماشي هستناك متتأخرش عشان نتغدو سوا..
رحيم.. تمام يلا غور..
امجد.. ماشي يا ابو نسب…
سليم…. رحيم.. ؤوح اقتله..
رحيم..متوصنيش..
وقفلو مع بعض…
قفل رحيم التليفون واللاب توب.. وبص ناحيه حور…وهي اعده بعيد…
لقاها جايبه كرتون.. وحاطه مخده علي رجلها وسانده عليها بدراعها.. وحاطه كف ايديها الاتنين علب خدها. كانت عامله زي الطفل اللي سرحان في عالمه الخاص..
راح قرب. منها…رحيم.. انا مغلطش لما قولت عليكي عيله..
اما حور. فا مكنتش معاه اصلا..
رحيم.. حوووور..
حور.. ايه في ايه بتزعأ ليه..
رحيم.. ايه اللي بتتفرجي عليه ده.
حور.. ده نيمووووو
رحيم.. مين نيمو ده..
حور.. ده فيلم بتاع السمكه نيمو تاه من باباه وباباه طول الفيلم بيدور عليه هو ودوري..
رحيم.. ومين دوري دي كمان…
حور.. دي عبله كامل ..
رحيم.. ايه اللي جاب عبله كامل في الفيلم..
حور.. ماانت مش فاهم.. هي عامله الصوت بس.. يعني الدبلچه وبس..
رحيم.. اااااه ربنا يشفيكي..انا هقوم اجهز.. عشان اروح القصر اشوف امي وجدي واعد مع امجد وساره شويه عشان هيسافرو الصبح يقضو شهر العسل.. ولما يرجعو اكيد هكون انا سافرت…
حور.ر.اه صحيح انا اسفه بس سمعتك وانت بتكلم صاحبك عالرجوع.. انا بقيت كويسه ممكن نمشب من هنا وكفايه تعطيل لشغلك ..
رحيم.. انا هسافر لما الدكتوره تقول انك اتحسنتي شويه..ولما نسافر.. اعملي حسابك انك مش هتاعدي في البيت بتاعكم..
حور.. نعم امال هعد فين…
رحيم… هشوفلك مكان تاني… لان عمك وابنه اكيد هيروحو يدورو فيه.. وانا عايز اخفيكي لحد ما اظبط الدنيا…
حور.. بس انا عايزه اروح البيت وعايزه ازور امي.. وعايزه اشوف سها وطنط حنان.. انا زهقت..
رحيم.. هعملك كل اللي انتي عيزاه وهنكلمهم ونفابلهم ونفهمهم كل حاجه..
حور.. طيب اجازه نص السنه قربت تخلص والدراسه هترجع هعمل ايه..
رحيم.. هظبط كل حاجه متقلقيش مفيش حاجه هتفوتك.
حور.. رحيم عشان خاطري.. سيبني براحتي انا تعبتك بما فيه الكفايه والانت عملته معايا كتير شوف حياتك ودنيتك ومتوقفش حياتك علي مشاكلي..
رحيم… انا قولت خلاص وياريت بلاش عند وتنشيف دماغ لانك بتتكلمي مع صعيدي.علي فكره…
واعملي حسابك اني مش هسيبك ياحور غير لما ارجعلك حقك وتبقي في امان ساعتها بس هسيبك..
حور… بحزن.. يعني مش هتكلمني تاني..
رحيم… وجواه مشاعر كتير متلغبطه مش عايز يمشي ورا قلبه وعايز يحكم عقله خايف يعشم نفسه بحاجه وتطلع مش موجوده وتطلع حور مش بتبادله نفس الشعور..
رحيم… اكيد لا مش كده بس هسيبك تكملي حياتك زي ما تحبي ووقت ما هتحتاجيني هتلاقيني..
حور. بحزن.. ان شاء الله..يلا قوم روح لاهلك عشان متتأخرش.. حس.. بتغيرها.. بس كلم نفسه.. كده احسن ليكي ياحور.. كفايه فرق السن اللي بينا ليه تتعلقي بواحد اكبر منك ب11سنه…
وبعد كلام بينه وبين نفسه .. خلص شاور ولبس
رحيم.. انا هروح ومش هتأخر.. عايزه حاجه اجبهالك وانا جاي..
حور..بأختصار لا شكرا..
رحيم.. انا هقفل عليكي كويس.. وخدي ده..
حور.. ايه ده..
رحيم.. كتبتلك رقمي في ورقه لو عايزه اي حاجه او حصل اي حاجه.. كلميني من التليفون الارضي ده..
حور… حاضر..
رحيم.. سلام..
حور.. باي…
مشي رحيم… وفضلت حور.. حزينه وخايفه…من لحظه الفراق مره تانيه…
راح رحيم… قضي وقت مع عيلته…
وبعدها راح مع امجد وساره عالجنينه بتاعت القصر… وحكالهم كل حاجه.. حصلت تخص حور من ساعت ما شافها لحد الوقت..
ساره.. وه يعني هي جاعده معام في نفس البيت عاد.
رحيم.. ايوه امال كنت اسيبها وهي فالحاله دي.. خصوصا ان ملهاش حد.. ملهاش غير عمران الكلب ده وانا حكتلكم عمل فيها ايه..
امجد… طول عمري ما هحبوش لا هو ولا ولده..
ساره.. ولله صعبت عليا جوي.. حتي امها مودعتهاش احساس صعب جوي..
رحيم.. هي حالتها وحشه جدا يعني بتضحك وبتهزر وتحسيها طفله ومجنونه بس هي من جواها تعبانه..
ساره.. بس اجولك خاجه ومتزعلش مني..
رحيم.. قولي..
ساره.. اني ليه حاسه انك مهتم بيها جوي..اكده
امجد… صح ياساره شكل اخوكي وجع .
رحيم.. بلاش انت عشان متزعلش..
امجد.. سكت خلاص..
رحيم.. انا بمكن اكون مهتم بس لو شوفتيها هتعرفي احساسي انا اول ما شوفتها حطبتك مكانها ياساره وقلبي وجعني ومن يومها وانا مش عارف ايه اللي بيحصل..
ساره.. متسبهاش يا خوي.. اللي مرت بيه كتير وهي لسه صغيره.. بس اني عايزه اشوفها..
رحيم.. حاضر.. بس مش عارف امته انتو اكيد لما ترجعو هنكون احنا روحنا القاهره..
امجد.. خلاص بعد ما تمشي بشويه.. هنجيلك انا وساره ونجعدو معاك شويه..
ساره.. صوح.. زينه الفكره دي.
رحيم.. بيعض علي شفايفه وشرار طاير من عينه لامجد..
امجد.. مالك هتبصلي كده ليه. ما خيتك اللي عايزه تشوفها..
رحيم.. ماشي هستناكم بس امك وجدك ميعرفوش. شوف هتقولو ايه.. بقي تلمهم محدش يعرف غيركم
ساره.. اطمن..ماهنجولش لحد كده كده
هما بينامو بدري كلهم هنيجي بعد ما الكل ينام عاد..
رحيم.. تمام.. هقوم انا بقي عشان اروح وابلغها وهستناكم..
ساره.. ماشي واخنا هنحضرو الشنط عشان ميبجاش ورانا حاجه..
رحيم.. تمام يلا سلام..
امجد وساره سلام….
دخل رحيم. سلم علي جده وامه.. ومشي.
راح البيت.. لقي حور نايمه عالكنبه.. صحاها..
كانت مضايقه..
وزهقانه..
رحيم.. يلا قومي عشان تاكلي انا جبتلك الغدا..
حور. مش عايزه..
رحيم.. لازم تاكلي عشان تاخدي الدوا وبعدين في مفجأه لو كلتي هقولهالك عشان الزهق اللي انتي فيه ده يمشي .
حور. بفرحه. بجد مفجأه ايه..
رحيم. لما تاكلي الاول..
حور.. طيب يلا ناكل…
رحيم.. لا انا كلت معاهم عشان امي وجدي ميزعلوش فضلو يقولولي كتير مكنتش هعرف ازعلهم..
حور.. بنعل مش هاكل..
رحيم.. خلاص مفيش مفجاه..
حور.. طيب خلاص هاكل..
كلت حور وخلصت وخدت العلاج..وشويه وجت الدكتوره غيرت عالجرح.. وادتها فالسر اللي رحيم طلبه منها..
وبعدها مشيت …
شويه.. وجه امجد وساره رحيم عرفهم عليها وعرفها عليهم.. فضلو يتكلمو ويضحكو الجو كان حلو جدا وحور اتبسطت اوي معاهم.. وحبت ساره اوي.. اللي بتشبه رحيم لحد كبير.. حست انها طيبه وفكرتها بسها.صحبتها.. وبعد مده سلمو علي بعض . عشان يمشووو.. عشان يلحقو ياخدو الشنط ويسافرو….
مشيت ساره وامجد بعد ما ودعوهم…
وبعد سهر وتعب نامت حور ونام رحيم…..
وفي صباح يوم جديد.. في وقت الضهر تحديدا صحي رحيم وحور. علي صوت تليفون وكان بيرن ومش بيفصل
رحيم.. ده جدي..
حور. طيب شوفه عايز ايه رد رحيم عالتليفون
رحيم.. الووووو ايوه ياجدي..
جده…..ايوه يارحيم يا ابني. ساره وامجد عنديك
رحيم.. لا يا جدي..ليه في ايه زمانهم سافروو
جده…. لا ياولدي.. شنطهم فالاوضه زي ما هي..
رحيم…. يعني ايه.. هيكونو راحو فين عاد ..كلمتوهم عالتليفون…
جده… تلافون ساره فالاوضه.. وتلافون امجد مجفول..
رحيم.. اجفل يا جدي اني جايلك حالا اني والغفر…
حور.. في ايه…
رحيم.. ساره وامجد مش فالقصر ومسافروش وشنطهم فالبيت ومحدش عارف هما فين.
حور.. خير ان شاء الله طيب اتصل بيهم..
رحيم. وهو بيلبس بسرعه.. ساره تليفونها فالبيت وامجد مقفول..
حور… طيب يمكن سابو شنطهم وخدو حجات بسيطه..
رحيم… في حاجه غلط ….انا هنزل الوقت بسرعه اروح القصر وهعمل شويه اتصالات كده ويمكن خير..
حور.. ان شاء الله تروح تلاقيهم..
رحيم.. خلي بالك من نفسك .. انا هروح اشوف الوضع هناك وهرجع وخليكي معايا عالتليفون ..
حور.. اطمن… وخلي بالك من نفسك وابقي طمني…
رحيم. وهو بيفتح الباب…ربنا يستر.. سسلام.
حور.. سلام. وقفلت وراه الباب ……….
ولاكن ما خفي كان اعظم.. واللي جاي.. مش خيرر
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جحيم الصعيد)
