رواية جحيم الرجال الفصل الخامس 5 بقلم جمانة وائل
رواية جحيم الرجال الجزء الخامس
رواية جحيم الرجال البارت الخامس
رواية جحيم الرجال الحلقة الخامسة
اشتغلت سيلين مع عمرو، وكانت عايشه معاهم كويس جدًّا، وفي مرة
كاميليا: عمرو هو أنت فين؟
عمرو: في الشغل بس سيلين تعبت وروحت
كاميليا: ازاي تسيبها يا عمرو؟ جاسر عرف مكانها وزمانه في الطريق جه عندي وهددني وقالي أنه عرف مكانها ومشي
عمرو: طيب أنا رايحلها متقلقيش هبقى اكلمك
حاول عمرو يكلم سيلين بس مكنتش بترد خالص وبعدين وصل
عمرو: أنتِ قاعده بتهزري وسايباني خايف عليكِ؟!
سيلين: في ايه يا عمرو ما أنا قايلالك اني تعبت ف روحت
عمرو: إزاي تقوليلي بعد ما تمشي!
سيلين: ما أنت كنت في اجتماع
عمرو: ومش عارفه تستنيني يعني؟
سيلين: معلش يا عمرو لو أنا عامله مشاكل أوي كده هسيب الشغل
عمرو: وياريت لو تسيبي البيت كمان
دلال: في إيه يا عمرو ما براحه شوية على البنت يعني ما هي قالتلك أنها تعبانه
عمرو بص على دلال ودخل اوضته
دلال: معلش يا سيلين هو بس متضايق أكيد حصل حاجه في الشغل لا حاجة يعني متركزيش
سيلين: مش هزعل منه هو اخويا يعني محصلش حاجه، أنا همشي اروح فندق كده كده كنت هقولك بس يعني قولت لما الصداع يروح عشان اعرف اتكلم
دلال: فندق ايه بس اللي تروحيه بقى وأنا موجودة؟
سيلين: شكرًا ليكِ والله بس كفايه كده أنا كنت هقعد يومين بس عشان اظبط احوالي والحمد لله بقت كل حاجه تمام
دلال: لا خليكِ معانا
سيلين: يا طنط والله ما حصل حاجه أنا هروح بس اظبط أحوالي وكده وهبقى اجيلك
دلال: بس كده جاسر هيعرف يوصلك
سيلين: هروح اعمل فيه محضر عدم تعرض وهرفع عليه قضية خلع متقلقيش عليا خالص
دلال حضنتها وقالت: أنا والله كنت بعاملك زي بنتي بالظبط بس طالما مصرة انك تمشي وهتزوريني ف خلاص شوفي مصلحتك وامشي وراها المهم متتأخريش عليا
ابتسمت سيلين ولمت حاجتها
دلال: خدي الفلوس دي عشان اكيد هتحتاجيها
سيلين: لأ لأ مش مهم أنا معايا
دلال: خديهم وابقي رجعيهم يا بنتي حتى!
اخدتهم سيلين ومشيت راحت ترفع عليه القضية بس قبلها راحت للطب الشرعي عشان تثبت أنه كان بيتعدى عليها
راحت الفندق حجزت الأوضة عشان ترتاح وبعدين كلمت كاميليا
كاميليا: إيه مشاكِ من عنده يا بنتي؟
سيلين: عادي يعني حصل سوء تفاهم
كاميليا: سوء تفاهم إيه بس يا سيلين أنتِ حياتك كانت هتكون في خطر
سيلين: مش فاهمه
كاميليا: لما مشيتي من الشغل كان بردو لسه جاسر ماشي من عندي كلمت عمرو وقولتله أن جاسر عرف مكانك وجايلك بس واضح أنه كان بيخوفني مش اكتر!
سيلين: قريب أوي مش هيكون في خوف تاني
كاميليا ضحكت وقالت: هتقتليهم ولا ايه؟
سيلين: للاسف مش هعرف بقى بس هنتقم بجد منهم أنا رفعت قضية على جاسر وهكسبها وهعمل محضر عدم تعرض بعدها، المهم تعرفي حد يقدر يدخل على جهاز مامته؟
كاميليا: معاكِ رقمها؟
سيلين: معايا
كاميليا: ابعتيه وهخلي حد يجبلك المعلومات والمكالمات وكل حاجه
سيلين: تمام
بعتت سيلين رقم موبايل إسراء وبعدين عرفت تدخل عليه وتسجل المكالمات والرسايل ولأن المكالمات كلها كانت مسجله سمعت سيلين المكالمة وعرفت إنها كانت بتحط حبوبMifepristone عشان تنزل الجنين بس لانها مأخدتش منه كتير ف كان موجود بس ضعيف عشان كده جاسر اول ما ضربها نزل البيبي
اخدت سيلين سكرين شوت للشات اللي بينها وبين الدكتور وبعتت تسجيل المكالمات عن طريق البلوتوث على موبليلها وراحت القسم.
عند إسراء وجاسر:
– مطلوب القبض عليكم أنتم الاتنين الاستاذة إسراء بتهمه قتل الجنين بتاع استاذة سيلين واستاذ جاسر بتهمه تجارة السلاح ومساعدتك في قتل الجنين.
إسراء بكدب: أنا معملتش حاجه
– اتفضلي معايا على القسم
إسراء: مش رايحه في مكان.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية جحيم الرجال)
