رواية جبروت ذئاب الصعيد الجزء الثاني الفصل الثامن عشر 18 بقلم ميمو مصطفى
رواية جبروت ذئاب الصعيد الجزء الثاني الجزء الثامن عشر
رواية جبروت ذئاب الصعيد الجزء الثاني البارت الثامن عشر
رواية جبروت ذئاب الصعيد الجزء الثاني الحلقة الثامنة عشر
الشخص بابتسامة : ايه مالك ونهاري اسود ليه هتسودي دا احنا نهارنا فل
جنة بغضب : انت عايز ايه بظبط
الشخص : عايز اتعرف علي ست البنات
جنة : علي فكرة هقول لمحمد
الشخص : هتقوليلو ليه طيب اديني فرصة نتعرف والله ما هتندمي
جنة : اشمعني يعني
الشخص : معحب بيكي من اول ما شوفتك
جنة بتفكر : بس تعارف بس
الشخص : وانا موافق انا امير مندور صاحب اكبر شريكات في لبنان
جنة بابتسامة : لبنان انت عايش في لبنان
امير : اه متربي في لبنان وشغلي وكل حاجة ليا في لبنان بس مصر بلدي برضو
جنة : يعني انت جاي مصر زيارة
امير : حاجة زي كدا ها مش تعرفيني علي نفسك بقي وتقوليلي اسمك
جنه بضحك : يعني قدرت تاخد رقمي من اخويا ومقدرتش تعرف اسمي
امير بضحك : عندك حق بس انا عرفته طبعا لما لقيته متسجل باسم اختي جنة اسمك جنة صح
جنة : اه صح بس غريبة ان محمد خلاك تمسك تليفونه اصلا
امير بضجك : اصله بيعزني وبيثق فيا اووي
جنه بسخرية : وانت قد الثقة دي اوووي
امير : اوعي تفهميني غلط دا بس الحب يعمل اكتر من كدا
جنة : حب
امير : قصدي حب اخوكي ليا ايه انتي فهمتي ايه بس تعرفي
جنة : ايه
امير : انتي حلوة اووي
جنه اتكسفت ووديت وشها الناحية التانية : المهم انت عايز مني ايه
امير : عايزك تخليني انول شرف معرفتك ممكن
جنة : ممكن بس بشرط اوعي محمد يحس بحاجة
امير بابتسامة خبث : لا طبعا متقلقيش وانتي كمان اوعي تحسسي بحاجة
(((عند رعد و محمد)))
(((رعد مازال بيجري وراء محمد حتي وصل الي مكان شبه صحراء وكان خلاص علي بعاد خطوة لوصوله لمحمد لكنه ظهر فجاة سيارة خبطت رعد بكل قوتها وقع رعد وهو ينزف وقف محمد وتلك السيارة ظهر من تلك السيارة ثروت الحبشي )))
ثروت : هاتو ( شالة رجالة ثروت رعد الي السيارة )
محمد : انتو جيتو منين
ثروت : اركب ملكش دعوة انت
(((ركب محمد وبداء ثروت ومحمد يحركة رعد شمالا ويمينأ لكنه لم يتحرك نهائي ))
محمد بشمأته : شكله الديزل ودع
ثروت بضحكة شيطانية : هههه احسن ريح واستريح
شخص اخر : علي فكرة دا مات فعلا
ثروت : طيب فتشو وخدو اي حاجة تخصة و اقرب مكان فاضي ودينا في
شخص : حاضر يا باشا
ذهبت السيارة الي مكان صحراوي وعندما وصلة اليه
ثروت : ارمو من العربية بسرعة
(((محمد شاله ورماه وذهبت العربية مسرعأ )))
محمد بضحكة هستيريا : خلصت منك اخيرا يا رعد خد بتأري ياااه كان نفسي في اليوم دا اوووي
ثروت خبط علي كتفة : اي خدمة يا بطل بس المهم تفضل معانا
محمد : ليه مش خلاص رعد وخلصته منه عايزني تاني ليه
ثروت : ايه زهقت مننا مش عايز تبقي من رجالتي
محمد : لا مش القصد انا بسال بس
ثروت : تمام لسه مخلصناش من عمك زين زين هو الاساس وعايز ريتا ريتا ملكي انا وبس
محمد : طيب وايه المطلوب مني
ثروت بسرحان : انا عرفت ان عندهم فرح انهارده صح
محمد باستغراب : فرح فرح مين
ثروت : مين اللي مفروض يبقي عارف
محمد : انا بعيد عن البيت من فترة كبيرة معرفش حاجة عنهم
ثروت : المهم انت عرفت اهو اسمعني بقي كويس
محمد : ها سمعك يا باشا
(((عند جنة و امير )))
امير : مبسوطة
جنة : جدا عمري ما كنت مبسوطة زي انهاردة
امير : ولسه هتنبسطي اكتر
جنة بابتسامة : طيب ممكن نروح بقي الوقت اتاخر
امير : يالا عشان محدش يزعلك مقدرش اخلي حد يزعلك
(((في منزل السيوفي )))
فرحة رايحة جاية قلقانه جاءت اليها ليلي : مالك يا فروحة
فرحة بوجع قلب : معرفش يا ماما حاسة قلبي مقبوض مش مرتاحة قلقانه اوووي علي رعد وبذات من السفرية دي
ليلي : متقلقيش يا حبيبتي انتي بس عشان عارفة الظروف اللي هو فيها والسفرية دي مش ساهلة
فرحة بدموع : مش عارفة يا ماما بس قلبي مش مطاوعني وحاسة في حاجة مش مظبوطة
منار : مالك يا فرحة بتعيطي ولا ايه
فرحة بتمسح الدموع اللي نزلت : لا يا مرات عمي مفيش حاجة
منار : هتخبئ عليا برضو ومالك ايه الدموع دي
ليلي : قلقانه يا ستي علي رعد بتقول قلبي مقبوض عليه
منار بقلق : هتقلقيني عليه ليه بس
فرحة : ان شاء الله خير هو قالي اول ما يوصل المطار هيكلمني
منار : هو هيسافر ازاي وهو هربان اصلا
فرحة : بيقول اللواء هيتصرف تقريبا هيطلعلو باسبورد باسم جديد
منار : طيب لو كلمك طمنيني عليه عشان وغوشتي قلبي عليه
فرحة بتحاول متقلقهاش : متقلقيش دول هما كلهم 3 ايام عميه
زين : في ايه مالكم وقفين اكدي ليه
فرحة : يعني مستغربتش يا بابا اني انا هنا
زين بابتسامة : رعد كلمني وقالي انكم جايين
فرحة بفرحة : كلمك دلوقتي
زين : لا الصبح
فرحة : اه
زين : المهم انتي بخير
فرحة : الحمدلله يا بابا بخير
زين : دايما يارب ( ثم نظر لمنار ) ومال فين العريس يا منار
منار : العريس في قوضة
زين بغضب : ماشي ( ثم طلع اليه )
(((في غرفة لوجي ))
لوجي بدموع : كان نفسي اليوم دا يا ماما يبقي مختلف
سمية بدموع : وانا كمان بس انتي ضيعتي كل حلمي اني اشوفك عروسة بالفستان الابيض
لوجي : وانا حلمي اللي كل بنت بتحلمه ضاع فجاة بدون اي مقدمات يا ريتني ما شوفتو يا ريتني ما عرفته
اشمعني دا اللي قلبي اختاره ازاي مخدتش بالي انه واحد سافل ومحدش بيقبله ازاي اسيب نفسي لواحد امه اساسا كرها اخواتها دي كرها نفسها
سمية : انا مستغرابه انتي ازاي حبيتي محمد دا ازاي وازاي قدر يضحك عليكي بانه اتجوزك وهو جايب واحد عامل فيها محامي ازاي قدر يوصلك لاوضة النوم ويعمل فيكي اللي عملة
(((كان يستمع لتلك الحديث زين)))
زين بصدمة : محمد يا ابن الكلب يا واطي ( ثم جز علي اسنانه ) كيف دا يحصل يعني زياد مش هو اللي عمل اكدي ( ثم ذهب مسرعا متجهأ الي غرفة زياد دخل فجاءة عليه وكان زياد شارد يسمع الي اغاني حزينة )
زياد بفظع : عمي زين في ايه
زين بغضب : انت ايه اللي عملته في حالك دا كيف تعمل حاجة كيف اكدي
زياد : عملت ايه يا عمي
زين : كيف تعرف ان اللي عمل اكدي مع لوجي محمد وتسكت وتشيل انت الداهية دي
زياد اتنهد : اه انت قصدك علي كدا
زين : ايوا قصدي علي اكدي ها قولي بقي
زياد : عادي يا عمي المهم استر علي بنت عمي وبعد كدا يبقي نشوف هنعمل ايه مع الكلب اللي اسمه محمد دا
زين : احنا لازم نواقف الجوازة دي ونجيب محمد وهو يتجوزها
زياد : مش دا وقته خالص اني اعمل كدا هتتفضح اكتر وانا مش عايز كدا عمي مالك ممكن يموت فيها دي
زين بحيرة : طيب وبعدين
زياد : انا كدا كدا كاتب كتابي والدخلة مش هتفرق كتير عن كتب الكتاب لاني مش هلمس شعره منها وبعد كام شهر اطلقها وخلاص علي كدا وبعد كدا نشوف بقي موضوع محمد دا وحسابه هيبقي عسير
زين : ربنا يقويك يا ولدي ومتزعلش مني علي سؤء ظني بيك
زياد بابتسامة : ولا يهمك يا عمي انت معذور بس صحيح انت عرفت منين
زين : سمعت الكلبة وامها بيحكو مع بعضيهم
زياد : اممم يالا ربنا يعديها علي خير
زين : يارب
(((بعد ساعتين في غرفة وعد )))
وعد : يا عمري هتفضلي كدا قلقانه اهدي بس وان شاء الله خير
فرحة بقلق : دا زمانه وصل المطار من بدري جدا وهو قالي لما اوصل هرن عليكي مرن ليه
وعد : يمكن حاجة عطلته يمكن نسي من الضغط والتفكير
فرحة : حتي برن عليه فونه مقفول ليه مقفول
وعد : باذن الله خير يمكن فصل منه يمكن مفيش شبكة فكري في حاجة متقلقيش
فرحة : مش قادرة مفكرش في
وعد : يا حبيبتي ربنا يرجعهولك بسلامة يارب باذن الله هيرجع بسلامة بخير
فرحة بخوف : يارب ياوعد يارب
زين دخل عليهم : بناتي الحلوين بيعملو ايه
وعد : كنا بنلبس يا بابا اتفضل
زين : خلصتو لبس يعني
فرحه : اه خلصنا من بدري انا هلف الحجاب وخلاص
زين : امورتي الحلوة مش ناويه تلبس الحجاب بقي
وعد : نفسي بس لسه عايزة البسو وانا مقتنعة 100في المية لو مقتنعة 99،9 مش هلبسه
زين : لدرجة دي
وعد : اه يا بابا بحب اعمل الحاجة وانا مقتنعة جدااااااا ومبحبش اعمل الحاجة بمجرد اني اراضي اللي قدامي لا مبحبش كدا
زين : ربنا يهديكم يا بتي
(((في غرفة لوجي )))
مالك بدموع : خلصتي لبسك يا بنتي
لوجي : اه يا بابا
مالك : طيب يالا يا بتي عشان بنات عمك عايزين يهيسولك شوية تحت
سمية : طيب نادي لزياد يجي ينزل بيها
مالك : هو بره مستني اصلا
سمية مسكت ايد بنتها : يالا طيب يا بنتي
وعد بحزن : مبروك يا لوجي
فرحة : مبروك يا لوجي
لوجي بحزن : الله يبارك فيكم
زياد : ها خلاص ( وعينه جت علي فرحة اللي مش في دماغها اي شي غير انها عايزة تطمن علي رعد )
مالك : اه خلاص
وعد عنيها متعلقة بزياد : مبروك يا زياد
زياد : الله يبارك فيكي عقبال
وعد : شكرا
(((في جانب اخر )))
همسة وامجد يقفه بجانب بعض
امجد بحب : عقبالنا يا عمري
همسة بكسوف : اللهم امين
امجد : يااااه مش مصدق انك بقيتي خطيبتي يارب اوعدني بقي بلحظة اللي هتبقي فيها مراتي امتي
همسة : كل شي باوانه
امجد : اكيد طبعا تعرفي يوم ما هتبقي ملكي مش هخلي حد يلمحك غيري
همسة : يا سلام ليه هتمحيني من العالم واللي في
امجد : اه هتكوني ليا انا وبس
همسة بضحك : وخالك و عمتك هيسبوك كدا انسي دا انا بابا وماما متعلقين بيا جداا
امجد : عارف طبعا ربنا يخليكي ليهم منقدرش نزعل خالي وعمتي هخليهم يشفوكي وامري لله
همسة بضحك : طيب وخالي وعمتي و بنات خلاني ايه مش هشوفهم
امجد بهزار : بقولك ايه هاتي خالي وخالك وعمتي وعمتك وولاد عمتك وولاد خلانك والجيران وانا وانت بس يا عم ايه وتحبي اجبلك جدك كمان
همسة ضحكت جامد : يخربيت دماغك اسكت بقي مش قادرة
امجد : يخربيت ضحكت اللي جننتني دي ايه القمر دا يا ناس
ليلي : دا انت اللي قمر يا واد
امجد : مين ست الحبايب يا حبيبه
ليلي : اه عايز ايه
امجد : هعوز ايه ولا حاجة
ليلي بغيظ في : تعالي يايت يا هموسة نقف هناك مع الستات تعالي
امجد يصتنع البكاء : لوليتا لوليتا يا حبيبتي طيب سيبهالي وروحي انتي لزينك يا ستي دي مش زين الرجال والله دي هموسة بتاعتي انا انتي زين الرجال عندك هناك اهو روحي اقفشي وخلي يقف معاكي
ليلي : لا بعينك هتقف معايا انا
امجد : يا نهار اسود حتي البت بصنلي فيها يا جدعان
زين : في ايه
امجد : اهو اهو زينك اهو سبيلي بقي انا هموستي
زين : مالكم اومال
امجد : ست لوليتا عايزة تاخد همسة بعيد عني ينفع
زين : اه ينفع جرب اللي كنت بتعملو فينا جرب
ليلي بضحك : شوفت احسن
امجد : خلاص حرمت
زين : لا بعد ايه ما خلاص يالا يا لوليتا خديها وشوفي رايحة فين انتي لسه هتستاءذني وبعدين هيا مش مراته عشان يقف معاها دا يدوب قرايت فتحة دا انا مشفتكيش غير ليله الدخلة
امجد : زمانكم غير زمانه يا كوتش
زين : كوتش ومن شوية تقول لي لوليتي يا لوليتا انت بقيت بجح جداا( اخد زين ليلي وهمس وراحة ناحية العريس والعروسة )
(((في جانب اخر تقف فرحة بعيدا تمسك هاتفها وتحاول الاتصال بي رعد لكن الهاتف مغلق )))
وعد : لسه مقفول
فرحة بدموع ماليا عنيها : اه لسه قلبي مبقاش مرتاح نهائي
(((بعد كام ساعة اخد زياد لوجي الي غرفتهم )))
زياد : بصي بقي واسمعيني
لوجي : نعم
زياد : انتي عارفة طبعا ان ليلة دي مش هتعدي زي اي ليلة عريس وعروسة الليلة دي هتعدي زي ما احنا وجوازنا فتره وهينتهي
لوجي : انا عارفة طبعا بس انا مراتك يعني انا خلاص اتحسبت عليك جوازه فمش هزعل لو في الفتره دي خدتني كزوجة شرعيه
زياد بصدمة : يعني ايه
لوجي : انت فاهم كويس يعني الفتره اللي هنبقي فيها مع بعض نعيش مع بعض كزوج وزوجه
زياد : استحالة وعايزك تشيلي الفكرة دي من دماغك نهائي استحالة هعمل كدا معاكي انتي بذات ومش يمكن تبقي حامل
لوجي : لا انا مش حامل
زياد : وعرفتي منين
لوجي : اي بنت بتعرف بشي معين ان كانت حامل ولا لا وانا الحمدلله اطمنت اني مش حامل وروحت كشفت من وراءه الكل عشان اطمن اكتر قالو مفيش حمل
زياد : ومال التعب اللي كان عندك اول امبارح دا ايه
لوجي : عادي برد في معدتي والضغط عالي شوية عشان كدا مرضيتش اخلي حد يجبلي دكتور لما تعبت
زياد : مقولتليش ليه قبل الكلام دا
لوجي : كنت هتطمن وهتسبني وانا مش عايزاك تسبني يا زياد ارجوك اديني فرصة معاك حاول تحبني زي منا حبيتك
زياد مصدوم من اللي بيسمعو : احبك وانتي بتحبيني ازاي اصلا وامتي
لوجي : من ساعة ما وقفت جنبي وقربت مني وانا حسيت اني مفيش منك اتنين ( ثم قربت منه )
زياد زقها : بقولك ايه ابعدي عني وانسي اللي بتفكري في دا
لوجي : هبعد دلوقتي بس هديك فرصة تفكر في كلامي (ثم فجاءة اتديتو ضهرها ) ممكن بقي تفكلي الستوسته بتاعت الفستان دي
زياد ايده بتترعش : حاضر ( وفتح لها بلفعل السوسته وعندما شاف ظهرها ابتلع ريقه وذهب الي البلكونه مسرعا يشرب سجارة )
لوجي بنظرة خبث : هجيب يعني هجيب
(((في الاسفل وعد تجلس بمفردها بحزن شديد والجميع حول فرحة قلقين علي رعد جدااا )))
منار ببكاء : يا تري انت فين يا ولدي بخير ولا فيك ايه يا ولدي
فهد : بطلي مناحة بقي يا وليه ايه هتفولي عليه ليه
زين : اهدو و ان شاء الله خير
ليلي : يا بنتي انتي وهيا اصبرو لصبح لو مفيش عنه خبر هنتصرف لكن دلوقتي ممكن تليفونه فصل منه يكون في الطيارة واكيد مش هيقدر يكلمنا واول ما هيوصل هيكلمنا
زين : صح كدا اهدو للصبح بس في معاد وصول طيارته لو مفيش اي خبر عنه هتصرف انا
يالا اطلعو نامو بقي
(((تاني يوم في الصباح في منزل العمروسي )))
(((رن جرس باب المنزل فتح عمار لاقي شخص ما ))
عمار : مين حضرتك
الشخص : انا من البوسطة والظرف دا جاي لحضرتكم
عمار : ظرف
الشخص : اه امضيلي هنا بالاستلام ( مضي فعلا عمار ومشي الشخص وفتح عمار الظرف وبداءه يقراءة )
عمار بصدمة : ايه مات لا اله الا الله
اسماء جت مخضوضة من صوت عمار : في ايه
عمار بصدمة عطاء اسماء الظرف : يا نهار اسود مات ازاي يا خرابي
همسة مسرعا : في ايه مالكم
ويا تري رعد انتهي كدا
يا تري في ايه وايه اللي حصل وايه اللي هيحصل
يتبع…
لقراءة الفصل التالي : اضغط هنا
لقراءة الرواية كاملة اضغط عى : (رواية جبروت ذئاب الصعيد الجزء الثاني)
