رواية جايده وشريف الفصل العشرون 20 بقلم نور رأفت
رواية جايده وشريف الجزء العشرون
رواية جايده وشريف البارت العشرون
رواية جايده وشريف الحلقة العشرون
الصبح تاني يوم جايده نزل تفطر لقيت شريف و احمد متشيكين و ماجد حتي عمها العقيد و الكل لابس بدل و متشيك وهيا نازله بالبجامه
-صباح الخير
بصولها و ابتسمو “صباح الخير ”
راحت قعدت جنب جنب شريف و مسكت في ذراعه وقالت بهمس “هوا فيه ايه ، كلكم لابسين ”
=رايحين مشوار علي السريع
-الصبح!
=ايوه
-خدوني معاك
حط ايده علي شعرها وقال “افطري و البسي بسرعه ”
اومأت وخلصت فطارها و طلعت لبست سلوبته جينز و كوتشي ابيض و نزلتلتهم كانو بيتكلموا في حاجه
اول ما شافوها ميل احمد علي شريف وقال بهمس “ولا يشريف هي بتحلي اي حاجه كدا ليه ”
بصله شريف بنظره قاتله وقال بصوت شبه فحيح الافاعي”هدفعك نص عمرك علي عينيك اللي بتروح علي حاجه بتاعتي مش كفايه رضيتلك ب هنا ”
نط احمد من جنبه و قعد جنب ماجد و الاثنين حاطين راسهم في تليفوناتهم خايفين من شريف
سلمت جايده علي عمها وماجد اللي اول ما قربت عليه تحضنه زي ما كانت بتعمل دايما بعد عنها بسرعه و سلم عليها ب ايده وهوا بيبص لشريف اللي كان بيبصله بنص عين ، راحت عند شريف اللي مسك ايدها و اتحركوا كل واحد بعربيته انفصلوا علي عمها اللي راح الشغل و هما رواحد في طريق ثانيه
-احنا رايحين فين
=رايحين نستقبل حد
-ماما بتاعتك
ضحك علي تعبيرها و قال بنفس اسلوبها “لا مش ماما بتاعتي ”
-علي فكره انا مش بتكلم كدا
=ايوه يا قطتي بتتكلمي كدا
-صح يا شريف مش لاقيه ميمي من الصبح
ابتسم بشر من جواه وقال ببرأه “ياه بجد ، تلاقيها بتلعب في اي مكان في الفيلا ”
اومأت وقال “نينه قالت كدا برضو ”
قربت منو مره واحده و حطت ايديها في شعره تظبطهوله خلت الثاني اعصابه رخت و كان هيخبط في عربيه احمد
-خد بالك يا شريف
قرب منو احمد وزعق ” يخربيت اللي علمك السواقه متركز ”
بصله بضيق ورجع بص ل جايده اللي كانت بتبصله ب هدوء
=اقسم بالله هتجيبي اجلي
-شعرك كان مش مظبوط
=ظبطيه كدا يعني!
-اه كدا بقيت حلو مرتين
=اه انتي تسكتي لحد ما نوصل بدل ما نعمل حادثه في الطريق
سكتت لحد ما وصلوا للمطار مع ماجد و احمد و وقفوا في الانتظار كان شريف مضايق من نظرات الناس لجايده اللي اخدت جينات والدتها رومانيه الاصل و والدها النص مصري و نص تركي ورغم ان عينيها مش ذات لون شديد الغرابه فقط اعين زيتونيه اللون و شعر اسود ممزوج بخصل بنيه فاتحه و ملابسها اللطيفه كانت هتخلي شريف يولع ف المطار
=انا غلطان اني جبتك معايا
-ليه !
=ليه! انتي بتسألي ،امشي جنبي
نزلت الطياره و وصل الاشخاص اللي كانو مستنيينهم واللي طلعت بنت فائقه في الجمال اول ما شافت شريف سابت الشنط و نطت عليه تحضنه بحراره !
بينما جايده لسا مستوعبتش ان فيه واحده في حضن شريف !! اللي ساب ايدها عشان يبادل البنت دي الحضن
=وحشتيني يا هنون
*وانت وحشتني اوي يا حبيبي عامل ايه
كانت جايده باصه بصدمه ل شريف اللي صوته رق و بقي حنين و بيحضن و يبوس في بنت قدامها
قرب منها ماجد اللي لاحظ الدخان اللي طالع من ودانها وهمس في ودنها ب خبث “اووه دا شكل شريف بيحب ولا ايه ”
بصتله ب طرف عينها خلته ضحك لأنها حركه شريف لما يضايق
نزلت من حضن شريف البنت دي و هوا عمال يسلم عليها و نسي جايده !
بصت البنت لجايده اللي كانت بتبصها بشر و رجعت بصت ل شريف واتكلمت بالالماني “ياللهول هل هي الفتاه التي اخبرتني عنها ، تبدو لطيفه ”
سابت ايد شريف و قربت من جايده و مسكت خدودها و هيا بتتكلم بكلام سريع ، ينما جايده بعدت عنها و قالت ببرود”اهلا ”
بصت البت ليها واللي كانت هنا و ضحكت لما عرفت انها غارت ف قررت تغيظها و مسكت ايد شريف حضنتها وهيا بتتكلم معاه بينما شريف بيتكلم ويضحك معاها بنيه سليمه جايده كانت بتتخيلهم اكياس ملاكمه
اما علي جانب اخر فا فيه كيس جوافه نسيناه علي اليمين من المشهد دا و هوا احمد اللي اتحرق من كتر النار اللي فيه وهو شايف هنا اللي المفروض حبيبته قاعده تحضن في شريف و سايباه مسلمتش عليه حتي وهو اللي منمش من امبارح من التوتر
=يلا يا هنون عشان تلحقي تروحي
*مش هتيجي معاي
=اوكي هاجي
حس انو ناسي حاجه بص جنبه لقي جايده واقفه بتبص عليه بنظرات قاتله
=اوه جايده ا….
-هروح مع ماجد
شدت ماجد من ايده ومشيت منغير ما تخليه يخلص كلامه بينما هو وافق مش فاهم حاجه
بعدت هنا عنه و راحت سلمت علي احمد برسميه و مشيت جنب شريف وسابت لاحمد الشنط
ركبت العربيه مع شريف و سابت احمد ياخد الشنط في عربيته
*شريف جايده الطف و احلي من ما قلتلي عليها
ضحك وهوا بيتخيلها قدامه “مفيش حاجه توصفها ”
*دحنا واقعين اوي بقي
=الصراحه ايوه
*اعترفتلها
=ايوه
*قالتلك ايه
=مطلبتش رد منها مديها مساحتها
*ولو رفضتك
=هاخدها غصب عنها انا مديها الوقت عشان تختار بيني وبيني مفيش اخيار ثالث
ضحكت عليه و علي طريقته اللي اختلفت وهو بيتكلم عليها
افتكر إنها سابته ومشيت في المطار مع ماجد
=انتي شفتيها سابتني و راحت مع الملزق ماجد
*كنت عاوز منها ايه يعني
=مستنتش تسمع هقول ايه ، هروح اكسر عضم ماجد الملزق
*طول عمرك متسرع وغشيم
=انا!
*امال امي يا شريف انت ممسكتش فيها وقلتلها لا خليكي
=مهي اللي مشيت اعملها ايه
*انت مخدتش بالك انها غارت
=من ايه؟
*اه دا انت محتاج كورسات اذاي تتعامل مع البنات يا حبيبي القعده بين المجرمين بوظتك
=يلا بس اوصلك و اتعاملي كويس مع احمد دا غلبان و منمش من امبارح لما عرف انك جايه
انتهدت هنا بضيق وقالت “انا بحبه يا شريف بس خايفه ”
=احمد يستاهل تديه فرصه تاني و اعتقد انك لازم تدي تفسك فرصه كمان ،بلاش شغل العبط اللي بتعملوه انتو الاثنين دا انتو عيال بجد
*عندك حق هروح اوافق علي العرض بتاعه
ابتسملها و وصلوا بيتها سلم عليها وسابها مع احمد ينزل الشنط وهو راح علي الفيلا عند جايده
دخل ملقيش حد في الفيلا سال كرم عليهم
>خرجت هي و ماجد
=علي فين ؟!!!
>كنت سامعهم بيقولو رايحين المول ينقو خاتم تقريباً
رن عليها كذا مره مردتش عليه وهو متجه للمول اللي قله عليه كرم كان هيولع وهي قاعده ما ماجد !
دخل قسم الفساتين لقيها لابسه فستان بيبي بلو شكله يهبل عليها بينما ماجد قاعد قدامها بيقولها حاجه
بص حوليه لقي العمال اللي في المحل عينيهم هطلع قلوب عليها خلا الدم يتجمع في عروقه هيروح يفرفرهم ، بدل عن كدا اتجه عليها و قرب منها جامد لاحظت وجوده لما لقيته حجب عنها كل الناس ب جسمه ، مسكها بلطف من كتافها و دخلها البروفه وهو معاها كان قريب اوي منها
=ايه اللي انتي لبساه دا
اتكلم من بين سنانه بغيظ وهو عينيه بتطلع شرار تجاه عنيها
كتفت ايديها و قالت ب نبره بانت عليها الغيره
-وانت مالك البس اللي عاوزه البسه ، روح احضن البت اللي كانت معاك براحتك
لانت ملامحه لما لاحظ غيرتها و ضحك عليها وهو بلعب في شعرها
=القطه غيرانه
-لا
=امال مالك
-ممليش
=الله محنا بنغير اهه امال ساكته ليه
-انا مبغيرش ، وبعدين اتفضل اطلع برا انت داخل معايا ليه
=انتِ ودانك حمرا ليه ، انتِ مكسوفه يا بطه
-شريف!
=عيونه
سكتت و بصت في الارض وهو اتكي علي الحيطه اللي وراه بيبص عليها ،خبط علي البروفه العامله وهي بتقول “لو سمحت حضرتك مش هينفع تدخل م….”
طلع في وشها كلاها بلعت كلامها و مشيت من سكات
-لو سمحت اطلع برا عاوزه اغير
=طب متيلا
-شريف بجد اطلع
=طيب طالع اهه بدل ما تتبخري
طلع و قعد جنب ماجد اللي بيشرب في سيجاره ، سحبها منو و هوا بينفخ بغيظ
~قلتلها متدخلش عليكم دي امور شخصيه ،بس جامده البوسه دي
قال ماجد وهو بينفخ الدخان في الهوا بص شريف علي مكان ما بيبص ماجد لقي لما قرب من جايده الروج بتاعها طبع في قميصه
طلعت جايده وهي ماسكه الفستان في ايدها ادته ل ماجد وهي بتقول “حلو اوي ”
اخده وراح حاسب عليه بينما شريف مسكها من ايدها وكان ماشي معاها زي ظلها
=انتي بتعملي ايه مع الواد الملزق دا
-ماجد ابن خالي
=ايوه تشرفنا بتعملي ايه معاه برضو
-بيجيب هديه
~جيجي تعالي اختاري معاي اي واحد من دول
=بيدلعك ليه ميقلك يا جايده عادي ايه دا
-جايه يا جيدو
=وحيات امك قوليله يا ماجد يابت بدل ما اموتهولك هنا
-منت قتلها يا هنون ، خلي هنون تنفعك
=ايوه الوضع مختلف
-لا مش مختلف ، استني يا جيدو انقي معاك
سابت ايده وراحت جنب ماجد و شريف هيطق
~شريف هيولع
-يولع
~طيب انهي خاتم احلي للخطوبه
-دا تحفه هيليق عليها اوي
~جربيه كدا
جه يلبسها الخاتم لقي بوكس من شريف وقعه في الارض
=يلا انا ساكتلك من بدري مش للدرجه دي
اتكلم بصوت عالي وهو بيشد جايده عليه ، اتعدل ماجد و مسح الدم اللي جنب شفته وضحك وهو بيشوف غيره شريف
شد جايده بعيد شويه ، وقفته وهي بتقول بضيق
-ايه اللي عملته دا يا شريف اذاي تضربه كدا
=زعلانه عليه اوي ، استني اروح اكسر عضم وشه انا قلتله بدل المره الف ميقربش منك هيلبسك خاتم خطوبه كمان دا اتهبل
كان بيتكلم وهو بيزعق وكان رايح فعلاً يضربه لكن جايده حضنته وقالت بسرعه “مشتريه عشان يعرض علي حبيبته الجواز يا شريف وكنت بنقي معاه الخاتم مش ليا ”
=دا مش مبرر للـ…..، انتِ قلتِ ايه ؟! ،ل حبيبته مش ليكي
-ايوه يابني حرام عليك بقي موت الواد
لانت ملامحه واتكلم بضيق”مهو اللي بيستفزني وبيقربلك ”
خلص كلامه وهو بيبادلها الحضن و بيدفن راسه في رقبتها
-شريف ابعد لوسمحت
=ولو مبعدتش
_مش بحضن واحد حاضن بنات و قليل الأدب
=يابنتي بقي منتي لو صبرتي كنت عرفتك عليها دي هنا اختي في الرضاعه بلاش ظلم بقي
بعدت عنه بضيق
_دا مش مبرر
=هنتكلم بعدين تعالي نشوف الواد
وراح تجاه ماجد اللي كانت العامله بتعقمله الجرح
=اتعورت جامد ياد
~لا يعم النحنوح متعورتش ، ايه جاي تكمل اللي بدأته
=خلاص متقباش قموص تستاهل عشان تقرب منها تاني بالطريقه الاوفر دي
~ابو غشامتك يا شيخ روح بيها يعم هنقي لوحدي
جات جايده تجاه ماجد تتطمن عليه
-يالهوي انت كويس
=من بعيد هتقربيله هضربه تاني
~ياستي متتطمنيش ابعدي عني الغول دا وخلاص
قربها شريف منو و قال “اختاري معاه بس من بعيد ”
~اه روحي اخر المحل و ابقي اتصل بيكي
=ولا اتعدل
ضحكت عليهم ومسكت ايد شريف و دخلو محل تاني يختارو منو هديه
×الهديه ل اخت حضرتك
كانوا البنات بتتسهوك علي شريف وماجد بصتلها جايده ب حاجب مرفوق و العرق المصري اشتغل عنها
-فيه حاجه يا ماما بتبصي عليه ليه
×حضرتك اخته
-لا يا ماما حبيبته
اتكلمت بحده وهي بتمسك في ايد شريف
بصت علي شريف و قالت بضيق “المول دا مش حلو يلا نروح مول تاني ”
حاول يكتم ضحكته علي اعترافها الصريح قدامه ب انها حبيبته وقال “المول التاني بعد اول يا بابا عن هنا ”
_مش مشكله انا بحبه
شدت شريف و ماجد برا المول و خلتهم يطلعو برا ويروحو المول الثاني فعلا ، كان ماجد في عربيته و جايده ركبت مع شريف
=فكي كدا لاويه وشك كدا ليه
-انا ، مالي يا حبيبي روح للي بتتسهوك عليك هناك دي ،ولا روح ل هنون
ضحك بصوت عالي عليها
=منتي قلتليها حبيبتي فا مش هينفع ارجعلها
-نهارك اسود انت عاوز ترجعلها ، نزلني يا شريف بدل ما ارتكب فيك جنايه
=يابنتي اتهد يبقي قلبتي مصريه كدا ليه ، انا بهزر معاكي
-مكنتش بتهزر انت انسان خاين
=هوا انتي قلتي حاجه عشان ابقي خاين انتي مجاوبتنيش علي اعترافي فا منسماش حاجه ،عشان كدا دي مش خيانه ،عادي احضن اللي احضنها و اكلم اللي عاوزها
بصتله بصدمه من رده البارد و فتحت الباب والعربيه ماشيه خلت الثاني وقف العربيه بسرعه وسط الطريق
=انتي اتجننتي
مردتش عليه و نزلت من العربيه مشيت في الطريق وحدها وهو بيجري وراها يلحقها
=خدي يا جايده انتي عبيطه بتمشي في الشراع وحدك كدا
-اركب معاك ليه محنا منسماش حاجه بقي
=يابنتي استني
مسك ايدها عشان يوقفها لقي عيونها مليانه دموع
=يانهار انتي محدش يهزر معاكي ، خلاص بجد انا اسف مكنش قصدي والله
قعدت تعيط وهو حضنها و يطبطب عليها
-اصلا انا مكنتش عارفه اقلك ازاي …وانت …..انا …..و …و رحت و
=خلاص بقي بلاش تتهتهي انا اسف حقك عليا كنت بهزر معاكي شكلي تقلت عليكي معلش
– انا كنت مش لاقيه وقت اقلك ردي واني بحبك لانك مرضتش تخليني اقلك ردي امبارح ومن الصبح انت عمال تروح مكان وكمان عمال تحضن في بنات و مش فاضي وانا بكرهك عشان انت حلو و كل البنات بتبص عليك و و انا بكرهك
كانت بتتكلم وسط عياطها وهو مش مستوع بانها قالت انها بتحبه !
بعدها عنه وقال “انتِ قلتِ ايه دلوقتي ”
كملت عياط “بكرهك ”
=قبلها
-بتاع بنات
=قبلها
-بتحضن بنات
=جايده !
-بحبك
بعد عنها و اتنهد ب راحه و هو اخيراً سمع اللي كان هيموت ويسمعه حتي قبل ميعترفله
ضيق عينيه و بصلها بشك وهي بتمسح دموعها في جاكت بدلته
=انتِ مش بتحبيني ذي اخوكي او ذي صاحبك عشان والله لو صدمتيني لكون قاتلك في مكانك يا جايده لانك بتستعبطي
-لا بحبك انت مش زي اخويا ولا صاحبي
حضنها جامد لحد ما كانت هتفطس و بعد عنها ، طلع من جيبه علبه جواها خاتم و ركع قدامها “تقبلي تكوني زوجتي في السراء و الضراء”
-ايوه
لبسها الخاتم و حضنها جامد بينما تصقيف وتصفير جاي من ورا و ماجد بيصور الدراما اللي حصلت
~اخيراً ياشيخ منك ليها اعترفتوا ، كل الناس كانت عارفه انكم بتحبو بعض إلا انتوا ، لقد هرمنا بجد يعم
=الدور والباقي عليك
واااا أخيراً اعترفوا لبعض و خلصنا منهم احنا
(في كومباون كبير يحمل ثلاث فيلل في كل واحد عائله تم إنشائها متكونه من البيت الاول احمد و هنا اللي رضيت عنه و اتجوزوا و هناك سؤال محير المشاهدين ايه الغلطه اللي عملها احمد خلي هنا تسافر و تفركش الخطوبه ،الاجابه هي مقلهاش بحبك ! ،يلا نسيبهم في هتعهم و نتجه للفيلا الثانيه اللي كانت ل شريف و جايده اللي اتجوزو برضو و اخيرا ماجد و لينا ، سؤالنا الاخير هل الحياه كانت هادئه هنيئه لدي الكابل بتاعنا ، خلوني اخدهم في جوله سريعه يوم في يوم ايامهم العايده )
-شريف في ميمي مش لقياها
=وديتها عند ماجد ولينا
-يالهوي ليه
=مهتميه بيها ومتجاهلاني يا مدام انا أهم
-دي حامل يا بيبي
=وانا تعبان عاوز كير بيا انا
قرب منها و نام علي رجلها وهي بتخلص في ورق للشركه ، باست راسه وقالت “”ممكن تساعدني في العقد دا ”
مدته ليه و خلصهولها بسرعه ،باست خده وكملت شغل
=هو انا ابن اختك ايه البوسه البريئه دي
ضحكت عليه وقال “قوم خلص شغلك يا بيبي عشان خارجين نتعشا سوا كلنا ”
انتهد بضيق و قام يخلص شغله لحد ما جات ميمي قعدت علي رجله و هو شغال
شويه و جات هنا تبعدها عنه و تقعد معاكنها وقال بضيق لطيف “الاحسن نرجعها عند ماجد و هنا ”
ضحكت عليها وحضنها وهو بيخلص ورقه و هي بتساعده لحد ما جه الميعاد و لبسو وخرجوا كلهم يتعشوا سوي في المطعم
و عاشو حياه هنيئه لذيذه اخيـ….
-شريف اصحي يا خاين يا بتاع البنات ،انت بخوني في الحلم طلقني
قام مفزوع
=فيه ايه يا جايده
-وكمان بتقلي يا جايده من غير يا قطتي انت بطلت تحبني طلقني
=ابو هرمونات الحمل دي
-انت بقيت متجاهلني طلقني
ــــــــــــــــــــــــــــــــــــــــــــــــــ
تمت…
لقراءة الرواية كاملة اضغط على : (رواية جايده وشريف)
