رواية جايده وشريف الفصل السابع 7 بقلم نور رأفت
رواية جايده وشريف الجزء السابع
رواية جايده وشريف البارت السابع
رواية جايده وشريف الحلقة السابعة
=جايده ،انتي اول امبارح صحيتي باليل وطلعتي عندي برا في الصاله!
_لا ليه؟
=لا دا كان مجرد سؤال عادي
_تعالي نسمع فيلم سوي
=يلا أنا كدا كدا فاضي
‘يا كذاب امال فين اللي بيحاول يوصلوله و مش قادرين عشان مطنشهم’
_فيه فيلم جديد حلو اوي بتاع الميا و النار أنا مسمعتوش و مش عارفه اسمو
=دا ايه الميا و النار دا
_فيلم كرتون
=انتي هتسمعينا كرتون
_ايوه
=اصلا بقي !، اللي هوا منغير شورى
_ايوه
=تمام هاتي اللي عوزاه
_اقلك دور علي الفيلم و أنا هحط الفشار في المايكرويڤ
=مفيش فشار هنا
_لا ما أنا معاي في شنطتي أنا مش بمشي منغير فشار سهل التحضير في شنطتي عشان بحبه ،انا هاخد اللي بطعم الجبنه وانت خد هديك اللي بطعم الكراميل
=ودي برضو مفيهاش اختيار
_ايوه اصل أنا بحب الفشار بالجبنه و برضو بالكراميل فا هاكل معاك برضوا
=طيب متاخدي الاثنين وخلاص
_لا العدل ، اهم حاجه
=ايوه مهو باين العدل اوي
_هروح احط الفشار
راحت حطته وهوا حاول يجبلها الفيلم اللي مش عارف اسمو
طلعت بسرعه من المطبخ وهيا بتقول بصوت متفاجئ
_انا افتكرت
=افتكرتي ايه ؟
_اسم الفيلم اسمو Elemental
=طيب ادخلي احرصي الفشار أنا كدا كدا جبته
_برافو عليك بجد شاكر زي كل مره
=انتي لو بتشجعي ابن اخوكي مش هتعملي كدا ،روحي يا جايده الله يسترك
حط الفيلم علي الشاشه و هيا جات بكيس فشار
_الفشار جهز
=دا كيسي أنا انتي حضناه كدا ليه
_اه مهو أنا حطيت بتاعك الاول عشان أكل أنا وأنت منو و بتاعي لسا في الفرن ،تدوق
=اه واضح انو بتاعي اوي
بدأ الفيلم وهما بيسمعو اول ما جه لقطه حزينه لقيها عمال تعيط مسكت فلينته و قعدت تمسح دموعها فيها ،اداها منديل بدل القرف اللي بتعمله فيه رمته و قعدت تمسح فيه ،قربت حضنت دراعه وهيا مندمجه مع الفيلم جدا بينما هوا عند اللحظه دي و نسي الفيلم و ركز مع تعبيرات وشها و تغيرها حسب المشهد
خلصت الفشار اللي المفروض يكون بتاعه
_عاوزه الفشار من الميكرويڤ لو سمحت
قالتها وهيا بتمسح دمعه نزلت منها و البطل ‘الميا’ حزين
فك أيده و هوا مش مصدق اللي بتعمله جاب الفشار و خطفته منه
_دا بتاعي أنت خدت بتاعك
=ايوه فعلا أنا خدته دا حتى ال فشارتين اللي كلتهم شبعوني
اتكلم بتهكم عليها وهيا منتبهه للفيلم لحد ما خلص
_نهايه لطيفه،ايه دا انت ماسك فونك مسمعتش
=مش فاضي
_انت قلت انك فاضي
=طلعت مش فاضي
_هوا أنت علي طول جد كدا
=انتي شايفه ايه
_شايفه اني اروح انام لأن اليل جه
=قرار سليم ،هروح استحمي أنا مينفعش أنا باللي انتي عملتيه فيا دا
راحت نامت و هوا خلص و راح لقيها نامت ،بطلت تقول عاوزه قصه
الصبح صحي بدري كالعاده عمل شويه تمارين قبل ما تصحي جايده خبطت ناهد و ادته الفطار و قعدت ترغب ربع ساعه لحد ما خلصت و مشيت
اما جايده صحيت و استحمت و فطروا
=احم أنا هنزل شويه وراجع من هطول
اومأت بصمت وهوا نزل راح يشوف التعليمات الجديده وينقلهم الوضع و الحاله اللي حاصله
=أعتقد سيادتك رجوعها حاليا فيه خطر جدا علي حيات حضرتك و حياتها……..تمام سيادتك ……مع السلامه
خلص كلام ودخل يشتري حجات من الهايبر لقي سيكشن للنودلز الغير حاره و اطعمه كتير معرفش يجيب ايه فا حط من كلو!!
رجع البيت وطلع العماره لقي الباب بتاع البيت مفتوح !!
=جايده !!!!، جايده
حط الكياس علي الطربيزه و دور عليها ملقيهاش ،راح عند بيت ام ناهد
~يا اهلا يا أبيه شريف البيت نور ال
=جايده هنا يا ناهد
~لا
اول ما سمع كدا نزل يجري لتحت ملقيهاش في العماره كلها و ناهد دخلت قالت ب امها و اخواتها وكلوا نزل يدور عليها
كان بيدور عليها وعنيه مظلمه من القلق خاف…….خاف عليها ،خاف يحصلها حاجه
قعد يدور لحد الليل ومفيش أثر المنطقه كلها انقلبت و كلوا بيدور ،كل الناس كانت عارفه انها حد مهم و انها قريبه شريف من برا زي ما قالهم ،كل الأفكار السودا جات في دماغه مكنش عارف يركز في حاجه ،نزل من العربيه في منطقه تحت الانشاء علي امل يلاقيها هنا دور عليها كتير
ملقيهاش مكنش عارف يروح فين حاسس انو فقد حاجه عزيزه عليه
=ياتري رحتي فين يا جايده
قالها بضيق وهوا مش عارف يعمل ايه ،او يلاقيها فين
_______________
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية جايده وشريف)
