رواية ثمن العشق الفصل الأول 1 بقلم إيمان أحمد
رواية ثمن العشق الجزء الأول
رواية ثمن العشق البارت الأول
رواية ثمن العشق الحلقة الأولى
انا مش فاهمة يعنى بتعملى كل التحضيرات دى ليه!
ردت بااستعجال وهيا بتحضر التوترتة
= ياماما عشان النهاردة عيد ميلاد هشام ولازم افرحه هخليه يحتفل بعيد ميلاده المرادى
سمية بغيظ: انا شايفة ياحبيبتي ان ملهوش لزوم كل الل بتعمليه واحد ومش بيحب الل يوم الل تولد فيه والصراحة معاه حق انا لو مكانه مكنتش عمرى هحتفل بيوم زى ده
سابت تاج الل فى ايدها وقالت لمامتها بلوم
=يعنى انا غلطانة انى قولتلك ياماما!
سمية بتبرير: انا مقصدش حاجة يابنتى بس ده واحد منعرفش اصله من فصله وبعدين ايه الل يخليه يقولك على الماضى الاسو*د بتاعه
تاج: هشام ملهوش اى ذنب فى الل حصله اهله الل رموه بعد مااخوه مات بسببه
ردت سمية على الفور: اديكى قولتى اخوه مات بسببه
تاج: انا قصدت ان اهله هما الل مفكرين ان اخوه مات بسببه وبعدين انا حكيتلك على ماضى هشام عشان نقدر نساعده على الرغم انه سر بس عرفتك
سمية بصوت عالى وراحت وراها المطبخ: يابنتى انا خااايف*ة عليكى افهمى
تاج : خايفة عليا من ايه؟
سمية بغض*ب: خااايفة تحبيه ياتاج وتموتى انتى كمان.. ده معموله سحر ان اى حد يحبه يموت بسبب حب اخوه ليه مات… اهله خافوا وبعدوه عنهم انا خايفة عليكى ياتاج
تاج: دى كلها تخاري”ف ياماما انتى هتآمنى بالكلام الفاض”ى ده انا بحاول افهم هشام ان دى مجرد تخار*يف طلعتى انتى كمان مصدقة الكلام ده…… عن اذنك لازم اكمل التحضيرات واعزم صحاب هشام
فى الليل
كان هشام رجع من الشغل وقبل مايدخل شقته خرجت تاج بسرعة وقالته
تاج باابتسامة وهيا بتفرك ايدها: هشام ممكن تيجى شوية ماما عازماك على العشا
هز هشام راسه ودخل معاها بس كان المكان ضلمة وفجأة انفتحت الانوار وقال الكل بفرحة
=هابى بيرس داى هشام
بص هشام حواليه وبعدها استوعب ان تاج عاملاله عيد ميلاد
تاج بخجل: هشام المفاجأة عجبتك؟
بصلها هشام ثوانى وبعدها قال بنبرة غريبة
=ايه الل انتى عملتيه ده ياتاج؟
تاج بكسوف: انا انا.. قولت افرحك بعيد ميلادك
بدأ صوت هشام يعلى بطريقة غريبة فشد انتباه الحاضرين ليه
انت*ى اتجنن*تى فى دماغك ازاى تعملى كدة؟
سمعت سمية و هشام بيزعق لبنتها فقربت بغضب
=انت ازاى تتجرأ تزع*ق لبنتى مش كفاية مستحملة انك واحد مسحو*ر وساكته ومبعدتش عنك وعايزة تفرحك تقوم مزعقلها كدة
مسك هشام ايدها بقوة وقال: انتى قولتى لامك على الل انا قولتهولك
بصت تاج بااحراج فى الارض… كانت دى اول مرة تاج تشوف هشام متعصب بالشكل الكبير ده
عمرو: مالك ياهشام فى ايه؟ ده كله عشان قررنا نحتفل بعيد ميلادك
تاج بدموع: هشام انا عملت كل ده عشان بحب..
حط هشام بسرعة ايده على بوقها قبل ماتكمل وده الل خلى تاج تبصله بغرابة
هشام بتحذير وهو بيهز راسه بنفى: لا ياتاح لا اوعى تقولى حاجة انتى مش أدها لانك هتدفعى وقتها التمن غالى كمل بصوت واطى… غالى اوى
دقايق مرت كان الكل فى حالة صمت لحد ماتاج قطعت الصمت ده
= بس انا بحبك بحبك بحبك ايه محصلش حاجة
بصلها هشام بصدمة وقبل ماينطق حرف كان بدأت حاجة غريبة جدا تحصل كأن فيه زلزال البيت كان بيتهز بطريقة غريبة
بص هشام حواليه وهمس بصوت واطى: ليه ياتاج ليه اختارتى المو*ت ليه
بعدها بدأ صوت تاج يظهر او بالادق صوت صراخ*ها
تاج: ماما هيقتل*ونى
يتبع….
لقراءة الفصل التالي : اضغط هنا
لقراءة الرواية كامبة اضغط على : (رواية ثمن العشق)
