رواية ثأر الحبيب الفصل الثالث عشر 13 بقلم سما محمد

رواية ثأر الحبيب البارت الثالث عشر

رواية ثأر الحبيب الجزء الثالث عشر

رواية ثأر الحبيب الحلقة الثالثة عشر

نظرت ليله الى بدر بتعجب من موقف والدها المفاجئ فهي لم تكن تتوقع موافقته بالسرعه دي فقال بدر لفراج…
بدر: . عين العقل يافراج بيه اجصد يا عمي احنا خلاص بقينا نسايب بكفايه دم ونفرح جلوبنا حبه اه من الحق يا عمي ما تخافش سرك في بير ما حدش يعرف ان بنتك ليله هي نفسه ابو الليل اللي راعب البلد غيري واهلي انا قلت لهم انك كنت مخلف بنت كمان بس داسها بعيد عن عيون العالم عشان ما حدش يشوف جمالها و يحسدها..
فراج: كثر خيرك يا ولدي عملت طيب بس انا لسه ما سمعتش راي العروسه.
… نظرت ليله لبدر بسؤال فئومأ براسه لها موافقا اقتربت من والدها ووقفت فى مواجهته ونظرت في عينيه بقوه وقالت..
ليله: ابوي انت ربتني على الحزم والجوه اخد قراراتي بنفسي واحكم عقلي واعمل اللي رايداه صحيح ده كله لما كنت ولدك ابو الليل مش ليله اللي انت لاغي وجودها بس هو ده اللي انا كبرت على علامه لو يهمك تسمع راي فانا موافجه على كل كلمه جالها بدر وطبعا رايك يهمني.
فراج بحزن : انت مش عارفه حاجه يا بنتي بس بعدين هافهمك لو لسه ليا عمر وعلي كل حال انا موافج على جوازك من بدر الف مبروك يا بنتي.
رعد : انا بقى مش موافج ولو حصل وتم الجواز اعتبر نفسك ميت يا بدر.
بدر : وانا ما بتهددش ولا تجدر تعمل حاجه و مباركتك مجبوله.
……………………………
… استقبل فراج السيوفي عائله عبد الله المنشاوي بترحيب غير متوقع وجلسو معا يتحدثون مطولا ثم قال الحاج فراج لعبد الله والد بدر.
فراج: علي خيره الله البنت بنتنا والولد ولدنا يخلص الفرح و تاخد عروستك وانت معاود لدارك وربنا يتمم بخير والف مبروك.
عبدالله : الله يبارك فيك يا حاج فراج ايوه كده عايزين نفرحوا كفايه زعل وحزن والعايط علي الفايت نجصان في العجل يا اخوي.
فراج بخفوت: عندك حج يا ريتني كنت سمعت الحديت ده منك من زمان.
بدر : جصدك ايه يا عمي فراج مش فاهم في حاجه عايز تجولها.
فراج : لاااه ..ولا حاجه ربنا يهنيك بعروستك بس انا عايزك في كلمتين يا بدر يا يا ولدي على جنب.
… اخذ فراج بدر لغرفه مكتبه مغلقين الباب وقال بدر سائلا…
بدر : خير يا عمي في حاجه شكلك تعبان وفي جلبك كلام كتير قلقتني..
فراح : فعلا يا ولدي شوف يا بدر انا عارف ان ليله بتكرهني بس هي غلطانه المهم عايزك تعرف انك متجوز واحد صاحبك يعني ليله ما تعرفش غير تصرفات الرجاله ولا تعرف لبس ولا كلام ولا جلع ولا مياعه ولا كلمه حلوه ولا حتى حب ومشاعر هنا بجى يجي دورك لازم تعلمها كل حاجه بنفسك وتصبر عليها شويه الجصه هتكون صعبه بس مش مستحيله حبها يا بدر عوضها ودوب قلبها الحجر.
……………………………………….
.. في نهايه اليوم كان قد تم عقد قران بدر وليله وسط احتفالات وزغاريد واصوات اعيره ناريه صاخبه وبارك الاهل والمعارف لكل من العائلتين وسط فرحه عارمه من الجميع حينها طلب بدر من الحاج فراج قائلا..
بدر : جرى ايه يا حاج فراج هي العروسه فين مش هتيجي بجى.
فراج : حالا يا ولدي صبرك بالله رزة بتجهزها وهتيجي حالا..
… أثناء حديثهم رفع بدر نظره لأعلى السلم مفاجئ بهذا الملاك بالثوب الابيض يهبط الدرج بتلك العينين الزرقاء القاتله بخصلات شعرها السوداء المنزوعه من خيوط الليل الغطيس تتلفت حولها بتوتر وعدم فهم للموقف فهي لا تعلم كيف تسير كأنثى او تتصرفت كأنثى و ذلك الثوب يربكها تماما تدارك بدر الموقف راكضا اليها وهي تتعثر في ثوبها قائلا..
بدر : الله اكبر ايه الجمر ده كويتي جلبي يا ليله وما لبستيش ليه جلابيه وعمه احسن ما كل البلد بصالى فيكى دلوك..
ليله بتوتر: بتجول ايه انت يا ريتني ما وافجتك هيبتى ضاعت وسط الخلج بالربراب اللي لابساه ده بيتحركوا بيه كيف ده..انطج.
بدر ببسمه : سيبي الفستان كيف ما هو هتفضحينا شوفي امسك ايدي وانزلي خطوه خطوه والليله هتعدي وبطلي بص حواليك ما حدش يعرف إنك أبو الليل صدجيني يا ليله..
…………………….ّ……………
….. ودعت ليله والدها ورزه وقد لاحظت اختفاء رعد منذ بدايه الزفاف استقلت ليله السياره مع بدر وانطلقت سيارات عائله المنشاوي الى قصر المنشاوي واثناء الطريق قالت ليله..
ليله : يا ابوي جلبي كان هيجف مش مصدجه ان اليوم عدى إكده وردة فعل ابويا دي قلقاني بس الحمد لله خلصت خلاص.
بدر: سلامه جلبك يا ليله وبعدين ما تستغربيش ابوك اكيد عنده اسبابه علشان يوافج بلاش تخوفي جلبك على الفاضي..
ليله :خوف ايه انا بخافش واصل يا بدر وقلت لك كده الف مره.
بدر ؛ كل مره تجوليلى إكده يعني لو انا اتصبت بعيار مش هتخافى عليا لا اموت واهملك وما تشوفنيش نوبه ثانيه.
ليله : واخاف ليه انصبت بعيار ولا لا هيجي يوم وتموت يبجى ازعل ليه وبعدين مين اللي هيصيبك بعيار وانا جارك اكيد هيعملي حساب.
بدر: تصدجي بالله يا ليله انت مدب ما فيش حد في الدنيا بيجول إكده واصل وبالذات يوم فرحه جفلتى الليله بدري.
ليله : يا جدع انا نص كلامك ما بفهموش كلمني إكده عادي احنا اصحاب الكلام المعجد ده ما بعرفوش.
بدر : عمي فراج كان عنده حج بس غلط لما جال مهمه صعبه مش مستحيله.
ليله : هو احنا رايحين على فين إكده مش لازم اوصلك يعني يا بدر… كنت روح انت ما انا كنت عند ابويا عادي..
بدر بسخريه : لااااه .. ما انا اصلي بخاف اروح لحالي علشان إكده جلت تونسيني يعني.
ليله : اه اذا كان كده ماشي ما تخافش وانا جارك.
بدر بانفعال : انتى عايزه تجننيني ولا ايه احنا مش اتجوزنا يا بنت الحلال وكتبنا الكتاب وبجيتى مرتي وضع طبيعي انك تعيشي معايا في دارى مش إكده ولا انا غلطان خربطى مخى.
ليله : طيب بالراحه بالراحه جصدك يعني إنى هعيش معاك فى دارك طيب ما تجول إكده.
بدر بهدوء مخادع : صح انا اللي غلطان مش عارف انا معجد الدنيا ليه.
ليله بلامبالاه : ولو اني مش فاهمه ايه لزوم ان اهمل بيت ابوي واجي اعيش معاك بس واضح من كلامك إنه لازم امري لله مش فارجه ..
بدر : لا كتر خيرك مش عارف اجولك ايه على الكرم ده وجمايلك اللي مغرجاني من اول ما نضارتك عيني يا ابووووووي على عجلك..
… نظرت ليله لبدر بغضب ثم لكذته في صدره بقوه فتالم قائلا..
بدر : ااااه … و بتمدي يدك ليه دلوك انا عملتلك حاجه.
ليله : اصلي زي ما يكون إكده شمه ريحه تريجه في كلامك عني صح.
بدر : معجول فهمتيها لوحدك خلاص مش هتريج تاني وشوفي يا بنت الناس لو كنت هنعيش مع بعض تحت سجف واحد فلازم تعرفى يدك ما تطولش مره تانيه عليا انا هفوتها المره دي علشان ما تعرفنيش انا المره الجايه هكدرك هوريك وش مش هيعجبك فاهمه..
…………………………………….
.. بعد فتره من انصراف ليله وبدر كان فراج يجلس في الغرفه وحيدا ينظر في صوره بين يديه وتهرب من عينيه بضع دمعات قائلا.
فراج : خلاص يا حسنات بنتنا هتعيش كيف مكان لازم تعيش انا طلعت غلطان يا غاليه وانتى اللي كان عندك حج طول السنين خايف عليها وطلع ما فيش سبب لخوفي ربنا يسامحني وانتى كمان سامحيني يا حسنات.
… قطع حديثه مع نفسه دخول رعد من الباب منفجرا فى الحديث قائلا..
رعد : انت كيف توافج على جواز ليله من ولد المنشاوي مش هو ده عدوك اللي كنت عايز تحرج قلبه على ولده وايلى كنت مستعد تضحى بعمر بنتك عشان تجتله ايه اللي اتغير فهمني لازم بدر يموت وانا اللي اتجوز ليله انت باللي عملته ده شجيت طريج نار يحرق كل شيء في سكته وما تفكرش إنها خلصت إكده.
فراج : انت عارف يا رعد ما بحبش الصيغه دي في الكلام فوج لروحك انا برده فراج السيوفى ثم اني ما ادتكش كلمه في جوازك من ليله وهي مش رايداك يا اخي كفاياك غل في روحك انا كنت غلطان وصلحت غلطي اللي بجاله 28 سنه و مش هرجع فى كلامى مهما حصل.
رعد : لو انت فراج السيوفي انا برده رعد …. رعد ولد صابر السيوفي وكلامك ترجع فيه ما ترجعش انا عارف هعمل ايه وبكره تسمع وتشوف..
.. انصرف رعد غاضبا فقال فراج : صابر السيوفى ربنا يسامحه ما هو سبب مرارى …بعد ايلى ….
…………………………….