رواية تيم الغريم الفصل الرابع 4 بقلم أسرار رحمة الله
رواية تيم الغريم البارت الرابع
رواية تيم الغريم الجزء الرابع
رواية تيم الغريم الحلقة الرابعة
_ ” انهارده الغول هينفذ اتفاقه مع جماعة الجبل وانا جايلك اعرفك كل حاجه تخص الغول من أصغر تفصيلة لأكبر تفصيلة ”
طنشت وعملت نفسي مش سامع وكملت مشي
” باشا يا باشا ” الصوت جاي من ورايا .
وقفت وبصيت ناحية الصوت .
” مش انت الرائد مراد شرف الدين ”
رديت عليه : ” ايوة انا الرائد مراد شرف الدين ”
” افتكر سمعت وانا بكلمك عن الغول ”
رديت عليه
_” ايوة وانا هثق ازاي ان ده مش فيلم معمول عشان تشتتوا انتباهي والعملية تتنفذ من جهة تانية ”
_”حضرتك انا جاي بهدف انتقام عايز ادمر عائلة الخطيب من اكبر شخص اللي هو عمر الخطيب نفسه واخوه لأبنه البلطجي أدهم الخطيب لبنته كمان عايز اخلي حياتهم جحيم ”
-“وايه دخل عائلة الخطيب بالغول ؟! “
رد عليا -“شوفت ازاي انت مش فاهم حاجة ؟! ”
_” م هو طول عمركم فاهمين انه الغول شخص !! بس اللي متعرفوش انه الغول هو عائلة الخطيب كلها بشركاتها بأعمالها ”
حاولت اعمل نفسي مش متفاجئ ومش مصدق عشان اقدر اخد اكبر قدر من المعلومات واشوف اخرته ايه الراجل ده.
قولتله
_” طب تعالا معايا القسم هناك نبقي نتفاهم ”
رد عليا بخوف : ” قسم إيه بس يا باشا دول ياكلوني لو خدو خبر اني عديت من جمبك حتي لا الغول يرحموني ولا جماعة الجبل ”
بصيتله كده وقولتله يجي معايا بالعربية وانزله مسافة بعيدة عن القسم عشان انا متأخر عن الشغل في الأخر اقتنع مني وركب .
_” احكيلي بقي تعرف ايه عن الغول وازاي تثبتلي انه الغول مش شخص واحد زي ما بتتدعي ! ”
سكت وقالي : ” الغول مش شخص واحد بس قلب الغول أدهم الخطيب ؛ أدهم الخطيب هو الوصلة ما بين الغول بكل العالم الاسود وهو اللي ممشي الصفقات بيعقدها وبينفذها ويستلم ويسلم “
” ماشي ؛ ماشي انا اوصله ازاي عائلة الخطيب معروفة اكتر بعمر الخطيب وياسر الخطيب انت عارف ياسر الخطيب ده يبقي ايه؟! ”
_ ” ايوة عشان كده بقولك مش عايز اوصل القسم عنده ميه عصفورة يوصلوا الكلام لحضرته ؟! ”
_ ” دلوقت عايز تقنعني انه اللواء ياسر الخطيب تاجر مخدرات وهو نفسه الغول ” .
_ ” ركز ياعم الغول كلهم مش ياسر ؛ ياسر بغطي عليهم يعرف الأماكن اللي فيها ضعف عندك مفيهاش مطبات بتاعت حكومة ولا غيره ”
فجأة وطي رأسه ونزل لتحت .
بصيت لقيت في عربية جايه علينا بس انا فاكر شوفت العربية قبل كده!!
ايوة صح قدام بيت جميلة امبارح !!
ده الواد اللي كان بيعاكس جميلة وانا ضربته اما العربية قربت شوفته هو اللي كان سايقها .
كان سايق بسرعة جنونية ومتعصب وبيتكلم في التلفون .
” في ايه انت تعرفه ” سألته بعد ما تجاوزنا .
رد عليا وهو بيتلفت حولينه : ” يارب ميبقاش شافني ؛ ده يبقي أدهم الخطيب يا باشا ”
اول ما سمعت الإسم حسيت انه حد دلق عليا مية باردة ومكنتش عارف ارد عليه .
الراجل فضل يتكلم معايا واتفاجأت اكتر لسه لما عرفت انه التسليم بعد ساعتين من دلوقت عشان حصل خلاف ما بينهم وقدموا الوقت اللي استغربته اكتر طالع من القسم ليه!!
عرفت من الراجل رقم لوحة عربيته وخدتها ونزلته وجريت جري علي القسم اعرف ايه الحكاية واجمع كل اللي بثق فيهم من الضباط عشان نداهم مكان التسليم .
سألت عن سبب وجود أدهم الخطيب ولقيته انه جاي يقابل العميد سليمان الخولي !!
لقيتني قدامه من غير ما اشعر وكمان بسأله :
” تعرف أدهم الخطيب منين يا افندم عشان يجي لحضرتك ؟! “
” وايه العلاقة ما بين جميلة وبينه انا شوفتهم مكنش بيعاكسها وخلاص صح كده ؟ ”
اول ما قولتله كده طلب مني اقعد عشان يفهمني ايه الدنيا وعشان م افهمش غلط !
واول ما قعدت تلفونه رن استئذني ارد وعرفني انه دي غزل ورنت كتير .
” ايوة يا غزل في ايه بترني وعمال بفصل المفروض تفهمي انه انا في حاجه مهمه ”
شوية وقف علي طوله ؛
” بتقولي ايه ؟! انا جاي حالا اهو خلي يوسف ينزل قبل مني ويروح علي بيت مستر محمد تاني ويدور عليه يمكن يعرف حاجه ”
قفل و طلع جري
جريت وراه وبقيت بسأله : ” في ايه يا عمي ”
_ ” جميلة يا مراد طلعت من بدري عندها كورس انجلش ومش موجوده هناك وفونها مقفول ومسك جات تسأل عنها في البيت ويوسف بيلف عليها مش لاقيها ولا فونها بفتح ”
خليت عمي ينزل وانا فضلت عشان اخطط وافهم الضباط المفروض يتعمل ايه وتفاصيل كل حاجه تخص الغول وجماعة الجبل ونزلت .
فضلت اكلم نفسي طول الطريق لبيتهم .
” ياتري أدهم خط_فها!؟ اي اللي العلاقة اللي بينهم ؟! حصل ايه بالظبط ؛ معقولة أدهم هيسيب عملية كبيرة زي دي ويركز انه يخط-ف جميلة عشان انا اتقدمت ليها ولا ايه ؛ بيحبها ولا ايه بالظبط ؟! وهي بتحبه عشان كده بحسها رافضة ارتباطنا ولا ايه ”
لقيت نفسي قدام البيت طلعت لقيت خالتو نوسة حاطه ايدها علي خدها وبتحاول تستقوي ولقيت غزل كمان بتعيط اول ما شافتني جريت عليا وقالتلي :
” اكيد هو اللي خطفها ؛ هم مش هيقولوا بس انا هقولك ”
حاولت اهديها قعدتها وسألتها:
” تقصدي مين ؟! قوليلي وانا مش هسيب جميلة يحصلها حاجه ولا ياذيها اي حاجة ”
كل ده وخالتو نوسة ساكته مبتقولش حاجة ؛ غزل كانت كل شوية تبص ناحيتها بخوف بس هي بردك متكلمتش وكانت متلزمة الصمت .
غزل كملت كلامها :
” هقولك عشان خايفة علي اختي ”
رديت عليها : ” اطمني وقولي متخافيش المهم جميلة ترجع متركزيش في حاجة سلامتها اولي ”
بصت ناحية امها وقالتلي بتردد : ” أدهم الخطيب ”
_ ” ماشي احكيلي هو هددها قبل كده ولا حاجة ؟! “
كملت في كلامها وهي بردك بتبص ناحية خالتو نوسة :
” هو قال محدش هيتجوز جميلة غيري يوم ما جيت تطلبها وبابا طلعه من هنا ويوسف وزين هدوده انه هيجيبوا الشرطة واللي كنت ضربته كان هو ”
” طب وجميلة ” رديت عليها
_ ” مالها جميلة ”
_ ” تفتكري راحت معاه عشان مش عايزاني ؟! ”
خالتو نوسة رديت عليها بصوت حزين : ” عمري ما اتوقعتك تسأل السؤال ده؛ بنتي متربية لا يمكن تعمل كده ؛ مستحيل تعمل كده ؛ يمكن كل حاجه ضدها بس هي مش هتعمل حاجة غصب عننا لو علي حساب نفسها ”
_ اتأسفت ليها وفهمتها انه مش قصدي اشكك في اخلاقها وانا بتكلم جه عمي داخل ومعاه مسك .
فضلنا نسأل فيها ونستفسر موصلناش لحاجة .
ونزلنا انا وعمو ندور في كل الأماكن اللي قالت مسك صحبتها عليها.
__________________________________
في مكان تاني خالص :
” ايوة انا أدهم الخطيب وانا جيت اهو قدام النيل ؛ كل اللي عايزينه هنفذه بس ودين ربي تلمسوا شعرايه من جميلة لها طين عيشتكو واقلب المكان بركة د*م ”
” اللي عايزينه انا هعمله ؛ انتو غدرتوا بيا وهدفعكم التمن ”
شوية وجم تلاتة فورمة وحاوطوا أدهم .
بعدها جه راجل خمسيني بس كاريزما وصوته فيه بحة وابتدا يتكلم مع ادهم .
” من الأول قولتلك هتجي يا بن الخطيب ؛ الغول غول علي نفسه مش علينا ؛ كنتو تقبلوا بشروطنا من الأول ومكنتش اضطريت احفر وراك واجيب المزة واتعبها معانا “
أدهم اتعصب وحاول يتخطي التلاتة بس معرفش .
” اتكلم بأدب عنها وإلا هدفنك هنا ومش هسأل فيك ! ”
واحد منهم لكم ادهم علي وشه بس هو رد عليه بزيها وبروسية في وشه وقع الاتنين كانوا رايحين علي ادهم الخمسيني وقفهم .
_” احنا مش اعداء يا أدهم ؛ هات البضاعة وخد الفلوس اللي متفقين عليها من الأول مش اللي غيرتوها بمزاجكم ”
رد عليه أدهم بعصيبة : ” هات جميلة الأول وبعدها نتفاهم مفيش تفاهم قبل ما جميلة تبقي قدامي وفي عربيتي وانا مروح معاها ؛ غير كده متحلمش ”
وبعد طول نقاش الراجل اقتنع .
جابوا جميلة علي كرسي وكانت نايمة ومش دريانة أدهم جري عليها وابتدأ يفتش فيها .
الراجل قاله : ” ما تخافش احنا مش وسخين اوي كده البت زي ما خدناها رجعناها ؛ ونايمة كمان لا تعرف مين خدها ولا بسبب مين خد الفلوس واركب العربية ولو لعبت بديلك انت والامورة مش هتطلعوا غير علي القبر ”
ادهم بص ناحيته بغضب .
_ ” وعزة جلال الله لهتشوف ايام اسود من قرن الخروب هندمكوا واحد واحد ”
خد جميلة ركبها في العربية ونزل روح ناحية عربية مركونة وفتح صندوقها وطلب من الراجل يقرب وأول ما شافها طلب من اللي معاه يدوه شنط الفلوس .
خد الفلوس راح ناحية العربية واول ما وصل سمع صوت .
” ثابت عندك انت وهو المكان كله محاصر ” .
ادهم نط بسرعة جوة العربية وساق بسرعة وطلع من المكان كمية من العربيات بتجري وراه وكانت عربيات الشرطة .
ادهم زوق منهم بصعوبة .
وكان بسمع صوت الضرب والرصاص .
وصل البيت بعد ما أتأكد انه محدش وراه .
طلب من الحرس يقفلوا كويس ومحدش يدخل الا بأذن منه .
دخل البيت كلهم متفأجين كان جاي داخل وشايل جميلة ما بين ايديه ومحدش سأله خدها ودها علي اوضة اخته اسيل ونادي علي اسيل اللي كانت مصدومة وهي عارفة انه جميلة بيدورا عليها وفي الأخر جه داخل بيها اخوها ادهم .
نيم جميلة علي السرير واتصل علي ابوها.
وبردك بعد محاولات كتيرة رد .
” بنتك معايا لو عايزها اتصل بيا وانا اقولك هجيبها ازاي وفين وياريت تجي لوحدك من غير مراد ولا يوسف ولا زين عشان مش ضامن نفسي معملش حاجة فيهم ”
وقتها جميلة صحيت وسمعت كلامه واتخضت من اللي سمعته وحاولت تقوم ومعرفتش تقوم وفضلت تترعش من الخوف
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تيم الغريم)
