رواية تورط بها الفصل الثالث 3 بقلم إيمان
رواية تورط بها البارت الثالث
رواية تورط بها الجزء الثالث
رواية تورط بها الحلقة الثالثة
ممدوح!!! ممدوح دا مين دا كمان
مهندس شاب كان مشارك بابا فمشروع جديد وكان عنده عشان يتناقشو فشغلهم أنا دخلت لبابا بس معرفتش اكلمه طبعا وروحت معاه من غير ولا كلمه بعدها بكام يوم لاقيت بابا بيقولى ان ممدوح طلبنى منه وانه هو شايف انه شاب كويس ومجتهد بس طبعا الرأى رأى والحقيقة الواد كان مز فوفقت
فردد بتقزز : مز
اه فيها حاجة دى كمان
لا مفيهاش كملى كملى
المهم قرينا قاتخة مبدئيا لحد بعد الامتحانات
يعنى انتى مخطوبة
يا ابنى ما تسبنى أكمل
ابنك ؟؟ طب كملى يا حاجة
بعد لما اتخطبت لممدوح كنت فاكرة ان كل امورى حتتظبط بقه وحنبسط لحد لما فيوم ممدوح اصر يوصلنى الكلية ووقف شوية يتكلم معايا ويتنحنح بقه زى الشباب ما بتعمل وانا كمان كنت مبسوطة اوى عشان زمايلى واصحابى حيشوفوه بقه ويعرفوا انى مخطوبة لواد مز اخر حاجة
ياسيدى اه وبعدين
خد عندك البيه خد بعضه ومشى وانا دخلت اقابل مصيرى
ليه ايه اللى حصل
ماتصبر
طيب
انا سبته يمشى وببص ورايا لاقيت سندس صديقة عمرى وقفة وعلى وشها الصدمه فكرتها طبعا مصدومه بعد ما شافت خطيبى المز لكن لاقتها بتقولى بخوف
سندس : انتى تعرفى الراجل ده منين
ايه يا سندس دا ممدوح خطيبى
انتى بتقولى ايه هو ده خطيبك ينهار مش فايت
ايه يا بنتى هو فى ايه
الراجل ده كان خاطب بنت عمتى ونصب عليها هى وباباها فى مبلغ كبير واختفى
انتى بتقولى ايه مش يمكن واحد شبهه
لالا انا متأكده وبعدين عشان نقطع الشك باليقين
فضلت بقه تقولى معلومات كتير عنه كان هو فعلا قالهالى وخلينا حد من زميلنا الشباب كان معروف عنه انه يفوت فى الحديد يجيب لينا كل صغيرة وكبيرة عنه وفعلا فات كام يوم وجه زميلى وهو جايبلى قراره وفعلا طلع نصاب لا وايه نصاب محترف كمان
وعملتى ايه وجهتيه ؟؟؟
للاسف فى الوقت ده كان بابا تعب واتلخمت معاه
وكل حاجة خلصت بسرعة مات بابا وتوالت المصايب طلع كان عليه ديون كتير يادوب سددناها من مشاريع كان وقت تسلمها دا غير اننا بعنا الشركة وفاجأتنى الست أنوار بعقد بيع للشقة بعد تجددها وضم شقتها لينا بأسمها وانها حتصتدفنى شفقة وعطف دا غير البية النصاب صرحنى اننا مش موافقين مع بعض ونفترق بهدوء أحسن بعد طبعا ما عرف انى يا مولايا كما خلقتنى الاحلى من كده بقه ان بعد أربعين ابويا اتفاجأت فيوم بممدوح باشا فى بيتنا قال جاى يطلب ايد فيفى وانفجرت فى الضحك
ممكن اعرف بتضحك ليه دلوقتى دا عشان الصدمة ولا غيظ انه سابك وحيخطبها
لا ده ولا ده
امال ايه ؟؟
اصل وقتها كان نفسى انتقم منهم من اللى عملوه فيا بس مكنتش عارفه اعمل ايه فلاقيت ان ده انسب واحسن انتقام من فيفي وامها انها تقع فواحد زى ممدوح
يعنى هى طردتك عشان كده
لاااااا لسه اصبر
كملى كملى دا ولا الفيلم العربى
سمعتها هى وامها بيتكلموا عن راجل فكرته ممدوح لكن اتفاجأت انهم بيتكلموا عن مغفل جديد أنوار ناوية توقعه فى فيفي
ما تلمى لسانك ده
وانت مالك انت انا بتكلم عن المغفل اللى حيوقعوه
طب كملى ومن غير غلط فالناس
أنوار خلت فيفى تقلع دبلة ممدوح وتحاول تبعده عنها الفترة دى عشان تفضى للمغفل الجديد
مش قولت من غير غلط
أنا نفسى اعرف انت مالك
ما هو انا المغفل حضرتك
أحم أحم ما علينا ما علينا المهم انا سمعت الخطة كلها بعدها انوار انتبهت لوجودى وسألتنى عن اللى سمعته قولتلها انى سمعت كل حاجة وحطربقها على دماغهم قامت لمتلى هدومى ورمتنى بره الشقة والباقى انت عارفه بقه
مقولتيش صحيح انتى اسمك ايه
هادية
نعم
ايه مالك فى ايه
انتى اسمك هادية امال زوابع وعواصف تبقه شكلها ايه
حتغلط حغلط انا بقولك اهو
اتكتمى اتكتمى بقولك ايه احنا حندخل دلوقتى اعرفك على ماما وأختى صوتك ما يعلاش الكلام يبقه بأدب ومش عاوز طولت لسان
طب يلا يلا
يسلاااام ومالك متسربعة كده مش يمكن امى تكون فمشوار واختى معاها ونبقه رجل وامراة ثالثهما الشيطان
انت قلبك اسود اوى يا سيدى انا طول عمرى بسمع عن القصور اول مرة فحياتى اشوف واحد حقيقى
طب يلا ورايا
وشنطتى دى
سيبى الزفته حبقه اخلى حد من الشغالين يطلع يجبها
شغالين ليه انتوا عندكم اد ايه شغالين فى الهلمه دى
انا قولت هو يوم مش معدى يلا ورايا من سكات
طب ما تزقش طب
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تورط بها)
