رواية توأمتي الفصل التاسع 9 بقلم غرام
رواية توأمتي الجزء التاسع
رواية توأمتي البارت التاسع
رواية توأمتي الحلقة التاسعة
عارفه اني اتأخرت جامد بس اعذروني فوني كان بايظ ده بارت صغنون اد كده تصبيره لو سمحتي يجميل بلاش كومنتات سلب. يه وياريت نراعي ظروف بعض والكلمه الطيبه حسنه
_______________________________________
_هو ممكن الانسان يحب حد من اول نظره من غير ما يعرف عنه حاجه؟؟؟
كنا قاعدين قدام البحر انا وكيارا بنراقب موج البحر وقد اي مش بيفضل على حاله قطع الصمت للي ما بينا سؤال كيارا رديت عليها وانا عيني لسه ع الموج
ديلارا_تعرفي يا كيارا ان الحب ده اجمل شعور ممكن الانسان يحس بيه الحب بييجي يخبط على بابنا من غير استئذان ممكن يكون قدامنا من سنين طويله ومناخدش بالنا منه وممكن ييجي من اول نظره لشخص معين منعرفوش. الحب ده شيئ معقد مش مفهوم بس تقدري تحددي انتي فعلا حبيتي واللا لا من دقة قلبك
كيارا_من دقة قلبي؟؟ ازاي مش فاهمه
ديلارا_انا اقولك يعني مثلا الشخص للي انتي بتحبيه تعرفي انك بتحبيه ازاي لو عينك لمحته تلاقي قلبك بيدق يدق يدق بسرعه اوي تحسي احساس غريب لكنه جميل احساس عمرك ما حسيتي بيه قبل كده ولا بتحسي بيه مع اي شخص تاني غير هو شخص معين بس فهمتي
كيارا_مكنتش اعرف انك فيلسوفه كده
ديلارا_عشان تعرفي بس اني جوايا مواهب مدفونه يبنتي
كيارا_طب ياريت تفضل مدفونه متخرجيهاش
ديلارا_حبتيه
كيارا بتوتر_هو مين
ديلارا بتنهيده _امير
كيارا_مش عارفه بس في المرتين للي قابلته فيهم حسيت باحساس غريب اوي عيني مبتنزلش من عليه قلبي بيدق ليه بطريقه غريبه مش مفهومه بحب اشوفه دايما
ديلارا_اخر مره كان موجود عندنا فيها سمعت ضربات قلبك كإنه هيخرج من مكانه لسه مكملتش كلامي لاقيت للي واقف ورانا
زين_كنت عايف اني هلاقيكوا هنا
ديلارا_زيزو اي للي جابك هنا
زين_كنت عايز اقعد معاكوا واستإذنت مامي اني اجي لكن هي وبابي في مشوار ف جيت مع خالو مييو
امير_انا اسف اني اقتحمت خصوصيتكوا لكن اعمل اي ل زين
كيارا_عادي ولا يهمك اتفضل اقعد معانا
زين_يووووه
كيارا_في اي يا زين
زين_انتوا قلعتوا البيوشات للي جيبتهالكوا عشان اعيفكوا كده مث هعيفكوا تاني
ديلارا بضحك_مش مهم تعرفنا من بعض احنا الاتنين واحد
امير هرش في راسه وهو بيقول_ الصراحه هو عنده حق انا كمان مش بعرفكوا من بعض
ديلارا_بغمزه وانت عايز تعرفنا من بعض ليه يا سي امير بقلمي هيام
امير_طبيعي اني لازم اكون عارفكوا من بعض عشان اكون عارف انا بتكلم مع مين
ديلارا_وجهت نظر برضو
كيارا_طب اي رأيك تخمن مين فينا كيارا ومين فينا ديلارا
امير بتشتت_انتي كيارا وانتي ديلارا
كيارا وديلارا بصوا لبعض باستغراب انه ازاي عرفهم
ديلارا_لا غلط انا كيارا وهي ديلارا
امير_برفعة حاجب لكن انا متأكد من للي انا قولته متحاولوش تلغبطوني ده قائد في الجيش يعني افهمها وهي طايره
كيارا_ عندك حق يا سيادة القائد وتخمينك مظبوط ديلارا للي بتحب تهزر
كيارا_يعني طلعت انا دلوقتي الشر. يره يرضيك كده يا زين
زين_لا ديلايا حلوه ديلايا حبيبت ذين
ديلارا باقتضاب_الله الوكيل يا زين انت كرهت. ني في ام الاسم ده
زين ببراءه_ليه انا معملتث حاجه
ديلارا_طب بقولك اي يا زيزو تيجي نجيب حجات حلوه
زين_اه عايذ ذبادو
ديلارا_خلصانه يباشا
امير_طب استنوا هنيجي معاكوا
ديلارا_لا متشكرين يا حضرت القائد انا عايزه امشي انا وصاحبي لوحدنا صح يا صاحبي
زين_ثح
كيارا ابتسمت وفهمت ان اختها عملت كده عشان يكون في مساحه بينها وبين امير ويقدروا يتكلموا
امير_تعرفي انك جميله اوي
كيارا اتكسفت ورجعت خصله شارده من شعرها ورا ودنها ردت بابتسامه_ميرسي
امير_انتي وديلارا توأم متطابق في كل حاجه
كيارا_تقريبا احنا نفس الشكل ونفس الصوت لكن كل واحده فينا ليها شخصيه مختلفه
امير_ده واضح انتي شخصيتك هاديه وخجوله بعض الشيئ لكن ديلارا شقيه وشخصيتا قويه
كيارا_انا وديلارا بنكمل بعض
امير_البحر حلو اوي
كيارا_اه لكن الموج عالي وممكن يغر. ق
امير_مش مهم بس المغامره اهم
امير_نزل البحر وكان الموج عالي اوي
كيارا_امير انت بتعمل اي اخرج الموج عالي اخرج يا مجنو. ن
امير مردش عليها وفجأه لاقيته بيستنجد امير بيغر. ق و ديلارا مش موجوده طب اعمل اي اعمل اي مكنش في وقت للتفكير ومكنش ينفع اسيبه يغرق نزلت البحر من غير تردد وحاولت تتحكم في حركة الامواج كيارا وقفت وقرأت تعويذه معينه السما بقا شكلها غريب والغيوم بقت سودا جدا والهوا بقا شديد الموج بدأ يهدى والميه بدأت تطلع لفوق وفوقها امير. كيارا رجعت الشاطئ والموج وراها وفوقه امير الامواج نزلت امير ع الشاطئ وكيارا قعدت جمبه حاولت تفوق فيه وفجأه لقيته فتح عنيه
امير بذهول_اي للي حصل دلوقت
كيارا بتوتر _حصل اي انا مش فاهمه حاجه
امير_كيارا انتي ازاي اتحكمتي في الامواج كده وازاي قدرتي ترفعي وتنزلي الميه بحركه منك
كيارا_اي التخاريف للي انت بتقولها دي. تقريبا انت شربت مايه مالحه كتير ف اثرت على مخك
امير مسك ايد كيارا وقربها منه وشه بقا في وشها وانفاسهم متقاربه جدا
كيارا_امير لو سمحت سيبني مينفعش للي انت بتعمله ده
امير_مش هسيبك غير لما افهم في اي انتي واختك مش طبيعين امبارح كنت خارج الجنينه اشرب سيجاره لمحت ديلارا وهي واقفه لاقيت عنيها لونها احمر غريب جدا وفي خفاش واقف على كتفها واول ما قربت منها عنيها رجعت طبيعيه قولت يمكن بتخيل لكن النهارده انا متأكد اني مكنتش بتخيل لاني مكنتش بغر. ق انا قائد في الجيش يا ديلارا يعني متدرب كويس ع السباحه والعوم ف اكيد مش هغر. ق بالسهوله دي
كيارا بصت في عيون امير بتركيز وعيونها اتحولت للون الاحمر وكذلك عيون امير….كيارا حذفت جزء من ذاكرة امير عشان ميفتكرش للي حصل كيارا اه ممكن تكون حبت امير لكن مش مستعده انها تخا.طر بحياتها هي واختها وامير فجأه اعصابه سابت ومقدرش يتمالك نفسه ورجله خا. نته وو. قع ع الارض
/////////////////////////////
ديلارا_ها يا أستاذ زين اتبسطت
زين بفرحه_جدا جدا وكمان حبيت ميني وميكي ماوث الكبار اوي دول
ديلارا _خلاص ياعم بكره نخرج انا وانت ونروح الملاهي
زين_الله انا بحب الملاهي اوي
ديلارا لمحت امير نايم ع الشاطئ وكيارا جمبه
ديلارا_كيارا امير ماله وليه نايم كده
كيارا_كان في البحر والموج كان عالي وشرب مايه مالحه كتير انقذته وتقريبا مغمى عليه لكن متقلقيش شويه وهيفوف
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية توأمتي)
