رواية تملك قلبي الفصل الأول 1 بقلم مريم فهمي
رواية تملك قلبي الجزء الأول
رواية تملك قلبي البارت الأول
رواية تملك قلبي الحلقة الأولى
تعريف الشخصيات
مصطفي العامري : كبير عائلة العامري يبلغ من العمر ٧٥ عاما وهو الجد والجميع ينصت لحديثه واغلي ما يملك هو اولاده واحفاده
زينب زوجة مصطفي
“”””””‘””””””””””””
محمود العامري : الابن الاكبر لمصطفي يبلغ من العمر ٥٠ عاما وهو والد كل من زين وليلي وعمار
عائشه زوجة محمود
زين العامري : يبلغ من العمر ٢٦ عاما ظابط في القوات الخاصه والابن الاكبر لمحمود
عمار : الابن الاوسط لمحمود ويبلغ من العمر ٢٥عاما ويعمل في شركه مع اولاد عمه
ليلي : الابنه الاصغر لمحمود وتبلغ من العمر ٢٤ عاما
“””””””””””””””
عادل العامري : الابن الثاني لمصطفي وعمره ٤٨ عاما يمتلك حور وآسر وفريده
(رويدا زوجة عادل)
آسر: الابن الاكبر لعادل ويبلغ من العمر ٢٦ عاما وهو صديق زين ويعمل معه في القوات الخاصه
حور : الابنه الاوسط لعادل وتبلغ من العمر ٢٤ عاما
فريده : الابنه الاصغر لعادل وتبلغ من العمر ٢٢ عاما
”””””””””””
ماجد العامري : الابن الثالث لمصطفي ولديه حبيبه وعلي
هدي زوجة ماجد
حبيبه : تبلغ من العمر ٢٣ عاما
علي : صديق عمار ويعمل معه في الشركه وعمره ٢٤ عاما
“””””””””””””
جلال العامري : الابن الرابع لمصطفي ولديه خالد ونور
ايمان زوجة جلال
خالد : يبلغ من العمر ٢٤ ويعمل مع عمار وعلي في الشركه
نور : تبلغ ٢٠ عاما وفي كلية الحقوق
“””””””””””””
سمر العامري : الابنه الاصغر لمصطفي وتبلغ من العمر ٢٥ عاما وتعمل ايضا مع اولاد اخواتها في الشركه ليست متزوجه
“””””””””””
البارت الاول …♥️
محمود- صباح الخير يا بابا
مصطفي : صباح الخير يا محمود فين بقية اخواتك
– جايين اهو يا بابا
ماجد وسمر : صباح الخير يا بابا
– صباح النور يا حبايبي عامله اي يا سمر دلوقتي
– والله يا بابا لسه الدوخه دي برضه مستمرة معايا
– لازم نروح للدكتور محمد بقي كده
لمعت عينان سحر: خلاص يا بابا انا هعدي عليه بعد الشغل
– طيب يا حبيبتي
علي ممازحا- صبااااح الخيييير يااا جدي
– اقسم بالله يا علي حاسس اني هكرشك من البيت قريب علي الدوشه بتاعت كل يوم دي
علي يقبل رأسه- حبيبي يا جدي بحبك بحبك
– اللهم طولك يا روح ، فين بقيت الفرقه بتاعتك
– قصدك عمار وخالد
– هو انت ليك غيرهم
– نازلين نازلين
– عملتوا اي في الصفقه الجديده
– كله تحت السيطرة يا كبير عيب عليك
– والله انا خايف منكوا هتوقعوا اسم العامري قريب منكوا لله
علي يتحدث بثقه – ده احنا هنطلع اسمه فوق في السما عيب عليك
ماجد : علي افطر وانت ساكت عشان جدك ميقومش يحمرك
علي : اي يا ميجو الكلام ده ده جدي بيحبني حب
مصطفي – كدب كدب يا حبيبي كدبوا عليك
علي بحزن مصطنع – مكنتش اتوقع منك كده يا درش والله
مصطفي بضحك: يا ابني انا عملت اي في حياتي عشان يطلعلي حفيد شبهك كده
علي بثقه : عملت كل شيء حلو يا درش
قاطعهم نزول زين المبهر دائما
زين بصرامه : صباح الخير يا جدي
مصطفي : صباح النور يا زين عامل اي يا حبيبي
زين : الحمدلله يا جدي كويس اوماال ستي فين ؟
دخلت زينب بفرح : ده الظاهر ان وجودي مهم كده يا حضرة الظابط
زين وهو يقبل يدها – انتِ الخير والبركة يا حبيبتي
مصطفي بغيره مصطنعه : وانا اي بقي ؟
زين بضحك : وانت يا جدي طبعا هو حد يقدر يتكلم
مال زين علي علي وقال : اي الي انت هببته انبارح ده
علي بشرقه : انت عرفت ؟ مين عرفك ؟
زين : جدك لو عرف هيدفنك مكانك بقي الوفد الاوربي يجي وانت تعاكس المترجمه الي هي اصلا بتتكلم عربي يعني اعمي ومعندكش نظر ، ضيعت الثقفه يا اهبل
علي : يا زين افهم البت اقسم بالله كانت بترجم غلط للوفد ده كانت عاوزة تخلي الشرط الجزائي ٢٠ مليون جنيه لي يا حبيبي هنشارك مين نجيب سويرس ولا اي !
زين: فتعاكسها ! انت عارف احنا كنا هنطلع منهم بمكسب كام
علي : حسيت ان هي خربانه خربانه قولت مطلعش فاضي
زين : طب اسكت بقي عشان عمار مش طايقك
مصطفي : في اي يا زين ؟
زين : لا كنت بقول لعلي ان اللهم بارك اجتهاده في الشركه عالي عالي
مصطفي : والله انا شاكك فيكوا
علي : شركتك في الحفظ والصون يا جدي
دلف كل من عمار وخالد وحور وفريده ونور وحبيبه وآسر وليلي
حور كانت تنزل مع عمار والضحكات ترسم وجهها وجهه
وعمار وفريده ونور وآسر وحبيبه وليلي يتهامسان سويا
حور بضحك : بجد والله يا عمار قالها كده
عمار بغيظ : اقسم بالله شويه وهرفده يا حور ده عاملنا مصايب
حور : طول عمره علي وهو كده فظيع
عمار يغمز : ومن الظاهر ان اخويا هيقوم ياكلني دلوقتي
حور : اخوك ده اكتر حد بيحب يتحكم فيا وخلاص ده مش بيعمل كده مع ليلي
عمار : مش يمكن انتِ اغلي من ليلي ؟
حور : عمااار !
عمار : خلاص يا ستي انا ساكت اهو
نزلوا والجميع القي السلام علي جدهم وجلست جميع العائله للفطور
عائشه (مرات محمود) : اي رأيكم في الفطار بتاعي انا ومراتات عمكم ؟
زين : تسلم ايدكوا يا امي
عائشه : حبيب قلبي يا زيزو
رويدا ( مرات ماجد) : زين ده اكتر واحد هنا بيجبر الخاطر
علي : بنخبط في الحلل يا امي
رويدا : اسكت ده انت فاضحنا اسكت
حور : يا طنط رويدا علي ده هو الصايع بتاع العيله والعيله الي مفيهاش صايع حقها ضايع
حبيبه : اخويا ده مفيش منه اتنين اسكتوا اسكتوا
علي : ولا ليا الا هي
خالد بغيظ مكتوم: هو احنا لينا الا علي ده كفايه علينا انه اللهم بارك رافع راسنا فوق
عمار : انت هتقولي
عادل : جرا اي يا ولاد هو الفطار معمول عشان نقطم علي ولا اي
حور : يا بابا ده بيمدحوا فيه اهو
مصطفي : انا مش مرتاح ليكم والله
ليلي بهدوء : جدو انا ممكن اطلب من حضرتك طلب
مصطفي : طبعا يا لوله عاوزة اي ؟
ليلي : انا عاوزة انزل الشركه انهارده ابدأ اتعلم معاهم
آسر بإندفاع : لا
الكل لاحظ وجوده بعد انضمامه لجانب زين ولاحظوا ايضا اندفاعه الملحوظ ناحية ليلي
ليلي : وانت تدخل في حياتي لي يا آسر هو انا مليش حد اخد اذنه
آسر بعصبيه : احنا هنا كلنا اخوات يا ليلي والي زين يقوله او انا تسمعيه انتِ كويسه هنا وانتِ بتشتغلي اون لاين صح يا زين ؟
زين : والله يا آسر الي هي شايفاه والي جدي يشوفه
مصطفي : اسكتوا كلكوا ليلي يا بنتي انا كنت بفكر ان الكل ينزل الشركه وتتعلموا وتكبروا المؤسسه بتاعت العامري وانا موكل عمار ، عمار المسؤول عنكوا كلكوا لانه اكتر واحد فاهم لان ده مجاله وشغله
عمار : تنوري يا ليلي انتِ واي حد بس يارب متبقوش كلكوا شبه علي
علي : عامل نفسي مش داري
نور بخفة دم: علي ده تحس انه هو حديث الصباح والمساء بقولك اي يا جدو ما بلاش انزل الجامعه انا كمان وانزل معاهم الشركه اشمعنا انا واهو بالمرة بدل ما يبقي عندهم مصيبه واحده يبقوا اتنين
علي : انا شامم ريحة تهزيق
نور : عيب عليك
حبيبه بنظرة حب : احسن حاجه ان زين برا الموضوع ده ملوش علاقه بكل الي بيحصل ده
زين باستغراب وبرود: الي عندي يا حبيبه اكتر من شغل الشركه وعندي هم كبير وبرضه بتابع معاهم شغل الشركه
حور بضيق : ربنا معانا كلنا
زين بعدم اهتمام : يارب يلا يا آسر
اسر : يلا بينا
جلال : يلا يا بابا احنا كمان هنستأذن
محمود: عاوز اي حاجه
ماجد : اؤمر اي حاجه يا حاج
مصطفي انا عاوز نقعد قاعده بليل كويسه نظبط فيها شويه حاجات في المكتب عندي فلما تيجو قعدتنا هتكون طويله وكده كده بكرا الجمعه
عادل بهزار : القعدات دي انا بخاف منها
مصطفي : متقلقش فيها حاجات مهمه
محمود : اكيد بخصوص الولاد
مصطفي : سيبوها لظروفها يلا عشان شغلكم
سمر : بابا انا هروح مع اخواتي انهارده وهرجع اروح لدكتور محمد اعمل شويه تحاليل
زينب : طب ما اجي معاكي يا سمر
سمر: ملوش لزوم يا ماما متتعبيش نفسك سلام
مصطفي : انا خايف عليها حاسسها مش مظبوطه
زينب : كل حاجه هتبان
زينب قائله لزوجات اولادها : يلا يا مراتات عياالي علي الغدا
رويدا وعائشه وهدي وايمان قائلين في نفس واحد – يلا يا ماما
عادل ومحمود وماجد وجلال بدأوا بالاستأذان واحد تلو الآخر للذهاب الي مؤسسة العامري الكبري اما شركة العامريه الصغيره فهي ملك للاحفاد
حبيبه : ما تيجي يا ليلي نخرج شويه بما انك مش رايحه الشركه انهارده
ليلي : طيب يا حبيبه
نور : هتروحوا فين ها
حبيبه : هنخرج نتسلي
نور : طب ما نقول لفريده وحور ونخرج كلنا
حبيبه : ماشي لو كده نخرج كلنا
حور : ما تيجو نروح كلنا الشركه معاهم ونشوف شغلهم كده
فريده : ايوة انا موافقه بس عمار هيوافق
ليلي : هيوافق انتِ مسمعتيش كلام جدي
حبيبه : فريده بس بتعمل حساب لعمار شويه
ليلي بحده : كلنا اخوات يا حبيبه وطبيعي كلنا نعمل حساب لبعض
حبيبه : انا قولت حاجه
حور : طب يلا نطلع نلبس
نور : يلا يلا
”””””””
عند الشباب
عمار : عارف يا علي لو نطقت في الوفد ده هقتلك يا علي
علي : يا مظلوم يا علي
خالد : اسكت يلا بقي ده انت فضحتنا
علي : ما انتوا كمان فضحتوني
خالد : خلاص اسكتوا بقي شوفتوا صحيح آسر انهارده كان مضايق ان ليلي هتنزل معانا ازاي
عمار : دي اختي ها
علي : اختك شكلها كده هتقع في حضرة الظابط آسر
عمار : انا حاسس بحبه ليها بس ليلي مش عارف لي مش بطيقه
علي : هو كده اي حد مش بطيقه بتلبس فيه في الآخر
خالد : انتوا عارفين مين الي انا حاسسهم اوي هيلبسوا في الاخر
عمار: حور وزين
علي : زين بيحب حور من صغرنا ودايما بيحبها ليه هو بس
خالد : بس حبيبه هي كمان بتحبه
علي : حبيبه انا عارفها كويس وعارف ان هي معجبه بزين كانبهار وانها عارفه كويس ان حور هي حبيبة زين
خالد : يمكن
“””””””””
عند اسر وزين
زين: اي يا ابني الي انت عملته مع ليلي الصبح انا لو مش عارف نيتك من ناحية اختي كنت قلبت الدنيا
اسر: مش عارف ليه بتكرهني يا زين
زين : اديها فرصه تشوف الجميل الي جواك
آسر : انا حاسس ان في حد في دماغها
زين : انا متاكد من دماغ اختي يا آسر ليلي عاوزة تنجح في شغلها ومجالها
آسر : انا هوفرلها كل حاجه بس انا خايف اتقدم ترفضني
زين: استني شويه تفهمك
آسر : حاضر يا روميو
زين : لا انا بحاول انسي الموضوع
آسر : لي ؟
زين: عاوز اعرف حاجه كده الاول
آسر : زين لو بتحب حور بجد ابعد عن الي يضايقها حور دماغها مقفله ولو قفلت خلاص
زين : حور انا خايف اقرب عشان مخسرهاش بتتعامل مع عمار كتير وده مضايقني
آسر : عشان عمار دايما بيتكلم معاها بلطف
زين : انا مش عارف عمار ده عاوز اي
آسر : مش عارف
دلف زياد الي مكتب زين
زياد : معلش قطعت عليكوا الكلام كالعاده
اسر: رخم طول عمرك
زياد : يا استاذ زين كمال قالب عليك الدنيا وعاوزك ضروري
زين: حاضر هروحله اهو
——–
زين – صباح الخير يا فندم
كمال : اي يا زين كل ده
زين : معلش يا فندم والله كان عندي كذا حاجه بخلصها
كمال : اركن اي حاجه دلوقتي يا زين في قضيه مهمه جدا لازم تبدأ فيها انا واثق في شجاعتك وانت اكفأ حد بالنسبه ليا اقدمه للمهمه دي
زين : اياد الخولي ؟
كمال : اكبر مهرب جوة البلد وبره البلد ومحدش عارف يمسك عليه حاجه واحده بس
زين : سهل سهل
كمال : لا مش زي ما انت متخيل اياد ليه فروع كتير جدا سواء جوة او بره ليه ناس كتير بتساعده ومش بيبان عليهم وماسكين مناصب عاليه جدا في البلد ومنهم الي رجال أعمال مشهورين لازم نوصل واحده واحده ومعاك في المهمه زياد وآسر وانا واثق فيكوا
زين : ان شاء الله هنكون عند حسن ظنك بس ممكن نستأذن انهارده بدري
كمال : معاكوا وقتكوا يا زين عشان مرة واحده ممكن يكون فيه سفر مفاجئ
زين : اوامرك يا فندم
كمال : ربنا معاكوا
———–
نور : يلا بينا ندخل
حور: طب كنا رنينا عليهم
حبيبه: خليها مفاجاه كده يمكن نكتشف حاجات كتير
فريده : اي الي هنكتشفه زياده يعني ما كله عارف ان اخوكي هيخرب الدنيا قريب
حبيبه بضحك : ربنا معاها الي هتاخد اخويا
نور : ايوة فعلا
بينما ليلي كانت منطفأه تماما ثم اخرجت هاتفها وبدأت ترسل رساله الي شخص ما ” انا نزلت الشركه اهو وهحاول افتح معاهم موضوع انك تكون موجود معايا هنا ، هانت”
لاحظت حور شرود ليلي
حور : مالك يا ليلي
ليلي بشرود: مفيش حاجه يا حور انا كويسه
حور : ليلي انتِ عارفه ان آسر بيحبك
ليلي بإندفاع : وانا مش بحبه وهو مش بالعافيه يا حور
حور : بالراحه يا ليلي انا بس بقولك كده عشان لو زعلانه انه موافقش يعني وفي الاول وفي الاخر ده نصيب
ليلي : كل واحد عارف مصلحته كويس طب ما انتِ كمان مش موافقه بزين
حور : انا مقولتش اني مش موافقه بس في شويه حاجات في دماغي محتاجه اصفيها مع نفسي وكمان هو متكلمش
ليلي : طيب يا حور كل حاجه هتوضح اكيد
حور: الي رايده ربنا بقي
دخلوا كلهم الشركه وطلعوا لمكتب عمار وولاد عمه
نور : احنا جييينااااا
عمار : لا اله الا الله في حد يسرع حد كده يا بنتي
نور : اه انا
علي : نور دي شبهي خالص خالص
خالد : فيكوا عبط من بعض
علي : تسلم ولاد العم برضه سند لبعض
نور : تصدق يا خالد انت بتحب تبان انك عاقل وكدهو وانت سوسه
خالد : امشي يا نور من وشي انتِ لو مش اختي هنفخك
نور : اخويا كده كده
حور: بطلوا مناهده بقي
عمار : حور تعالي انا عاوزك في شغل معين
حور : طب يلا
حبيبه بتهمس ليلي : اي هي حور بتلعب علي الاخين
ليلي : عمار واخد حور اخته يا حبيبه واسكتي يا قلبي بطلي وانتِ وخالد كده بتحبوا الرغي الكتير
حبيبه : خالد !!! انا شبه خالد يا ليلي مش مسامحكي
خالد : ماله خالد يا عنيا
حبيبه: يلاهوي حد يقدر يقول كلمه علي خالد
خالد : ايوة كده ، مالك يا فريده واقفه بعيد لي
فريده : انا بتابع في صمت
خالد : اهي البت فريده دي اعقل واحده في البنات
حبيبه : احنا العقل واخد سكه معانا
خالد : اسكتي روحي العبي بعيد
“”””””””””
عمار : حور لي عماله تعاندي نفسك
حور : مش قادرة اسامحه يا عمار مش قادرة والله حاولت بس مش قادرة
عمار : والله يا حور ما خانك…
قاطعته حور – صح مخانيش بس عذبني بعدم اهتمامه يا عمار ، خلاني كل يوم مش عارفه انا فين وبعمل اي ، ده غير وجود حبيبه الي معرفش هي بتكرهني لي ومعرفش عاوزة منه اي
عمار : تقدري تنهي كل ده انك تقولي انك سامحتي وخلاص وساعتها زين هيبدأ في الجواز وانه ياخد قرار
حور : محتاجه وقت كويس يا عمار
عمار : كل حاجه هتكو…..
قاطعه صوت زين الجمهوري
واضح اوي ان الشغل هنا مهم اوي يا عمار بيه انت وست حور هانم
عمار : وطي صوتك يا زين في اي
زين : فيه ان الي انا حافظت عليها وعلي قلبها ولحد الان محافظ علي كل حاجه وساكت عاوزة ترد وجعها ليا وخلاص عاوزة تخونيني ؟
حور: انت اكيد اتجنيت يا زين عمار اخويا
زين : وانا مش قابل ان يكون ليكي تعامل مع اي حد حتي لو كان اخويا
حور ذهبت مسرعه لمكان تجمعهم
عمار : انا مقدر الي انت فيه بس صدقني انا لو مش عارفك يا زين كنت زعلت وبالي بتعمله ده انت بتخسرها يا زين
عمار ذهب هو الآخر ولكن يعلم ما يصيب شقيقه فهو يعلم جيدا ما معني نار العشق فهو يتكوي بها كل ليله ظل يذهب مسرعا حتي اصطدم بها وهي تبكي….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية تملك قلبي)
