رواية تلميذ الشيطان الفصل العاشر 10 بقلم منة محمد

رواية تلميذ الشيطان الجزء العاشر

رواية تلميذ الشيطان البارت العاشر

رواية تلميذ الشيطان الحلقة العاشرة

بعد خمس سنوات من الاحداث الي حصلت وعشناهم
في حوش المدرسه في قريه في الارياف
المدير: اروي كملتي الاستعداد لان الاستاذ ياسين ع وصول
اروي ببتسامه واسعه: اطمني يا فندم كل شئ ع اتم استعداد
الميره: اصل هو كل اعتقاده ان مدرستنا متقلش عن نظام واهتمام اي مدرسه خاصه في المدن
اروي: ليه قلقانه مش هيحصل حاجه ابدآ
المديره: بأذن الله اهو جه
عربيه فخمه وقفت ونزل منها ياسين بكل هيئته الملفته للنظر والطلبه صقفوله بترحاب والمديره واروي
ياسين بأبتسامه جذابه: الف شكر ليكم ع الترحاب والاستقبال الجميل ده وانا بجد مبسوط كتير اني هبقي معاكم وعايز بالاخص اشكر حضره المديره شكر خاص والمدرسين الي بذلوا جهد كبير مع الطلبه وطلعوا نتائج اكتر مما توقعت ثانكيو
وبالفع اذاعوا نتائج الطلاب في المدرسه الثانوي للبنات وطلعت بوسي بنت قاسم المركز الاول ع المدرسه وكانت اروي سعيده بيها وبعد كدا ياسين دخل مكتب المديره
المديره بترحاب: اتفضل اقعد
ياسين برفض: لاء ده كرسيك وده مكانك ارجوكي اقعدي
المديره: اتفضل
ياسين قعد قدامها: بجد انا مبسوط بحضرتك لانك حققتي نتائج اكبر مما توقعت بكتير
المديره: الفضل راجعلك يا ياسين بيه مين عايز الطبقه الفقيره تتعلم وتبقي ليهم شأن في المجتمع او يسيب طفل فقير يطلع مهندس دكتور ولا طيار
ياسين: انا بؤمن ان التعليم حق للجميع مش لطبقه معينه بعينها الكل سواء غني او فقير ياخد فرصته في التعليم
المدير: كلام سليم
ياسين: ع العموم لو عايزه مصاريف للمدرسه بلغيني انا هخلص كل الامور
المديره: اكيد ياياسين بيه
ياسين: انا عايز كل طالبه في المدرسه تتبقي في نفس مستوي اي مدرسه خاصه في المدن
المديره: ده الي بحاول اعمله بالظبط من فضلك تأكد اننا بنوفر لهم نفس نظام التعليم الخاص
ياسين:وانا سعيد شكرا جزيلا لحضرتك
……………………………….
في غرفه هشام نايم وكلام اروي بيتردد في دماغه قام مفزوع ع اوضه اخته لقاها قاعده كأنها تمثال بينزل بس في دموع بدون اي صوت
هشام قرب منها : انا كنت بدور عليكي
تقي انسابت دموعها بقهر وحزن: انا كمان كنت بدور عن الذنب الي انت عملته وانا دفعت تمنه
هشام افتكر كلام امه =افتكر حاجه واحده لو كنت بتكدب نتيائج افعلك هتتحملها اختك
هشام اتنفس بقوه وواضح إنه بيحاول يمنع دموعه من النزول : انا حجزت معاد عند اكبر جراح تجميل في القاهره وهتشوفي ازاي هيمحي العلامه دي
تقي ضحكت ببكاء وتشد وشها وهو سألها: بتعيطي ليه انتي في بيتك يا حبيبتي ورجعتي
تقي: يعني كده بقيت شريفه الشرف مش فستان محتاح مصمم يصلحه , او ممكن تشتريه غيره عشاني ,ولما البسه يرجعني لكياني , هيعمل ايه الجراح هيعمل معايا ايه اي تشوه فيا ممكن يخفيه تشوه شكلي, ولا نفسي , ولا سمعتي , ولا كياني, انهي فيهم هيصلحه قولي
هشام إنعصر قلبه ع حالها واتمنى يـ دبح نفسه : انا اتكلمت مع دكتوره نفسيه وهتعالجك, وحجزت معاها معاد بكره
تقي: اعملي حاجه واحده ارجوك, احفرلي قبر في اي ركن وادفني فيه , مش عايزه اطلع بره انا خسرت كل حياتي يا ابيه, خسرت حياتي ارجوك حقق لي امنيه واحده اقـ تلني
هشام ضمها لحضنه يهديها ودموعه نزلت معاها: لاء يا بنتي لاء
تقي: خلصني من الدنيا دي ارجوك ياخويا ارجوك , انا حاسه بألم كبير شيل عني الالم ارجوك
هشام بصوت مخنوق : اهدي
تقي: مش عارفه اعمل ايه
هشام خرج من عندها مدمر وممد جسمه وحط دماغه ع رجل عفاف وهي مسحت ع شعره
عفاف: يابني فات ع رجوع اختك ست شهور ليه بتعمل في نفسك كده
هشام : ليه يا ماما البنات هي الي بتدفع ذنب اخواتهم
عفاف: ده قانون الحياه يابني الابن الاخ الاب حتي الزوج الست مش بتسلم من عواقب اخطاء الراجل
هشام :كنت اتمني لو كنت انا الي دفعت تمك غلطي وذنوبي كنت اتمني اخد عقابي انا الي سلبت شرفهم كنت اتمني لو مكنتش دمرت حياه اروي كانت اختي وبنتي في امان دلوقت ومكنتش هتعيش الوجع الي عاشته يا امي يارب ياتري اروي فين دلوقت يا ماما عايز اروحلها مره واعتذرلها بصدق لما اقابلها هنزل تحت رجليها واتوسل انها تسامحني واطلب منها متدعيش ان ربنا ينتقم مني دعوتها اخدت مني كتير ربنا استجاب لها يا امي استجاب لها
عفاف : صلي انك تعطر فيها
هشام: ياه نفسي عايز استريح نفسي انام اعملي حاجه يا امي ادعي عليا امـ وت
عفاف شهقت: بعيد الشر متقولش كده ياهشام متوجعش قلبي وتخليني اتمني المـ وت
وربنا ياخدني عنده
هشام: ليه كل الخوف ده عليا انا فاسد مذنب
عفاف: لاء
هشام بدموع: انا مذنب فاسد اعملي حاجه قبل ما حد يـ قتلني , اقـ تليني انتي يا امي
عفاف: بلاش تقول كده ياهشام
هشام: اقـ تليني ارجوكي مـ وتيني انا مخنوق
عفاف نزلت دموعها : لاء
هشام: يارب مـ وتني دلوقت وريحيني
عفاف دموعها ع خدها صرخت فيه : متدعيش بالمـ وت ع نفسك يابني
هشام صرخ ببكاء هستيري: انتي فين يااروي
عفاف بخوف ودموعها مغرقه عيونها: يابني متعملش كده
هشام بياخد نفسه بشكل يخوف: يارب حياتي انتهت_ ومره واحده فقد الوعي
عفاف صرخت: ابني فوق يابني
…………………قصص منه محمد كاتب…………….
في المدرسه
الساعي وقف قدامها: انتي رايحه فين
السيده: عايزه اقابل يا سين بيه
الساعي: البيه جوه عنده اجتماع
الست: يعني ايه
الساعي: يعني مش هتنفع تدخلي
الست: لاء بقي انا هدخل ودلوقت وبعدين ياسين بيه مش كدا هو بيسمع للغلابه الي زينا
الساعي: دي اوامر المديره محدش بيدخل وقت الاجتماع
الست: شوفي ياراجل انت انا لازم اقابل ياسين بيه وهدخل وهشوف مين هيمنعني
الساعي بيمد وراها: ياست مينفعس كده
الست دخلت والمديره زعقت: ازاي تدخلي وانت ازاي تسيبها تدخل
السعي بخوف: والله ي حضره المديرة حاولت امنعها بس هي صممت تدخل بتقولي عايزه ياسين بيه في حوار مهم
ياسين بصلها: عايزه تتكلمي معايا
الست دخلت: ايوه يا ياسين بيه عايزه اتكلم معاك
ياسين: اتكلمي
الست: عايزه اقولك عن الي بيحصل في المدرسه هنا الاولويه هنا للاقارب وانت قلت بنفسك مفيش فرق بين غني وفقير ليه نفرق بين العيال
ياسين: تقصدي ايه وضحي انا مش فاهم
الست: فيه ابله حطت بنت اخوها تطلع الاولي ع المدرسه وحطت بنتي التانيه
ياسين: ايه الي بتقوله ده يا حضره المديره
المديرة: انا معرفش حاجه ولا فاهمه بتتكلم عن ايه
الست: بلاش تخبي وتداري انتي عارفه كل حاجه انا عارفه اسم الابله يا بيه اسمها اروي وبنت اخوها وبنتي مع بعض في نفس الفصل والاتنين جابوا نفس الدرجه النهائيه بس هي حطت بنت اخوها الاولي وحطت بنتي التانيه _ بكت _هو احنا عشان غلابه ميفرقش معانا مين الاول ومين التاني لكن انا عايزه اسمع منك كلمه حق يا بيه بنتي مقهوره ومش مبطله عياط لانها ع طول تطلع الاولي ع المدرسه
ياسين بتأثر: ارجوكي متعيطيش اهدي واطلعي استنيني شويه بره وانا هجيلكم
الست مسحت دموعها: الف شكر يا بيه
ياسين بغضب: ايه الكلام الي الست قالته ده
المديره: صدقني معرفش تقصد ايه بالي بتقوله
ياسين: ازاي يعني متعرفيش اسم المدرسه كان ايه اروي خليها تيجي هنا
المديره: لكن يا ياسين بيه سـ
ياسين قطعها بنرفزه: انا بطلب منك تخليها تيجي هنا وحلا عايز اتكلم معاها بليز
المديره: اوكيه _اتصلت_ عايزه ميس اروي هنا حالا
ياسين: شوفي يا حضره المديره انا مش هتحمل اي تجاوز يحصل في مدرستي هنا ابدا
اروي خبطت ع الباب ودخلت: حضرتك طلبتيني يا حضره المديره
ياسين قام بحده: شوفي يا انسه اروي دي مدرسه محترمه وانا مش هتحمل اي اساءه لـ اي طالب هنا تحت اي ظرف مش معني ان بنت اخوكي بتتعلم هنا تقدر تاخد اهتمام اكتر من غيرها
اروي: مفيش حاجه من الكلام ده , انا حطيت النتيجه في منتهي امانه
الست: امانه! لما بنت اخوكي وبنتي ياخدوا نفس الدرجات ليه تخالي بنت اخوكي المركز الاول , والمركز التاني اخدته بنتي , هو بنتي عشان غابت في حصتك تضهديها ده يبقي عدل قولي انت يا ياسين بيه
اروي: ده محصلش
ياسين بعصبيه: ارجوكي انا مش بحب النوع ده من النزاع هنا روحي راجعي عايز اشوف الدرجات من تاني وانا هجيلك بنفسي اراجعهم
اروي: يا فندم
ياسين قطعها بشده: انا مش متعود اكرر الي بقوله روحي راجعي الدرجات مره تانيه وادي الاتنين المركز الاول دي مسؤليتي ياتري واضح
اروي: ايوه ي فندم
الست بصت لـ اروي بتعالي لما ياسين خرج وقالتلها: مغروره تدي بنت اخوها المركز الاول اخص
……………قصص منه محمد كاتب………………….
في غرفه هشام
د/ هشام بيه هتبقي كويس بس لازم تواظب ع الدواء لان لو اهملت العلاج هيحصل زي الي حصل
عفاف: الف شكر يا دكتور حسنيه وصلي الدكتور
حسنيه: حاضر
عفاف: ليه مش بتاخد العلاج انت عارف كل ما هتهمله هيزيد عندك الاكتئاب
هشام: انا مش طايق البني ادم الي جوايا القهر الي بحسه ادويه كل العالم مش هتنهيه ولو جه المـ وت الدنيا هترتاح من شري
عفاف بشخط: اسكت اياك تتكلم كده انت انسان في النهايه عشان كدا فكر في الي بتقوله وازاي هيكون تأثيره عليا انت مش عارف ان اليأس كفر وان ربنا موجود قادر يغفرلك كل الذنوب
هشام: كل ملذات هشام الشرقاوي انتهت يا امي انتهت
عفاف: تمام اسمعني وبلاش تقاطعني ماشي ما تفكر تتجوز انا متأكده حالتك هتتحسن وتطلع من لي انت فيه
هشام بصلها بقهرو اتنهد وبعدين قال: منا كنت متجوز اروي
عفاف: انسي الماضي يابني
هشام بكاء: ازاي انسي اني دمرتها يا ماما وانا كنت المسؤل الوحيد عن ده ازاي انسي
عفاف : لو فضلت تفكر كده هتفضل تعبان يابني بلاش تفكر في الي فات
هشام نفخ بضيق ومسح وشه بايده : انا من غير اروي لايمكن ابقي بخير ابدا
عفاف:لاحول ولا قوه الا بالله لحد امتي هيستمر الحال ده يابني لحد امتي هتجلد نفسك كده يا ضنايا
هشام: طول منا شايف تقي كده الماضي كله بيجي قدامي ويصرخ في وشي
هشام افتكر دعوه اروي الي حولت حياه لجحيم =كل ذنب اذنبته في حقي هيتردلك, ربنا وحده هيخليك تدفع تمنه هيقتص ليا لا محالة , استني وهتشوف يا هشام يا شرقاوي انتقام ربنا فيك عامل ازاي, استني وشوف
هشام خبط ع دماغه بحرقه:يالله اتمني لو كنت اتعاقب انا ع اخطائي مش اختي مكنتش اعرف اني لما ادمر بنت غلبانه محترمه عفيفه اختي هي الي هتدفع التمن واختي دفعته وغالي اوي وتقي البريئه معتقده اني ملاك لحد دلوقت لكن لو عرفت انها هي الي دفعت تمن ذنوبي هتكرهني وانا مش هتحمل اختي تكرهني
عفاف لاء اطمن انا مقولتش اي حاجه لتقي ولا اخوك عن الي حصل زمان ابدا بس انت لازم ترجع لطبيعتك وارجع لشغلك واهتم بشركتنا لحد امتي هتسيب اخوك لصغير يهتم بكل حاجه
هشام اعمل ايه يا ماما حاسس اني مليش نفس اعمل اي حاجه لو خرجت عيوني هتفضل تدور عن اروي وبس نفسي اشوفها مره واحدة واطلب السماح والغفران ع الاقل يمكن وجعي يقل وجايز اختي ترجع لطبيعتها وتملا ضحكتها البيت مره تانيه ولما ارجع البيت تنط وتحط ايدها ع عيني وتسأل انا مين ولما معرفهاش تزعل وتتقمص مني ياتري فيه حل ترجع بيها مره تانيه يارب انا حاسس بقهر كبير ازاي اشرحلك من طفولتي وانا اسمع ان الماضي مش بيرجع لكن بتمناه من قلبي يرجع مره تانيه واصلح ويرجع بيتنا وترجع حياتنا نفس ما كانت وترجع اختي زي ماكانت قوليلي ممكن ده يحصل
عفاف: ممكن يابني بس لازم تتحمل وتجمد لان الزعل ممكن يدمرك ويحطمك لف ع اروي وابكي قدامها واطلب منها تسامحك اكيد لما تعرف هتسامك ان الله غفور رحيم يابني
هشام اه اتمني تسامحني لكن لو رفضت عمر ما بالي هيرتاح ولا هعرف معني الراحه
عفاف: متعذبش نفسك ده هيهدا بمجرد ما تقابلها وهتسامحك انا متأكده يله كل لقمه صغيره عشان خاطري