رواية تلميذ الشيطان الفصل الرابع 4 بقلم منة محمد
رواية تلميذ الشيطان الجزء الرابع
رواية تلميذ الشيطان البارت الرابع
رواية تلميذ الشيطان الحلقة الرابعة
هشام طلع وقرب منها: اروي
اروي بصتله وقامت: افندم
هشام: احنا رايحين اجتماع مع عميل جهزي نفسك
اروي: اوكيه
هشام لبس النضاره ع عيونه وقالها: هستناكي بره
اروي طلعت وراه وركبت جنبه وهايدي شافتهم القهر تملكها واتجنننت لحد ما وصلوا كوفي شوب
هشام بصلها: هو انتي متأكده انك مش عايزه تقوليلي حاجه
اروي بصتله: ايوه يافندم
هشام ابتسم خفيف: اوكيه يا اروي انا مجبتكيش هنا نقابل عميل انا جبتك عشان اقولك ع حاجه
اروي بهتمام: حاجه ايه
هشام: حاجه يمكن تكوني متعرفهاش هايدي مسبتش الشغل بكامل حريتها انا الي طردتها
اروي: بجد لكن ليه؟!
هشام: كانت بتستغلني وعايزه تلوث سمعتي ودلوقت هتسألي ليه عايزه تلوث سمعتي انا حبيتها يا اروي لدرجه محبه تحلم بيها اي بنت وكنت ناوي اتجوزها لكن للاسف امي رفضت حاولت كتير اقنعها لكن صممت واصرت اكتر ع الرفض ولحد اللحظه بحاول لكن بفشل وهايدي اقترحت عليا نتجوز من وراها بس ازاي اتجوزها واغضب امي عشان كدا رفضت وهي اتغاظت وهددتني انها هتسوء اسمي لو متجوزتهاش بصراحه متوقعتش انها تعمل كده رمت عليا اتهامات كلها غلط وذلتني قدام الموظفين في الشركه اسائه لدرجه ان محدش فيهم بقي يحترمني اول ما جات هايدي عندي كانت بنت فقيره ع قد حالها تكاد تكون معدومه عشان كدا شغلتها وعطتها بيت وعربيه وكل ده مقابل الي هي عطتهولي انها تشوه سمعتي لكن مفيش مشكله ربنا مطلع وشاهد ع كل حاجه واكيد شوهت سمعتي قدامك هي بتعمل كل ده وانتي هتصدقيها
اروي بعجاله: لاء يا مستر ده مش هيحصل متقلقش انا واثقه فيك مهما تقول صدقني
هشام ابسملها: ثانكيو وكويس ان فيه حد بيثق فيا القهوه لذيذه هنا دقيقه اطلبلك فنجان اوكيه
اروي خلصت شغلها وطلعت للطريق وطلعت ع الكوبري لقت الي بتشدها
هايدي بحقد وانفعال: بقيتي قريبه من هشام الشرقاوي طبعا قرب منك مش كده
اروي: ايه
هايدي بصرخه: اه نسيت انك اعجبتي بيه من اول نظره انتي معجبه بيه صدق هشام في الي قاله انه يوقع الي زينا شئ في منتهي السهوله
اروي: اسمعي يا هايدي اياكي تقولي عليا كده سامعه والا
هايدي ضحكت بدموع: والا ايه هتعملي ايه
اروي بصتلها من فوق لتحت وسايباها وماشيه وهي شدتها بعنف: تعالي هنا انتي رايحه فين هتقولي لهشام روحي قوليله لايمكن يعملي حاجه هو انتي مسألتيش نفسك ليه كل الكرم ده معاكي كرم فياض زي ده كان كريم وعظيم معايا نفسك وكان رحيم كتير ناحيتي كانت معاملته بتحسسني اني ليا قيمه كنت ليا قيمه بالنسبه له انتي كمان هيعمل معاكي نفس ما عمل معايا انه يخليكي تحسي ان ذات قيمه واليوم مش بعيد لما تبقي الضحيه الجديده لهشام
اروي عرفت انها شربت وانها مش واعيه للي بتقوله ولفت تمشي
هايدي سحبتها بشده وصرخت: استني شوفي دي حقيقه هشام ده شيطان , شيطان ده مش انسان, شـ يطان انقذي نفسك منه يا اروي انقذيها صدقيني
اروي بصت للصوره الخليعه ما بينهم وقالت لها: لاء انتي كدابه كل الي بتدعيه عليه افتراه وعايزني اصدق فيه احتفظي بالصوره لنفسك
هايدي رمتها عليها وقالت: خاليها معاكي لحد ما تحسي بخيانته في الوقت المناسب وع فكره كنت عارفه انك مش هتصدقيني تعرفي الهاله السوده ع عينك كانت موجوده ع عيني الطريق الي انتي ماشيه فيه انا راجعه منه متروحيش يااروي متروحيش الطريق ده صدقيني متروحيش انا كل يوم بمشي اوزع فلوس للشحاتين عارفه ليه عشان يدعولي امـ وت وارتاح
اروي بصتلها شويه وسابتها ومشت لما هايدي قعدت ع الارض تبكي بنحيب
……………….قصص منه محمد كاتب……………..
في الشركه بيفتح الاسانسير وخارج لقاها واقفه قدامه
هشام بحده: هو انتي بتكيفك اهانتي فيكي جايه ليه
هايدي: مش خايفه من الاهانه يا هشام هو انا لو كان عندي احترام كنت فقدته واهانتك ليا مغيرتش حاجه_مسكت ايده بقوه
هشام شدها منها وبعصبيه مكتومه: بتعملي ايه سيبي ايدي فيه كاميرات في كل مكان
هايدي مسحت دموعها: اتحملني للمره الاخيره
هشام: افندم
هايدي: حتي لو مش هتشوفني بعد اليوم صدقني حتي لو البعد صعب لكن ده الي هيحصل لكن ليا امنيه اخيره تحققهالي يا هشام
هشام سند دهره ع الجدار وربع ايده ع صدره: امنيه اخيره ايه هي
هايدي: اشوف مكتبك
هشام ابتسم بسخريه: ايه الي في مكتبي يخصك
هايدي: اوضتك فيها ريحتك عايزه اتنفس ريحتك للمرة الاخيرة عايزه املاه قلبي بيها هتسبني اطلع يا هشام
هشام: تمام بسرط واحد مش عايز اشوفك لا في شركتي او في اي مكان اتفاقنا
هايدي ابتسمت بوجع: اتفاقنا
هشام: اطلعي
هايدي دخلت الاسانسير وعيونها عليه كأنها النظره الاخيره
هشام ابتسم : هتـ قتل نفسها عليا غبيه
…………..قصص منه محمد كاتب…………….
يوم جديد اروي راحت الشركه الدنيا مقلوبه والشرطه في كل مكان
موظفه ما: من يوم ما مستر هشام طردها وهي مش طبيعيه
اروي بستفهام: هو فيه ايه
موظفه: معرفتيش هايدي انتـ حرت
اروي بخضه: ايه
موظفه: قربي هيحققوا معانا
الظابط شاورلها: انتي تعالي اسمك ايه؟!
اروي: اروي شوقي
الظابط: انتي المساعده لهشام بيه
اروي: ايوه
الظابط: تعرفي هايدي متولي
اروي: اتقابلنا مرتين في الشركه
الظابط: اتكلمتوا سوي عن ايه
اروي: مفيش شئ معين هي كانت متوتره واعصابها تعبانه انها سابت شغلها واضايقت اني اخدت مكانها
الظابط بستفسار: ليه؟!
اروي بهدوء: معرفش
الظابط: ياتري اتكلمت معاكي في شئ محدد , زي زوج , صديق راجل ع علاقه معاه في الشغل اي حاجه تربطها بالشركه هنا
اروي اترددت شويه وبعدها ردت: لاء يا فندم متكلمتش معايا في اي حاجه تخصها
الظابط: تمام تقدري تمشي الي بعدها
بعد وقت من التحقيق مع الموظفين دخلوا غرفه مكتب هشام الي وصل بعد ما سمع الخبر!
الظابط: مستر هشام من امتي كنت تعرف هايدي
هشام: من سنتين تقريبا, او بمعني ادق من لما جات تسأل عن وظيفه
الظابط: من خلال التحقيقات عرفنا ان المرحومه عايشه لوحدها في القاهره وفي فيلا بأسمك قصدي انه بالتأكيد بينكم علاقه قويه تربطكم ببعض
هشام حرك دماغه بنفي: لاء يا حضره الظابط مفيش اي علاقه عشان اتكلم عنها .دي فيلا عطتهالها مؤقتا لانها بنت لوحدها وطبيعي لما شوفت فقرها في اليوم الي جات تطلب مني شغلانه كانت غلبانه ضعيفه خايفه وانا من انسانيني ساعدتها
الظابط بصرامه: بس كان فيه قبلها موظفه تانيه عايشه في نفس الفيلا
هشام: لو كانت بنت فقيره وضعيفه اكيد هساعدها لحد ما تقف ع حيلها
الظابط: بس عرفت ان طردت هايدي من الشركه ليه
هشام: حصل لانها حاولت تشوه اسمي
الظابط : وتسيئ لـ اسمك ليه؟
هشام اتنهد بضيق وقال: اقول ايه لا حول ولا قوه الا بالله البنت الي مـ اتت كانت بتحاول
تعمل شوشره وكلام حواليا بصراحه كانت حـ راميه واخلاقها فاسـ ده في شغلها ومع كل ده خلتها تشتغل في شركتي حتي جيران الكمبوند اشتكوا منها كتير انها بتجيب رجاله غريبه للفيلا اقولك ايه بس
الظابط بصله نظره شك: ده امر محير فعلا, كانت بتشتغل عندك من سنتين ومكنش عندك اي فكره عن حقيقتها وسلوكها مش غريبه دي
هشام: ياحضره الظابط ارجوك تقولي ازاي اعرف شخصيات الناس كلها
الظابط: مش كانت سكرتيرتك الخاصه
هشام: ايوه مجرد موظفه هشرحلك الوضع عارف عملت ايه بعد ما طردتها جات بكل قوتها تقف مع كل واحد تتكلم عني قاسم واقف ساكت ليه اتكلم
قاسم: يا حضره الظابط الاحسن بلاش نجيب سيره المـ يت الي مـ ات خلاص مـ ات
الظابط: عندك حق فعلا الي مـ ات مـ ات , بس سابت لهشام بيه مشكله
هشام دمه هرب وسأله: اي مشكله
الظابط: لقيت الصوره دي مع الجثه
هشام فتح الصوره وهما في علاقه حميميه وبلع ريقه بخوف!!
قاسم: واحده بتجري وري واحد , ايه فايده ازعاج راجل شريف زي هشام بيه ونضيع وقت البوليس ووقتنا نتكلم بشكل مباشر تاخد كام وتقفل القضيه
الظابط كشر جدا ورجع ضحكلهم علامه انه موافق ع الرشوه !
هشام اتنفس الصعداء : امشي يا قاسم مينفعش نقلل من شأن الضيف كده
قاسم مبتسمله ورايح في اتجاه الباب: تمام يا بيه
…………….قصص منه محمد كاتب……………
يوم ضياعه اروي دخلت قعدت تشتغل لانها راجعه من اجازتها بعد عمليه والدها
هشام وقف يتأملها وبعدين قرب وميل شويه عليها: ليه جيتي مش انتي لسه في اجازه ليه رجعتي بسرعه
اروي بسعاده: الحمد لله بابا بعد العمليه بقي كويس ورجع البيت ولقيت مفيش داعي اقعد في البيت
هشام ابتسم: انتي مجتهده وبابا بقي تمام
اروي بأبتسامه: الحمد لله هو احسن عن قبل كتير وبيشكرك بجد كتير
هشام ابتسملها: بيشكرني ليه
اروي: لانك ساعدتنا كتير وانك زورته كذا مره في المستشفي
هشام: مفيش داعي تقولي كده انتي موظفه في شركتي والي بعمله معاكي ده واجب عليا لو فيه اي حاجه بلغيني بليز
اروي: شكرا
هشام في سره: ده الي عايزه
اروي فتحت الشنطه وطلعت ظرف وراحت له المكتب خبطت وهو سمحلها بالدخول
هشام رفع عيونه وبصلها: فيه حاجه يا اروي؟!
اروي بحترام:ابدا كنت عايزه اديلك ده
هشام مدلها ايده: ايه ده
اروي: شيك 250 الف
هشام ضم حواجبه: وليه بتديني شيك 250 الف
اروي: حضرتك عطتني 400 الف وتكاليف علاج بابا 150 الف بس والبقاقي قلت ارجعهولك
هشام: ليه مستعجله خليهم معاكي
اروي: ماما بتقول الافضل نرجع الدين لصاحبه بسرعه
هشام ضحك: اوكيه روحي رجعيهم لموظف الحسابات
اروي: تمام يا فندم
هشام: اه اروي
اروي وقفت: نعم
هشام: النهارده المساء فيه اجتماع رسمي في فيلتي عايزك تتممي كل الاجرئات بنفسك
اروي: تمام
هشام: اتصلي ببيتك بلغيهم انك هتتأخري والسواق هيرجعك لما نخلص هو عميل قديم وملتزم وهنعمل الاجتماع معاه عشان كده بقولك اتصلي في البيت بلغيهم انك هتتأخري
اروي: تمام هتصل بيهم
وبالفعل اروي ركبت معاه العربيه ووصلوا الفيلا الي اول ما هشام فتح بابها اروي انبهرت بيها جدا
هشام: مالك مستغربه كده ليه ايه فكرتي هنعمل الاجتماع في مكان فاضي مثلا
اروي بأحراج: لاء مش كدا
هشام بضحكه عاليه: عشان عارف انك متقدريش تنظمي الامور دي لوحدك انا قمت بالمهمه. بس انتي ليه سايبه مظهرك كده
اروي: افندم
هشام: دي هدوم تلبسيها
اروي وشها احمر: مالها يا مستر هشام
هشام: الطبقه الراقيه مش بتلبس استايل كده استني كان اسمها ايه اه دينا يا دينا
دينا نزلت بأبتسامه: نعم يا مستر
هشام بجديه: خديها لفوق غيرلها هدومها بفستان يليق بيها وجمليها بشويه ميكب للتجميل
دينا سحبتها بلطف: ايدك وتعالي
اروي بسؤال: بس ليه كل ده
هشام ابتسم بكل هدوء : عشان تبقي جميله
شويه ووصل الوزير ومعاه مدير اعماله لطيف وهشام رحب بيهم هو وقاسم
هشام ضمه: اهلا بسياده الوزير
الوزيرخرج من ضمته وقاله: ثانكيو
هشام بترحاب شديد: اتفضل ها كانت اجازتك وضعها ايه في المانيا
الوزير: محدش بيفهمي غير انت ياهشام
هشام بضحكه: تحب تشرب ايه
الوزير: اظن عارف احب اشرب ايه!
هشام: قاسم قرب شوف طلبات معالي الوزير بسرعة
نص ساعه ونزلت اروي وهشام قرب بأعجاب: جميله شكرا يا دينا
اروي بخجل: جه العميل
هشام بيتفحصها: ايوه جه يله
اروي فركت ايدها: امال هما فين الضيوف
هشام بخبث: في الليفنج جوه بتسألي ليه؟!
اروي: عددهم كام
هشام: اتنين
اروي برتباك : اتنين يعني فيه عملاء تانيه جاين
هشام: اكيد بس ليه كل الاسئله دي يله
اروي ضمت حواجبها:وانا هعمل ايه هخدم عليهم
هشام مسك ايدها وسحبها بقوه: يله وانا هفهمك ومتسأليش سؤال تاني
اروي بتسحب ايدها من قبضته: سيب ايدي يا مستر مش كده
هشام اتعصب و كمل سحب بقوه اكبر: يله
اروي برجاء ودموع: ارجوك سيب ايدي
هشام بشخط: قلت اسكتي ويله
الوزير لف وبصلها وشاورلها بوقاحه: تعالي يله
اروي برجاء: يا مستر مش كده
هشام بحده: اقعدي يله اقعدي , دي اروي مساعدتي يا معالي الوزير
الوزير اتك ع شفته ويردد اسمها بتلذذ واروي لفت وشها بقرف من الوضع كله!
هشام زغدها في جنبها: اروي اروي ده سياده الوزير قومي بضيافته
الوزير :ماشاء الله ايه الجمال ده كله المفروض محودش عيني عن الجمال ده كله وابص في حته تانيه تعالي ياحلوه جنبي تعالي
هشام خبطها في كتفها وبحده: ايه مش سامعه معالي الوزير بيقولك اقعدي جنبه _هجم ع ايدها) قومي جنبه
اروي بخوف ورعشه :حـ “اضر يا بيه حـ “اضر
هشام قومي لازم تتاقلمي مع الوضع
اروي بخوف ورعب :حـ” اضـ” ر
الوزير مسك طرف فستانها :ليه كل الخوف ده مني انا بتكلم معاكي بلطف لطيف تعال هنا قدامي
لطيف :امر جنابك
الوزير :عروستي طالعه ازاي
لطيف :جميله جدا سا معالي الوزير
الوزير ضحك بجنون: يله خدلنا صوره
لطيف: امرك
هشام :مفيش داعي قاسم
قاسم: افندم
هشام: القط لهم صوره سوي _زقها ع الوزير) قربي منه انتي ايه حكايتك
الوزير ضمها من وسطها بوقاحه: قربي مني ياحلوه
اروي قامت بسرعه تجري منهم: تلفوني فوق هطلع اجيبه
الوزير :جميله جدا يا هشام
هشام اتغاظ انها جريت وشاور لقاسم يطلع وراها كانت جريت ع الباب وطلعت للجنينه وقاسم جري وراها لحد ما مسكها
قاسم بصوت مرعب: انتي رايحه فين؟!
اروي لفت ومفيش في جسمها نقطه دم واحده وردت بصوت خايف: لبيتي ,ابويا وامي زمانهم مستنيني
قاسم بحده: لايمكن تروحي لـ اي مكان بدون اذن سيد شاهين
اروي: ليه ,ليه مقدرش امشي شوف ده يسيئ لسمعه عايلتي ميصحش افضل هنا
قاسم: انتي مينفعش تمشي
اروي بعصبيه: مين انت عشان تمنعني امشي من هنا
شاهين طلع وبصوت هادي : انتي رايحه فين
اروي بصتله: مروحه يا سعاده البيه , والراجل ده منعني امشي فسبني امشي
شاهين بسخريه لاذعه: ليه يا قاسم مسبتهاش بس اوكيه هتمشي بعد شويه الحفله لسه مخلصتش والضيف قاعد مستني يله
اروي برجاء: بابا مستنيني في البيت يا بيه وانت عارف حالته الصحيه انه مش بخير ومش لازم اتأخر هو اكيد قلقان عليا سبني امشي لو سمحت
شاهين كشر: هو عيان تمام هتمشي بعد شويه كل همي دلوقت اخد المناقصه لصالحي وهسيبك تمشي بنفسك
اروي: لاء يا سعاده البيه انا كل همي دلوقت امشي
شاهين قلب عيونه: ليه مش قادره تفهميني لحد دلوقت متجبرنيش اتعامل معاكي بعـ نف
يله بالذوق كدا تعالي معايا
اروي: ده راجل سافل ووقح يا بيه
شاهين ضحك ستفزاز وبصلها وقال: راجل سافل , سواء وافقتي اولا لاء, سواء صدقتي اولا مصدقتيش انتي هتعملي الي انا بئمرك بيه انتي بتاخدي مرتبك من شركتي تعالي
اروي بنفعال: مستحيل اعمل كده مستحيل لو ابويا عرف هيموت
شاهين قرب منها وبهمس: لو عرف ابوكي تؤ ثقي فيا وبعدين مش هنقوله صح يا قاسم
قاسم بضحكه : صح يا بيه
هشام بيسحبها بعنف :يله
اروي :لاء خافوا ربنا
هشام صرخ وزعق فيها: يللللله
اروي عيطت بجنون:ارجوك بابا زمانه قلقان عليا سبني يا بيه
هشام بصرامه وامر: خدها احبسها في الاوضه يا قاسم
اروي وشها اتغير واتاخد للخوف : لاء مش عايزه اطلع , عايزه ارجع بيتنا, لاء سبوني مش هطلع عايزه اروح سبوني
قاسم شدها وهشام مبتسم وهي بتصرخ انهم يسيبوها لحد ما قاسم دفعها بالقوه جوه الغرفه
اروي برجاء وبكاء : سبني ارجع البيت ربنا يخليك
قاسم:: طالما هشام بيه مخدش الي هو عايزه مش هتمشي من هنا
اروي بهستريا: الي عايزه مستحيل يحصل مستحيل
قاسم بنرفزه : بمزاجك او غصب عنك هيحصل الي عايزه هشام بيه
اروي: لو بنتك الي في مكاني هتقبل يتعمل فيها كده
قاسم جن جنونه وصرخ فيها :جري ايه يا شمال هتقارني نفسك ببنتي, ازاي تذكريها في وضع زي ده _ دفعها ع السرير بقوه) اترزعي هنا
اروي بتخبط ع الباب بجنون: افتح الباب , افتح عايزه امشي من هنا افتح الباب _صرخت وتشد في شعرها_ امي ابويا
استوب ياتري اروي هتعرف تخرج من الوكر ولا هتكون زي هايدي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تلميذ الشيطان)
