رواية تلميذ الشيطان الفصل الحادي عشر 11 بقلم منة محمد

رواية تلميذ الشيطان الجزء الحادي عشر

رواية تلميذ الشيطان البارت الحادي عشر

رواية تلميذ الشيطان الحلقة الحادية عشر

في منزل قاسم اروي قاعده بتصحح النتائج
بوسي قربت عليها: عمتي
اروي بدون ما تبصلها: امممم
بوسي:ام زميلتي اهانتك كتير
اروي: لاء
بوسي: لاء زميلتي حكتلي كل حاجه امها جات واتخانقت معاكي لانك عطتيني المركز الاولي وبنتها التاني وبسبب كده صاحب المدرسه امرك تراجعي النتيجه تاني
اروي داعبت انفها بمرح: ممكن متشغليش بالك من كل ده وهتفضلي انتي الاولي رغم كل الي بيحصل
بوسي لئلئت دموعها: انا مش عايزه اطلع الاولي ومش قابله ان ام زميلتي تهينك بالشكل ده صاحبتي قالتلي ان امها دائما كده تتخانق مع اي حد وهي مفكره لانك عطيني انا طلعت الاولي وبنتها التانيه وانا وبنتها عارفين ان الموضوع بسبب غيابها الكتير اخدت المركز التاني عمتي لازم تقولي للمديره وصاحب المدرسه انك مغشتيش وانك مش عمتي
اروي بحده: بوسي اياك تقولي الكلمه دي مره تانيه _ ضمتها لحضنها بقوه_انتي كل حاجه عندي طول ما احنا عايشين هيحصل امور كتير لكن اياك تقولي مره تانيه اني مش عمتك
بوسي: انا بحبك اوي
اروي باست جيبنها: وانا بعشقك ,يله خلصي واجبك , وبعدها ناكل ونام عشان نصحا الصبح للمدرسه
…………………………..
في المدرسه وتحديدا في فصل اروي
المديره للطالبه: تعالي مستر ياسين هيديكي هديه
الطالبه قربت وياسين عطاها كاس مكافأه والكل صقف وبوسي انقهرت وكذالك اروي
ياسين: انا عايز اقولكم ان الاتنين اخدوا المركز الاول ع المدرسه وطبعا التانيه الطالبه بوسي قاسم (بص لام الطالبه_ اظن مبسوطه ومعندكيش اي مشكله
ام الطالبه بفرحه: لاء ي بيه الف الف شكر انشاء الله تعيش
ياسين: متشكر ياريت تكملوا الحصه
المديره بزعل: اروي كملي الشرح
اروي : حاضر
وبالفعل اروي خلصت الحصه والطلاب طلعوا فسحه وجريوا ع حوش المدرسه كان ياسين خارج يركب عربيته
الطالبه ندهت وبتجري عليه: لحظه واحده يا مستر ياسين
ياسين لف وبصلها: عايزني انا
الطالبه: ايوه عايزه اقولك حاجه
ياسين: قولي
الطالبه: ان ميس اروي مغشتش النتيجه وفعلا مظبوط انا وبوسي درجاتنا واحده بس غيابي عن الحضور خلاني التانيه وامي هي الي جات واشتكت ع ميس اروي بس امي كدا ع طول بتحب تتخانق مع ابله اروي والجائزه دي مش من حقي انا حق زميلتي الاولي مش انا يا مستر ياسين
بوسي: يا مستر ياسين امها قالت لحضرتك ان ابله اروي عمتي وعشان كدا حطتني الاولي
ياسين: اه
بوسي بحزن: لاء ميس اروي مش عمتي هي بتعامل بابا ع انه اخوها, لان امي ماتت وانا صغيره عندي 11 سنه وبابا دخل السجن , وميس اروي هي الي ربتني عشان كدا انا بقولها ياعمتي
الطالبه بتأكيد: مظبوط يا مستر , ميس اروي انسانه طيبه جدا وهي بتحب كل البنات زي بوسي واكتر , ومش عايزه ازعلك بس انا مش هاخد الجائزه , وانا عارفه امي هتبهدلني بس مش مهم انا مش هاخدها وازعل ميس اروي مني, ارجوك يا مستر خدها
ياسين زعل جدا من نفسه ع اسلوبه الشديد مع اروي ورد قالها: خليها معاكي والميس مش هتزعل انا هتكلم معاها بنفسي
بوسي والطالبه شكروه وياسين ركب عربيته وغادر المكان
…………….قصص منه محمد كاتب…………
في العياده الخاصه
الدكتور الاخصائي: شوف يا هشام بيه الجراحه مش هتكون فيها اي مشكله العمليه هتم بس هتسيب اثر
هشام إتسعت عيونه بخوف: اي اثر
الدكتور: العلامه مش بتتمحي كليا بعد العمليه
هشام اتنهد بحزن: بس انا شرحتلك الي حصلها , وجتلك انت بالتحديد عشان ترجع وشها زي ما كان الاول مش عايزها كل ما تبص لشكلها تفتكر المأساه الي حصلتلها لـايام طويله
الدكتور بتفهم: ايوه بس كدا مضطرين نعمل جراحه في وشها بالكامل, وهتكون العمليه مكلفه جدا
هشام نطق بسرعه: مش مهم الفلوس, الاهم رجع لـ اختي وشها نفس ماكان
الدكتور: تمام هتكلم مع الاستشاري وهبلغك بكل الاجرائات بنفسي
هشام: تمام اعمل شغلك بس بسرعه انا عايز العمليه دي تنور قلب اختي من اول وجديد وتختفي الندبه السوده دي من قلبها
الدكتور : متقلقش هحاول تكون عمليه اختك في اسرع وقت ممكن
هشام قام من مكانه وصافحه: الف شكر لحضرتك
……………………………………………….
في قهوه شعبيه في القريه ياسين سرد لزميله الحكايه وهو متأزم جدا
عماد: انا شايف انك اسائت للغلبانه كتير , مفكرتش قبل ما تقلل احترامها لنفسها
ياسين اتنهد بضيق :اعمل ايه يا عماد, الست دي مراه عامل عندي في المصنع , وجات وواضح عليها القهر والحسره ع بنتها , عشان كدا اعتقدت ان بنتها وقع عليها ظلم اظن عارفني انا مـ وتي وسمي الظلم بكل انواعه
عماد :انا عايز اعرف انت ليه مفكر كل الفقراء مظاليم , مش كلهم صادقين طول الوقت فيه منهم بيرتكب اخطاء
ياسين نفخ بضيق: انا معترف بغلطي اعمل ايه دلوقت
عماد :لو مكانك اروح للبنت واعتذرلها
ياسين كرمش ملامحه بتهكم :اعتذرلها
عماد: اه تعتذرلها بما انك غلطت صلح واعتذرلها
ياسين شرد بتفكيره في اروي قد ايه فاتنه وجميله وفوق كده طلعت محبوبه بشهاده الجميع وهو ظلمها بدون ما يفكر ويراجع
عماد حرك ايده قدام وشه: جرالك ايه روحت فين
ياسين: انا فعلا غلطت فيها جامد يا عماد وشها بيجي قدامي بستمرار
عماد : ياقلبك القاسي ومسافر اسكندريه وسايب البنت هنا زعلانه منك اكيد طبعا هتشوفها, بجد انت راجل ظالم قوم معايا تروح نعتذرلها
ياسين : هو انت مجنون
عماد رفع حاجب بتعجب: ايه الجنان في كده قوم يله معايا تعتذرلها
ياسين: يا عماد اهمد مفيش داعي للتعاطف انا هروحلها وهعتذرلها
عماد :وهو صعب عليك تروحلها وانا معاك , ع الاقل هتبقي فرصة اتعرف عليها , غمزله بوقاحه ومين عارف ايه الي هيحصل بعد ما نتعرف
ياسين اضايق :بطل وقاحه دي موظفه عندي
عماد :انا عارف يا اخي كنت بهزر
ياسين بغيظ: هزارك رخم شبهك
عماد ضحك :طيب طمني طنط عامله ايه بخير
ياسين :ايوه
عماد: طب اشرب الشاي لحسن نسناه لحد ما برد
………………….قصص منه محمد كاتب……………..
في الليل الساعه اتنين تلفون اروي رن وصدع صوته في المكان
اروي قامت اتعدلت وولعت الاباجوره ومسكت الفون وردت الو
ياسين الو انتي ميس اروي
اروي بصوت كله نوم ايوه وانت مين
ياسين: انا ياسين اظن عرفتيني مش كده
اروي: ايوه ومن حقي اعرف ليه بتتصل بيا الساعه دي
ياسين : عشان بوسي وزميلتها بلغوني انك حطتيتي النتيجه بمنتهي الامانه, بس ام البنت اشتكت منك بدون سبب وخلتني اتعامل معاكي في منتهي السوء
اروي : والي بعده
ياسين :اني بقولك اني عرفت اني غلطان , وفكرت اتصل اعتذرلك
اروي بحمقه : بص يا فندم منستش اني موظفه في مدرستك , لكن معرفش ازاي راجل متعلم ومتقف وابن ناس , والمفروض وبيفهم في الاصول يتصل ببنت بالليل بعد مقابله واحده
ياسين: اسمعيني يا انسه اروي, واضح ان فيه سوء فهم, انا كل الي عايزه اعتذرلك
اروي بحده:اختيارك للوقت غلط ,يخليني افكر اسوء تفكير ,ولو عايز تعتذر كان ممكن تعتذرلي في المدرسه, ياريت متتصلش مره تانيه
ياسين بعد ما قفلت السكه في وشه فهم انها زعلانه وحقها تزعل حد عاقل يتصل ببنت بعد نص الليل وقعد فكر كتير وقرر يعتذرلها بس بطريقته وياريته ما فكر وبالفعل راح الصبح المدرسه واول حاجه عملها دخل مكتب المديره
ياسين :اعتقد اننا واجب نرقي مدرس اول هنا لنائب المدير, رشحي اي مدرس يستحق ورقيه
المديرة :امرك يا فندك هشوف اي مدرس يقدر يتحمل المسؤليه ويستاهلا لمنصب وهبلغك بالاسم
ياسين بأبتسامه: اظن ميس اروي تستحق المنصب ده ممكن ترقيها
المديره بتعجب : مين ميس اروي
ياسين هز دماغه: ايوه هي ذكيه , وامينه وتتحمل المسؤليه , وانتي عارفها كويس ازاي هي مجتهده في شغلها
المديره بهدوء: زي ما تامر جنابك
ياسين قام وقف: ممتاز اكتبلها جواب ترقيتها حالا , وبلغيني بكل الاجرائات المطلوبه والف شكر
ياسين خارج من المكتب وبيتكلم ع الموبيل رفع عيونه شافها داخله والساعي بيصبح عليها قفل الموبيل ووقف وهي عدت من جنبه رمت فقط السلام وداخله الفصل
ياسين وقفها :اكسكيوزمي
اروي وقفت وبصتله وصدرتله الوش الخشب
ياسين قرب عليها وخلع نضارته_انا متصلتش بيكي امبارح عشان اضايقك
اروي :لما يجي اتصال الساعه اتنين بالليل من رقم مجهول لازم تقلق وانا مش شايفه ان اتصالك بيا عشان امر مهم كنتت ممكن تاجله لما اجي المدرسه ونتكلم خير قولي عايز ايه
ياسين :كنت عايز اعتذرلك عن اليوم اياه
اروي: مفيش داعي للاعتذار انت صاحب المدرسه ,واننا نسمع لصاحب الشغل جزء من شغل الموظفين عنده
ياسين بصلها باستغراب من طريقتها وعصبيتها : ليه الاسلوب كده
اروي :انا مكنش فيه بيني وبينك اي ضغينه , بس بعد اتصالك بالليل بقيت مضايقه منك, عشان دا ارجوك لو عايز تلغني اي حاجه بلغني اثناء الشغل, انا تاخرت ع الحصه تسمح لي امشي
ياسبن عقد حواجبه بضيق مكبوت من اسلوبها وقال: اتفضلي
اروي: شكرا
…………………..قصص منه محمد كاتب……………
ياسين بصله بغيظ: كل ده حصل بسببك يا عماد, لو مطلبتش مني اروح للبنت دي واتأسفلها وعملت بنصيحتك واعتذرت بس فاجأه اتحولت لشخص غريب
عماد ابتسم: اظن قولت لك تعتذرلها مقولتش تتصل بيها اتنين بالليل, بصراحه عندها حق لو عايز تعتذرلها روحلها المدرسه واعتذرلها, مستني منها ايه لما تتصل بيها نص الليل
ياسين كشر وهو بيحرك صوابعه داخل شعره الأسود الكثيف:معني كده انك شايفني غلطان
عماد: يابني انا بقول ان اسلوبك غلط , ع العموم خير اي ان كان الي عملته انا سعيد لحاجه واحده ان ياسين الشرقاوي اعتذر لحد
ياسين قلده بتريقه مضحكه: تقصد ايه بياسين الشرقاوي ها
عماد :اقصد انه مهما كان الغلط انك بترفض تعتذر لحد
ياسين ضربه ع كتفه بقوه: دي تخاريف وطالما تخاريف معناه ان انا مش غلطان
عماد حك كتفه وضحك: او ماي جاد, بجد هصدق البراءه دي , قولي بزمتك فيه مره اعتذرتلي بعد ما هزقتني
ياسين: يا رخامتك , بطل هزار وقولي هو انا كنت صح لما رقيتها
عماد: خير ما عملت رآي انها هتحس بالخجل قدامك
ياسين موبيله رن وقاله: المديره ليه بتتصل
عماد: رد شوف في ايه
ياسين حط الفنجان ورد وجاله ذهول ورد بصرخه: ايه
…………………….قصص منه محمد كاتب………………..
في مكنب المديره عيونه ع الباب لحد ما خبطت ودخلت وياسين مانزلش عينه من عليها أبدآ
اروي: طلبتيني يا فندم
المدير: ايوه قربي (قامت) عن اذنكم
ياسين وقف : كل الكلام الي قولتيله عليا المديره قالتهولي
اروي: وانا مش بتحرج من اي كلام بقوله
ياسين بصلها بغيظ: قلتي عليا معنديش شخصيه
اروي: لما يكون الفشل هو الي بيميز الانسان
ياسين اتغيرت ملامح وشه: تعرفي حاجه بقيتي مريضه لما قعدتي لوحدك, انتي محتاجه لدكتور نفسي, وبيدء علاجك فورأ
اروي بنفعال: انا مش مريضه نفسيه بس عارفه كويس طبيعه امثالك مفكر ايه هتوقعني لما تزغلل عيني بفلوس وترقيه ليه مدتش مدرس اول الترقيه ده مثلا , لانك عرفت اني محتاجه عشان كده هيكون سهل توقعني انا اسفه يا ياسين بيه مش هيحصل الي انت عايزه انا مش هقع في شباكك ابدآ امشي ودور عن الي محتاجه نفسك في مكان تاني بدل ما تدمر حياه بنت بريئه روح لبنت دي شغلتها
ياسين رفع السبابه كتحذر وصرخ فيها: بس , بس كفايه, انتي ازاي تجرؤي تتكلمي معايا بالطريقه دي : مش مكسوفه مفكره نفسك ايه
اروي: انا مش مفكره نفسي اي حاجه , بس عارفه كويس الي بيدور في دماغك
ياسين اتعصب من كلامها :لو عايزه تستقيلي استقيلي ولا هيمثل ليا اي فرق بالنسبه لي بس الاول اسمعيني كويس جدا محدش اتكلم قدامي بالطريقه دي لحد دلوقت وانا مش هسمح ان ده يحصل انا اتحملتك بس لاني حابب اعتذرلك انا كنت حاسس ناحيتك بالاسف المشكله مش عندك انتي المشكله عندي انا, انا متحملتش كوني غلطان وفكرت في منتهي الانسانيه انا عملت ايه ازاي اكون صاحب الشغل واتكلم بحسن نيه مع الموظفين ايه الغلط الي عملته فهميني اني حبيت اكون ذوق وجنتل مان للنهايه ,وبسببها واقفه قدامي واساتي لنيتي واخدتيها في سكة تانيه لكن لحد هنا وكفايه انا هقنع المديره لحد ما تقبل استقالتك
اروي مشت بسرعه بعيد عنه وهي بتقاوم دموعها وسابته مولع وشايط شافت منه ايه عشان تقلل من اخلاقه وتربيته بشهاده الجميع
استوب وطبعا لسه ياسين واروي هيتحفونا بخناقتهم .😆😆 ياتري حصل ايه لتقي هنعرف واحده واحده وطبعا ياسين طلع اخو هشام الكل يجري بقي 🏃‍♂️