رواية تلميذ الشيطان الفصل الثاني 2 بقلم منة محمد
رواية تلميذ الشيطان الجزء الثاني
رواية تلميذ الشيطان البارت الثاني
رواية تلميذ الشيطان الحلقة الثانية
واقفه في المحل مستغربه لبسها وكل ثانيه تعدل في زيها لحد ما دخل ولفتت نظره بجمالها الهادي وقف يتفحصها بشده وهي قربت منه
اروي مبتسمه: يابيه اقدر اساعدك اي ماركه برفن بتستخدمها
هشام ابتسملها وسألها: انتي جديده هنا
اروي ضمت حواجبها بستغراب: افندم
هشام ضحك بسيط: اقصد اني باجي هنا كتير , والكل عارفني , وعارفين اي ماركه بستعملها عشان كدا انتي جديده هنا
اروي ابتسمت بخفه: ايوه بقالي ايام بسيطه بشتغل هنا ,عشان كدا انا معرفكش يا سعاده البيه هجبلك موظف تاني لحضرتك
الموظف قرب مبتسم وبترحاب, اهلا يا هشام بيه عامل ايه
هشام عيونه مصوبه عليها هي وقاله. انا بخير
الموظف: لو كان مجيئك هنا بيزعجك ممكن نوصل لحضرتك البرفن لحد البيت
هشام بصله : لاء انا كنت معدي بس من هنا
الموظف : اروي جيبي اخر مجموعه من البرفن الي استلمناها
اروي بأبتسامه: تمام
الموظف موبيله رن: سوري يا هشام بيه مكتب المدير بيتصل
هشام هز دماغه بدون كلمه وعيونها بتتفحص اروي من فوقها لتحتها لحد ما سمع صاحبتها بتضمها وتهنئها بعيد ميلادها
اروي قربت عليه: اتفضل المجموعه الجديده من هنا
هشام: عايز اغلي برفن نسائي
اروي اتحركت بخطواتها للرفوف: اتفضل وانا هجبهولك
هشام مشي وراها: يله
اروي: اتفضل اغلي ماركه برفن شوفها ع ما اجبلك ماركه كمان تشوفها بس الاتنين اجمل
هشام وانتي انهي ريحه تفضليها
اروي بتعجب: افندم
هشام ابتسملها: سألت
اروي: ازاي اختار حضرتك اختار بنفسك
هشام: ليه انا باخد رايك قصدي لو البرفن ليكي تختاري انهي
اروي بحيره: اممم دي افضل
هشام: تمام هاخد دي
اروي: تمام هغلفهالك
هشام قرب منها جدا و اخدها منها: لاء انا هغلفها بنفسي
اروي بعدت بأحراج: تمام
بعد دقايق بسيطه زميل اروي قرب عليها: كل سنه وانتي طيبه يا اروي
اروي بصت للعلبه وقالت: العلبه دي
الزميل قاطعها: ايوه دي هديه ليكي من هشام بيه
اروي ضمت حواجبها: ايه
الزميل: ايوه
اروي بتعجب: ليه يديني هديه
الزميل بقهر: الاغنياء امثاله بيتعاملوا معانا كده (طلع بوكيه ورد كبير) احنا بس يادوب نقول كل سنه وانتي طيبه ونجبلك شويه ورد ودي هديه نشترك كمان كلنا فيها
اروي اخدت منه بوكيه الورد بأبتسمه بسيطه وشكرته
…………………..قصص منه محمد كاتب…………..
في غرفه مكتب هشام تحديدآ ع الموبيل
هشام: البنت الي بتشتغل في محل العطور اسمها اروي عايز اعرف عنها كل حاجه
قاسم: امرك يا بيه هيحصل
هشام اغلق ولقاها داخله عليه منهاره في العياط وسألها: ايه الي جابك هنا وليه معيطه كده؟
هايدي: من المصيبه الي انا فيها
هشام بخنقه: والعياط والنواح مش هيحلوا حاجه فاسكتي
هايدي بنفعال: انت مش عارف لو اهلي عرفه ممكن يحصل فيا ايه
هشام: وليه اعرف كفايه عرفت ان فيه مشكله متقلقيش هلاقي حل ليها
هايدي: ليه متتكلمش مع والدتك ع جوزنا
هشام بمراوغه: شوفي يا هايدي امي مش هتوافق , وان حاولت معاها ده هياخد وقت مني طويل واعتقد ان الوقت هيطول زياده
هايدي بستفسار: ايوه هياخد وقت قد ايه, انت ليه مش قادر تفهم بطني هتكبر وفضـ^ حتي هتبان
هشام ضمها بخبث: اهدي مش هيحصل حاجه , انا معاكي وجنبك ومستحيل اخالي حاجه تحصلك بس حاليا لازم امشي
هايدي بصتله :انت هتمشي وتسبني
هشام بزهق مداري:لازم امشي عندي اجتماع مهم متقلقيش هبلغ قاسم يوصلك
هايدي قامت من مكانها بنرفزه:همشي بنفسي
هشام بدون اكترث: ازاي هترجعي لوحدك
هايدي مسحت بقايا دموعها :دي مشكلتي من دلوقت
………………..قصص منه محمد كاتب……………..
في غرفه اروي صاحبتها كانت بتزورها وشافت علبه الرفن ع التسريحه
صاحبتها مسكتها بتعجب كبير: هو انتي اشتريتي علبه برفن يا اروي
اروي: لاء طبعا ده راجل غريب سبهالي هديه
صاحبتها: ايه بتقولي ايه
اروي: والله زي ما بقولك الي مستغرباله ليه يديني هديه غاليه كده من غير ما يعرفني دي تطلع بحوالي 8000 ج
صاحبتها ضربت صدرها: ايه بس الصراحه متخيلتش انك هتوافقي تقبلي منه البرفان
اروي: معقول انا اقبل هو مدهونيش وجهه لوجه سابه عند الكاشير
صاحبتها: انتي بسيطه اوي يا اروي متعرفيش نفوس رجاله الايادم دي يابنتي دول
وحـ* وش ونفوسهم مش شريفه وبيظهروا العكس مسألتيش نفسك ليه راجل غريب يسبلك هديه تمنها غالي كده
اروي:اه ليه؟!
صاحبتها: لانه بيحاول يثير اعجابك ناحيته النهارده هديه بكره عزومه ع فنجان قهوة ويستمر الوضع هكذا لحد ما تخسري شغلك بالوضع ده بعيد ال،شر
اروي: لاء انتي عارفه اهميه الشغل ده بالنسبه لي
صاحبتها: عشان كدا بحاول افهمك
اروي: قوليلي اعمل ايه
صاحبتها: ترجعيله البرفان وخالي بالك العالم ده عباره عن سوق فيه الكويس
والوحـ *ش ودولوقت لازم تعرفي الطريقه الي تفرقي بيها بينهم
……………قصص منه محمد كاتب………………..
في محل العطور
اروي بتلف خبطت فيه: انت يا بيه انا كنت مستنياك
هشام مبتسم: انا
اروي: لاء قصدي يعني ثانيه واحده وهرجعلك( راحت اخدت العلبه ومدتهاله) اسفه مقدرش اقبل دي
هشام كشر: ليه حصل ايه معجبتكيش
اروي: انك تدي حاجه غاليه شئ سهل لكن انا اقدم قصدها حاجه شئ صعب شكرا
هشام: استني ليه متسمهاش هديه وبس يا انسه اروي مش كدا
اروي: ايوه وحضرتك تقدر تسميها هديه بس انا مقدرش اردلك الهديه بنفس قيمتها بأي حال من الاحوال عشان كدا مش هقدر اخدها شكرا لحضرتك
هشام: تمام هاخدها حتي لو الفعل ده هيزعلني لكن ممكن تعملي حاجه
اروي: حاجه ايه؟!
هشام: لو كان مناسب ليكي اعزمك ع فنجان قهوه
اروي: افندم
هشام: ليه كل الحيره دي لو مش بتحبي القهوه قوليلي
اروي بجديه وصرامه: انا اسفه يا بيه انا في الشغل ومش عايزه اشرب قهوه وانا لازم اروح اشوف باقي العملاء
هشام اتجنن جدا انها سابته وقرر يجيبها ويردلها رفضها له واتصل بقاسم هل جاب معلومات عنها
قاسم رد: اطمن عرفت كل حاجه عن البنت هي من اسره فقيره عايشه مع ابوها وامها وابوها عنده القلب عشان كدا قاعد في البيت وامها كانت بتشتغل في البيوت يعني البت وامها بيشتغلوا عشان نفقات المعيشه
هشام ضحك بستمتاع: يعني عايز تقول محتاجه الفلوس اوكيه طبعا عارف هتعمل ايه
قاسم بضحكه شيـ *طان: تمام يا بيه فهمت
احداث جديده اروي دخلت المطبخ لقت اكياس كتير فيها مواد غذائيه استغربت جدا!!!
اروي خرجت لوفاء: ماما ايه الخزين الي في المطبخ ده كله؟!
وفاء: اه كنت هقولك بنفسي جه واحد اسمه قاسم واتبرع بالحاجات دي
اروي ضمت حواجبها: قاسم
وفاء كملت: اه قالي ان مقاول غني من الي هـ *دوا بيوت جنبنا اتبرع للناس الغلابه
اروي التعجب زاد وقالت: وازاي عرف ان احنا غلابه
وفاء ابتسمت بقهر: حبيتي دي حاره الغلابه مين الغني الي يقدر يعيش هنا عشان كده جه وعطانا
اروي: بس مكنش المفروض تاخدي حاجه منه يا ماما, احنا نعيش زي ما كل يوم بنعيش ايه الداعي تاخدي منهم
وفاء: اروي حقيقه اننا فقراء واضحه قدام الكل يابنتي احنا مش قادرين نجيب قوت يومنا ولا نكفي احتياجتنا احنا مش مخيرين والكل هنا بياخد التبرعات فيها ايه لو احنا اخدنا
اروي: لاننا منعرفش مين دول ولا عارفين نيتهم ليه جم لينا
وفاء: يابنتي ناس من الي معاهم بيتبرعوا للغلابه
اروي: قالك حاجه عنه يعني اسم شركتهم اسمها ايه
وفاء: اه عطاني كارت هجبهولك واه كمان قالوا انهم محتاجين موظفين واخدين شهاده تخرج روحلهم ياروي محل البرفان ده هيضيع حياتك يمكن تلاقي شغلانه حكوميه عندهم روحلهم يابنتي
اروي: حاضر هروح اسأل عن الزظيفه بس عشان ارجع كمان التبرعات دي بالمره
وفاء: تمام هجبلك العنوان
…………………قصص منه محمد كاتب…………
في الشركه
اروي قربت من السكرتيره: السلام عليكم
ا: وعليكم السلام
اروي بهدوء: حضرتك جات لبيتي الحاجات دي من عندكم هنا واحنا مش عايزنها الصدقه لازم توصل للي يستهلها وبس
ا: فاروق خد منها الكياس دي وحطها في المخزن
اروي: شكرا اه الراجل الي جاب الحاجات دي قال ان فيه وظايف متاحه هنا صحيح ومحتاجه اقابل حد فيهم بخصوص الامر ده
ا:وظايف
اروي هزت لها دماغها: ايوه
أ:استني دقيقه هتصل بمستر هشام اسأله عن الامر
اروي بصتلها اوي وافتكرت انه نفس الاسم لنفس الشخص الي عطالها العطر هديه
ا بصتلها بستسفار: اسمك
اروي فاقت من تفكيرها وردت: اروي
أ: الانسه اروي هنا بخصوص الوظيفه تمام هدخلها لحضرتك
هايدي شافتها وعرفت انها ضحيه جديده لهشام
……………..قصص منه محمد كاتب………….
في المكتب
هشام: اهلا يا انسه اروي اتفضلي خير
اروي قعدت وبصتله: انا جايه افهم ليه كل المعامله الكريمة دي معايا, لو مفكرني من البنات اياهم تبقي غلطان انا من من النوع ده
هشام ابتسم: انتي اخجلتيني بكلامك
قاسم خبط ودخل: دي قايمه بالاسماء الي وصلت ليها التبرعات
هشام: اوكيه وايه عن البنت المسكينه الي جات الاسبوع الي فات
قاسم: عطينها مبلغ وكرتونه مواد غذائيه
هشام: ممتاز انتبه كويس ان المعونه لازم توصل للي يستهالها
قاسم بطاعه: تمام يا بيه
هشام بصلها بعد خروج قاسم وقالها: انا اسف لو فهمتي سلوكي بشكل خاطئ انا بقدم اعتذاري ليكي لكن بالفعل لو اي بنت تانيه في نفس مكانك بعد اول مقابله لينا سوي كانت فهمت الموضوع كدا بالظبط انا مكنتش اعرف ان رجالتي هتبعت معونه لحد بيتك
اروي بأحراج: لاء يافندم بس غصب عني دخل جوايا شك كبير
هشام مبتسم: ولا يهمك الانسان بيقع في اللاخطاء دي كتير انا اسف نسيت اسألك شاي ولا عصير
اروي بهدوء: لاء الف شكر انا ماشيه يا بيه بس سمعت ان عندك وظايف خاليه في الشركه
هشام: عرفتي منين ان فيه وظايف ما علينا ع العموم فيه , ايه هي مؤهلاتك
اروي: انا معايا بكالوريوس تجاره
هشام رفع حاجب: بكالوريوس اوكيه ابعتي ملفك وهشوفه وبعدها هنتصل بيكي
اروي بفرحه: الف شكر
هشام بستفسار: مرتبك الي بتاخديه حاليا كام
اروي: 2000 ج
هشام كشر: بس يعني اكيد ظروفك ضيقه بسبب المرتب الضعيف ده
اروي:لاء يا بيه انا الحمد لله
هشام: لاء هاتي السفي بكره , وانا هحطك في وظيفه واخصص لك مرتب محترم
اروي: الف الف شكر لحضرتك
هشام: ولا يهمك انا تحت امرك اتفضلي
اروي: سلامو عليكم
هايدي انتظرتها خرجت وفتحت الباب وسألته: مين البت دي يا هشام
هشام بصلها ببرود: ايه
هايدي بعصبيه: بسألك مين دي؟!
هشام فتح الاب توب: محتاجه
هايدي: وكانت بتعمل ايه هنا؟!
هشام: تقصدي ايه بكانت بتعمل ايه المحتاجين ليه بيروحوا الشركات في رايك! جايه تدور عن شغل
هايدي: شغل واختارت الشركه دي من وسط الشركات مالدنيا مليانه شركات ومصانع يعني مكنتش تعرفك قبل كده
هشام: انتي حصلك جنان كل الحكايه ان واحد صاحبي بعتهالي هنا
هايدي بشك: ليه حاسه انك بتكدب يا هشام
هشام قفل الجهاز بحده وقالها: انتي بتشكي فيا؟!
هايدي: انا بس قلقانه ومفيش عندي الا الشك ومش عارفه ليه بتتعامل مع قلقي ببرود اعصاب كده
هشام بهدوء: ازاي يعني اعصابي بارده قدام قلقك انا فعلا حاسس بالقلق وكتير وحاسس بيكي اكتر
هايدي: لاء انت مش كده لو كنت حاسس بيا كنت اتكلمت مع والدتك ارجوك يا هشام حاول تفهمني كل ما يوم بيعدي كل ما بيزيد خوفي وقلقي
هشام فتح الجهاز وبصلها : انا بس مشغول كتير الفتره دي , ومش لاقي وقت اتكلم مع امي
هايدي بتهكم: مشغول! احنا بنكمر بمشكله كبيره زي دي وانت تقولي انك مشغول, ليكون انت الي مش عايز تتكلم مع والدتك , وبتروغني مش كده
هشام قفل الجهاز: ليه اعمل كده فهميني , هو انا مش مهتم بيكي
هايدي : لاء انت مش مهتم بيا ( شدت التلفون) خد امسك اتصل بأمك, انت مش مشغول دلوقت, اتكلم معاها انت اهو مش مشغول
هشام: هتكلم معاها بالليل بهدوء
هايدي بتصميم: لاء اتكلم معاها ودلوقت
هشام بغضب : قلت هتكلم معاها لما ارجع المساء اخرجي حالا من هنا روحي مكتبك دلوقت قومي
هايدي خافت من شكله وهيئته الي اتحولت وخدت بعضها وخرجت!
……………قصص منه محمد كاتب…………..
في عياده طبيب
د/ ليه رافض تتجوزها؟!
هشام بهدوء: البت الي تسلم نفسها مره لايمكن اتجوزها
د/بس هي سلمتلك بعد ما وثقت في كلامك
هشام ضحك: اه لكن لو صدقت كلامي ووافقت ع كده مستعده تصدق اي واحد وتوافق تعمل معاه علاقه ممكن انت تقبل تتجوزها وبعدين دي اساسا مش نفس مستويا
د/مستواك! لما مش عايز تتجوزها ايه الداعي تدمر حياتها كده
هشام: انا مدمرتش حياه حد الي حصل ما بينا تم بموفقتنا ورغبتنا احنا الاتنين
د/مفيش بنت بتاخد خطوه كبيره زي دي بسهوله يا هشام اكيد كان ليك تأثير كبيرعليها
هشام: فعلا اثرت عليها كانت وقتها عجباني اوي وقع قلبي في الارض لما شوفتها
د/خاف لو شويه ياهشام مش خايف لما كل يومين تجيب بنت وتعمل فيها كده
هشام: لاء بخاف من سوء السمعه اكيد سمعتي انا
د/عشان تحسن سمعتك تشوه سمعه غيرك
هشام بصله اوي: انا مش هنا عشان تسمعني محاضره انا بسألك هتساعدني اخلص منها ولا لاء
د/ دي اخر مره اساعدك فيها لو اتكرر القرف ده تاني وجبت لي بنت هنا الافضل تاخدها لمكان تاني غير بيتي
هشام: اكيد هاخد البت الجديده لمكان تاني
……………..قصص منه محمد كاتب………………
في شقه هايدي في التجمع
هايدي بسؤال: عملت ايه في حكايتنا يا هشام وصلت لحل؟!
هشام بصلها ببرود: حقيقي انا قلقان اليومين دول يا هايدي , حاولت اتكلم مع امي عنك واقنعها كتير لكن رفضت معرفش اعمل ايه , حاولت افهمها قد ايه بحبك هددتني اسيب البيت وامشي واتجوز بعيد عنها بس ده صعب يحصل مقدرش اتحمل غضب امي عليا ولا اهقدر اتخانق معاها عشانك لان زي ما بحبك بحب امي كمان ويمكن اكتر انا حاسس بوجعك وعارف انك خايفه وقلقانه جدا ارجوكي سامحيني انا مجبر يا حبيبتي
هايدي بحسره وقهر: وايه عن مشكلتي ياهشام ايه عن الوضع الحالي الي بعيشه
هشام: انا حاسس بيكي كويس جدا, وقلقان جدا جدا ع حالتك عشان كده فكرت في حل ننهي بيه الورطه
هايدي: اي حل
هشام :عندي دكتور صاحبي عنده عياده هنروح نقابله بكره وننهي الحمل ده
هايدي: ايه الحل ده ياهشام ازاي تفكر كده ده ابنك حصلك ايه
هشام: منا عرف يا روحي لكن مقدمناش حل تاني احنا وقعنا في ورطه امسكي ده شيك عشان عمليتك خاليه معاكي
هايدي بغضب: ايه التخريف ده مفكرني رخـ *يصه اوي كده, انا مش من النوعيه دي من البنات , انا بنت شريفه
هشام ابتسم اوي: انتي ايه (نام ع دهره وضحك بأسلوب غريب واتعدل وبصلها
هايدي بكت بصدمه: انت تقصد ان انا
هشام قام وضمها بسرعه: لاء يا حبيبتي , انا مفكرش فيكي كده , انتي احسن بنت في الدنيا شوفي ده مش وقت الكلام ده , حاولي تفهمي
هايدي زعقت فيه بقهر : انا مش عايزه افهم حاجه قلت ايه عني دلوقت
هشام : ليه بتزعقي اتكلمي براحه , اعملك ايه حاولت اقنع امي كتير اعمل ايه بعد ما رفضت بأصرار , هي دقه قديمه عايزه واحده ع ذوقها هي , ومش عايزه موظفه عايزه ست بيت تبقي زيها شوفي الي عايزها زوجه ليا, فأرجوكي حاولي تفهمي ظروفي
هايدي: وانا مين يفهم ظروفي , بس لو كنت مجبر للدرجه ياهشام ليه دمرت حياتي كده
هشام بتهكم وانفعال منها: انا دمرت حياتك, ليه نسيتي الي عملته معاكي بالسرعه دي اظن انتي عارفه كويس اني مغصبتكيش ع حاجه , ومجبتكيش هنا بيبي سيتر للعيال تنيميهم وتشربيهم اللبن , الفيلا دي والعربيه احدث موديل الي بره , والخدم الي عايشين هنا بس في خدمتك , والوظيفه كل ده من فضلي عليكي( مسك دقنها بحده) شوفي كنتي فين وبقيتي فين المفروض تشكري هشام الشرقاوي ع كل ده , وانا الي عمري ما قللت من وضعك قدام البنات, بتلبسي فساتين من اشهر الماركات وتروحي حفلات ارقي ناس من صفوه المجتمع , كل ده من فضلي عليكي , والي حصل معاكي حصل معايا والي قلته كانت ذله لسان ارجوكي حاولي تفهمي انا كمان حاسس بالقلق والتوتر
هايدي شدته من قميصه و ببكاء. لاء يا هشام انا مش بعد اللحظه مش هسيبك تعمل فيا الي انت عايزه , انت هتتجوزني والا هقول للعالم كله عن العلاقه الي بتربطنا ببعض, وهرغم امك ع ارتباطنا
هشام ضربها في دقنها : اممم ناويه تقولي للعالم كله فرجيني يا هايدي
هايدي بصت للاثاره لما خرج وانهارت معقول الشخص الي حبته حـ طم احلامها وحولها لفتات حـ طم قلبها في اقل من لحظه وبقت ذليله لما خـ انها وفـ *ضحها
…………….قصص منه محمد كاتب………………
في المكتب
هشام: معاكي شهاده البكالوريوس
اروي: ايوه يا بيه
هشام: وبتقدير عالي جدا اشتغلتي ع كمبيوتر قبل كده
اروي بأحراج: لاء يا بيه انا اصلا معنديش كمبيوتر ولا اعرف حتي اتعامل معاه
هشام ابتسملها: هتعرفي في المستقبل هبلغ السكرتيره تدربك
اروي: اديني فرصه واحده وهتشوف مهارتي انا شاطره وبتعلم كل حاجه في منتهي السرعة
هشام بضحكه : الروح دي مطلوبه , حاسس انك هتترقي لفوق في يوم ما, لكن عايزك تعرفي حاجه مهمه
اروي بهتمام: ايه هي يا بيه
هشام: اي حاجه اقولهالك هتكون بالنسبه لي وبالنسبه لك سر بينا لمصلحه الشركه عندك اي سؤال او استفسار
اروي وشها تحت: يعني مرتبي هيكون كام
هشام ضيق عيونه وقالها : مبدئيا 6000 ج
اروي برقت عيونها: كام 6000
هشام: قليل
اروي بفرحه وسعاده: لاء ده كتير اوي
هشام ضحك: تمام ارجعي بكره وابدئي شغلك
اروي قامت من مكانها: الف الف شكر يا بيه
هشام: من هنا ورايح اسمي مستر هشام اتفقنا
اروي ابتسمتله: اتفاقنا , هروح افرح امي وابويا اني اشتغلت, دول هيفرحوا اوي وهيدعولك كتير
هشام بتنهيده: انا فعلا محتاجه للدعوات
اروي: شكرا يا مستر هشام عن اذنك
هشام متابعها وسعيد جدا انه عرف يجيبها لحد عنده وهيكسـ رها براحته تلفونه رن كانت امه بتكلمه عن عروسه
هشام بضحكه: ليه مستعجله يا امي اتجوز
عفاف: مستعجله انت داخل ع 35 سنه لو متجوزتش دلوقت هتتجوز امتي؟!
هشام: هفضل ارفض لحد ما تلاقيلي فتاه احلامي وقتها بس هتجوز
عفاف: موفقتك ورفضك مبقاش فيه فرق بينهم نفسي مره تيجي وتقولي لقيت البنت المناسبه وعايزك تروحي تخطبهالي
هشام: لاء دي مهمتك انا عايزها اختيارك انتي
عفاف تمام بس طالبه منك انك تدور ع بنت مناسبه عندك في القاهره
هشام: يا امي هو انا فاضي وبعدين البنات هنا مفتحين زياده
عفاف : لو فضلت متمسك بالاخلاق كدا يا بني مش هتتجوز واشيل ولادك
هشام : اظن عارفه انا اهم حاجه عندي اخلاقي وسمعتي هما دول نقطه ضعفي
عفاف: يابني الزمن بيتغير وبلاش تعقدها , مش كون ان ام بتعرض بنتها تبقي رخـ يصه
هشام: اظن انتي عرفاني انا كده وهيفضل تفكيري كده, انا مش هتجوز واحده بالطريقه دي تعرض نفسها وبعدين انا عايزها كده خام زيك لا طلعت ولا دخلت
عفاف: تمام ياحبيبي هقلبلك الدنيا عليها بس لما القيها مش عايزه نقاش اتفاقنا
هشام ضحك: اتفاقنا اهم حاجه البت تكون شريفه , وخلوقه , وخجوله وطيبه , وبسيطه
عفاف: اوكيه يا بني مع السلامه
هشام قفل الموبيل وهي زقت الباب ودخلت عليه بغضب اسود !
هايدي: هشاااام
هشام اتخض ورد بحده: دي طريقه تدخلي بيها مكتبي
هايدي: ليه مش بترد ع موبيلك؟!
هشام: وطي صوتك واتكلمي بهدوء ده مكتبي مش بيتك مفيش داعي تعملي ازمه هنا يله امشي
هايدي ربعت ايدها قدام صدرها: انا مش هنا عشان اعمل ازمه ,انا جايه لك تجاوب ع سؤال امتي هنتجوز
هشام: امشي وهجيلك البيت نتكلم
هايدي: انا مش همشي انا عايز رد حالا
هشام: هشرحلك ازاي يا هايدي يقيتي مش قادره تفهمي الامر لايمكن الي بينا يوصل لـ اي حد في الشركه عشان كدا بقولك نتكلم بعدين انا مقدر وضعك وخايف جدا عليكي وبحبك كتير لو حد لمسك انا اهد الدنيا ارجعي حبيبتي البيت وانا هخلص واجيلك بالليل نتكلم بكل هدوء ونلاقي حل لمشكلتك
هايدي مسكته من البدله وقربت اوي منه: ازاي بتتلون كده براك عكس الي جواك, تفتح لي مكتبك اليوم وبكره تطلب مني اكون عشيقتك , وتتحمس لما تلاقي بنت جديده وتدخلها في نفس الحيره وبعدها تخليها تقعد تفكر ياتري انت كويس ولا وحش
هشام كتم غيظه لحد ما يتخلص منها وقال: متقلقيش انا جنبك , مش عايزك تعملي ازمه قدام الناس ارجعي البيت انا جايلك بالليل
……………قصص منه محمد كاتب……………
في بيت هايدي بتبكي بكاء هستيري من الخوف والكحل سايح وقاعده كأنها تمثال اتحنط
هشام دخل وقرب منها: انا عايز اعرف انتي ليه عامله في نفسك كده حصل ايه؟!
هايدي: غريبه بتسال انت حطمتني وحطيت كل حته مني في مكان مختلف كل الاحلام والامنيات الي حلمت بيها معاك بشوفها بتقع مش دموعي بس الي بتنزل من عيوني قلبي كمان بينزف
هشام: اخدتي علاجك هقولك ايه بس ياهايدي هي دي الدنيا مش ع طول هتضحك لينا ممكن تدينا دهرها وممكن متبصلناش وتضربنا وترجع تتحسن ده قانون الحياه
هايدي: انت خدعتني ياهشام وعايز تعمل علاقه جديده مع البت الي جات مكتبك
هشام :اي بنت
هايدي: الي غرقتها بكلامك المعسول
هشام : كلام معسول شوفي بقي ياهايدي ده كلام فارغ الامر مش كده حبيبي انتي محدش يقدر ابدا ياخد مكانك في حياتي
هايدي قامت بعيد عنه بنفعال: انت كداب
هشام اتك ع شفته بغيظ وقرب منها وهو بيكتم غيظه: انا كداب وياتري كدبت عليكي قبل كده
هايدي فركت ايدها: لو كنت صادق كنت اقنعت والدتك من وقت طويل, لان بالعقل كده ازاي شخصيه زيك يضعف قدام ظرف زي ده
هشام بمراوغه: انا قولتلها عيلكي وهي رفضت اعمل ايه ؟!
هايدي : انت لازم تقنعها لازم تعمل اي حاجه عشان الي في بطني
هشام: بقولك حاولت معاها رفضتك تكوني مراه ابنها تفكرها دقه قديمه
هايدي: هشام هو انت مفكرني ايه لما عطيتك شرفي ده بسبب اني حبيتك بشده, اقولك قوم
اضـ ربني باـ لنار
هشام: لاء انتي اتجننتي
هايدي مسكت ايده برجاء: ارجوك اقـ* تلني قبل ما فضحتي تبان واهلي يموتوني موتني وخلصني
هشام ضمها بخبث: انا متأسف يا روحي ان الحال وصل لكده انا كنت بس زعلان واتكلمت معاكي من غير ما احس بس انا مش لاقي حل ولا مخرج للورطه اطلاقا لكن اختلقت عذر لـ امي اجيبها القاهره
هايدي مسكت ايده ببصيص امل: بجد يا هشام بتتكلم بجد
هشام: هي جايه وهخليكي تقابليها ابتسمي بقي بس فيه امر صغير
هايدي مسحت دموعها: ايه هو؟!
هشام: الي في بطنك امي متعرفش عنه حاجه
هايدي: هو انت مقولتلهاش اني حامل
هشام اتنرفز: لا فعلا اتجننتي , عايزني اقول لـ امي هايدي حامل مني من غير جواز , وكده هتقابلك طبعا هترفض وهترفض الجوازه
هايدي بحيره: امال هنعمل ايه فيه يا هشام؟
هشام :احنا لازم نضحي بالطفل ده
هايدي قامت منفعله: لاء
هشام شده تقعد مكانها: اسمعيني ارجوكي افهمي للي هقوله مفيش حل تاني
هايدي ببكاء: لايمكن تظلمني الظلم ده عشان مصلحتك
هشام بنرفزه وغيظ: اي مصلحه انا بمر بأكتر ما بتمري بيه هو ده مش ابني زيك بس مقدمناش حل تاني , اعمل ايه
هايدي: لازم تلاقي حل تاني
هشام: ومنين اجيب الحل ده, هايدي انا محتاج مساعدتك عشان نخلص من المشكله ليكي وليا ارجوكي ساعديني , متكونيش عبئ عليا ازاي اقول للناس اننا
هايدي قطعته: خلاص نخبي الامر عن امك ونقولها بعد ما نتجوز
هشام بصلها بتريقه وقال: تصدقي فكره فعلا, نقولها بعد ما نتجوز وهي امي عيله صغيره دي
هتـ هد علينا الدنيا, اسمعي لو امي وافقت ع جوازنا هتقولك الدخله بعد ما تفرح بتقي وبعدها نتجوز , احنا ساعتها هنعمل ايه , ولو وافقت واجبرت امي تقبل جوازنا عشان الطفل ده هو نفسه مش هيعاني من امي وطريقه جوازنا في المستقبل , هنقوله ازاي وهيقبل الوضع ده ازاي, انا عارف ان ده في منتهي الصعوبه بس الامر ملوش علاقه برغبتنا , عشان كدا ارجوكي وافقي ع كلامي ولا هتفضلي خايفه طول عمرك
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تلميذ الشيطان)
