رواية تلميذ الشيطان الفصل الثاني عشر 12 بقلم منة محمد
رواية تلميذ الشيطان الجزء الثاني عشر
رواية تلميذ الشيطان البارت الثاني عشر
رواية تلميذ الشيطان الحلقة الثانية عشر
في غرفه تقي قاعده تفتكر كل الاحداث السوده الي حصلتلها غمضت عيونها بقوه ودموعها نزلت برعب
تقي مربوطه بالحبال في البدرون: والنبي افتحولي ابوس ايديكم افتحولي الباب ارجع بيتنا امي هتقلق عليا اخويا مش هيسيبكم ابدا ولما يعرف هـ يقتلكم كلكم اخويا راجل اعمال تقيل في البلد لو عرف مش هيرحمكم
راجل ضخم فتح عليها الباب: اخرسي يا بنت امك انا هوديكي مكان لايعرفه اخوكي ولا ابوكي كمان_صرخ_رعد
رعد دخل: افندم
الراجل حرك ايده ع خدها بوقاحه وقال: اتصل بالراجل الكبير في دبي وقوله عندنا له عروسه حلوه لو بعت تمنها هتكون في طريقها لحد عنده بكره الصبح
رعد: امرك
تقي إنتفضت في مكانها بخوف و صرخت فيه: انا معملتش حاجه حرام عليكم
الراجل مسكها من دراعها بقوه وكان هيكسره وصرخ فيها: قلت اسكتي محدش هينجدك لا امك ولا اخوكي الي بتخوفينا بيه , ولا حتي الواد الهفئ عشيقك الي نصب عليا مش هيعرف فين مكانك يا روح امك
تقي ماتت من الرعب: انا معملتش حاجه وحشه في حد , انا معملتش حاجه وحشه في حد سيبوووني
هشام دخل ومعاه علبه لقاها قاعده منكمشه ع نفسها بخوف وعيونها بتحدف فقط في دموع
هشام قعد قدامها وسألها: عامله ايه
تقي رفعت عيونها وبصتله: عامله ايه
هشام: انا جبتلك الجهاز ده
تقي: وايه لزومه يا ابيه
هشام: عجبني واشتريته عشانك
تقي: شكرا
هشام: الشكر وحده مش هينفع_مسك دقنها_ من دلوقت عايز كل ما ادخل اوضتك القيكي مشغوله
تقي: وانا هعمل ايه ع الاب توب
هشام ابتسم بحنان : يعني هتعملي ايه ده العالم كله فيه اتكلمي مع اصحابك سلي وقتك اسأليهم عن احوالهم
تقي: بس هما بنات شريفه ومحترمين وتقي كانت زيهم بنت شريفه ومحترمه بس تقي دلوقت محدش هيرضا يصاحبها يا ابيه
هشام حط إيده ع كتفها بحنان: ليه مش عايزه تنسي الي حصلك
تقي رفعت راسها ودموعها مغرقه عيونها: انا مش بتكلم عن حلم يا ابيه انا بتكلم عن الحقيقه الواقع الي مستحيل اقدر انساه ممكن اسألك عن حاجه
هشام: اسالي
تقي: تفتكر اكون عملت حاجه استاهل عليها الي حصلي استاهل العقاب القاسي ده
هشام افتكر اروي=ارجوك سبني ابويا زمانه قلق عليا
تقي بين شهقاتها: انا اذيت حد قولي ايه هو الذنب قولي ارجوك ايه هو الذنب ليه اتعمل فيا كده فهمني
هشام آلمه قلبه عليها وطبطب عليها ومقدرش يتحمل وجعها وقايم
تقي مسكته من ايده: متمشيش قبل ما تقولي ايه هو الذنب ارجوك يا خويا اتكلم اتكلم ايه هو ذنبي ليه اتعمل فيا كده عملت ايه
هشام فك ايده منها بأعجوبه وخرج لانه هيرد يقولها مش ذنبك انتي ده ذنبي انا وطلع لكن قلبه وعقله عندها
………………………قصص منه محمد كاتب…………………..
في الكافيه قاعد وشكله مضايق جدا وساكت
عماد بصله: انت ليه ساكت كده عمري ما شوفتك بالحاله دي
ياسين اتنهد وبصله: يا اخي البنت دي قدرت تسيطرع كل تفكيري يوم بعد يوم ايه يعني الي حصل لو اتصلت بيها اتنين بالليل وايه يعني لو رقتها تعويض بعد الي حصل ايه الذنب الي عملته
عماد: شكلها بنت مريضه يا ياسين
ياسين: وده نفس الي قلتهولها تعرف كان ايه ردها
عماد بهتمام: ايه؟
ياسين بغيظ: قالت لي انها مش مريضه بس عارفه امثالي من الرجاله الاغنياء
عماد: وايه الي وري الجمله دي؟
ياسين عقد حواجبه باستفهام : تقصد ايه
عماد: تفسير زيك زي الرجاله الاغنياء
ياسين ضم حواجبه: تفسيرها
عماد رد بعد بتفكير: اكيد حصل معاها حاجه زمان والي حصلها من راجل غني ولا مش هتكون حاده للدرجادي
ياسين: استنتاج مش حقيقي دي طبيعتها حادة مش عارف مفكره نفسها مين كئنها ملاك مش بيغلط
عماد: يابني اكيد حصل معاها حاجه صدقني لان البني ادم مش بيكون حاد بطبيعته اللا الي عاش تجارب قاسيه بيخليه انسان حاج وخايف ووغصب عنه مش بيبقي قادر يتحكم ويسيطر ع تصرفاته حتي الكلام
ياسين مط شفته لقدام: جايز
……………..قصص منه محمد كاتب…………..
في منزل هشام قاعد وحاطط دماغه بين ايديه وبيفكر
عفاف قعدت جنبه وحطت ايدها ع كتفه: بتفكر في ايه؟
هشام رفع دماغه وبصلها: ارد ع اسأله تقي بأيه بتفضلني تسألأني عن الذنب الي بتتعاقب عليه وهي بريئه ومتعرفش انها معملتش اي حاجه وبتكفر عن ذنوبي انا واتحقق كل دعاء دعته اروي لله عليا
عفاف: يا بني ايه فايده انك تنبش وتعيد في الي فات طول الوقت, الي حصل خلاص حصل ولا يمكن تغيره
هشام بغصه : انا مش قادر انسي حاجه يا ماما , مش قادر ونفسي اشيل الاحساس بالذنب من ع اختي واروح اقولها انها بريئه وهي بتدفع ثمن ذنوبي اكيد ده هيقل وجعها
عفاف: وبعدين هيحصل ايه لما تعرف , انت هتقدر تتحمل كرها ليك ولا نظرتها
هشام: وده هدفي يا امي لكن مش هكدب عليكي في نفس الوقت خايف انزل من نظرها ومعرفش ابص في عنيها وتبدء تكرهني وتبعد عني
عفاف: قولي تقي امتي هتروح للدكتوره النفسيه
هشام: بكره عندها جالسه
عفاف: تمام قوم صلي ركعتين لله يهدوا قلبك ع ما اعملك حاجه تشربها
الحارس دخل وهشام سأله بلهفه: لقيتها
الحارس: للاسف يا بيه ملهاش اي اثر
هشام: فات تلات سنين ومش عارف تلاقي بنت واحدة
الحارس: دورت عليها في كل مكان يا بيه, حتي بلغت ناس في كل بلد يدوره عليها , بس محدش عرف حاجه عن اروي دي
هشام: وليه مسألتش قاسم
الحارس: حاولت معاه لكن رفض يقولي عنها اي حاجه , حتي فهمته لو قالي عنوانها هساعده يخرج من السجن , بس برضه رفض
هشام: انا مش عارف الا شئ واحد , سواء كانت في الارض ولا في السماء , انا عايز اروي
الحارس: والله يا بيه انا حاولت كتير
هشام: روح وحاول تدور عليها تاني
الحارس: امرك يا بيه هحاول
هشام سمع تقي بتصرخ وهي بتقول لحد: ابعدي عني انا خايفه قوليله يبعد هيرجع ياخدني مره تانيه انا خايفه
هشام دخل مخضوض : حصل ايه يا تقي قوليلي حصل ايه
تقي: هياخدني تاني يا ابيه انقذني منه ارجوك
عفاف جريت عليها وضمتها تهديها واخدتها في حضنها: مش هيحصلك حاجه انتي في امان
تقي بتصرخ بانهيار: لاء هيرجع ياخدني انا خايفه هياخدني بقولك هياخدني
عفاف: لاء مفيش حد هنا متخافيش اهدي
تقي بتشاور شكلها بقي فعلا يخوف وصرخت وهي بتشاور علي الاب توب بجنون: لاء هو موجود
هشام عيونه راحت ع الاب توب بسرعه خطفه وشاف صوره واحد من الاصدقاء عندها
عفاف: مفيش حد يابنتي
…………….قصص منه محمد كاتب……………….
في منزل تقي
بوسي: عمتي
اروي: امممم
بوسي: هو انتي سبتي الشغل في المدرسه
اروي: مين قالك
بوسي: المديره دخلت قالت لنا انها هتجيب ميس تانيه غيرك
اروي: اه سبته
بوسي: وليه سبتيه
اروي: لان انا مش مرتاحه كتير في الشغل ده فقلت ادرور علي شغل تاني
بوسي بحزن وزعل: بس انتي لقيتي الشغل ده بالعافيه ياعمتي حتي البيت ده اخدنا تبع المدرسه كدا لازم نسببه بس هنروح فين ياعمتي
اروي: اي حته ارض الله واسعه اكيد هنلاقي حل عمتك جنبك وهتحل كل حاجه يالي خلصي مذكرتك ع ما اخلص الاكل ماشي
بوسي :ماشي
اروي دخلت المطبخ لقت كل الخزين خلص حست انها غلطت انها استقالت من الشغل وكدا بقت عاجزه انها تحل اي حاجه وقررت تاني تتكلم مع المديره يمكن ترجعها الشغل تاني بس مستحيل ترجع للمدرسه دي تاني وتخالي ياسين يتأكد انها محتاجه له ولما يعرف انها محتاجه ترجع الشغل عنده تاني هيحطه سلاح ع رقبتها من احتياجها ويستعمله ضدها وهي مستحيل تسيب ده يحصلها تاني كفايه الي جرالها من هشام مستحيل تستسلم ويستفيد هو من احتياجها وفقرها
……………….قصص منه محمد كاتب…………….
في منزل هشام يوم جديد
هشام بصلها: تقي نامت
عفاف: ايوه طمني عملت ايه عند الدكتوره واضح انها اتحسنت
هشام بتنهيده طويله: فعلا انا لاحظت ده وبدعي ربنا ان حالتها تتحسن ويرجع بريق البيت مره تانيه
عفاف: يارب
ياسين دخل وفتح ايده بمرح: طالما انا حيت هيرجع بريق البيت
عفاف صرخت بفرحة عارمه : ابني
ياسين ضمها: شوفتي جتلك عامله ايه
عفاف: انا زي الفل لما شوفتك_ضربت خده_ بس ليه متصلتش تقولي انك جاي
ياسين قرص خدها بشقاوه: قلت اعملهالك مفاجأه ها ايه رآيك في المفاجأه
عفاف: جميله
هشام مثل الزعل: هو انت نسيت ان ليك اخ كبير واشتاق لحضنك
ياسين قام وفتح دراعته: واخوك الصغير مشتاق لحضنك اكتر عامل ايه يا اتش
هشام طبطب ع دهره: الحمد لله انت عامل ايه
ياسين: انا زي الفل قدامك
هشام: قولي ايه الاجواء في باريس
ياسين كشر: الجو تلج كأنك قاعد في تلاجه وانت قاعد هنا في الدفاء وبعتني انا اشتغل
عفاف بصت لهشام: ده الي كنت بقلهولك بعته للمـ وت
هشام ضحك: انا مبعتش حد يمـ وت اظن قلتله عايز ابني مصنع في اسكندريه وابنك رفض وقالي افتحه في باريس
عفاف ضربت هشام ع خده بغيظ: وليه باريس
هشام بأبتسامه: اتفضل رد عليها
ياسين: انا كنت بهزر وهو صدق
هشام: وانا باخد هزارك ع محمل الجد
ياسين: انت هتقولي وانا بحبك وانت واخد الامور جد
عفاف مسكت ودانه بشده :عجبك طبعه ولا لاء
ياسين كاتم ضحكته: ده عجبني ونص بس نفسي في كوبايه شاي مع اي سندوتش انا جعان فين حسنيه
عفاف: لاء انا هقوم اعملك المكرونه البشامل الي بتحبها
ياسين: ياسلام احلي عفاف في الدنيا بحالها
هشام: طمني المدرسه عامله ايه
ياسين: المدرسه تمام والمصنع كمان الشغل فيه ماشي ومش ملاحقين ع الطلبات مطلوب واحده في فرنسا والتانيه لـ انجلترا
……………..قصص منه محمد كاتب………………
في منزل اروي الباب خبط سلمت في الصلاه وقامت فتحت
الساعي: السلام عليكم يابنتي
اروي بهدوء: وعليكم السلام يا عمي
الساعي:عامله ايه
اروي: الحمد لله بخير جاي ليه يا عم مرزوق
الساعي: المديره بتقولك فضي البيت كمان 15 يوم
اروي وشها اتغير : ايه 15 يوم
الساعي: ده انا اخدتهملك منها بالعافيه واظن انتي عارفه قواعد الشغل بتقول انك تسيبي الليت بعد ما تسيبي الشغل في خلال اسبوع وانا رآي تخلي البيت كمان اسبوع قبل ما يبعته قوه تخليه وعفشك يتبهدل ولو عايوزه تدوري عن بيت تاني ومحتاجه مساعده بلغيني وخدي بالك يا بنتي ع نفسك سلامو عليكم
اروي دخلت وقعدت ع اقرب كرسي وكلمت نفسها بضعف وانكسار : اروح فين دلوقت بعتولي انذار اسيب البيت , طيب والعيله دي هتبقي من غير مأوي, انا كل الي عايزه اعمله احافظ ع شرفي وسط كل الي بيحصل, يارب ايه الامتحان القاسي ده, انت الوحيد الي قادر تعديني من اللامتحان ده يارب اوجدلي مخرج للوضع الصعب الي بقيت فيه, انا اتهزمت وتعبت اوي ,يارب ماتزود عليا الحمل تعبت ونفسي ارتاح من الم الدنيا ,ارجوك اسمع دعائي ورجائي ليك وارحمني يا ارحم الراحمين افتح لي باب رحمتك والله تعبت
……………….قصص منه محمد كاتب………………
في العياده
الدكتوره بصتله: تعرف مصطفي
هشام: مين مصطفي لاء معرفوش انا اول مره اسمع بأسمه
الدكتوره: وانا سمعت اسمه من تقي
هشام مذهول بصدمه: سمعتيه من اختي انا
الدكتوره: ايوه تقي كانت بتحبه وقالتلي لاانت ولا امها تعرفوا حاجه عن الامر
هشام بلع ريقه : ثانيه واحده بتقولي يعني تقي كانت مخبيه عني اسرارها
الدكتوره: تقي كانت هتقولك عليه بس مجتلهاش الفرصه هي اتعرفت عليه من خلال الفيس بوك وكانوا بيتكلموا مع بعض كتير تقريبا ليل مع نهار لدرجه اتعلقت بيه و حبته وكانت هتعرفكم عليه لكن حصلت المصيبه السوده
هشام: عايزه تقوليلي ان مصطفي هو السبب في حاله اختي
الدكتوره: هو المسؤل الاول مصطفي طلب من تقي يوم الحادث انها تروح معاه بيته هيعرفها ع عمه لكن اكتشفت لما راحت معاه انه عايش لوحده لانه ملوش اهل هو اتربي في ملجأ ايتام وانه حبها وانها لو كانت عرفت حقيقته كانت بالتالي هترفضه حتي عيلتها هترفضه لانه فقير ولقيط تقي اتعصبت جدا عليه وشتمته فهو كتفها وحبسها من خوفه انها تسيبه
هشام: يعني هو الي اغتصـ بها
الدكتوره هوت دماغها بنفي وردت: مصطفي للاسف استلف مبلغ كبير من تاجر مخدرات في المنطقه وولما راحت تقي بيته الراجل ده اتهجم في نفس الوقت واخد تقي منه مقابل الدين
هشام خرج من عند الدكتوره وهو بيتوعد ويهدد إنه هينتـ قم من الشخص الي اذي اخته
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تلميذ الشيطان)
