رواية تلميذ الشيطان الفصل الثامن عشر 18 بقلم منة محمد
رواية تلميذ الشيطان الجزء الثامن عشر
رواية تلميذ الشيطان البارت الثامن عشر
![تلميذ الشيطان](https://camo3blog.com/wp-content/uploads/2024/07/تلميذ-الشيطان-213x300.jpg)
رواية تلميذ الشيطان الحلقة الثامنة عشر
في منزل هشام واقف في الفراند واقف وانعكاس مياه حمام السباحه بتتحرك في وشه وشارد فيها
ياسين خبطه ع كتفه بمرح: بتفكر في ايه يا اتش
هشام التفت وبصله: واقف هنا من امتي
ياسين ابتسم: دلوقت وانت بتفكر في الماضي الجميل
هشام مسكه من كتافه وقال: الماضي الجميل من حظك ونصيبك انت انا مكنتش محظوظ زيك
ياسن: حاسس انك حبيتها كتير
هشام: مين.!
ياسين: الي كنت بتفكر فيها
هشام: انا مش بفكر في حد
ياسين بزعل: ليه تكدب عليا ياخويا انا دايما بقولك كل المستخبي في قلبي , كلمني عن البنت دي, لان اكيد مفيش زيها عشان خلتك تحبها كده وقلبك يدق
هشام اتنهد: فعلا مفيش زيها
ياسين بضحكه: شوفت قفشتك استنتاجي كان صح قولي حالا
هشام: مفيش حاجه كنت بهزر
ياسين: متقولش بهزر انت قولت كل حاجه , ماتقولي انا شقيقك قولي يا اتش تطلع مين
هشا م اتنهد بحزن: اقولك ايه ان احياننا بتخسر حاجه في الدنيا وتبقي مكتوبالك , ولما تسيبها بأرادتك تسأل نفسك ليه سبتها
ياسين: شوف هو حلو الندم , لكن انا مش فاهم من كلامك حاجه اتكلم مباشر حصل ايه
هشام: البنت دي مجرد ماضي وبعدين مشت وسابتني
ياسين بستفهام: ليه
هشام نبره كلها حزن: لان انا اسائت ليها كتير اساءه مش هقدر حتي اقولك عليها
ياسين: مستحيل لا يمكن اصدق انك تسيئ لحد حتي لو اسائه صغيره
عفاف ادخلت وقالت: معاك حق يا ياسين اخوك مستحيل يسيئ كان فيه بنت واتجوزت واحد غيره عشان بس اخر جوازهم زعلت وراحت اتجوزت غيره كعقاب
ياسين بزعل: وليه اخر جوازهم , وليه انا معرفش
عفاف: لانه كان بيحب البنت دي حب كبير وهي مستعجله ع الجواز
هشام بضيق : انا طالع اوضتي
عفاف بصت لياسين: هروح اشوفه وارجعلك
هشام بصلها بضيق: ليه منعتيني اقوله حقيقتي
عفاف: شوف ياهشام مفيش حاجه اكبر من كرامتك يابني وانت دفعت تمن افعالك ,ندم , وقهر وبكاء, فكر عروسه اخوك هتيجي البيت وهتكون انت حديث الساعه والسمعه السيئه وانا دوري كام امنعك تهلك نفسك بنفسك واسمح بأن حد يتجرء ويشاور عليك , عشان كده لازم تحترم قراري مفيش داعي تحكي لياسين او حد غيره ع حاجه يابني احنا بشر وماحدش فينا معصوم من الغلط، الناس كلها بتغلط بس العاقل الي ميفضحش نفسه بنفسه طالما ربنا ستر عليه خالي غلطتك في السر مفيش داعي نشوه سمعتنا قدام العالم لازم تسكت يابني
هشام بدموع: بس انا حرفيا تعبان قلبي وجعني اووووي من الي عملته فيها نفسيتي تحت الصفر ضعيف ويائس انا كنت عايش عيشه غلط في غلط
عفاف: ربنا قادر يمحي كل حزنك ووجعك ربنا هو الملجاء الي مفهوش خذلان بتروح له ضعيف ومكسور بترجع قوي، بتروح له يائس مخنوق وحزين بترجع تقف ع رجلك من تاني ربنا هو الباب الوحيد الي مفتوح ليك طول الوقت مبيتقفلش عيط ع قد ما تقدر روح اشكيله واحكيله كل بلاويك عشان هيدويها لانه احن عليك من اي حد بلاش تقسي ع نفسك وتجلد ذاتك
هشام: تعرفي نفسي اوي كل الي انا عملته يطلع حلم
عفاف: الايام كفيله تنسيك ويبقي حلم , وزي ما قلتلك مفيش حاجه هتخرجك من الحاله دي غير انك تنسي وبكره تقول امي قالت هتخرج بالتدريج والدنيا هتضحكلك ويبقي عندك امل وترجع احسن من الاول متفضلش تجلد نفسك ع غلطات زمان بخبره ووعي النهارده
هشام: ربنا يديم وجودك في حياتي يا امي
عفاف :وانا نفسي اشوفك عايش في راحه بال وطمانينه وربنا يشيل عنك كل حزنك يا ابن قلبي ويسهلك الصعب
هشام ابتسمتله بحنان : صدق الي قال مفيش زي رحمه الام
عفاف : هو ده دور الام تحمي ولادها في كل الاوقات ازاي اسيبك تشوه سمعتك وسط الناس وبمجرد ما يخرج قاسم من السجن هروح معاك لبيت اروي اعتذرلها واترجاها تسامحك ع كل الي عملته ولو وافقت هرجعها لحياتك مره تانيه
هشام: معقول
عفاف مسدت علي كتفه تطمنه ابتسمتله بحنان: اه مستعده اقبلها عشانك وعارفه ومتأكده انها هتسامحك ربنا بيسبب جميع الاسباب الي تخليها ترجع لحياتك مره تانيه ان شاء الله
……………………..قصص منه محمد كاتب……………
في البلد في قهوه شعبيه
اروي بصتله بهدوء: هو انت جبتني هنا تكلمني في امر مهم
ياسين بصلها وابتسم: اه كنت عايز ابلغلك اني اتكلمت مع امي عنك وهي هتيجي تقابلك
اروي: وقولتلها عن الي حصلي في حياتي
ياسين بتنهيده : لاء
اروي بصتله بدهشه: ليه
ياسين :لاني عايزها تتعرف الاول عليكي وبعدين تحبك وبعدين اقولها كل حاجه
اروي: ولو رفضت ارتباطنا بعد كده هتعمل ايه
ياسين : لاء ده مش هيحصل, لاني عارفها كويس لما تقابلك مش هتكون فضوليه ناحيه ماضيكي اه جبتلك حاجه معايا
اروي :ايه هي
ياسين طلع علبه صغيره وحطها قدامها: ده ليكي
اروي: ايه الي جواها
ياسين: اثبات حبي هتفضلي بصالي ولا هتفتحيها
اروي مدت ايدها بتردد واخدتها منه وفتحتها لقتها خاتم شيك جدا رجعتها قدامه: انا اسفه ياياسين بيه مش هقدر اقبله
ياسين بتعجب: ليه
اروي: متعودتش البس حاجه غاليه كده
ياسين: ده مش خاتم تلبسيه , ده دليل ع حبي الصادق والكبير ناحيتك , عارفه جبته ليكي بكل الحب الي جوايا
اروي: قيمه الحب مش بتكون جوه غرض بيتباع الحب شعور شعور يخليك اسير له وانا اكتفيت بكلمه دليل ع الحب
ياسين: انتي عندك حق مقدرش اختلف معاكي وهكون في منتهي السعاده لو قبلتي هديتي وكملتي سعادتك
اروي بغيظ: انت ليه عنيد كده
ياسين : دي مش اجابه ع كلامي بليز اقبليه
اروي بتمد ايدها بتوتر وخوف هو قالها: مش كده عايز البسهولك بايدي
اروي: ليه
ياسين مد كف ايده ومبتسم : اروي اديني ايدك يله بقي , ده بقي حقي يله يا اروي هاتي ايدك يله
اروي مدتله ايدها وهو لبسهولها كمل وهو يبتسم : بعد ما لبستيه في صوابعك زاد اضعاف جماله( تبت علي ماسكه ايدها)
اروي سحبت ايدها منه : انت بتتعامل معايا في منتهي الكرم , ولا ده مجرد زيف, انا عانيت كتير وبقيت بخاف اثق في حد
ياسين اتنهد بعمق وقالها بتفهم : انا فاهم شعورك واللخبطه الي جواكي , الماضي الي عشتيه يخليكي صعب تثقي فيا وتحبيني براحتك لكن اوعدك انا مستحيل اخدعك ابدا حبي محل ثقه عن اذنك ارد ع الموبيل مكالمه مهمه
اروي بصتله ونزلت دموعها وبينها وبين نفسها قالت: كل كلمه اتكلم بيها طالعه من قلبه مش بالسانه عينه بتصرخ وتقول انه صادق ومع ذالك شاكه في حبه الي حصلي كان بأسم الحب المزيف ازاي اثق في كلام الحب بعد كل ده…. اياك تغلطي متبقيش ظالمه كده البشر مش ملايكه وبرضو مش شياطين هو عايز ايه منك غير شويه ثقه وانتي لازم تثقي فيه بعد ما شوفتي كل لحب ده ليكي في نظره عنيه ليه بترفضي بلاش عيشي مع حبه عشان ميضعش منك
ياسين قفل الموبيل وبصلها بتأثر وحزن: ع فكره دموعك غاليه عندي , ومفيش حاجه في الدنيا تستاهل دمعتك
اروي بحزن عميق : ياسين ارجوك متزعلش مني انا مريت بتجربه قاسيه هزت اركاني حرفيا وكل ثوابت حياتي اترجت معاها انا فقدت اهلي كأني نايمه في الشارع وبدون غطي ,الناس اتكلمت عليا وخاضوا في شرفي وده شئ مش سهل
ياسين سحب منديل ومسح دموعها وبصوت دافى : ممكن متزعليش, ومتبكيش انا جنبك ولو الناس بيقوله كلام يوجع فالناس كلامهم مش بيخلص , ده حتي المـ يت بيجيبوا في سيرته بالشر , قومي واتعافي واقفي وكملي, وانا جنبك لحد ما تبقي تمام ( بخفه دمه _ قولي تمام
اروي ابتسمت : تمام
ياسين :بس عارفه حلو اسمي من غير تكلف ياسين بس هو ده الي كان ناقص في العلاقه هتقولي ياسين بس وهتسمعي الكلام
اروي هزاره كانه لمسه من السحر محت خوفها و ردت: حاضر وهسمع الكلام
ياسين: رفع حاجب: لاء وكمان بتقول حاضر هسمع الكلام , انا مش مصدق ومحتاج ادخل مستشفي المعموره
اروي من شكله وهو بيقولها مقدرتش تتمالك نفسها وضحكت اوي
ياسين بصلها وداب ع جمال ضحكتها وقال بصوت هادي :ع فكره ضحكتك حلوه اوي ربنا يقدرني واسعدك
…………………………………………
في منزل هشام
عفاف: اخوك اتصل بيا اليوم
هشام بصلها: وقالك ايه
عفاف: كان مصمم نسافرله القريه عشان نروح نشوف البنت الي بيحبها
هشام بهدوء: نسافر فين المشكله
عفاف: انا قولتله بكره عنك حاجه بكره شغل مهم في الشركه!
هشام: لاء بتسألي ليه
عفاف: عايزك تسافر معايا تشوف عروسته
هشام: اوكيه هسافر معاكي
عفاف بفرحه: بجد
هشام ضحك: بجد! لاء دقيقه واحده انا مش هقدر اروح معاكي
عفاف كشرت: ليه
هشام اتنهد تنهيده طويله : ده يوم خروح قاسم من السجن ولازم اسافر اسكندريه
عفاف: ده خبر حلو كان لازم المسكين ده يخرج من السجن هتكون راحه بعد سنين ظلم
هشام: كل ده بسبب انانيتي , ظلمت قاسم كتير ياريت يسامحني بتفكري في ايه
عفاف: فكرت قد ايه هيبقي اجمل لو عملت نفس ما عمل اخوك الصغير , وتجيب مراتك البيت ان شاء الله يحصل ده وقريب قول لقاسم انه يخليك تقابل اروي في اسرع وقت وانا بنفسي هعتذرلها وبأذن الله تيجي عروسه للبيت مع مره اخوك يله حبيبي كمل شغلك وانا هعملك قهوه
هشام هز دماغه وبص للفراغ ولنفسه ………معقول ممكن اروي تسامحه وتقبل تفضل طول العمر جنبه ولا هتطرده من حياتها نهائيا
……………….قصص منه محمد كاتب……………….
قدام السجن قاسم خرج وركب العربيه
هشام بصله: انا نفذت وعدي ليك ياقاسم وجه دورك
قاسم: بعد كل الي حصل يا هشام بيه متغيرتش دي عادتك متعملش حاجه غير قصادها مقابل, عشان كده طلعتني من السجن
هشام: مش غلط ولا عيب عشان احقق هدفي الشريف
قاسم: صح مش بيقوله منحسش بالوجع غير لما نعيشه وكما تدين تدان وكما تعين تعان وكما ترحم ترحم وكما تزرع تحصد ولو محصلش كده مع اختك مكنتش حسيت بجرميتك مع اروي ومكنتش هتتعامل معايا برحمه كده
هشام بصوت اجهده التعب وقله الحيله: انا ندمان ع الي عملته ومكسوف من نفسي اتمني تسامحني
قاسم :انا اخدت عقابي ودخلت السجن لاني في يوم كنت بوافقك عشان كده انا مسامحك ومفيش اي حقد جوايا ناحيتك
هشام بحزن كبير: الف شكر يا قاسم ده الي نفسه اسمعه من اروي
قاسم: قرار التسامح مش سهل خصوصا مع اروي بعد الي عملته في اروي مش هتقدر تسامح عليه بسهوله زي ما عملت معاك
هشام بصوت متشبع من الالم: موافق متسامحنيش بس اقله تعاقبني انا مستعد اخد اي عقاب ع كل الي عملته معاها ,خليها تقابلني لمرة واحدة , قاسم انا بعاني كتير انا بعيش كل يوم في عذاب يومي , عايز اقابلها مرة واحده اعتذرلها ,اتوسللك خليها تقابلني وانا مش هنسي معروفك ده طول حياتي
قاسم بحده: اسمع يا بيه مقدرش اؤكدلك حاجه , لاني قولت لك مفيش جواها من ناحيتك غير الكره والخوف ،لكن هحاول كتير اخليها تقابلك انا ماشي
هشام :هوصلك
قاسم فتح الباب: لاء انا هوصل بنفسي
…………………..
في العربيه
ياسين: عارفه ياماما مشفتش بنت بريئه وطيبه زي اروي
عفاف : بس البراءه موجوده في معظم الناس بس مش بنشوفهم حوالينا كتير
ياسين : اه ده حقيقي لكن الشعور الي بحسه ناحيتها عمري ما حسيته ناحيه بنت تانيه
عفاف بتريقه: لما البني ادم بيقع في الحب بيحس انه اول واخر حب في حياته
ياسين كشر بطريقه مصطنعه: ماما انتي بتتريقي ع كلامي فهمت
عفاف بضحكه :هو انا لسه شوفت البنت ازاي هوافق ع الي بتقوله , وازاي هأكد انها بريئه وطيبه
ياسين: قولي ده عشان ترضي قلبي
عفاف: عارف انا بفكر في ايه
ياسين :ايه
عفاف كتفت ايدها حوالين صدرها وبمزح:بفكر ارجع بيتي لان لسه مشفتهاش وبتمدح فيها يبقي ايه فايده مرواحي لهناك
ياسين بضحكه: غيرتي خلاص خلاص هسكت , ومش همدح فيها الا بعد ما تشوفيها وتتاكدي بنفسك
عفاف :هنشوف ها وصلنا
ياسين بصلها: خلاص هانت وهنوصل
شويه العربيه وصلت لبيت اروي والباب خبط
بوسي جريت ع الباب بشقاوه: استني يا عمتي هفتح انا
ياسين بصلها مبتسم: ازيك يا بوسي
بوسي :الحمد لله كويسه
ياسين ببتسامه : ماما دي بوسي بنت اخو اروي
عفاف مسحت ع شعرها : ماشاء الله جميله
بوسي : شكرا لحضرتك
اروي قلبها دق وبسرعه لبست الطرحه وطالعه تسلم وهي في منتهي السعاده وعفاف شافتها حصلها صدمه واروي اتجمدت في مكانها ووشها شحب بالخوف
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تلميذ الشيطان)