رواية تلميذ الشيطان الفصل الثالث 3 بقلم منة محمد
رواية تلميذ الشيطان الجزء الثالث
رواية تلميذ الشيطان البارت الثالث
رواية تلميذ الشيطان الحلقة الثالثة
✿ قصص منه محمد كاتب ✿
في عياده الدكتور واقف مش ع بعضه وكل شويه يتصل
د بستفسار/هو انت مستني حد
هشام بصله وابتسم: ايوه مستني وصول امي كنت بفكر اجيبها تفضل هنا وبعد ايام بسيطه لما تتحسن حاله هايدي اجيبها تقابلها
هايدي عيونها مليانه دموع وبصاله ع انه مبتسم وهي حالتها صعبه جدا جدا كلها وجع حتي الدكتور اضايق من طريقته الا مبالاه
د لهايدي: يله
هشام بصله: ثانيه واحده( حط جبينه ع جبينها وقال بصوت كله شغف) مش هيحصلك حاجه ده افضل حل بالنسبه لينا انا جنبك وبدعيلك ادخلي انا بحبك
هايدي نزلت دموعها انهار ودخلت مع الممرضه بكل استسلام
الدكتور بعتاب ولوم/ الي بتعمله غلط كبير يا هشام انت شوفت وشها قد ايه مقهوره
هشام بحده وغيظ: بجد! الامر زاد عن حده هو انت صاحبي انا ولا صاحبها هي انا عمري ما شوفتك متأثرعشان شرف واحده قبل كده انسان غريب
الدكتور بصله بستياء وسابه ومشي وهشام ابتسم بتريقه وقال لنفسه: لسه عايش في زمن الشرف
……………..قصص منه محمد كاتب………….
يوم جديد الساعه سبعه صباحا
اروي بتلبس الحجاب: ماما فين الفطار هتأخر ع الشغل يا ماما
وفاء دخلت بعجاله معاها صنيه حطتها ع السرير وبصتلها: جيت يله تعالي افطري
اروي بصتلها: مالك يا ماما مكشره كده فيه حاجه ؟!
وفاء بحزن كبير: روحت ليله امبارح استلم تحاليل حاله ابوكي
اروي بهتمام: ولقيتي ايه
وفاء: الدكتور قالي انه لازم يعمل عمليه في الشريان التاجي
اروي بتعجب: الشريان التاجي
وفاء: ايوه يا بنتي وبقول هو احنا حيلتنا فلوس تكفي نعمله عمليه منين هنجيب كل الفلوس دي حتي الدكتور قالي لو اتأخرنا في اجراء العمليه
اروي بخضه وخوف: لاء يا ماما متقوليش هيحصله حاجه احنا ندعي ربنا اكيد هو قادر يخرجنا من المحنه دي
وفاء:انا مبقاش حيلتي حاجه ابيعها عشان اقدر اوفر فلوس العمليه
اروي مسكت ايدها بحنيه: ماما بفكر اتكلم مع مستر هشام واطلب منه سلفة
وفاء: يابنتي انتي لسه بدئه شغل عنده ليه يرضا يسلفك
اروي: اهي محاوله واشوف هيعمل ايه مقدمناش اي حل تاني يا امي
وفاء بتنهيده مريره: خايفه يا بنتي يضايق لما تطلب منه موظفه جديده عنده سلفه
اروي: ليه يضايق ممكن يرفض وخلاص انا هشوف ممكن اعمل ايه مين عارف مش يمكن يطلع قلبه رحيم
وفاء: نجرب يابنتي ونشوف يله كملي فطارك
اروي: مليش نفس انا ماشيه بسرعه لازم اتكلم معاه
……………..قصص منه محمد كاتب……………
في العياده
الممرضه: ياريت تغيري هدومك الدكتور سمحلك بالخروج
هايدي: بس هو هشام مش هنا
الممرضه: معرفش
هايدي: والفاتوره
الممرضه: اندفعت ياريت تخلي الاوضه بسرعه
هشام خبط ودخل ومعاه بوكيه ورد انيق وقعد جنبها وابتسم
هايدي : ها كل الامور هتتصلح دلوقت مفيش داعي لـ اي قلق مش كده
هشام مبتسم بخبث: طبعا ازاي يكون فيه قلق بعد ما اتخلصنا من المشكله
هايدي مسكت ايده بمتنان : شكرا يا هشام مامتك جات
هشام بصلها ونطق بكل برود: لاء
هايدي بتعجب:ليه
هشام: لانها مكنتش اصلا جايه من البدايه
هايدي: بس انت قولت لي ان رحلتها اليوم المساء
هشام رفع كتافه ببرود: كنت بكدب لانك كنتي بتهدديني فكان لازم اكدب كدبه صغيره _طلع ظرف) ودي هديه تهديدك ليا انسه هايدي
هايدي: ايه دي
هشام: مكافأه نهايه خدمتك
هايدي ضحكت بسيط: انت بتهزر معايا لاء متهزرش معايا كده ارجوك انا الخوف مليني مش ناقصه
هشام: انتي الي قدرك بيسخر منك حاليا
هايدي قلبها اتقبض من نبرته وقالت: انا مش فاهمه الكلام الي عمال تقوله
هشام كشر: مفكره اني اعمل ايه لما تفضلي تستغليني اروح بيتك واطلب اتجوزك (ضحك بستمتاع) انتي تبقي اتجننتي في عقلك فوقي امثالك ياحلوه اخرهم يعملوا علاقه مع اي راجل لكن لا يمكن تكونه فخره وكرامته
هايدي بصدمه :ايه التخاريف دي الي عمال تقولها, انت قولتلي بنفسك انك بتحبني وعايز تتجوزني
هشام قفل ملامحه بتهكم:بحبك
هايدي :ايوه
هشام: ياتري عارفه ايه هي نقطه ضعف الست الحب بتبقي قدامه فياضه بحبها وده بالتحديد الي محتاجه الراجل واذا بادلها بجزء من الحب ده تكون مستعده تمـ وت عشانه. لكن بالتأكيد بني ادمه غبيه متعرفش انها بتحب انسان بيكدب عليها وبيتعامل مع حبها ع انها لعبه مسليه ومش عايز غير انه يستفيد اكبر استفاده ممكنه وتفضل هي تكرر وتعيد الامر في كل مره ده مش ذنبك في النهايه انتي ست
هايدي :هشام انت حبتني مش كده
هشام : تؤ تؤ
هايدي بقهر: ازاي انا ضحيت بكل حاجه عشانك ارجوك متعملش فيا كده
هشام: تعرفي حاجه ياهايدي لما تبقي الست عديمه الفايده تبقي غبيه وبتسبب مشاكل طول الوقت وللاسف مشاكلك انتي وامثالك كتير الي بيقعوه في الحب ويصدقوه
هايدي: مكنتش اتخيل انك شايفني كده
هشام: امال كنتي معتقده بشوفك ازاي , انك واحده ذو قيمه وظيفه مرموقه مصرف شهري عايشه في فيلا في التجمع بسبب انك حبيتني اوكيه اسمعي البسي هدومك وامشي انا دفعتلك الفاتوره واه لازم تسيبي البيت لاني هعرضه للبيع
هايدي مسكت كف ايه برجاء ودموع: هشام متسبنيش وتمشي ارجوك اروح فين من غيرك,
هـ موت يا هشام اروح فين؟
هشام شد ايده منها: مكان واحد
هايدي: فين؟!
هشام قرب اوي منها وبصوت جحيمي: جهنم
…………قصص منه محمد كاتب……………
في فيلا التجمع الجرس رن قامت بتعب ووهن تفتح الباب
قاسم بأبتسامه: هشام بيه بعتني اقولك انك لازم تخلي البيت في اسرع وقت ومفيش داعي تفكري كتير بيتي اه مش كبير كده وع قده بس فاضي هو كمان ممكن تيجي تعيشي معايا بس لازم تبسطيني زي ما بسطي هشام بيه
هايدي بعصبيه ونرفزه: امشي يا مريض ازاي تتكلم معايا كده مفكرني ايه؟!
قاسم بضحكه: عارف حقيقتك واحده ضايعه ساقطه محتاجه لراجل وانا عندي استعداد اوفرلك كل ده وافقي انتي بس
هايدي: اقفل بؤك وغور من بيتي
قاسم مسك الباب وقالها: افتحي ده
هايدي بزعيق: لو مخرجتش انا
قاسم ضحك اوي: انتي ايه هتطلبي البوليس وتقدمي شكوي في هشام بيه بس هو سبقك وقدم فيكي شكوي ضدك انا همشي دلوقت وراجع بكره لازم تسيبي الفيلا والا هطرد منها بنفسي وده انا مش حابه فكري في عرضي ليكي
هايدي مسكت منه الباب بنفعال: اخرج من بيتي
……………قصص منه محمد كاتب………..
في مكتب هشام قاعده ترسم دواير ع سطح المكتب وبتفكر تفاتحه ازاي في طلب سلفه بتضرب بعينها لقتها واقفه تبصلها بحقد رهيب
اروي قامت وقفت: اتفضلي اي خدمه
هايدي: اسمك ايه
اروي بهدوء: اسمي اروي
هايدي: بتعملي ايه هنا
اروي: انا المساعده الشخصيه لمستر هشام بس ليه بتسألي
هايدي جريت دموعها: لان نفسي الكرسي الي انتي قاعده عليه كان مكاني وانا كنت السكرتيره الشخصيه لهشام وطردني من الشغل وحطك انتي في الوظيفه
اروي بأحراج: اسفه
هايدي: انتي شكلك طيبه اروي سيبي الشغل ده وبسرعه
اروي بستغراب: بتقولي ايه انا مش فاهمه حاجه
هايدي: هتفهمي لما يجي وقته هشام في مكتبه
اروي: ايوه موجود بس فيه معاد سابق
هايدي ابتسمت بتهكم: انا مش محتاجه احدد معاد
اروي طلعت تجري وراها: لحظه يا فندم اسمعي لايمكن تدخلي كده اقفي ارجوكي مستر هشام مشغول حاليا
هايدي سبقتها وبسرعه البرق فتحت عليه الباب
هشام بصلهم وللي ع التلفون: تمام هتصل بيك بعدين
اروي بخوف: حاولت اوقفها رفضت يا فندم واصرت ع الدخول
هشام بهدوء: اخرجي انتي
اروي: امرك
هشام قام بره المكتب وقالها: اقعدي
هايدي أأعدت وعيونها هتتخلع ع ملامحه وسألته: يعني دي الي اخدت مكاني
هشام قعد قصادها وحط رجل ع التانيه بكبر: شوفي ياهايدي انتي مكنش ليكي مكان اصلا انتي الي اتوسلتي واتحايلتي عشان تكوني هنا ووافقتي ع طلباتي وبقيتي في مكانتك زي ما طلبتي قصاد الي كنتي بتعمليه معايا
هايدي مسكت ايده ببكاء: سامحني يا هشام
هشام بحزم وامر: ابعدي ايدك ابعدي واتكلمي بأدب وبأحترام وارجعي لوري ارجعي
هايدي بصدمه رجعت وقالت: سامحني ارجوك ارجعلي واتجوزني يا هشام
هشام: اعمل ايه_ضحك_ انتي اتجننتي فعلا رسمي ليه عايزه تطلعي ميه الف درجه كده يا بنتي انتي من النوعيه الي ملهاش في الجواز لانك جريئه ومش بتخافي من اي حاجه وبالتالي مستعده تعملي اي حاجه لمصلحتك وبعدين امتي فكرتي في الاستقرار والجواز سيبي الامر ده لصحابه وناسه
هايدي: انت قولتلي بنفسك انك عايز تتجوزني
هشام: انا واحد كداب وبعشق الكدب وكدبت عليكي
هايدي: بس انا حبيبتك حب حقيقي
هشام بتريقه: بجد
هايدي: كنت عايزك من قلبي
هشام: من قلبك(ضحك اكتر) شوفي ياهايدي فيه امر لازم تفهميه قلوبنا زي اطار الصورة ممكن تحطي فيه اي صوره تحبيها لكن بمرور الوقت بيتملاه غبار ويصدي من بره وده الي حصل معاكي صورتك حطت الصدا ع قلبي ,وعشان كده عايز اغيرك, بس متقلقيش واسمعي وبلاش تفكري في الي فات وعدي, لان الانسان مننا مش بيكسب حاجه من ماضيه غير الحزن انسي كل الي حصل
هايدي بعصبيه: بطل كلام ياهشام كفايه وبصلي انت مش حاسس بالي وصلت ليه
هشام: ايه الي حصلك يا هايدي انتي شابه وجميله وممكن تقابلي اي شخص تاني اجمل مني واغني مني وممكن تخليه ملكك
هايدي بأذلال: انا مش عايزه واحد تاني انا مش من البنات دول
هشام: عظيم انا عارفك من جوه ومن بره وممكن اعرف ليه حبتيني
هايدي: لو مش قادر تعملي حاجه ع الاقل متاخدش مني وظيفتي اروح فين من غير شغل اديني مهله شهر ولما القي وظيفه تانيه همشي نهائي من حياتك
هشام: اتس اوكيه هديكي مهله شهرين, وممكن تعيشي في الفيلا خلال الشهرين , ومرتبك هيوصلك في معاده (قرب منها وبامر) بس متجيش تاني الشركه اطلاقا
هايدي بعدت عنه: مكنتش اتوقع اني هكون في نظرك فاجـ ره
هشام ضم حواجبه: انتي أيه( ضحك وسقف) فاجـ ره هو انتي بتتفرجي ع مسلسلات هندي كتير اليومين دول فـ اجره بت امشي من هنا ومش عايز اشوفك في مكتبي مره تانيه قومي
هايدي قامت تجري ع بره بنكسار جريح وهو ضحك ع كلمه فاجـ ره
………………………………….
في غرفه اروي بتحكي لـ امها عن كلام هايدي المبهم
اروي: انا مش فاهمه ليه حذرتني كده
وفاء: اروي انتي قلقتيني انا كمان ياتري كانت بتحاول تقولك ايه؟!ليه مسألتهاش ليه سابت الوظيفه
اروي:مفكرتش في كده ولا خطر ع بالي
وفاء: هو انتي ممكن البيه يطردك في اي وقت زي ما عمل مع البنت دي
اروي حطت ايدها ع قلبها: كفالله الشر ماما بتقولي ايه بس ده انا لسه يادوب متعينه جديد بس ليه الانسان بيخاف من ماضيه وبيحب اللحظات الؤلمه فيه في الماضي سعاده ليه بينساها ويفتكر بس اللحظات الحزينه في حياته
وفاء عيونها رغرغت بالدموع: يابنتي لالم والحرمان في الماضي بيأثر بيخلي الواحد خايف مهزوز لان القهر والالم بيحطم كيان البني ادم وبيبقي كل همه ازاي يخرج من دايره الحزن والالم
اروي بتمسح دموع امها برحمه: بس ليه بتعيطي يا ماما
وفاء: روحت للدكتور وقالي اننا لازم نعمل العمليه بأسرع وقت والا هيكون الوضع صعب
اروي: انا اتكلمت مع مستر هشام وعطاني امل كبير هو المبلغ كبير
وفاء: ايوه لما اقوم اطمن ع ابوكي
……………قصص منه محمد كاتب……………..
في مكتب هشام تحديدا ع الموبيل بيتأمل صوره بنت امه بعتتهاله من خلال الفيس بوك
هشام اتصل بيها: اهلا بيكي يا ست الكل
عفاف: حبيبي بعت لك صوره شوفتها
هشام بأبتسامه: ايوه شوفتها مين البنت الي جنب تقي
عفاف: دي عروستك ها ايه رآيك فيها اظن قمر
هشام: حلوه اخيرا محاولاتك نجحت ولقيتي مواصفاتي
عفاف بسعاده: طبعا شوف مفيش سبب واحد للرفض دلوقت انت وكلتني اختارلك وانا استعملت التوكيل
هشام: انا مكنتش عايز اتجوز حاليا بس حكمك سيف ع رقبتي
عفاف :وانا عارفه لما تشوفها هتعجبك خالص , جميله وطيبه , ومحترمه, ان شاء الله يحصل بينكم قبول
هشام: اوكيه طالما عجبتك البنت روحيلهم مره تانيه واتفقي
عفاف بسعاده :ماشي كنت بقول تنزل اسكندريه ونعمل الخطوبه وبالمره نحدد الفرح
هشام بضحكه عاليه :اوكيه لما القي وقت فاضي هجيلكم
عفاف :واحنا هنا مستنينك ارجع بسرعة
تقي صقفت بسعاده :اخيرا
عفاف اتنهدت بصوت عالي :واخيرا عجبته البنت
تقي : لان البنت فعلا حلوه
…………………………
في المكتب
هشام بصلها: انا وافقتلك ع 400 الف
اروي وسعت عيونها: 400 الف لاء يا مستر هشام انا طالبه 100 الف بس
هشام شبك ايده الاتنين ع المكتب وقالها:انا عارف بس كل حاجه تمنها غالي معقول العمليه هتتكلف 100 الف وبعدين مش فيع متابعه وعلاج واشعه
اروي: بس 400 الف مبلغ كبير جدا انا مقدرش اسدده مبلغ بالحجم ده
هشام: ليه كل الخوف ده هو انتي هتسيبي الشغل قريب هتسددي جزء جزء (طلع ورقه) وقعي هنا كتبتلك العقد
اروي اتفحصت العقد: ايوه بس ده عقد فاضي
هشام: اه عملته بسرعه هكتب فيه البنود بعدين فيه مشكله
اروي بتبص للعقد ومتردده هو سألها: ليه التردد مش واثقه فيا
اروي: لاء الامر مش كده
هشام :تمام وقعي
اروي بتوقع: مفيش مشكله
هشام: هحاول اصرفك الـ 400 الف اليوم
اروي : الف شكر لحضرتك عن اذنك
هشام: اتفضلي
اروي طلعت قعدت ع مكتبها فرحان ان مشكلتها اتحلت لحد ما موبيلها رن برقم غريب
اروي ردت: افندم
هايدي نبره كلها قهر: انتي اروي؟
اروي: ايوه مين انتي؟
هايدي: انا هايدي اقدر اقابلك بعد ما تخلص شغلك
اروي بفضول: تمام جايه بعد شويه
هايدي: اوكيه مستنياكي في الجنينه تحت
اروي اخدت بعضها ونزلت تحت وقربت عليها: ايوه طلبتي تتكلمي معايا اتفضلي
هايدي: شكلك مبسوطه جده
اروي: انا فعلا سعيده جدا مستر هشام خرجني من كارثه كبيره بابا هيعمل عمليه في القلب وعطاني سلفه عشان علاجه
هايدي بتهك: اكيد لان قلب هشام مليان حنيه وطيبه هو بيهتم بيكي كتير
اروي: ايوه هو انسان في منتهي الطيبه والعطف بيحس بألم غيره
هايدي بتريقه: وبيعرف كمان ازي يألم غيره كويس
اروي: مش فاهمه
هايدي: هتفهمي كل حاجه(ضحكت بدموع) الوقت ياروي معلم عظيم هيعلمك كل حاجه ,وعارفه امتي يجي وقتنا السئ يبدء لما ندي للواطـ ي كامل ثقتنا ونعرف ان الواطـ ي معلمش حاجه غير انه خلانا نحلم احلام مزيفه , وقتها هنعرف قد ايه كنا اغبياء اوي , لاننا سبنا
الواطـ ي يخدعنا ومشينا وراه زي العبط ,وفضلنا مكملين مشي ,وفي يوم يسيبك الي خدعك في مكان لايمكن ترجعي منه لان الرجوع منه شئ مش بس صعب ده شئ مستحيل
اروي بحيره: شوفي انا مش فاهمه من كلامك اي حاجه
هايدي مسحت دموعها بعنف: هتفهمي انا بحاول اساعدك برفق عارفه ايه مشكله البنات امثالنا بنهتم بكل الي نتمناه ونحلم بيه الراجل ده مش طيب هشام حرامي بيسرق الحياء , والشرف والوفاء ,لازم تصدقيني لاني اعرفه, انا عندي طلب احتفظي لنفسك بكل الي قلتهولك
اروي بصتلها وحست انها مش طبيعيه في نفس الوقت هشام خارج بيتكلم في الموبيل لمحهم واقفين مع بعض قرر يقلب التربيزه ويسحب اروي لعالم الضياع ومن هنا تبدء احداث الروايا الشيقه جدا جدا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تلميذ الشيطان)
