رواية تغيرت لأجلها الفصل الحادي والعشرون 21 بقلم زينب العشري
رواية تغيرت لأجلها الجزء الحادي والعشرون
رواية تغيرت لأجلها البارت الحادي والعشرون
رواية تغيرت لأجلها الحلقة الحادية والعشرون
عدا يومين وجه ميعاد الخطوبة
حور صحيت الصبح بنشاط غير المعتاد دخلت اخدت شاور وغيرت هدومها وطلعت من اوضتها وراحت علي جناح تمارا خبطت وتمارا فتحت
تمارا: ايه يا حور في حاجة
حور: عايزاكي
تمارا: طيب هفوق واجيلك
حور: انجزي
تمارا: امشي يابت
وقفلت الباب
دخلت تمارا الحمام و حور رجعت اوضتها
تمارا خدت دش
وطلعت غيرت هدومها وهي طالعه من الأوضة
اسد صحي
اسد: رايحه فين؟
تمارا لفتله: رايحه لحور
اسد: طيب ياحبيبتي
وقام دخل الحمام وتمارا خرجت وراحت اوضة حور
خبطت ودخلت
تمارا: في ايه؟
حور: متوترة اوي عايزاكي معايا
تمارا ابتسمت ابتسامة خفيفه وراحت قعدت جنب اختها
تمارا بإبتسامة: متخافيش كلو هيبقي تمام
حور ابتسمت
تمارا بحب: بقيتي عروسة يا حور.. عروسة زي القمر
حور حضنتها: ربنا يخليكي ليا ياتمارا
تمارا حضنتها برضو وبعد شويه طلعتها من حضنها وقالت بمرح: يلا يابت عشان نجهزك
حور ضحكت: يلا
وتمارا ساعدت حور عشان تجهز وعملتلها شعرها وحطتلها ميك اب خفيف ورقيق
حور كانت لابسة فستان بصلي رقيق بأكمام شفافة ومكشوف قليلاً من عند الصدر
تمارا بعد ما خلصت: زي القمر يا حور
حور بحب: مش هتجهزي انتي كمان؟
تمارا: اه اه هروح أجهز واجيلك علطول
حور بتوتر: طب متتأخريش عليا
تمارا بضحك: حاضر حاضر
وطلعت تمارا راحت الجناح عشان تجهز وهي رايحة لقت طاهر في وشها
ـــــــــــــــــــــــــــــــــــــــــــــــــــــــــــــــ
عند أسد وزين
أسد واقف بيتفرج على زين
زين كان قاعد علي كرسي وفي واحد بيظبطله شعره (بيحلقله)
زين: الساعة بقت كام
أسد: لسة بدري الساعة 1 ونص
هروح اعمل مكالمة وارجعلك
زين: طيب
أسد طلع برا المكان واتصل على تمارا
تمارا مردتش
رن على حور
أسد: الو
حور: الو
أسد: إزيك يا حور.. بقولك هي تمارا عندك؟
حور: الحمدلله.. لا هي خرجت من شوية وراحت عشان تجهز في حاجه؟
أسد: اصلها مبتردش علي تلفونها معلش ياحور ممكن تروحي تطمني عليها وتخليها تكلمني؟
حور: حاضر سلام
أسد: سلام
ـــــــــــــــــــــــــــــــــــــــــــــــــــــــ
عند تمارا
تمارا حاولت تتجنبه وجاية تعدي لقته وقف في وشها
طاهر: بس ايه القمر ده؟
تمارا اتعصبت: لو سمحت عديني
طاهر وهو بيقرب عليها: ولو قولتلك لا
تمارا بعدت وحاولت تعدي تاني
مسكها من ايديها وجه يقرب منها زقته تمارا جامد واتعصبت: هو انت بتعمل ايه ماتحترم نفسك واحترم سنك
طاهر بسخرية: سني؟ هه ضحكتيني
تمارا لسة هترد لقت طاهر بعد ومشي بعد ما باب اوضة تمارا اتفتح
حور: تمارا انتي بتعملي ايه هنا مروحتيش تجهزي ليه؟
تمارا: هروح اجهز اهو ومشيت
حور: استني…. ابقي رني علي أسد عشان عايزك
تمارا وهي داخله الجناح: طيب طيب
دخلت الجناح لقت فونها بيرن ردت
تمارا: الو
أسد: ايوة ياحبيبتي كنتي فين
تمارا: كنت بجهز
أسد: طيب خلي بالك من نفسك وشوية وجايين مش هنتأخر
تمارا: وانت كمان خلي بالك من نفسك.. تمام
أسد: سلام
تمارا: مع السلامة
تمارا لنفسها: لازم اقول أسد على اللي حصل بس مش دلوقتي
وراحت جهزت ولبست فستان احمر منفوش مكشوف الكتفين
وظبطت شعرها وحطت ميك اب خفيف وجذاب جدا برز ملامحها الجميلة
وخرجت من الجناح وراحت اوضة حور
حور: ايه الجمال ده ياواد
دا انت هتغطي عليا انهارده
تمارا بضحك:شكلي كده…..اممم بجد حلوه؟
حور صفرت: صاروخ
تمارا ضحكت على اختها وقعدو يتكلمو
ــــــــــــــــــــــــــــــــــــــــــــــــــــــــــــ
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية تغيرت لأجلها)
