رواية تسكن حمام شقتي الفصل السابع 7 بقلم تامر صقر
رواية تسكن حمام شقتي الجزء السابع
رواية تسكن حمام شقتي البارت السابع
رواية تسكن حمام شقتي الحلقة السابعة
دخلت أية الحمام وفجأة الباب إتقفل عليها وبدأ صوت ضرب وتكسير جوة الحمام
جري أهل أية علي الباب وبدأو يخبطوا وينادوا عليها
بس كل اللي خارج من الحمام صوت ضرب وتكسير وصوت صريخ أية وكأنها بتترجي حد يسبها
وقف الشيخ ورا الباب وبدأ يقول كلام في سِرة
وبدأ صوتة يعلي واحده واحده لحد ما الصوت اللي في الحمام إختفي
الشيخ نادي علي أية وقالها مين اللي معاكي ومن أي عشيرة
ردت أية بصوت مكتوم وقالت الأم وبنتها عاوزين يحر’قوني
البنت واقفة قدامي وشكلها بشع أوي وشها كلة محر’وق ومُشوه وامها بتضر’بني ومكتفاني وعاوزة بنتها تحر’قني
رد الشيخ وقال عاوز الام ترد عليا
إنتي مين؟؟ وإية حكاية إلهام
أنا صاحبة المكان وهما جم أذو’ني انا وبنتي حر’قوها بالزيت المغلي ومو’توا إبني
الشيخ.. بس الجماعة دول لسة عايشين جديد في البيت
وانتي خلاص انتقمتي من اللي عملت فيكوا كدة وماتت محرو’قة في الحمام
البنت اللي عندك دي ملهاش ذنب وغلبانة واللي اعرفة انها مأذ’تكيش في حاجة
ردت وقالت لا اذ’يتني وأذ’ت بنتي بأستعراض نفسها قدام المرآيا في الحمام
وكل ما أشوفها بتعمل كدة واشوف بنتي اللي اتحر’قت بتضايق منها
وكتير حظر’تها من انها تعمل كده وطفيت نور الحمام كتير عشان تبطل تستعرض وتتجمل في الحمام
بس بردو مش بتتغير
الشيخ… طب سبيها في حالها وهما هيسيبوا البيت دة وهيشوفوا أي مكان يعيشوا فية
بس انا عاوز أعرف مين إلهام
ردت وقالت إلهام دي صاحبة الشقة اللي الاصلية اللي حر’قت بنتي وموتت إبني
روحها بتطلع كل فترة لما يحتاجها
وكانت عاوزة تعمل في أية اللي اتعمل فيها وتتعذ’ب عذ’ابها
قرأ الشيخ أيات من سورة الدخان وفجأة الباب إتفتح
وخرحت أية من الحمام ووقعت برة
بص الشيخ في الحمام لقي قطة واقفة علي شباك الحمام وبتبصلة
قالها أنا هقنعهم يسيبوا البيت بس لو أذيتي البنت دي أنا هحر’قك زي مابنتك إتحر’قت
وانتي مش أد الخادم اللي معايا وعمض عينة وفتحها لقي القطة إختفت
فجأة لقي أية جالها حالة صرع وبدأت عيونها تتقلب إسود وملامح وشها تتغير
حط الشيخ إيدة علي رأسها وبدأ يقرأ قرآن
بس أية كل ما تسمع القرآن تحاول تقاومهم وعاوزة تقوم للشيخ وتبرق عنيها اللي اسودت تماما ووشها كأنة بيتحر’ق
ومعالمها إتغيرت وبدأت تتحول لطفلة صغيرة
إتفزعوا جوزها وأهلها والشيخ كمان بدأ يحس إنة مش قادر عليها وبدأ يتردد في الكلام
قامت جريت علي جوزها ومسكت رقبتة وحاولت تخنقة
أبوها جري عليها عشان يحوشها عنه ضر’بتة وقعتة علي الأرض
أمها كمان بدأت تمسكها البنت بصتلها وبرقت عنيها وفجأة قربت وشها من الست وقالتلها بنتك ماتت بنتك ماتت
وقعت الست علي الارض
الشيخ لما شاف إنة مش قادر يعمل حاجة والخادم اللي معاة مش هيقدر يوقفها خرج يجري من البيت وقعد ينادي علي الناس يلحقوا أهل البيت
وعلي ما إتجمع الناس كانت الشقة بتتحر’ق وكل اللي فيها بيموت من النا:ر اللي حاصرتهم في كل مكان
حاول شباب من المنطقة إنهم يدخلوا يطفوا النار بس كان في شئ بيمنعم من دخول البيت وبيقاومهم
وفجأة البيت كلة مسكت النار فية واصوات اللي كانوا بيتحر’قوا وبيستنجدوا بالناس سكتت
وصلت المطافي والأسعاف بس للأسف أية وجوزها وأبوها وأمها ماتوا محر’وقين هما كمان
ومن اليوم دة العمارة إتقفلت ومعدش حد بيسكن فيها وحتي الشارع كلة الناس بدأت تمشي منة بسبب الأصوات اللي بيسمعوها في البيت من صراخ أية كل ليلة
الحكمة…
الجن كائن زية زينا بالظبط
عايش معانا ووسطنا بس هما مبأذوش غير اللي بيأذيهم وليهم مكان خلوة دايما بيكونوا موجودين في الحمام
فبلاش تفتحوا باب الحمام دايما وانتوا نايمين واقفلوا قاعدت التواليت دايما
ومترشوش مية سخنة ولا زيت بيغلي في الحمام لانكوا كدا بتأذوهم
محدش يغني في الحمام ولا يصرخ ولا واحدة تقلع هدومها كتير في الحمام وتفضل تتفرج علي نفسها
إنتوا كدة بتأذوا نفسكوا
استعيذوا دايما من الخبث والخبائث
تمت
لقراءة الرواية كاملة اضغط على : (رواية تسكن حمام شقتي)
