رواية تسكن حمام شقتي الفصل الخامس 5 بقلم تامر صقر
رواية تسكن حمام شقتي الجزء الخامس
رواية تسكن حمام شقتي البارت الخامس
رواية تسكن حمام شقتي الحلقة الخامسة
فتحت أية كشاف الموبايل وقامت تبحث عن الشباك لتفتحة لوجود رائحة كريهة جدآ في الشقة
وهُنا إكتشف حاجة غريبة
الشقة بالكامل بدون أبواب ما عدا باب الشقة
والشقة فاضية تماماً من العفش وعندما إلتفتت إلي المكان الذي كانت تجلس فية علي الكرسي لم تجد الكرسي الذي كانت تجلس علية
إترعبت أية وحست إحساس غريب فصرخت ونادت علي إلهام
فخرجت إلهام من الغرفه تحمل شمعة شكلها مخيف في الظلام وإقتربت من أية ببطئ شديد
وقتها كانت أية مش قادرة تتحرك وفجأة أغمي عليها
بعد شوية فاقت أية علي سريرها في بيتها وبجوارها جارتها إلهام تنظر لها نظرة شفقة وتمسك بيدها وتمسح بيدها الأخري علي شعرها
سألتها أية هو إية اللي حصل
ردت إلهام وقالتلها كنا رايحين شقتي أنا وانتي نجيب هدوم ليا وبمجرد ما فتحنا باب الشقه بتاعتك وقعتي علي الأرض
سألتها أية…. يعني إحنا مروحناش شقتك
ردت إلهام….. وهو إحنا لحقنا نخرج من شقتك يا اية
دا إحنا لسة يادوب بنفتح الباب وقعتي في الأرض وبقالي ساعة بفوق فيكي
ردت أيه وقالتلها بس أنا بيتهيألي إني دخلت الشقه معاكي والنور كان مقطوع
ولما فتحت كشاف الموبايل لقيت إن الشقة مفيهاش أبواب نهائي ولا فيها عفش
وكمان كان في ريحة وحشة اوي في شقتك
ردت إلهام قالتلها طب تعالي معايا نروح الشقة عشان تعرفي إنك كنتي بتحلمي بهلاوس لما كان مغمي عليكي
قامت اية وراحت مع إلهام الشقة وفتحت إلهام باب شقتها ودخلوا لقت اية شقة عادية جداً فيها ابواب وعفش راحت عند الشباك وفتحتة لقت الشمس طالعة
سألتها أية هي الساعة كام دلوقتي هو مش إحنا كنا بالليل من شوية
ردت إلهام وقالتلها إنتي مُغمي عليكي من. بالليل ودلوقتي النهار طلع
حست أية بالامان تجاة إلهام وسألتها عن حياتها وإتجوزت إمتي ولية مش معاها أولاد رغم انها مش صغيرة
حكت إلهام حكايتها لأية وإرتاحت أية أكتر لما عرفت حكايتها
بدأت الشمس تروح وهُنا طلبت إلهام من أية إنهم يروحوا شقتها
لكن اية قالت لا انا عاوزة نبات عندك إنهاردة
قاطعتها إلهام وقالت لا مش هينفع نبات عندي عشان جوزي حالف هليا محدش يبات عندي ومعلش أنا مش هعرف أكسر كلامة
أية قالتلها بس انا خايفة ادخل ابات في شقتي وبدأت اتشائم منها ووجودي فيها دايما بيحسسني إني مش طبيعية وبشوف خيالات وبحس إني عايشة لوحدي
لدرجة إني مبعرفش أدخل الحمام وبخاف حتي أعدي من قدامة
طبطبت عليها إلهام وقالتلها لازم تتحدي خوفك وانا هخليكي متخافيش تاني
وأخدتها من إيدها وراحوا شقتها غيروا هدومهم ودخلوا السرير عشان إلهام تكون جمب أية لحد ما تنام
فتحت إلهام كتاب العالم الآخر وقالت ل أية عشان تتحدي خوفك اقرأي القصة دي
سألتها أية وقالتلها قصة إية دي
ردت إلهام وقالتلها دي مجموعة قصص لكاتب شاب هاوي وجديد إسمة #تامر_صقر
إقرأيها في ضوء هادي وحاولي متخافيش حتي لو القصة مرعبة ولو قرأتيها كاملة أكيد هتتحدي خوفك
مسكت أية الكتاب وقرأت قصة #تسكن_حمام_شقتي
وعندما كانت تقرأ وتتمعن في القرأة وتتخيل الاحداث وهي تقرأ
أحست بشئ بجوارها يُحرك المكان بجوارها نظرت أية بحوارها فلم تجد شئ وعندما رجعت للقصة واكملت القرأة أحست بنفس ساخن بجوارها واقشعر جسمها بالكامل
(وهذا ما تحسة الان سيدي القارئ)
تركت أية الكتاب ونادت علي إلهام التي لم تراها ولكن فجأة وجدتها تُمسك بشعرها وتُمشطة
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تسكن حمام شقتي)
