رواية تزوجت ملاكمه الفصل الثالث 3 بقلم مروة ماجد
رواية تزوجت ملاكمه الجزء الثالث
رواية تزوجت ملاكمه البارت الثالث
رواية تزوجت ملاكمه الحلقة الثالثة
نرمين شافت اسر بيه ماسك صورتها وحاططتها على الفستان الجميل ونايم من التعب ، وهنا نرمين عرفت ان اسر بدا يفكر فيها ونفسه اوى انها تلبس الفستان وتبقى ست جميله ، نرمين رجعت فى كلامها ومش قالت حاجه، نزلت لأمه اللى كانت بتقرى قرآن وقالت
صباح الفل يا خالتى ام اسر عامله ايه
اهلا اهلا يا روح خالتك ام اسر انتى اخبارك ايه يا قمر
قمر، انتى بتكلمى مين
باكلمك انتى يا حبيبتى وهو برضو فى قمر فى البيت غيرك
ربنا يخليك شكرا على المجامله
لا يا نرمين مش مجامله خالص انتى بجد حلوة اوى وقمر كمان ، بس انتى متزعليش منى يعنى مهمله فى نفسك حبتين ومسترجله شويه
أيوة فعلا عندك حق يا خالتى ام اسر ، بس اعمل ايه انا مليش فى شغل البنات والهىء والمىء والمياصه دى
يا هبله ، ومين قال ان الاهتمام بالنفس مياصه ، ده ربنا خلق الست جميله ورقيقه وضعيفه واضعف من الراجل واداله القوامه عليها ، تيجى انتى بقى تقلبى الايه وتعيشى انتى دور الراجل ومستيه ايه بقى من جوزك يحمل ويخلف
ههههه انتى دمك شربات يا حماتى
والله انتى اللى سكر ، باقولك ايه ايه رايك تجيبى مامتك تعيش هنا معانا انا قاعده لوحدى والفيلا كبيرة اوى واهو بالمرة تونسك
لا وهو انا يعنى مطوله معاكوا
ليه قصدك ايه يا حبيبتى ده بيتك وبيت جوزك
هاا عارفه طبعا بس معلش عن اذنك لانى رايحه الشركه مع اسر
ونزلت نرمين وراحت الشركه وطبعا سمعتها سابقاها والكل عارف ان اسر بيه اتجوز بطله ملاكمه ونازله فى الكل ضرب
نرمين دخلت المكتب على هدى وقالت
هدى هانم انتى هنا يا وليه وانا دايخه عليكى من الصبح
وليه ، عاوزة ايه اوعى تكونى جايه تضربيني، الأمن هنا عندهم استعداد يقطعوكى
يقطعونى ازاى بقى ودة برضو يرضيكى وانا اللى جايه اقولك خبر حصرى
وهنا بيدخل اسر وكان بيدور على نرمين ، وبدا يعرفها على كل الموظفين وقال
اقدملكوا نرمين هانم مراتى ، احنا متجوزين من اكتر من ست شهور ، ومكنتش حابه تعلن الجواز لكن انا اللى اصريت
وهنا نرمين جاتهلها فكرة بنت مجنونه وقالت
أيوة فعلا احنا اتجوزنا من ست شهور ، ده حتى انا حامل فى اول بيبى
وهنا كانت الصدمه لهدى هانم ولكل الموجودين والكل بيوشوش بعضه ومستغرب الكلام دة ، ازاى والكل عارف ان اسر بيه مبيخلفش ، حتى اسر بيبص لنرمين ومستغرب كلامها علشان كدة استأذن من الموظفين واخد نرمين وراح على مكتبه
نرمين انتى بتقولي ايه انتى اتجننتى ولا ايه، ازاى حامل يعنى احنا متجوزين على الورق وبس ولا تكونيش عاوزة تدبسيتى فى عيل الله اعلم ابوه مين
الله يسامحك يا اسر بيه ، بس حبيت
اكشفلك مؤامرة بتتعمل عليك من سنين ، الست هدى كدبت عليك والحادثه اللى حكيت عنها أثرت عليها هى ومنعتها من الخلفه علشان كدة هى عيشتك فى الوهم وقالت انك عقيم علشان تفضل طول عمرك مزلول ليها ، وانا بنفسى سمعتها وروح اعمل تحليلك واطمن على نفسك، اما انا فاظن ان الكل بيخاف منى ومنك ويعملك الف حساب ، انا دلوقتى هادخل لهدى واخليها توافق على تقسم الشركه وكل واحد ياخد حقه وبكدة اكون عملت اللى عليا ونطلق بقى واخد حقى واروح احالى
ودخلت نرمين على هدى وقربت منها ومسكتها من شعرها وقالت
انا عارفه انك كدبتى على اسر وقولت انه عقيم مع انك السبب فى قله الخلفه وهو دلوقتى يقدر يوديكى فى داهيه والكل هيعرف انك نصابه ومعيشه جوزك فى الوهم طول السنين دى
عاوزة ايه با نرمين، انا اصلا اسر اكتر واحد باكرهه فى حياتى يا ما كان نفسى انتقم منه باى طريقه، طول السنين محسسنى انه اتجوزنا غصب عنه علشان كدة ما صدقت ان الفرصه جتلى وعيشته فى زل هو وامه
وهنا اسر كان واقف ويسمع الحوار ما بين نرمين وهدى ، ودخل عليها وقال
يااه يا هدى على فكرة انا كمان باكرهك ومستنى اليوم اللى نفك الشراكه وكل واحد يروح لحاله علشان الست اللى تكدب على جوزها وتعيشه فى الوهم سنين تقدر تعمل فيه اكتر من كدة
هدى انتى طالق ومش عاوز الشركه
نرمين مسكت هدى من شعرها وقالت
لا ده حقه وهو حر فيه انما انا ليا اتفاق وفلوس متأخرة اعملى فض شراكه حالا قدامى
وبعد ساعتين ومع وجود المحامى تم فض الشراكه وطلق اسر هدى قدام الجميع
اما اسر فبيدور على نرمين لكن فص ملح وداب
اسر رجع الفيلا يحكى لامه اللى حصل ويسأل عن نرمين لكن الام كمان مش عارفاها راحت فين
يالهوى يا اسر بقى البنت الجدعه دى سابتك ومشيت ، لا انت لازم ترجعها ده انا حبيتها من يومين، والله وحاسه انها بنت حلال اوى ، انت ازاى تسيبها نمشى انت لازم تدور عليها وتجيبها
وفعلا اسر بيه بيروح بيت نرمين يسأل عنها الام ، لكن برصو الام متعرفش عنها حاجه، وزاد من قلقها كلام اسر
وعدت الايام واسر بيدور على نرمين فى كل حته وامها كمان مشغوله اوى عليها وطول اليوم قاعده معاها مامه اسر بتواسيها وبتمر الايام ومفيش خبر عنها ، لكن اسر بدا يرجع شركته ويشتغل بكل ما فيه ويبعد على قد ما يقدر عن الشغل مع هدى اللى كل يوم بتعمل مخطط انها توقع شركته، اسر اتغير اوى والغريبه انه بقى بيروح جيم يدرب فيه ، وفى كل جيم بيسال عن نرمين لكن برضو ملهاش اثر
وفى يوم بيعلن اسر بيه عن حاجه الشركه بتاعته لسكرتير راجل وبمواصفات خاصه ، اصل اسر غير كل طقم الشغل بعد ما هدى معينه فى الشركه صحباتها وقرايبها كلهم
اسر بيه فى مكتبه بيدخل عليه موظف وبيقول
اسر بيه فى كام شاب بره متقدمين للشغل ولكن فى بنت واحده بس ومصرة انها تقابلك
اسر بيفكر لسه انها نرمين وبيسال الموظف وبيقول
بنت عامله ازاى ، قويه كدة وعندها عضلات ولابسه لبس رجالى
لا لا يا اسر بيه دى بنت حلوة اوى ورقيقه موت بصراحه الشباب اللى بره مش قادرين ينزلوا عيونهم من عليها من جمالها
لا يا ابنى قولها مش عاوزين وخليها تمشى ، الشركه دى لازم كل اللى يشتغل فيها يبقى راجل
وهنا بيتفتح الباب وتدخل الكوتش نرمين، لا كوتش ايه بقى دى اتغيرت ٣٦٠ درجه وقالت
اسر بيه ممكن اشتغل عندك
اسر بيبص عليها ومستغرب التغيير ده كله وبيقول
مين نرمين، يخرب عقلك ابه يابت الحلاوه دى كنتى مخبيه الجمال دة كله فين وعايشه فى دور عبده موته
ههههه الله يسامحك يا اسر بيه ،المهم أنفع اشتغل السكرتيرة بتاعتك ولا ما انفعش
لا طبعا متنفعيش السكرتيرة بتاعتى لازم تكون حاجه تانيه خالص
وهنا عضلات نرمين بتشد عليها وبتبرق عيونها ، إنما اسر بيلحق نفسه وبيقول
انما ممكن تنفعى تشتغلى مراتى
وهنا بتظهر الابتسامه الجميله على وش نرمين ، وبعد دقايق بتكون الام وخالتك ام اسر بيزغرطوا وفرحانين برجوع نرمين
وبعد تسع شهور كانت الحجه بتغنى تانى وبتقول حلاقاتك برجالانك وعاشت كوتش نرمين حياه البنات ، واتخلت اخيرا عن دور الراجل اللى عايشه فيه طول عمرها ، والأهم انها عرفت ان ربنا خلقها ست وجميله ولازم تعيش الدور اللى اتخلقت علشانه
وعاش الاحباب فى تبات ونبات وخلفوا ٣ صبيان و٣ بنات وعقبال كل البنات ، واستنونى فى حكايه جديده
لقراءة الرواية كاملة اضغط على : (رواية تزوجت ملاكمه)
