رواية تزوجت حبيبة اخي الفصل الرابع والعشرون 24 بقلم إسراء هاني
رواية تزوجت حبيبة اخي الجزء الرابع والعشرون
رواية تزوجت حبيبة اخي البارت الرابع والعشرون
رواية تزوجت حبيبة اخي الحلقة الرابعة والعشرون
جالسة في غرفتها تشغل نفسها حاول أن تنسى
همساته و لمساته و تأثير قبلاته التي أكدت لها
انها مازالت تعشقه مهما حاولت أن تنسى و تتذكر عندما حاولت أن تغيظه
فلاش بااااااك
كانت تدرس في الجامعة و بعد أن انتهت كان هناك معيد تعجبه حاول أن يكلمها من قبل لكنها كانت تصده و عندما كان ينتظرها سامر جاءت إليها الفكرة
انتظرت أن يصل إلى باب الجامعة
اسراء : استاذ سعيد
سعيد بفرحة شديدة : اسراء في حاجة
اسراء و هي تنظر حولها حتى رأته : احم استاذ بس في كذا نقطة في درس النهاردة ما فهمتهاش
سعيد : و لا يهمك بكرة فكريني و أنا اعيدها و لا يهمك
اسراء بابتسامه : متشكرة اوي يا استاذ
سعيد : من غير استاذ
اسراء : اصلي احم
كان يقف يبحث عنها في كل مكان حتى شاهدها و ابتسم تلقائيا حتى زالت ابتسامتها عندما شاهدها تقف مع شاب و تبتسم اسرع في المشي حتى وقف بجانبها و عندما رأته اقترب زادت في الضحك
اسراء : ميرسي اوي يا …
سعيد : يا ايه
اسراء : س .. سعيد
سعيد : ايوة كدة ما تيجي اوصلك
اسراء: مش عايزة اتعبك
سامر : احم ايه رأيكم اجيب اتنين لمون
سعيد : :انت مين يا استاذ
سامر : ما تتكلمي
اسراء : ده واحد بيطاردني في كل مكان
سعيد : بقى كدة يا أمن
سامر : انا خطيبها
سعيد : خطيبك ده بيتكلم جد
اسراء : لا ما فيش منه الحكي
جاء الأمن و بدأ بامساكه حاول الافلات بدأ واحد بضربه لتركض ناحيته و تقف امامه
اسراء بخوف شديد عندما رأت دمه : سيبو سيبو ده خطيبي
اقتربت منه تشاهد دمه و هي تبكي و تحاول مسحه
ينظر اليها بعشق شديد كأن الألم زال
اسراء : انت كويس سامر
سامر بخبث : اه مش قادر حاسس حيغمى عليا
اسراء بدموع : قوم نروح المستشفى
سامر : خايفة عليا
إسراء : ايه لا اه لا طبعا اخاف عليك انا اعرفك منين بس لاني السبب ما حبش حد يضر بسببي قوم نروح المستشفى
سامر : اسراء انا بحبك اوي
اسراء : مش وقت الكلام ده يا سامر قوم نشوف د.مك
سامر : لا وقته اذا مش عايزة تسامحيني و تشوفي قلبي اللي بين.زف سبيني اموت و خلاص
اسراء : طيب عشان خاطري قوم نشوف جارحك
سامر: مش حاقدر اسوق
اسراء : حاسوق انا
سندته و ركبت معه اوصلته إلى المشفى و بدأ الدكتور بتضميد جر.حه و لكن عيون ذلك العاشق مسلطة عليها كان سعيد جدا انها بجانبه يتمنى لو يتعور كل يوم مقابل أن تكون مقابله و بعد أن انتهى مشى معها يمثل انه يشعر بدوار حتى تمسكه كان يشعر بج.سده يتنفض فما زال تأثيرها عليه كما هو بل أن ازداد
ركبت معه عربيته و أوصلته إلى الشقة نزل منها و لم يطلب منها أن تنزل معه بل وقف عند الباب يمثل انه سيسقط لتركض اليه دون تفكير فعندما يعمل القلب يلغي العقل
وصلت اليه تسنده و دموعها تنهمر
اسراء : انت كويس نروح المستشفى تاني
سامر بخبث : مش قادر حاسس حالي حيغمى عليا اسنديني
سندته إلى ان وصل سريره خلعت له حذائه و أتت بالغطاء و وضعته عليه و أرادت أن تذهب أمسك يدها
سامر : سامحيني
اسراء : ياريت ينفع مش كل اللي اتكسر يتصلح
سامر : بس انا شوفت نفس الخوف و اللهفة في عينك
اسراء : بتهيئلك
سامر : امال جيتي اااه اه راسي
نزلت عنده تطمئن عليه ليضع يده حول خصرها جعلها فوقه احكم قبضته عليها و بدأ ينهل من عبير خديها و فمها مثل المجنون بلهفة و عشق شديد لتل.كمه في رأسه مكان الجرح و تخرج مسرعة
سامر : مش حيأس يا اسراء لو اخر يوم في عمري
بااااك
ابتسمت عندما تذكرت ق.بلته وهي في حض.نه ليدخل اخاها عليها و هو حزين جدا
محمد : عندي ليكي خبر وحش ما اعرفش يهمك و لا لا
اسراء بقلق : خبر ايه وقفت قلبي
محمد : سامر بالمستشفي اتضرب بالنار و حالته خطرة
لتركض ناحية الباب قبل أن ينهي كلامه لتسقط فاقدة وعيها ركض اخاها ناحيتها حملها على السرير و هو يسب و يلع.ن و حاول ايقاظها بدأت بفتح عينها وهي تص.رخ باسمه
محمد : اهدي يا حبيبتي اهدي
اسراء : خليني اروح اشوفوا و النبي يا محمد
محمد : تمام قومي البسي
بدأت ترتدي ملابسها و هي تبكي و تدعو الله أن يحفظه لها
اسراء : يارب قوموا بالسلامة و النبي و انا حسامحه و حوافق عليه و الله يارب
وصلوا المشفى و هي ترجف من الخوف حتى وصلت غرفته أخبرها الدكتور أن حالته صعبة جدا
جلست بجانبه و أمسكت يده
اسراء : قوم و النبي قوم ده انا حموت لو جرالك حاجة اوعي تسبني تاني المرة دي مش حسامحك ابدا
سامر و هو يتكلم بصعوبة : انا اسف سامحيني كان نفسي نكون لبعض بس
اسراء : ما بسش انت حتكون كويس و حنتزوج و اطلع عينك
سامر ؛ واضح انه النهاية
دخلت ندى عليه في لهفة شديدة
ندى: الف سلامة عليك يا قلبي يا حبيبي يا اخويا
اسراء : حيكون كويس ان شاءالله
ندى : اسراء حققيلوا حلموا بأنك تتجوزي
اسراء : ازاي
ندى: نجيب المؤذون دلوقتي يمكن بعدها يكون عنده امل في الحياة
سامر ؛ مش عايزها تترمل انا مش موافق
اسراء : انا موافقة اصير مراتك لو حتى يوم واحد بس
ندى : بدموع : ربنا يخليكي آسر جيب المؤذون
آسر : حاضر
بعد فترة أتى المؤذون و عقد القران و كان الشاهد آسر و محمد
بارك الله لكما وبارك عليكما وجمع بينكما على خير
كانت هذه الكلمة التي قالها المؤذون حلم حياته يتمنى أن يسمعها على حبيبة قلبه و اخيرا سمعها
غمز آسر لسامر و هو يكتم ضحكته و خرجوا و تركوا اسراء لا تعلم تحزن ام تفرح وبعد أن قفلوا الباب
سحبها من يدها لتسقط في حض.نه تحت صدمتها
سامر : ماش قولتلك مش حسيبك و انتي ليا أنا و بس
كانت تحت تأثير صدمتها و هو يق.بل بها من كل مكان
اسراء بدموع : يعني انت ما اتضربتش بالنار
سامر : تؤ انا قلبي اللي كان موجوع و كان بيموت و جيتي انتي احيتي
اسراء : انت ازاي هان عليك تعمل فيا كدة ده انا كنت حموت من الخوف عليك
سامر : انا اسف و الله اسف ما كانش عندي حل تاني ده انا حتجنن من الغيرة عليكي و انتي رافضة تسامحيني
اسراء : و ازاي عملت كدة
فلاش بااااااك
عندما أخبر عمر القصة لاسر و انها رفضت أن تتزوج سامر
اخبره انه عندما يخبره سامر بالقصة سيقول له على الحل
آسر: ازيك يا ابو النسب
سامر : الحمد الله
و بعد أن بدأوا في الكلام و كل واحد يقول شيئا عن ما في قلبه سأل آسر سامر
آسر : و ايه سر الحزن اللي في عينيك انا حافظ نظرة الحزن دي اوي مريت فيها
سامر : ما فيش
آسر: طيب جرب تقول يمكن الحل عندي آسر و اوعدك وعد ما حدش حيعرف حاجة
ندى : و انا والله مش حاقول لحد
اخبرهم سامر بكل شئ و بعد أن مثلوا انهم تفاجؤوا و سكتوا فترة
آسر : عندي حل
سامر : حل ايه الحقني فيه
آسر : …..
ذهبوا لمحمد اخاها و بعد ان أخبروه بكل شئ
سامر بدموع : انا عارف انك مصدوم بس ما حدش فينا لي ذنب في اللي حصل أن يوم ما انت كلمتني و قولتلي ابعد بكرة كتب كتابها كنت حموت جيت جري الحقها لقيتها تجوزت اخويا اللي مربيني اللي اغلى عليا من روحي
محمد : مش عارف اقولك ايه
سامر : ساعدني و انا اوعدك والله لاحطها في قلبي و في عيني و عمري ما حازعلها لآخر يوم في عمري
محمد : أساعدك ازاي
سامر : احنا حنعمل خطة ……
باااااك
اسراء : يعني محمد كان عارف
سامر : اه قولتله و مستعد كنت اقول للدنيا كلها اني بحبك بحبك بحبكككككككك
اسراء : مش قادرة
سامر : سامحيني اقولك حاولي يا اسراء حاولي انا ما كنتش حموت من الرص.اصة كنت حموت في بعدك عني اصعب يوم في حياتي كان يوم فرحك دخلت الغرفة حسيت قلبي حيوقف نغزة مسكت فيا ما راحتش كأنه قلبي رافض يسيبك كنت اتمنى اموت و لا اصحى الاقيكي فعلا بقيتي لحد تاني يا اسراء
ركضت عليه حض.نته بقوة تبكي بشدة و هو استقبلها بترحاب يضمها بعشق اكبر غير مصدق انها و اخيرا أصبحت ملكا له
اسراء : انا تعذبت اوي يا سامر اوي
سامر : حعوضك اوعدك والله حعوضك حخليكي مش فاكرة انك تعذبتي اساسا
وضع جبهته على جبهتها يشتم عبيرها يزيل دموعها بش.فتيه يقبلها بنهم شديد يحاول ان يصدق انها فعلا أصبحت ملكه و بين يديه
/////
ندى : ده كدة كتير انت نقيت اغلى أجهزة و اغلى طقم و باقي العفش
آسر بعشق شديد : كتير عليكي انتي ده نفسي اجبلك قطعة من القمر ندى انتي اغلى حاجة في حياتي يا ندى
ندى: ربنا يخليك ليا يارب
آسر: مالك وشك قلب يا قلبي
ندى : عمر صعبان عليا اوي ده ضحى بحبه عشان خاطر يشوف سامر مبسوط
آسر : فعلا صعب اوي بس هبة بتحبه جدا و بنت جميلة و حتسعدو آن شاء الله و حبها الشديد ده حيخلي قلبه ينسى إسراء و يميل عليها انا واثق
ندى : يارب ساعتها كل مشاكلنا حتتحل يمكن ساعتها عمر يعترف لسامر انه عمل كدة عشانه و سامر يسامحه
آسر : هو لسة رافض يقولوا
ندى : ايوة سامر لسة ما بيكلموش و عمر رافض يقولوا و حيتجوز و يسافر فترة يرتاح من كل حاجة
آسر : فكرة كويسة برضو تكون النفوس صفيت سيبك بقى كلها كام يوم و تكوني عندي وفي بيتي يا سلام لا وايه حاشوف كل حاجة
ندى : كل حاجة يعني ايه
آسر : يعني ما تجبيش هدوم في جهازك خالص
ندى : اومال اجيب ايه
آسر : انتي عارفة الهدوم المفتحة اللي هيا و قلتها واحد عايز منها كل الجهاز كدة تكتري من اللون الأبيض
ندى : انت قليل.. الادب
آسر و هو يعض على شف.تيه و يقترب منها بنظرة شرسة : بقى انا قليل.. الادب
ندى : انت حتعمل ايه
آسر : بتقولي لجوزك انه قليل ..الادب انا بقى حوريكي قلة الأدب
ندى : انا بهزر عفكرة ده انت كل الادب اللي في الدنيا انا أسفة بس ابعد
حاولت الهروب ليمسكها بقوة و يضعها على السرير و أمسك يديها فوق رأسها و هو يعتليها ينظر في عينيها و هي ترجف من شدة الخجل
بدأ يقترب منها و هو يكز على اسنانه من شدة عشقه
آسر : حتجنيني يا بنت طه و الله فاضلي برج واحد و يطق و ادخل مستشفى الامراض العقلية و النفسية
ندى : بعد الشر عن…..
لتكمل كلمتها في فمه و هو يلتهمهم بعشق شديد يروي ظمأه و يعبر عن مدى عشقه بطريقته الخاصة تركها بعد أن شعروا بحاجتهم إلى الهواء نظر إليها وجدها مغمضة عينيها تكاد تفقد وعيها
آسر بضحك شديد : كل ده من بو.سة اومال لو كملت حيحصلك ايه
ندى : تكمل ايه انت تبعد لاوريك
آسر ،: ايوة وريني ده انا حاموت و اشوف
ندى بخجل : تشوف ايه انت قليل الا.. .
توقفت عن تكملة جملتها بعد أن بحلق لها بعينيه قامت و هربت ليقوم بالركض و راءها و هو يضحك من صميم قلبه حتى امسكها حملها و دار بها
آسر : انا ما كنتش عايش يا ندى و الله ما كنت عايش كنت اعرف كل يوم بنات أشكال و الوان عمري ما حسيت بالسعادة دي انا قلبي طاير في السماء فوق كنتي فين من زمان
ندى : ربنا يوعدني و اقدر اسعدك كمان و كمان يارب
////
كانت تجهز لفرحها غير مصدقة انها ستتزوجه حتى و ان لم يحبها يكفي انها بقربك و ستفعل المستحيل حتى يحبها ارتدت فستان طويل على قد جسمها بالظبط اختارته مغلق حتى لا يتضايق من لبسها القصير وضعت القليل من المكياج و رفعت نصفه و النصف الاخر ينزل على ظهرها كانت مثل حورية البحر
ارتدت ندى فستان نفاش بلون الاوف وايت ووضعت مكياج هادئ بعد أن الحت عليه ليوافق و ارتدت حجاب كان ينتظرها على أحر من الجمر فكلها ساعات فقط و تصبح في حضنه نزلت من عالسلم و هي خافضة رأسها حتى شاهدها لم يصدق عينيه فعندما تحب ترى حبيبتك أجمل البشر حاول أن يتماسك لكن دموعه تساقطت بشدة اقتربت منه تزيل دموعه أمسك يدها يقبلها بشدة
آسر : أجمل وحدة شافتها عيني
حملها و دار بها وقت طويل حتى كادت أن تفقد وعيها
آسر : ما تيجي نروح و نسيبهم يروح الفرح لوحدهم
عمر : ما تظبط ياد كلها ساعتين و تكون ملكك و خلاص
آسر : مش قادر انت مش شايف دي حورية هاربة من البحر
عمر ،: تصدق دي قمر ١٤ بس ما يغركش القمر ده بكرة تقول عمر قال
آسر بتمثيل القلق : قصدك ايه قولتك اخلع
عمر : انفد بجلدك احسن لك
ندى ،: تخلع فين انت اتدبست و اللي كان كان
آسر بضحك : احلى تدبيسة في حياتي يارب اتدبس بكدة ١٢ عيل تخلفيهم زيك كدة
ندى : ايه ١٢ عيل ده مني لوحدي
آسر : لا ياروحي منا حاتجوز اربعة
مسكته في رقبته بيدها تخنقه
ندى : تتجوز ٤ قولتلي
آسر : الحقني يا عمر ده كان عندك حق النجدة
عمر : ربنا يرحمه ده كان راجل طيب الفاتحة
الجميع ؛ هههههه
نزلت هبة في طلتها البريئة تنظر إليه تريد ان ترى ردة فعله عندما يراها فهي تمنت أن يفرح مثلما يفرح اي شخص يشاهد حبيبته في فستانها الابيض كانت متأكدة أن ردة فعله ستكون عادية و لن يتهم كان يتكلم مع آسر عندما أصبحت بجانبه أشارت له ندى بعينها أن ينظر بجانبه
عمر : ….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية تزوجت حبيبة اخي)
