رواية تزوجت جميلة ولكن معاقة الفصل الخامس والثلاثون 35 بقلم دنيا فادي
رواية تزوجت جميلة ولكن معاقة الجزء الخامس والثلاثون
رواية تزوجت جميلة ولكن معاقة البارت الخامس والثلاثون
رواية تزوجت جميلة ولكن معاقة الحلقة الخامسة والثلاثون
وتمسك الموبايل وتلاقي رساله جايه من زياد
وتسمع صوت عربيه جايه عليها ب أقصى سرعه وبترجع تبص تاني للطريق وتغمض عينيها بسرعه
يحي بيدوس فرامل و بعصبيه : انتي متخلفه عايزه توديني في داااهيه
زينه : لو سمحت ممكن تخدني معاك للمكان ده
يحي : انا مش تاكسي وبعدين مستعجل علي شغلي
زينه : عشان خاطري انا لازم اروح مستشفى ***** *** بسرررعه
يحي : ماشي اركبي هاخدك عشان انا شغال هناك
زينه بإبتسامه : شكرا
____________________________________
كوثر بعياط : ربنا يقومك بالسلامه يا حبيبي
بهاء : خلاص يا كوثر خلاص
عزيز : الدكتور طمني وقالي انو لسه في المرحله الأولى الورم مش كبير واحتمال نجاح العمليه 90٪ ده كويس ان ادم اكتشف ده بدري وكمان لحق نفسو
كوثر : الحمد لله
______________________________________
مروه : انا وصلت المطار يا بابا
مؤمن : انا مش مسامحك يا مروه على الي عملتيه ده
مروه : عملت اي يا بابا
مؤمن : انك مسافره
مروه بضحك : يا بابا واللهِ هرجع تاني انا هشتغل اخيرا في المجال الي حباه ونفسي فيه ودي فرصه عمري عشان خاطري متحسسنيش بالذنب
مؤمن : خلاص طالما ده بجد الي هيريحك
مروه : ياله هقفل معاك عشان هركب الطياره لما اوصل هبقي اطمنك
مؤمن : خلي بالك من نفسك
مروه : حاضر
______________________________________
بعد نص ساعه
زينه بصدمه : ازاي معكش بطاقه هتعمل اي في اللجنه دي
يحي بإبتسامه : بصي وشوفي
عاصم : الرخص
يحي بيدهالو
عاصم : و بطاقتك
زينه وتبص للظابط بتوتر
عاصم بإستغراب : ومين دي
يحي : خطيبتي
زينه بتبصلو بصدمه
عاصم : بطاقتك يا استاذ
يحي وينده لواحد
محمد ويطفي السجاره : اي يباشا ده تبعي عديه متقلقش
عاصم : تمام يا محمد بيه
يحي ويتحرك بالعربيه : مسيطر انا برضو
زينه : انت لي قولتلو ان انا خطيبتك
يحي : لازم اقولو اي حاجه تثبت ان انا اعرفك
زينه : طيب قدمنا قد اي
يحي : خلاص يعتبر وصلنا هركن بس
_:.
عزيز : اجيب لحضرتك حاجه تاكلها
بهاء : لا يا ابني أقعد انت واقف من ساعه ما جينا
عزيز : متشلش همي قولي انت بس لما تحتاج حاجه
بهاء : حاضر
ويقاطعهم
زينه بتسرع : عملتو اي هو ادم فين دلوقتي يا جدو
عزيز : اهدي خدي نفسك الاول
زينه : عمل العمليه ولا لسه يا عزيز طمني
عزيز : متقلقيش والله سهله مش صعبه
زينه : انا عايزه اشوفو
كوثر بخجل واسف : انا اسفه يا زينه انا ظلمتك وجيت عليكي اوي وانتي ملكيش ذنب سامحيني ياحبيبتي
زينه : اسفه علي اي يا مرات عمي
كوثر : اسفه ان خليت ادم يعاملك زي ما انا عايزه انا خليتو يلعب بمشاعرك وانتي معملتلوش حاجه بالعكس انتي كنتي بتحبيه وبتعامليه كويس و لما عرفت انك بتحبيه بجد كنت بعمل اي حاجه تخليه يبعد عنك عشان ميقعش في حبك
وتكمل بتردد : كنت بكرهو فيكي
زينه بعياط : لي يا مرات عمي لي؟؟؟ اي الي عملتو لكل ده
كوثر بندم : انا اسفه يا حبيبتي اسفه والله انا حاسه ان ادم بيحبك وندمانه علي الي عملتو معاكي ،، والله ادم بيحبك يا زينه عشان خاطري متسيبهوش
زينه : انا مش هسيبو مش عشان خاطرك لا عشان انا بحبو ومش هسيبو في اكتر وقت هو محتاجني فيه
زينه وتوجه كلامها لعزيز : عزيز انت مردتش عليا ادم عامل اي دلوقتي
عزيز : لسه يا زينه لسه في العمليات
زينه بقلق : هو هيقعد كتير
عزيز : الدكتور قال إنها سهله ومش هتقعد اكتر من ساعه ونص او ساعتين
_____________________________________
زينه بدوخه وتسند على حديده
كوثر : مالك يا زينه
زينه : كويسه انا بس دايخه شويه
كوثر بتمسكها وتوجه كلامها لعزيز : شوف يا ابني دكتور يكشف عليها
عزيز : حاضر
عزيز : لو سمحتي محتاجين دكتور
صفاء : مالك في اي
كوثر : داخت ومش قادره تسند طولها يمكن من خوفها على ادم
صفاء : طيب تعالي معايا الاوضه
وتاخدها وتكشف عليها
كوثر : هي اكيد مكلتش حاجه وجالها هبوط
صفاء بإبتسامه : لا ابدأ المدام حامل
كوثر بفرحه : اييي حامل
زينه بتوتر : مين الي حامل
كوثر : انتي يا زينه مبرروك يا حبيبتي
زينه بتبتسم بعدم تصديق : حامل !!!
______________________________________
وليد : اومال زينه فين
حنين بإبتسامه : قالتلي انها هتروح الشركه وهديرها وتعرف ازاي هتشتغل كانت مبسوطه اوي انها رايحه تشتغل رغم أنها مش عارفه اي الشغل
وليد : مش مهم المهم انها تتحرك وتخرج وتتبسط
حنين : عندك حق
________________________________________
وبعد 3 ساعات
زينه بعلو الصوت : انا عايزززه ادخلو بقييي
عزيز : استني يفوق طيب
زينه : لا ابعد هدخلو الدكتور خلص بقالو ساعه حرام عليك يا عزيز ابعد بقي عايزه اشوفو
عزيز : ادخلي
زينه بتدخل وتقفل وراها الباب
زينه وتقرب لي وتقعد جنبو
زينه بلهفه : انت كويس يا ادم
ادم ويبعد نظراتو عنها ودموعو تنزل : انا مش قادر احط وشي في وشك بعد الي عملتو فيكي قصاد الي بتعمليه معايا انا ازاي قدرت اعامل بني آدمه زيك بالطريقه دي انتي استحملتي مني كتير رغم كل ده لسه جنبي يا زينه
زينه وتحرك وشو بإيديها وتمسح دموعو.
زينه بزعل : لي بتقول كده يا ادم انا معاك وجنبك علطول لو معملتش كده معاك هعمل مع مين
ادم : حقك عليا يا زينه انا كنت غبي ومقدرتكيش سامحيني والله عرفت قيمتك بعد ما سيبتيني انتي كنتي بجد نعمه من عند ربنا
زينه بإبتسامه وتمسح دموعها : مسامحاك يا حبيبي
ادم بإبتسامة : حبيبك
زينه : طبعا
ادم : يعني افهم ان خلاص كده
زينه بإستعباط : خلاص اي
ادم بإبتسامة جذابه ويمسك ايديها و يشدها لي و وشها يبقى قصاد وشو : خلاص هترجعي مراتي
زينه بضعف وترجع لورا
زينه : احم بشرط
ادم : اي هو
زينه بإبتسامه : ننزل نتمشي بليل انا وانت و زين
ادم وملامح وشو تتغير : ومين ده
زينه : حد جديد هيكمل معانا حياتنا
ادم : اخلصي مين زين دده
زينه بإبتسامه خجل وهدوء : زين يبقى ابننا ،، انا حامل
ادم و يحاول يستوعب : انتي حامل !!!
ادم بفرحه ويشدها لحضنو : ده انا محظوظ بيكي يا اجمل ام
زينه بإبتسامه وهي في حضنو : انا فرحت من فرحتك دي اكتر من ان انا حامل
ادم بإبتسامة : مبروك يا حبيبتي
زينه وتبتسم : حبيبتك
ادم : ايوا حبيبتي وعيوني
ويكمل بحماس : هتجيبي بنوته حلوه زيك بس على صغنن
زينه بتكشيره : واي الي عرفك انها بنت انا عايزه ولد
ادم : وانا عايز بنت
زينه : لا ان شاء الله ولد
ادم : ولي مش بنت
زينه : يا سيدي انا نفسي اخلف ولد الله
ادم : وانا بقولك حاسس انها بنت
زينه برفع حاجب : علفكره انا اكتر واحده حاسه بيه اذا كان بنت ولا ولد عشان هشيلو في بطني 9 شهور إنما انت هتعمل اي بقي ولا حاجه انتو الرجاله اصلا كده مب..
وبيقاطعها بق’بله من شفا’يفها لثواني
ادم بنظزه جذابه : هنخلف بنت
زينه وتفتح عيونها وتنح لي : اه
ادم بضحك : عرفت بتيجي سكه ازاي
__________________________________________
وبعد اسبوع
9:25PM بليل
حنين بإبتسامه : مبروك يا حبايبي
زينه : الله يبارك فيكي يا ماما
وليد : مبروك يا ادم حافظ عليها هاا با ادم
كوثر بإبتسامه : طبعا هيحافط عليها ده لو زعلها بس انا مش هسكتلو
ادم ويبص لزينه : متخفش يا عمي دي في عيوني
زياد بإبتسامه : اي مش عقبالنا احنا كمان
سام : والله انا عن نفسي معنديش مانع انت الي شكلك عندك مشكله
زياد : اناا؟؟ قصدك اي بالكلام ده
سام بإبتسامه : قصدي الي فهمتو
زياد : يعني انتي موافقه
سام : احنا بنشتري راجل
زياد : العب فين ابوكي اطلبك منو
سام بضحك : مش دلوقتي
زياد : مش دلوقتي اي انا ما صدقت
زياد : عمو لحظه
اياد : اي
زياد : انا بقول بما ان بنفرح ب ادم و زينه فا نخلي الفرحه فرحتين واخطب بنتك
اياد : والله الرأي رأيها
سام بخجل : موافقه
زياد : العروسه موافقه
اياد بإبتسامه : خلاص يبقى نقول مبرروك
ادم بإبتسامة : مبروك يا صاحبي
زياد بفرحه : مبرروك لينا
زينه : مبروك عقبال فرحكم
سام بفرحه : الله يبارك فيكي يا زينه
زياد ويخرج من جيبو دبلتين
سام : لا بتهزر انت عامل حسابك بجد
زياد : ايدك بسرعه
سام وتمد ايديها : مجنون والله
زينه : يااا ادم
ادم : اي
زينه : بنتك عايزه تخرج تتمشى بالعربيه وتاكل آيس كريم دلوقتي حالا
ادم بضحك : بنتي برضو
زينه بإبتسامه : اه ياله بقي الجو حلو اوي والساعه 12
ادم : ده انا عيوني ليه
اتمت
لقراءة الرواية كاملة اضغط على : (رواية تزوجت جميلة ولكن معاقة)
