رواية تزوجت امرأة صعيديه الفصل العشرون 20 بقلم دينا عبدالله
رواية تزوجت امرأة صعيديه البارت العشرون
رواية تزوجت امرأة صعيديه الجزء العشرون
رواية تزوجت امرأة صعيديه الحلقة العشرون
مسلم: خلينا ماشيين وراها واحده واحده لحد ما نعرف مكان اكرم بعدين ابقاا نشوف هنعمل معاها ايه…. بس دلوقتي عايزين نعرف هم ازاي بيعرفوا بكل حاجه بالسرعه دي….. ازاي ريتال عرفت اصلا بموضوع حمل خديجه… ومن الاول خالص ازاي عرفت ان انا اتقدمت لخديجه وهيا رفضتني… ازاي بتعرف بكل دا
خالد: اكيد حد من العيله بيكلمها لان محدش يعرف بالحاجات دي غيرنا
قعد مسلم يفكر ان مستحيل باباه ومامته يكلموا ريتال ويقولولها علي كل حاجه
مسلم: يبقي مفيش غير مي
خالد! وانا بقول كده برضو بس انت عارف مي اختك عبيطه ولسانها فالت فهيا اكيد مش قاصده ان دا كلوا يحصل وبعدين انت عارف ريتال دي حربايه وبتستغل طيبة اختك
مسلم بضيق: وعشان كدا اتكلم معاها انت وفهمها انها متنقولش اي حاجه لريتال او اي حد بعد كده بس بطريقه متفهمش بيها اننا عرفنا حاجه… عشان انا لو روحتلها هطلع زومارت رقبتها في ايدي
ضحك خالد: حاضر اعتبر دا حصل
مسلم: تاني حاجه عايز واحد بيفهم في التكنولوجيا والتليفونات وكدا عايز تليفون ريتال يبقي تحت ايدي اعرف بتكلم مين وكل الرسايل اللي بتتبعتلها… كل حاجه علي تليفونها عايز اعرفها
خالد ببساطه: تراقبها يعني
مسلم: اه اقراقبها
خالد: ودي كمان اعتبرها حصل اعرف واحد شاطر في الحاجات دي… حاجه تاني
مسلم: اه اخر حاجه عايزك تراقبلي كل تحركات ريتال بتروح فين وتقابل مين
خالد: تمام اعتبرها بتتراقب من دلوقتي… اي خدمه كمان
مسلم: اه ودي اخر حاجه… عايز تهتم بشغلي لحد ما ارجع
خالد باستغراب: ليه انت رايح فين
مسلم: هروح شرم انا وخديجه نغير جو شويه
بصله خالد وهو بيرفع حواجبه وقال: يعني انت عطيتني كل المهام دي كلها اعملها لوحدي وانت هتروح انت والهانم شرم
مسلم: اييه حرام لما نغير جو شويه
ضحك خالد وقال: لا يا عم من حقك… خد راحتك علي الاخر والشغل متقلقش
قام مسلم وقفل زرار بدلته وقال: اطمن انت اخر مهمتك لما نعرف مكان اكرم ولهنا مهمتك هتنتهي وانا اللي هتعامل معاه
قام خالد وقال بتفكير: هتعمل معاه ايه… احنا مش هنسلموا للبوليس
مسلم بغضب: انا مش هخلي البوليس هو اللي يجبلي حق ابني… حق ابني انا هاخده بايدي
بعدين ساب المكتب ومشي… بصله خالد بقلق وخوف عليه
ـــــــــــــــــــــــــــــــــــــــــــــــــــــــــــــــ
رجع مسلم البيت وطلع علي اوضته.. كانت خديجه قاعده مستنياه بفارغ الصبح… بصتله اول ما دخل وقالتله بلهفه: انت كنت فين
مسلم بابتسامة جميله: كنت في الشغل… طمنيني عنك بقيتي احسن دلوقتي
هزت راسها وقالت: الحمدلله.. روحت للدكتور زي ما وعدتني
سكت مسلم فهو انشغل بموضوع اكرم وريتال ونسي يروح.. ابتسم وقالها: متقلقيش روحت
بصتله شويه بعدين قالت: طيب وقالك ايه طمني
مسلم: مفيش قالي شويه تعب من والزعل وضغط الشغل.. بس كده
بصتله بشك وقالت: مسلم انت بجد روحت للدكتور ولا بتكدب عليا
مسلم: وانا هكدب عليكي ليه طيب… المهم دلوقتي جهزي نفسك عشان مسافرين شرم
خديجه باستغراب: وهنعمل اي هناك
مسلم بابتسامة: مفيش هنغير جو شويه… ونقعد مع بعض شويه براحتنا…. يلا بقا روحي جهزي نفسك
هزت راسها بعدين راحت جهزت نفسها.. لبست عبايتها السودا وحطت شالها الاسود الكبير..كان مسلم جهز الشنطه… حاوط خصرها بحمايه وخدها وبالايد التانيه سحب الشنطه وراهم ومشيوا
سلمت خديجه علي ابوها وصفيه بعدين مشيت مع مسلم
ـــــــــــــــــــــــــــــــــــــــــــــــــــــــــــــــ
خالد بتأكيد: فهمتي كلامي يا مي ولا اعيد تاني
مي: خلاص خلاص فهمت… مش هقول لحد اي حاجه عن اي حاجه تخص عيلتنا سوا حاجه كبيره او صغيره…. خصوصيتنا متطلعش برا….. فهمت يا خالد
خالد: طيب ولو عملتي عكس كده هعمل فيكي اي
مي: متخفش مش هقول لحد اي حاجه مين ما كان وعد منى
خالد وهو بيقرصها في خدها: شطوره يا مي
مي بتوتر: خالد في حاجه عايزه اقولهالك
خالد بقلق: قولي انا سامعك
مي: في واحد في الجامعه اتكلم معايا النهارده وقالي انه هيجي بكره هو وباباه ومامته ويطلب ايدي من بابا…. هو شخص محترم ولا عمرو قالي كلمه كدا ولا كدا… يعني شخص كويس
خالد بتفكير: طيب يجي بكرا ونشوفه وبعدين نقرر ونشوف بابا رأيه اي
مي بحزن: بس مش دي المشكله
خالد: اومال ايه
مي بحزن: ازاي هتجوز وانا مش عذر*اء
سكت خالد فهو فعلا مش عارف يقولها اي لان دي مشكله
مي: بس انا فكرت في حل
خالد بسرعه: اوعي تقولي انك ليلة الدخلة تحطي منوم للعريس وتاني يوم تقوليله كل حاجه تمام
مي: لا لا خالص مش كده
خالد بتفكير: اومال ايه الحل
مي بتوتر: في عملية دلوقتي بتتعمل بترجع فيها الواحده عذر*اء من تاني
خالد بدهشه: وانتي عايزه تعملي العمليه دي
مي بدموع: مقدميش حل تاني غير كده والا مش هقدر اتجوز ابدا وماما وبابا هيشكوا في الموضوع وانا خايفه يعرفوا الحقيقه ويحصلهم حاجه بسببي… ارجوك يا خالد وافق اني اعملها
خالد بتفكير: افرض حصلك حاجه بسبب العمليه دي
مي: لا هيا عمليه بسيطه خالص بتتعمل عند اي دكتور نسا او عمليات تجميل
خالد بتفكير: سيبيني افكر في الموضوع ده
ـــــــــــــــــــــــــــــــــــــــــــــــــــــــــــــــ
وصل مسلم وخديجه شرم وهجز سويت في اوتيل وخد خديجه وطلعوا… دخلوا الاوضه راح مسلم الحمام ياخد شاور.. فتحت خديجه الشنطه تطلع الهدوم بتاعته
شويه وخبط الباب… بصت خديجة علي الحمام عرفت ان مسلم هيتأخر جوه.. غطت وشها وراحت هيا تفتح الباب
فتحته لقيت بنت واقفه ولبسها ديق وقصير وبتمضغ لبانه… زقت خديجه بعدتها عن الباب وقعدت علي السرير.. بصتلها خديجه بدهشه من وقاحتها ازاي تدخل اوضتهم كدا وتقعد علي السرير من غير اذن حتي
بصتلها البت بقرف من لبس خديجه وقالت بقرف: انتي تبقي مين يا شاطره… دي اول مره مسلم يجي ويجيب معاه حد
خديجه بقوة: انتي اللي مين وازاي تخشي علينا كدا من غير ما نسمحلك تخشي
البنت بقرف: اي طريقة كلامك البيئه دي…. ااااه يبقي انتي اكيد الخدامه بتاعته صح
خديجه بدهشه: خدامه
البنت وهي بتبصلها من فوق لتحت: اه خدامه دا اخرك
خديجه بغضب وقوه: بتقولي عليا انا خدامه يا بت المحروق انتي… انا هوريكي مين الخدامه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تزوجت امرأة صعيديه)
