رواية تزوجت اخت زوجتي الفصل التاسع 9 بقلم جنة الفردوس
رواية تزوجت اخت زوجتي الجزء التاسع
رواية تزوجت اخت زوجتي البارت التاسع
رواية تزوجت اخت زوجتي الحلقة التاسعة
رائد وقف العربيه أول ما شاف لمار عشان ينزل منها ويجري عليها ويمسكها من دراعها ويتكلم بلهفه: انتى كويسه ؟! ومين الشخص ده
لمار هزت راسها وقالت: معرفش بس أول ما طلعت وهو ماشي ورايا انا افتكرت انه رايح نفس المكان اللى رايحه فيا لكن اتفاجات لما وقفت العربيه ونزلت عشان اشتري ازازه مياه لقيته نزل من عربيته بردو وفضل واقف لحد ما مشيت
رائد: الظاهر ان التهديدات مكنتش كلام وخلاص
رائد بص للمار واتكلم بخضه: لمار سيليا فين ؟!
لمار: عند والدتك هو في أي انا مش فاهمه حاجه ومين الشخص ده واي التهديدات اللى بتتكلم عليها ده؟!
رائد: الكلام مش هينفع هنا
رائد خد لمار وركبوا العربيه ومشوا عشان لمار تبص لرائد طول الطريق
رائد: الخط أول ما فصل قلقت عليكى أوى
لمار ابتسمت بسعاده من كلام رائد عشان تقول: التليفون فصل شحن٠٠٠بس ممكن افهم في أي
رائد: بكره هنسافر اسكندريه هنروح نقعد هناك يومين على الأقل
لمار: وده ليه ؟!
رائد بعصبية: عشان انا عايز كده وبلاش تقفي على كل كلمه بقولها
لمار بصت لتحت وقالت: حاضر
رائد خد نفس عميق وقال: عشان وجودكم في القاهره خطر عليكم وانا مش مستعد اخسر حد فيكم
لمار: تقصد بنتك ؟!
رائد: وانتى كمان يا لمار
جملته جعلت خدودها حمراء عشان تسند رأسها على الشباك وتبص من ازاز الشباك على البيوت والابتسامه مش بتفارق وشها
رائد حط ايده على ايد لمار اللى حست بكهربا وقتها عشان رائد يشيل ايده عالطول ويقول: أهدي انا آسف
لمار بصوت مهزوز: بصراحه أنا عطشانه أوى
رائد وقف العربيه على جنب وقال وهو بيفك حزام الامان: خليكى هنا اوعك تنزلى
لمار هزت راسها ورائد فتح الباب ونزل عشان لمار تاخد نفس عميق وتقول: انا غلطت في حقك يا رائد وحكمت عليك كمان بحاجات مش موجوده فيك عشان كده قررت أصلح كل اللى حصل واتمنى الخطوه ده تكون مناسبة لينا احنا الاتنين
______________________________
أحمد: انا في مكان خطر أوي يا سلوي ومش عارف هرجع منه ولا لا بس عايزك تعرفي كويس انى بحبك ومستعد ادخل في حروب عشانك
سلوي: لو بتقولى الكلام ده عشان احن أحب اقولك أن خلاص سلوي اللى تعرفها اتغيرت قلبها مبقاش زي الأول
أحمد ضحك وقال: هتوحشيني !!!!
سلوي قلبها دق جامد لكن كبرياءها منعها تتكلم اكتر من كده عشان تقفل في وشه وتقول: مفكرنى هبله وهرجع ليا لما يقولى كده٠٠٠٠ لازم يعرف انه غلط في حقي وعشان ده يحصل لازم ابعد الفتره ده
بعد مده من الوقت
_طب في أي طيب ؟! ليه عايزين تروحوا اسكندريه مش كفايه قاعدين بعيد عنى
رائد مسك ايدها وقال: انا اسف يا امى انا عارف انى مقصر معاكى الفتره ده بس ده خارج عن ارادتى انا جيت عشان اقولك انك هتروحى معانا لانى مقدرش اسيبك هنا لوحدك
سحبت أيدها وقالت: قولتلك لا انا مش هسيب البيت وامشي انت ناسي ان البيت ده في كل ذكريات ابوك الله يرحمه
رائد خد نفس عميق وقال: يا ماما احنا هنروح اسكندريه يومين مش اكتر
_طب ممكن اعرف انت ليه عايز تروح اسكندريه واوعك تقولى شغل لاني عارفه أبنى كويس امتى بيقول الحقيقة وامتى بيكدب
رائد حكى قال حاجه لوالدته لانه عارف مش هتوافق الا لما يقولها كل حاجه
_اول مره أشوفك خايف يا رائد
رائد: انا مش خايف منهم انا خايف على بنتى ولمار يا ماما
رجاء ابتسمت بفرحه عشان تقول: الظاهر ان في تطور في علاقتكم
رائد بص للمار اللى كانت بتجهز الاكل عشان يقول: حتى لو في خلاف بينا لمار مسئوله منى ولازم احافظ عليها
رجاء: بحمد ربنا انه رزقنى بيك
رائد باس ايدها وقال: وانا هحاول اسعدك طول ما انا عايش يا ست الكل
لمار ابتسمت وقالت: معلش بقا لو قطعت اللحظه الاسريه ده بس الاكل جاهز
رجاء بصتلها بابتسامه وقالت: أي رأيك في الكلام اللى قالوا رائد يا لمار
لمار ضمت حواجبها وقالت: كلام أي ؟!
رجاء بمشاكسه: اصل رائد خايف عليكى وبيقولى لازم نروح اسكندريه
لمار بصت لرائد اللى قال: انا قولت كده ؟!
رجاء حطت ايدها في أيد رائد وقالت: انت هتكدب يا ولا ما انت لسه قايل انك خايف على البنيه
على مائده الطعام
رجاء: الا صحيح يا رائد عملت أي في الموضوع بتاع بنت عمك قدرت تمسك الشباب ولا لا ؟!
رائد: مسكت مجموعه امبارح وكلمت إيمان تيجى عشان تتعرف عليهم
إيمان وصلت في الوقت ده وقالت: في حد بيجيب سيرتي هنا ولا أي ؟!
رجاء بفرحه: بنت حلال
إيمان راحت باست رجاء من خدها وقالت: عامله أي يا عمتو
رجاء مسكت ايدها وقالت: بخير يا حبيبتي٠٠٠انتى اي اخبارك دلوقتي امك قالتلى على اللى حصل
إيمان ابتسمت وقالت: الحمدلله احسن
لمار كانت بتابع الحوار بهدوء عشان رجاء تشاور على لمار وتقول: ده لمار مرات رائد
إيمان بصتلها وقالت: هى ده بقا اخت اسماء الله يرحمها
رائد بص للمار اللى ظهر على ملامحها علامات الغضب عشان رائد يقول: واقفه كده ليه اقعدي نتغدا سوا وصحيح اوعك تتاخري بكره
إيمان قعدت جنب رجاء وقالت: حاضر يا رائد
لمار حست للحظه بالغيره اما رائد قام وقال: طب استاذن انا هطلع فوق اجيب حاجه ونازل
إيمان بدلع: اذنك معااك !!!
رائد طلع فوق وإيمان صوبت انظارها للمار وقالت: سمعت انك في الكليه لسه ٠٠٠يا تري بقا في كليه أي اصل زي ما انتى شايفه رائد ظابط قد الدنيا ولازم مراته تكون دكتوره او باشمهندسه
لمار بابتسامة صفره: انا في كليه هندسه يعنى باشمهندسه زي ما انتى لسه قايله بالظبط
إيمان ابتسمت بهدوء رغم ان جواها نار محتاجه تطفيها
رجاء: أي يا بنات مالكم ٠٠٠٠الكلام على الأكل مش حلو
إيمان: في أي يا عمتو بدردش مع مرات رائد شويه بس غريبه يعنى أي اللى يخلى واحده زيك توافق على واحد متجوز قبل كده لا واي كان متجوز اختها
رجاء حست ان الأجواء بدأت تسخن عشان تقول: لمار حبيبتي اطلعى لجوزك يمكن محتاج حاجه
لمار هزت راسها وطلعت فعلا اما إيمان كانت بتبص على اثرها بغضب
رجاء: في أي يا إيمان انتى بتتكلمى معاها كده ليه
إيمان: لا مفيش حاجه وبعدين بحاول اعرف اذا كانت واخده رائد طمع ولا لا
رجاء: هو أي اللى طمع؟! لمار محترمه جدا ومستحيل تفكر في الحاجات اللى بتفكري فيها
رجاء قامت وسابت إيمان اللى اتكلمت بغيظ: مراته الأولى ماتت قولت اخيرا وهقدر اتجوزه يروح يتجوز أختها اهى ده اللى مش هسكت عليها أبدا
لمار فتحت الباب ودخلت عشان رائد يققل الدرج ويبص عليها ويقول: مالك
لمار قعدت على طرف السرير وقالت: لا مفيش حاجه بس بنت عمك دمها خفيف شويه
رائد وقتها عرف انها ضايقت لمار بالكلام عشان يقعد جنبها ويقول: حقك عندي انا متزعليش منها هى بتتكلم من غير ما تعرف هى بتقول أي بس قلبها أبيض
لمار: بتحبك
رائد رفع حاجب وقال: بتحبنى ؟! وحضرتك عرفتى ازاى انها بتحبنى معقول هتحب واحد متجوز في أي يا لمار مالك
لمار: مش قصدي بس واضح من كلامها انها كانت عايزاك
رائد هز رأسه وقال: مفيش الكلام ده إيمان زي اختى وهتفضل طول عمرها كده
لمار بصت لتحت ورائد مسك أيدها وقال: مالك يا لمار
لمار وقتها انهارت من العياط وده فاجئ رائد أوى عشان ياخدها في حضنه ويربت على كتفها بحنان ويقول: اهدي واحكيلى أي اللى حصل
لمار مكنتش قادره تتكلم اما رائد قال: لمار احكيلى مالك
لمار وقتها بعدت عن رائد ومسحت دموعها وقالت: انا أسفه مكنش قصدي
لمار قامت وكانت طالعه لكن رائد مسك ايدها وقال: ممكن اعرف مالك ؟! إيمان ضايقتك للدرجادي يعنى
لمار بصتله وقالت: لا أبدا بس حسيت انى مخنوقه وعايزه اعيط صدقنى مفيش حاجه
رائد حط ايده على خدها وقال: قولتلك قبل كده لو حصل معاكى حاجه اوعك تفكري انك تيجى تحكيلى انا هكون جنبك طول الوقت
لمار ابتسمت وقالت: شكرا !!!!
رائد: احم طب بمناسبه الابتسامه الجميله ده أي رأيك نطلع بليل مكان انا بحبه أوى ومتاكد كمان انك هتحبي
لمار: بليل ؟! بس انا ورايا مذاكره كتير وبصراحه مش هكون فاضيه اطلع
رائد: مش هنتاخر
لمار مقدرتش ترفض عشان تقول: ماشي !!!!
رائد ابتسم وقال: طب اسيبك تذكري شويه وهنزل انا
رائد كان طالع لكن لمار قالت: رائد انا بجد آسفه ٠٠٠٠اسفه على كلامى الجارح اسفه لو كنت غلطت في حقك بس صدقني غصب عنى
رائد ابتسم وقال: انسي اللى فات يا لمار خلينا نبدا صفحه جديده
رائد قال الكلام ده وطلع عشان لمار تفكر في جملته وتقول: انسي اللى فات ؟! ونبدا صفحه جديده قصده اي بالكلام ده معقول موافق اننا ندي فرصه لبعض
لمار قعدت على طرف السرير وبدأت تفكر في الجمله اللى قالها رائد والابتسامه مش بتفارق وشها !!!!!
_حصل اشتباك على الحدود اللى كان موجود فيها الظباط والاشتباك ادي الى موت وإصابات مجموعه من الظباط وده قايمه الاسماء اللى ماتوا وده قايمه الإصابات
مسك الورقتين وبص فيهم وقال بزعيق: رن على الظابط رائد بسرعه
تفتكروا أحمد من قايمه الوفيات ولا قايمه الاصابات شاركوا برايكم في الكومنتات ويا ريت يكون في تفاعل احسن من كده عشان حسيت بخمول من ناحيه الروايه
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية تزوجت اخت زوجتي)
