رواية تزوجته رغما عني الفصل الرابع 4 بقلم شهد هاني
رواية تزوجته رغما عني الجزء الرابع
رواية تزوجته رغما عني البارت الرابع
رواية تزوجته رغما عني الحلقة الرابعة
بعد ماخرجت
روح : خالتو انا نازله هجيب حاجه من تحت وهاجي
سوزان : ماشي يابنتي
ونزلت وفتحت الباب بالمفتاح وهي متأكده ان ابوها مش جوه
عشان هو علطول بيجي متأخر ولكن سمعت صوت حد جوه فقالت ممكن يكون بابا وخلاص
ودخلت ولسه هتقفل باب الشقه لاقت حد غريب ومش في وعيه ومسكها وبيقولها : اي ياموزه تعالي ارقصيلنا شويه وبيشدها من دراعها
راحت هي زقته بكل ماتملك من قوه وخرجت بسرعه وقفلت باب الشقه من بره بالمفتاح عشان ميخرجش وراها
وقعدت على السلم تعيط بإنهيار على الحصل معاها ومفروض ابوها هو ال يحميها من الخطر لكن للاسف هو ال بيعرضعها للخطر
( عند تيام وسوزان )
سوزان : اي ال قومك منعلي السرير يابني
تيام : انا رجلي مش مكسوره يعني عادي
سوزان : طب انزل شوف البت روح اتأخرت ليه قالت هجيب حاجه واطلع على طول
تيام بمرح : تصدقي رجلي اتكسرت فجأه
سوزان : انزل يبارد يلا
ونزل تيام وشافها قاعده على السلم وبتعيط وحاطه ايديها على وشها
تيام بلهفه جري عليها: مالك في اي
روح بعياط انا كنت داخله وهو مسكني من دراعي وقالي ، وهنا
شهقاتها وعياطها بقى عالي
تيام : اهدي طيب وتعالي نطلع فوق
وهي مكانتش سامعه حاجه كانت جملة الراجل الزباله ده هي ال بتتكرر في دماغها
تيام حضنها وفضل يطبطب عليها ويملس على شعرها عشان تهدى لحد ما هديت وهي مكانتش قادره تمشي راح شالها
وطلع بيها وخبط على الباب
سوزان بخوف : مالها يابني
تيام بهدوء : اهدي ياامي هي دلوقتي تعبانه ادخلها تنام في اوضتك
ودخل تيام ونيمها في الاوضه وغطاها كويس وفضل يملس على شعرها وسرح غي ملامحها البريئه وقرب منها وطبع قلبه على راسها وخرج
سوزان : اي ال حصل يابني
تيام : معرفش انا لاقتها قاعده على السلم وبتعيط ومفهمتش منها حاجه بسبب عياطها
سوزان بغضب : هتلاقي ابوها هو السبب منه لله ربنا ياخده
تيام : احنا لسه منعرفش حاجه ياأمي فابلاش تقولي كلام وحش على ابوها ،وسكت شويع وبعد كده قال: انا هنام هنا على الكنبه وانتي ادخلى نامي في اوضتي عشلن ضهرك
سوزان : ماشي يابني
ودخلوا ناموا وبعد شويه على الفجر كده ،روح شافت كابوس وصحيت بخضه
روح بخوف: لا متلمسنيش لا ياماماااااا ، وقالت اخر كلمه بصوت عالي وتيام صحي مخضوض وراحلها
تيام بخضه : مالك ياروح في ايه انتي كويسه
روح بعياط وهستريه : خليه يبعد عني انا عايزه ماما ياتيام عشان خاطري لو بتحبني
تيام اتصدم من كلمتها الاخيره
وقعد جنبها على السرير
تيام بحنيه : اهدي ياحبيبتي محدش يقدر يأذيكي طول ما انا جنبك متخفيش من حد ماشي
روح بشهقات : انا مش عارفه انام كل شويه احلم بكابوس
ممكن تخليك قاعد جنبي
تيام بهدوء : حاضر ثانيه واحده
وراح فتح الباب عشان مينفعش يبقى مقفول عليهم باب واحد
وقعد على الكرسي ال جنب السرير
ومسك ايديها وفضل يملس عليها لحد ما روح حست بالامان وراحت في ثبات عميق
_*_*_*_*_*_*_*_*_*_*_*_*_*_*_*_*_*_*_*_*_*_*_*_*
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تزوجته رغما عني)
