رواية تزوجتني رغما عني فأحببتك الفصل الخامس 5 بقلم حفيدة عائشة
رواية تزوجتني رغما عني فأحببتك الجزء الخامس
رواية تزوجتني رغما عني فأحببتك البارت الخامس
رواية تزوجتني رغما عني فأحببتك الحلقة الخامسة
_«ماجد بعصبيه» انتي بتقولي ايه ازاي زين يعمل كدا
_«حنين بحزن » هو دا اللي حصل حتي حياء مستحملتش
واستقالت ولو صحبتي مرجعتش انا كمان هستقيل يااستاذ ماجد
_«ماجد بهدوء» طب امشي انتي ياحنين وانا هتصرف حق حياء راجع انا مرضاش بكدا ابدا
_«حنين بحب» شكرا يااستاذ ماجد بعد اذنك
_«ماجد بعصبيه» والله لوريك يازين ازاي تعمل كدا في بنات الناس
_________
“رجعت حياء البيت وهي مشوشه”
_«حياء » تخفي مافي داخلها وتتحدث بإبتسامه السلام عليكم ورحمة الله وبركاته
_«صفاء بصدمه» وعليكم السلام يختي جايه بدري عن معادك ليه كدا
_«حياء بحزن» انا استقالت من الشغل ياابله صفاء
_«صفاء بعصبيه » نعم يختي استقالتي يعني ايه مش فاهمه
_«حياء بهدوء» اهدي ان شاء الله هشوف شغل تاني في مكان تاني
_«صفاء بعصبيه» وهتلاقي فين شغل بمرتب حلو زي دا انتي تعتزري لصاحب الشغل وترجعي انتي اكيد السبب
_«حياء بدفاع» لا والله معملتش حاجه ابن صاحب الشغل مستقصدني علي طول يفضل يتريق عليا ويفضل يزعقلي بدون سبب
_«صفاء بعدم فهم» يتريق عليكي ازاي يعني مش فاهمه
_«حياء بحزن» النهارده فضل يتريق علي لبسي واني بغض البصر ومش ببصله وقالي انتي ماده للسخريه
_«صفاء بقرف» ماهو عنده حق فعلا دا منظر لبس دا الناس كلها قالتلك كدا وانتي مبتقتنعيش يابنتي اقلعي النقاب دا والبسي زي البنات انا عايزه مصلحتك
_«حياء برفض» علي جثتي اقلع النقاب او اقلع لبسي وبعدين انا موظفه عنده ليه عندي شغله مش اكتر ملوش دخل يقولي لبسه كدا ليه صح ياابله صفاء
_«صفاء بقرف» صح يختي بس اسمعي من بكرا تدوري علي شغل اه قاعدتك كدا مش هتعجبني انتي فاهمه
_«حياء ببراءه» حاضر بس بابا فين
_«صفاء بقرف» نايم يختي جوا شكله تعبان فدخل يرتاح شويه وانا هروح عند خالتك مني شويه
_«حياء بحب» توصلي بالسلامه ان شاء الله
_«صفاء» يارب يختي
_____________
_«ماجد بهدوء» زين انت فعلا طرد حياء من الشركه
_«زين ببرود» انا مطردهاش هي اللي مشيت
_«ماجد بهدوء» وياتري مشت من نفسها ولا انت السبب في مشينها
_«زين ببرود» والله روح اسألها
_«ماجد بعصبيه» انت هتستعبط فيها انت السبب انها تمشي هي البنت في حالها والكل بيحلف بأدبها انت مش سيبها تستغل بهدوء ليه؟
_«زين ببرود» بابا هي مشت والموضوع خلص ولو سمحت سيبني اشتغل
_«ماجد بعصبيه» ومين قالك ان الموضوع خلص انا وانت بعد مانخلص شغلنا هنروح بيتها تعتزرلها عشان ترجع
_«زين بعصبيه» لا طبعا مش رايح ومش هعتزر انا مش عايز اشوفها تاني في الشركه
_«ماجد بعصبيه» الشركه دي بتاعتي انا وهتبقي ليك من بعد مااموت والموظفين هنا انا اللي اقول مين يقعد ومين يمشي ولما اقولك علي حاجه تنفذها انت فاهم
_«زين بنفاذ صبر» ماشي يابابا اللي تشوفو
_«ماجد» وحاجه كمان اذا كان الكل بيعملك حساب وبيخاف منك ففتكر اني انا ابوك يعني صوتك ميعلاش عليا يااستاذ زين
_«زين بإحراج» اسف يابابا انا مش قصدي اعلي صوتي علي حضرتك
_«ماجد بصبر» ربنا يهديك يبني
___________________
_«حياء بحب» مالك يابابا ابله صفاء بتقولي انك تعبان
_«خيري بتعب» انا كويس والله يابنتي بس صعبان عليا نفسي
_«حياء» ليه ياحبيبي احكيلي في ايه
_«خيري بحزن» من ساعه ماتولدي وانتي نورتي حياتي كلها كنت بشتغل ليل ونهار عشانك بس كنتي محتاجه ام تراعيكي وتاخد بالها منك عشان كدا اتجوزت صفاء تكون زوجه وام ليكي بس دلوقتي مبقتش قادر علي الشغل وبشتغل علي قدي وانتي نزلتي وبقيتي تشتغلي عشان تخففي من مصاريفك ودي حاجه مزعلاني اني مش قادر اصرف عليكي
_«حياء بحب» يابابا وجودك عندي بالدنيا وانت ياما فرحتني وعملتلي الحلو كله وكنت بشوفك وانت جاي من الشغل مهدود عشاني عشان توفري حياه كريمه وانا جهه دوري عشان اشيل عنك شويه اهم حاجه عندي تبقي كويس واطمن عليك ان شاء الله هجبلك الدكتور هنا عشان نطمن بس يابابا بالله عليك متخبيش عليا تعبك تاني وتقولي انا كويس انا معايا فلوس الحمدلله ياحبيبي اهم حاجه ترضي عني
_«خيري بتعب» راضي عنك ياحياء راضي عنك يانور عيني
_«حياء بتحاول تفرفش والدها» هعملك بقي اكله اللي انت بتحبها اي خدمه يابوب
_«خيري بإبتسامه» انتي اي اكله بتعمليها بتحرقيها ياحياء
_«حياء بغيظ طفولي» خلاص ياولدي اللي فات مات حياء بنتك هتبقي شيف محترف
_«خيري بحب» لما نشوف يختي اوعي بسببك يجيلي تسمم منك
_«حياء بغيظ طفولي» وبعدين معاك ياولدي قولتلك ثق فيا
“ذهبت حياء الي المطبخ وبعد عده ساعات جهزت الغداء لولدها فهي تحاول اخفاء حزنها حتي لا يتعب ثم اتصلت بالدكتور لتطمئن علي والدها”
_«حياء بحب» الغدا جهز ياحبيبي يلا عشان تاكل
_«خيري بحب» لما ندوق كدا ونشوف
_«حياء بإبتسامه» هاااا حلو نجحت المرادي
_«خيري بحب» ماشاء الله تسلم ايدك جميل يابنتي
_«حياء» طب كل يلا عيزاك تخلص الاكل دا كله
_«خيري» طب وانتي مش هتاكلي يابنتي
_«حياء بحب» هاكل بس انا شبعانه دلوقتي متشغلش بالك بيا
________
_«صفاء بخبث» الراجل دا شكله هيموت قريب باين
_«مني بصدمه» بتهزري يعني خيري خلاص بيودع
_«احمد بفرحه» اللهم صلي علي النبي
_«صفاء» بس ياواد متفرحش اوي كدا انا شاكه لسه
_«مني» بس انتي شاكه انو هيموت اوي كدا ليه
_«صفاء ببرود» بقي نايم علي طول وبيشتغل بالعافيه وساعات بيشتكي انو مش عارف ياخد نفسه وحاجات كدا كتير
_«احمد بمكر» واكيد هو حاسس انو هيودع قريب
_«صفاء» ايوه حاسس بس قالي مقولش لحياء عشان متتعبش
_«احمد بغباء» حلو اووي يعني يدوبك اتقدملها واكيد هو هيوافق عليا عشان يطمن عليها
_«صفاء بقرف» غبي يااحمد ابوها استحاله يوافق عليك انا كلمته كام مره بس بطريقه مش مباشره ورافضك تماما
_«مني بعصبيه» وليه بقي ان شاء الله هو ابني يتعايب دا سيد. الرجاله
_«صفاء» بقولك ايه يختي ابنك بيشرب وماشيه مش كويس وخيري عارف دا كويس واستحاله يأمن علي حياء معاه
_«احمد بعصبيه» وبعدين ياخالتي انا كدا مش هعرف اتجوزها
_«صفاء بضحك» ياواد افهم بقولك بيودع يعني العقبه اللي وقفالك خلاص هيروح
_«احمد بخبث» وافرضي عاش ايه الحل بقي
_«صفاء بخبث» معتقدش خيري خس وبقي مفهوش صحه حتي مبيقدرش يقوم من السرير وبكرا تقول خالتي قالت
_«احمد بمكر» ماشي ياخالتي ان شاء الله يموت وخلص
______________
_«زين بصبر» انا خلصت يابابا
_«ماجد بحب» وانا كمان يلا بينا نروح لحياء ثم قال لحنين اوعي ياحنين تتوهينا يابنتي
_«حنين» لا ياعمو انا بروح لحياء كتير وعارفه بيتها كويس
_«ماجد» ماشي ياحبيبتي يلا بينا
“ذهب ماجد وحنين وزين الذي يحمل نار في داخله فهو لا يريد الذهاب لحياء فهو لا يحب رؤيتها بعد ساعه وصلو الثلاثه لبيت حياء”
_«حنين بحب» ياحياء نا جيت ومعايا ضيوف
” حياء لبست اسدالها ونقابها وقامت بفتح الباب ”
_«حياء بصدمه»……..
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية تزوجتني رغما عني فأحببتك)
