رواية ترويض قلب قاسي الفصل الخامس 5 بقلم هالة الشربيني
رواية ترويض قلب قاسي الجزء الخامس
رواية ترويض قلب قاسي البارت الخامس
رواية ترويض قلب قاسي الحلقة الخامسة
رنا طلبت منه ومن الجميع يتجمعوا علي السفرة يطفوا الشمع ورياض دي كانت اول مرة في حياته يحتفل بعيد ميلاده اللي هو مش فاكره اصلاااا 😂
كانت مفاجاة حلوة كان من جواه سعيد جدا
وقضوا الليلة مع بعض في جو عائلي عمره معاشه
وعلي مبطلش الش علي رياض وضحك الكل لدرجة انهم بقوا يسكتوه علشان بطنهَم وجعتهم من الضحك
الا نادر اللي كان جواه غيرة وحقد علي رياض وابتسامته الصفر اللي فهمتها رنا وحست باللي جواه من ناحية رياض
الكل مشي وهما طلعوا اوضهم
رياض عايز يشكرها ومكابر، عايز يقولها انت اجمل حاجة حصلتلي والكلام مبيطلعش، عنيه بتقولها بحبك وهيمان فيك، وبتهرب منها
رياض عنيد ومكابر رغم ان الحب بهدله وهو مش حاسس
دخل اخد دش وغير وهو بينشف شعره انا مبحبش الجو دا وعيد الميلاد والكلام العبيط دا يا ريت ميتكررش تاااني وراح نام بس كان مضايق من نفسه اوي انه قلها كدا
رنا كانت غيرت ولبست قميص قطن رقيق تحت الركبة بحملاات لونه ازرق وعملت شعرها كعكة منكوشة شكل همجي زادتها جمال راحت قعدت جنبه وجنب ودانه وهو مغمض انت كدااااب اوي يا رياض
رياض حس بسخونة نفسها علي خده شدها لحضنه ودفن وشه في رقبتها وقالها بلاااش اللي بتعمليه دا بلاااش انت اللي هتخسري وباس رقبتها
رنا حاولت تسحب نفسها من حضنه اكتر من مرة ورياض ماسكها بشدة ومش مبطل يوبس رقبتها برقة خلت رنا داخت وكانت هتستسلمله
لكن حاجة جوااها فوقتها وبعدت وهي بتضربه في صدره
رياض زقها علي السرير وبقي فوقها ومكتف درعاتها الاتنين وقالها انا اقدر اخد اللي انا عايزه بس مش عااايز وسابها وقام خرج البلكونة يشرب سيجاارة.
رنا خرجت من الاوضة راحت اوضة تانية نامت فيها بعد معيطت وقلبها وجعها واتاكدت انها فشلت في مهمتها
رياض بعد ساعتين دور عليها لقاها نايمة في الاوضة اللي جنبه شالها ورجع اوضته وحطها علي السرير ونام علي الركنة
رنا اول مرة تصحي متاخر بعد رياض
رنا رنونة ماما حبيبتي قومي ايه انت تعبانة فرح كانت بتصحي رنا وبتدلعها وهي فرحانة وعايزة تقولها الخبر اللي اتاكدت منه امبارح وهو لهفت باباها علي رنا لما قالتله انها تعبانة
رنا فتحت عنيها اللي كان باين عليها انها معيطت وحمرا ودبلانة وبعدت عنيها عن فرح
رنا :انا اسفة يا فرح مقدرتش اغيره وعيطت ، انا اسفة ان خذلتك انت وعادل
فرح بضحكة عالية جداا وهي بتحضن رنا يا ماما يا حبيبتي انت نجحتي بامتياز
رنا: انت بتقولي ايه نجحت ازاي انت متعرفيش حاجة
فرح انت اللي غلطانة يا رنونة اسمعيني بس امبارح انا اتصلت ببابا وقلتله انك تعبانة اوي وانه يجي بسرعة تخيلي بابا وصل البيت بعد قد ايه من اتصالي بيه ربع ساعة يا رنا 😂 وبتضحك ببلاهة
انت عارفة الطريق من شركة بابا لهنا بياخد وقت قد ايه نصف ساعة يا رنا شوفتي منظر بابا ولهفته عليك وصوته وخوفه وهو بينده عليك وطالع فوق يشوفك
بابا بيحبك بجنون وهو مش عااارف
رنا تنحت وكانت مذهولة من اللي بتسمعه من فرح
وفعلا استرجعت الاحداث واتاكدت من اللي كانت حساه وهو اخر الليل نفاه وحطمه جواها
فرح قالتلها بصي يا ستي انا عندي اقتراح تاني يأكدلك وهتشوفي
رنا بلهفة سالتها ايه هو يا فرح
فرح نطلب من بابا نقضي يوم في البلد مع عمتي اللي مسافرة النهاردة وعزمتنا هنسافر بالطيارة النهاردة هخلي عمتي تكلمه وهنفضل هناك اسبوع او اكتر مش هنرجع الا لما بابا يسلم دروعه واسلحته ويجي ياخدنا ودا وقت رائع في البلد دفي وشمس ها ايه رايك
رنا بتفكير وباين عليها الزعل اسبوع بحاله يا رنا هنسيبه لوحده اسبوع
فرح بصت لرنا وهي مبحلقة عنيها انت شكلك وقعتي يا رنا خانم ولا حدش سما عليك اشطة وااالعة
رنا خبطتها في كتفها بت احترمي نفسك حبيته ايه انا بس خايفة ميعبرناش ونرجع قفانا يقمر عيش
بس اهو نجرب وبقولك ايه ناخد دينا وامينة معانا كدا كدا دا وقت اجازة نصف السنة لانهم وحشوني اوي
فرح بسعادة تمام يا رنونة بس متحبيش دينا اكتر مني سامعة 😢 رنا حضنتها وفضلت تزغزغها وهي نامت علي السرير بتضحك وبتبعد عن رنا وجريت تتصل بعمتها
رياض يا حبيبي انا هاخد رنا وفرح معايا البلد يوم ولا يومين اهو اهلك يشوفوا مراتك ويتعرفوا عليها، انا اتفقت مع رنا وفرح وبيجهزوا نفسهم للسفر
رياض تمام يا عمتي وهو حاسس بغصة في قلبه وكأن حد بيسحب الاكسجين من صدره
رياض ميبرفضش لعمته طلب كل كلامها اوامر ودا احتراما ليها ولمقامها.
رياض طول اليوم مضايق ومتعصب وبيزعق في الكل حتي علي صاحبه
علي بقولك ايه يا رياض متيجي نخرج نسهر مع صحابنا النهاردة انا شايف مزاحك مش تمام
رياض رفض واخد مفاتيح العربية ونزل ركبها وفضل سايق ساعة مش عايز يروح ولا عارف يروح فين
اخر مزهق روح ولما دخل لقي البيت ساكت صوتها مش موجودة
كان عامل زي الطفل اللي مامته سافرت وسبيته
كان هيتجنن ويسمع صوتها ويكلمها لكن غروره وكبرياءه رافضين
راح نام مكانها وحضن مخدتها وهو بيشم ريحة شعرها وبرفانها ونام مكانها كانه منمش بسلام وراحة قبل كدااا
رنا عدت بالعربية علي دينا وامينة وسافروا البلد ورنا كانت مرتبه مع وفرح برنامج لرحلة مدتها اسبوع يتفسحوا ويستمتعوا كلهم
رنا كانت معاها ومش معاهم سرحانة ومش باين عليها انها مبسوطة بالسفر
محدش حاسس بيها الا اتنين فرح اللي متاكدة ان دا سببه حبها وافتقادها لبباها وامينة صاحبتها اللي بردو كانت شاكه انها بدات تحبه
عادل كان في البيت لوحده بيجهز نفسه لدورة تدريبية كان مقدم عليها في مجال دراسته للهندسة
ابراهيم كان كل يوم يتصل بامينة بعد ميخلص ورديته بالليل يتكلموا ويحكوا لبعض عن يومهم وهمومهم
امينة كانت زي البنت الصغيرة اللي اول مرة تحب
اتعلقت بابراهيم وهو كمان عاش معاها اجمل اوقاتها
وكانت بتحكي لرنا عنه وقد ايه هو راجل وشهم وجدع وانها حبيته
امينة سرقها قلبها ونسيت انها مبتخلفش وانها هتظلم ابراهيم معاها بعد اخر مكلمة لما ابراهيم طلب يتجوزها وهي رفضت وقالتله لا ومرضتش تقوله السبب وقفلت في وشه الفون
امينة انا مجرمة يا رنا انا واحدة انانية وبتبكي بشكل هستيري
رنا بتشدد علي امينة وهي بتحضنها وبتهديها
اهدي يا امينة احنا ملناش سلطان علي قلوبنا
الحب ذي الحرامي بيدخل القلب يسرقه ومحدش بيحس بيه ولا بيقدر يمنعه
اتكلمي مع ابراهيم واحكيله لو اختارك خلاص، لو هو عايز اولاد هياخد قرار البعد، وبكدا انت خيرتيه ومظلمتيش حد يا حبيبتي
امينة لا يا رنا ابراهيم جدع وشهم لو عرف هيتخلي عن رغبته في انه يبقي اب وهيضحي علشاني دي من شيمه واخلاقه وانا مش هقبل بكدا الافضل لينا نبعد واحنا بنحب بعض احسن بدل ميكرهني بعد كدا
رنا بحزن والم علي حبيبتها واختها خلاص يا امينة اللي تشوفيه انا معاك في اي قرار يريحك
رياض في مصر عدي يوم واتنين وتلاته عايش اصعب اوقات حياته صراااعات جواه دبين بيتقاتلوا مع بعض حرب صاخبة مزعجة
عنيه بتدور عليها في كل ركن بالبيت بينام مكانها كل يوم بيسمع فيروز كل ليلة قبل مبينام بيرش من برفانها علي الركنة وبينام علشان يشم ريحتها ويقدر ينام
رنا كان باين عليها الحزن لبعدها عنه وكمان لانه متصلش بيها ولا سال عنها وسرحانة طول الوقت وبتدعي ربنا يختارلها الخير
ابراهيم كل يوم يتصل بامينة وهي قافلة فونها ابراهيم كان حزين وقلبه متحطم لان دي اول مرة يحب في حياته واتصدم من رد امينة لانه كان متاكد انها بتحبه زي مبيحبها
تعب من مراقبة بيتها يوميا وملهاش اثر سال عليها البواب
سلام عليكم ازيك يا حاج اهلا اهلا يابراهيم يابني اخبارك ايه وازي والدتك
ابراهيم الحمدلله يا راجل يا طيب امال الست امينة وفرح وعادل فين
الست امينة وفرح مسافرين وعادل زمانه جي من شغله استني نشرب كوبيتين شاي ونتكلم سوا اهو تونسني لحد معادل يجي
بعد نصف ساعة عادل وصل وسلم علي ابراهيم وعم محمد البواب واخد ابراهيم وطعلوا
ابراهين انا عايز منك طلب يا عادل
عادل اتفضل يا عم ابراهيم خير
انا عايز اعرف امينة فين بحزن بيعسر قلبه انا هموت يا عادل لو مشوفتهاش واتكلمت معاها
عادل اهدي بس واحكيلي في ايه وانا هقولك هي فين
ابراهيم حكي لعادل كل حاجة وكان باين عليه الحزن والالم حتي الدموع شافها في عنيه متجحرة لولا كسوفه كانت نزلت قدام عادل
عادل :اسمعني يا عم ابراهيم انا بحب خالتي امينة زي ماما بالظبط وبحبك انت كمان وربنا عالم، انا عارف سبب رفضها بس اخاف اقولك تزعل مني ودا مش من حقي لان دا سرها والافضل انت تروح تسمع منها
ابراهيم :هي فين يا عادل عرفني بالله عليك
عادل :خالتي امينة مسافرة اسيوط مع ماما واختي وفرح بقالهم اسبوع
ابراهيم :متعرفش هيجوا امته
عادل : للاسف معرفش والله يا عم ابراهيم
ابراهيم :تقدر تعرفلي عنوانهم
عادل :طبعا اقدر ليه بقي فهمني اوعي تكون…
ابراهيم :ايوا يا عادل انا هسافرلها مش هقدر استني
عادل :تمام يا عمي ابراهيم انا معاك روح وحارب وكسر قيودها وفك شفرتها وادخل القلعة واهجم وخودها علي حصانك واهرب بيها 😂
ابراهيم :كان بيضحك بصوت عالي وكأن عادل ردله روحه وخرجه من حالة الحزن اللي كان فيها
الله يسعدك يا عادل وتفرح بفرح ونحضر فرحك
عادل ايه دا تصدق انها تنفع مطلع اغنية هههههههه
تاني يوم الصبح كان ابراهيم مسافر واخد العنوان من عادل وراح لامينة
امينة يالله يا بنات يالله يا رنا الفطار جاهز انتوا ايه هتقضوا بقيت اليوم نوم بقينا الضهر
البنات دينا وفرح بقوا اصحاب والرحلة دي جمعت احلي واجمل علاقة بين بنتين زي القمر
دينا وفرح في صوت واحد جينا يا مونة جينا
رنا :انا مليش نفس يا امينة سبيني براحتي لو سمحتي
امينة والله لو مجيتي مانا واكلة وانا اصلا بتحجج علشان مليش نفس انا كمان 😢رنا صعبت عليها امينة
واخدتها في حضنها وراحوا يفطروا ورنا بتحاول تخرج امينة من الحالة اللي هي فيها
امينة ورنا خارجين يفطروا مع البنات وعمت رياض، وقفوا الاتنين وبصوا لبعض وهما فاتحين بقهم من المفاجاة يا ترا مين اللي موجود قدامهم ؟! 😂
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ترويض قلب قاسي)
