رواية تخاتيخو الفصل الرابع عشر 14 بقلم فاطمة طلال
رواية تخاتيخو الجزء الرابع عشر
رواية تخاتيخو البارت الرابع عشر
رواية تخاتيخو الحلقة الرابعة عشر
لي لي اللي مكنتش تعرف ان راجح فسخ خطوبته من جينا فرحت وقالت:
– واااااااااااو تفتكري بابي هيوافق؟!
– وميوافقش ليه!!!
– الله واااااااااااااااو ده أحلى خبر ’ اما اجري اقول لصحابي
جينا بهلع:
– لالااااااااااااااااااا اوووعي تقووولي لاي حد
لي لي باندهاش:
– ليه؟
جينا بتوتر شديد وابتسامة بتخفي فيها رعبها:
– حبيبتي ا اا احنا هنلعب معاهم لعبة حلوووة ’ نختفي فجأة ومحدش يعرف مكانا أبداااا ….
لي لي بشك:
– هو احنا هنهرب من حاجة يا جينا؟
جينا بفزع:
– لالالا بب بس ب ببنلعب ’ نعيش لعبة حلووة صح ؟! صح يا لي لي
وتحضن لي لي وكل جسمها بيرتجف من الخوف وفجأة تسمع صوت باباها رجع من برة فتبص لـلي لي وتقولها :
– اا انا هنزل لبابي واقوله ’ وانتي ابدأي حضري كل حاااجتك …
وتسيب لي لي وهي في قمة اندهاشها من تصرفات وكلام اختها
********************************
تقعد جينا في المكتب مع باباها وتسأله فجأة:
– بابي انت تعرف ثامر الكيلاني ؟
يتغير وش باباها فورا ويبرق بعينه ويقولها:
– انتي اييييه اللي عرفك بالكلب ده؟!
جينا بكدب:
– اا انا لسه معرفتهوش بس سمعت انه بيهددك وانه اا انه عايز حاجة معينة ا اا انت خدتها
الاب مقاطعا بغضب:
– ده كلام شغل ملكيييش دعوة بيه وايااااااكي اسمعك بتتدخلي تاني
– ب ببس يا بابي لو لوو هو بيهددك يعني ده معناته فيه خطر علينا و وو مش مهم اللي هو عايزه ده ’ ادهوله في سبيل نعيش كلنا في أمان؟!
الاب بعدم تفاهم:
– قلتلك الموضووووع ده مش للنقااااااش ’ انتهـــــــــــــــــــــى
جينا برعب من اللي ممكن يعمله ثامر:
– بــ ب ببس يا بابي ده بيهددنا احنا كمان
الاب بانانية:
– انااااا هعرف اندم الكلب ده! حتت عيل فاكر نفسه انه عشان ورث ابوه القذر فيقعد يهدد في الناس ويشتري ويبيع فيهم! هه مبقاش الا بتوع البامبرز يهددونااااااا
جينا بكره:
– هووووو ده كل اللي هااااامك! انك متتنازلش وتخلي واحد زي ده ينتصر عليك؟! مش مهم احنااااااااا
الاب بعصبية:
– واضح اني دلعتكم بزيااااااادة ’ امشي اطلعي لفووووووق
جينا بكره اكتر لباباها وبحقد وخوف وهلع :
– انا ولي لي هنرجع مصر ’ انا هتجوز راجح هناك وهعيش معاه ووهخلي لي لي تعيش معايا هناك ’ استحالة نقعد هنا معااااااك!! انت مش عارف الكارثة اللي حطتنا فيهاااااااااااا … انت هتدمرناااااا بجشعك وطمعك ده .. هتدمرنااااااااااااااا
وطلعت تجري لاوضتها بعتت رسالة لراجح في مصر “راجح انت وعدتني انك تساعدني وجه وقت المساعدة” فبعتلها راجح “حاضر يا جينا ” وانهارت بعدها من العياط لانها كانت تتمنى ان الاب يتنازل عن الشي اللي عايزة ثامر في الشغل ويحافظ على سلامة بيته لكنها اتصدمت لما لقت فجأة باباها انسان اناني وجشع وطماع..
**********************************
ثامر كان سهران مع جيسكا في شقتها وكان حاضنها وبيقولها:
– ها جيسي اخبار جيني بتاعي ايه
– متقلقش انا حاولت اطقس واشوف ميتها ايه وعرفت انها عقلت وهتتجوزك
ثامر بكل سعادة:
– ههههههههه شطوووورة يا جينا ’ هكافئك مكافأة حلوة تستاهل حلاوتك دي
جيسكا بغيرة:
– وانا؟ اللي سهلتلك المهمة؟ مفيش حلاوة ليا؟!
ثامر بخبث:
– طبعا فيه جيسي ’ مش ثامر اللي ياكل حق حد
جيسكا بسذاجة:
– وااااو يعني هتبقى ليا ؟
ثامر بكل سخرية:
– ههههههههههههه مين ده اللي يكون ليكي بيبي؟
– انا وانت؟!
– ههههههه تبقي عبيطة لو فكرتي في كده! انا مش هتجوز الا جينا ! لاني بحبها .. اما انتي مش اكتر من مفتاح يفتح الباب وبعدين خلاص هوبا ! يا بنكافئه ونعززه ونحطه في ميدالية ’ يا نرميييييه وندوووس عليه بجزمتنا في الارض!
جيسكا بغضب:
– جينااااااااااا دي واحدة متستاهلش انك تتجوزها وتسعدهااااا! دي واحدة مغرورة وانانية ومقررررفة
ثامر يمسك شعر جيسكا ويبتدي يشده في الاول براحة وبعدين كل مدى يشده اكتر وهو بيقول:
– نووووو نوووو جيسكا متقوليش كده على جيني لان جيني دي قلبي انا .. اووك بيبي
– وهو فيه حد يحب حد يعمل كده! انا افتكرت انك بتكرهها
– ايوة حبيتها ومش بس كده وأدمنتها بجنون وانتي عارفة ثامر لما بيتجنن بشيء ممكن يخسر نفسه عشان يمسك اللي عايزه في ايده! اوك حبيبي؟!
جيسكا بهلع من ثامر تهز راسها بالموافقة.. بعدين يطلب منها ثامر انها تتصل بجينا وتحط سبيكر ..
*********************************
جينا كانت في الاوضة بتوضب شنطتها لما شافت جيسكا بتتصل بيها وبكل قرف وتمثيل وكدب:
– هاي جيسكا
– هاي جيني ’ ايه بتعملي ايه ؟
– مفيش بفكر
ثامر يغمز لجيسكا على السؤال فترد جينا بتمثيل وتزييف:
– في ثامر
– وااااو حبتيه
– بصي هو ثامر غريب شويتين تلاتة بس انا عارفة ان قلبه من جوة طيب وانا لما هبقى معاه هخلي الطيبة دي كلها تظهر …
ثامر بص لجيسكا بسعادة وفرح وشاور ليها براسها تكمل كلام فقالت:
– طيب و راجح ؟ خلاص نستيه؟
جينا بدموع صامته وتمثيل:
– اففف متجبيش سيرته الغبي ده ’ انا ما صدقت قلعت دبلته من ايدي ورمتها في وشها
يأمر ثامر وقتها ان جيسكا تقفل معاها التلفون وبعد ما تقفل يرقص ثامر من الفرح والحب ان جينا بقت ملكه
خلاص..
*******************************
عزيز في البيت قاعد زهقان ومتملل فيتصل بأمل ويطلب منهم انهم يخرجوا هما الاربعة يتعشوا سوا بعد ما راجح وهبة يخلصوا شغل .. وبالفعل بعد ما هبة رجعت ولسه هتغير هدومها دخلت أمل عليها:
– يلا يا هبة عشان هنخرج
– ايه يلا دي ! وهبة دي مش بني ادم له طاقة وبتخلص؟!
– يلا يا ززززفتة اخلصي
هبة بتأفف:
– يوووووة بقى
تقلع الام الشبشب ولسه هترميه على هبة فتقول هبة بسرعة:
– يلاااا يا ماماااااااا نخررررررررج بقى الله !
– اخلصصصي عشان عمك عزيز لما يعدي منلطعهوش
هبة بصوت عالي:
– عمــــــــــــــــــــــــــــــي مييييييييييييييييييييييييييييييين!!!!!!
– ايه يا مجنونة اطرشييييتي ! سررررعتيني بصووووتك ده يا بومة
– ليه هو احنا خارجين مع عمو عزيز وراجح؟
– اااه هنتتعشى سوا
– مش لاعب
– قووومي يا كرمبة
– ممممش عايزة رووحي انتي ’ انا اصلا هنام .. اقلك انا مبتعشااااش .. ااااه اسكتتتتي مش افتكرت انا لما بتعشى برة بقعد اررررجع ’ يرضيكي ارجع في وش الناس يعني واقرفهم!؟
الام بتقزز:
– كتك القررررف في ملافظك يا بووومة .. قووومي يا زفتة والا وربنااااا اقلع الشبشب وانسره عليكي !!
قوووومي اخلصي وبطلي دلع مرىء ….
– افففففف هشتكيكي لحقوق الانسان
– لا يا بومة انتي اللي زيك ليهم حقوق الحيواااان مش انسان ! قووومي غييييييري هدومك يا معفنة بسرعة
– مش معاملة ام لبنتها دي ابدا! انتي لو لقياني ع باب مسجد المعاملة هتبقى افضل من كده ع فكرة..
وقامت بعدها تغير لبسها عقبال ما عزيز وراجح يوصلوا ..
********************************
هبة بعد ما اكلت قررت انها تتمشى لوحدها شوية وبالفعل استئذنت وقامت وبالتالي قام فورا راجح وراها ..
– ينفع اتمشى مع القمر
– القمر فوق مش تحت
– بالنسبالي هو نزل تحت وبقى جمبي كمان
– بتبالغ كتير انت يا راجح
يبص راجح في عيون هبة ويسرح فيهم ويقول:
– عمري ما حسيت بالصدق اد ما بحسه وانا جمبك
تبتسم هبة وتحمر خدودها وتضحك بتلقائية:
– وانا عمر ما حد عرف يلمس قلبي كده زيك
يبتسم راجح بانشكاح فتستوعب هبة الكلمة اللي قلتها فقالت مرتبكة بسرعة:
– اا آآ قصدي يعني اا ا ….
يقاطعها راجح بايده ويقولها:
– ششششش سيبي نفسك على راحتها يا هبة وبطلي تفتري بقى
دق قلب هبة من نظرات راجح ليها في نفس الوقت اللي كان الحب بيشتعل عند راجح .. بصت ليه بكل دلال:
– راجح ا اا نــ ا ……
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية تخاتيخو)
