رواية تخاتيخو الفصل الثامن 8 بقلم فاطمة طلال
رواية تخاتيخو الجزء الثامن
رواية تخاتيخو البارت الثامن
رواية تخاتيخو الحلقة الثامنة
هبة في اوضتها كانت قاعدة بتفتكر ايام زمان وذاكرتها رجعت لورا لما كانت مرة في النادي قاعدة
في المرسم اللي في النادي بتلون وجه ولد وخطف منها الالوان وراح يلون بيها ولما طلبت منه:
– اديني الالوان ’ عشان انا اللي كنت بلون بيها قبلك
الولد بكل سخافة:
– اسكتي مفيش حد كلبالة بيلون ’ واخد الالوان منك براحتي
جه راجح ومن غير ما تحس بيه هبة ونتش الالوان من الولد ووقعه على الارض وقاله بزعيق:
– الالوان دي من حقها هي لانها دي علبة الالوان اللي بتلون منها ’ انت بقى عايز اللون تستنى دورك
يقوم الولد بعصبية ويقوله:
– وانتتتتت مالك يا غتت
– انا قريبهااااا ولو عملت حاجة تاني هشتكيك للامن يسحبوا الكارنيه بتاعك
ويرجع راجح لهبة ويقولها :
– خدي الوانك ولو عملك حاجة روحي اشتكيه وعلى فكرة هيسحبوا منه الكارنيه ومش هيعرف يدخل
يكمل تمارين السباحه بتاعته والكابتن يطرده
فخاف الولد من تهديد راجح وطلع يجري من المرسم بتاعه وهبة وراجح قعدوا يضحكوا عليه جامد ببراءة
وسذاجة الاطفال ..
تفوق هبة من ذكرياتها وتلاقي دمعة على خدها فتمسحها بسرعة وتكلم نفسها :
” لسه حنين زي ما انت يا راجح! بس انا مش عارفة مالي دبش ولساني عايز القص ليه معاك!
كان المفروض افرح انك هتعمل دور حبيبي بس انا اضايقت اوووي ومش فاهمة لييييه!! ”
“يعني عندك حل تاني تخليهم ميتريقوش عليكي وكنتي قلتي لا ! ”
” شكلي بكرة هروح اقله خلاص انا مش عايزة اعمل التمثيلية الهبلة دي من اساسه”
“اااه خلي مروووة تكتشف كدبتك وتمسكهالك في الرايحة والجاية وهتسميكي تخاتيخو الكدابة”
“اييييه لالالاالا…. بس طززز ما يكتشفوا ! انا كده بكدب على نفسي مش عليهم ! ”
” بالعكس انتي هتثبتي ليهم بقى وجهة نظرك ان فيه حد بحلااااوة راجح وجماله بص عليكي انتي وسابهم
هما وهتحسي بالانتصار اللي طول عمرك نفسك تحسيه”
” ايه يا هبة ده! انتي من امتى بتفكري كده! عنده حق راجح لما قالك تبطلي سلبية وتثقي في نفسك”
” اااااه يبقى انتي عايزة مروة تخليكي مُسخة الشركة اكتررر يا عبيطة”
“بس …..”
“ولا بس ولا نيلة دي تمثيلية قصيرة وهتخلص وبعدين كده كده هيجي يوم وهتعملي نفسك لازم تفركشي
عشان يوم ما راجح هيتجوز خطيبته دي لازم التمثيلية تنتهي”
“طيب وعليا من ده بايه من الاول”
“اسكتي يا خايبة بقى عايزة تبوظي خطة زي دي هترجعلك كرامتك! اتنيلي ناااامي يلا وبكرة البسي اشيّك
ما عندك”
“بس يارب مقطعش حاجة وانا بلبس لحسن انا تخنت تاني ”
“يالهوووووووي كماااان تخنتي زياااادة طب نامي نامي يا دبدوووبة”
********************************
راجح في اوضته ماسك الدبدووبة وموبايله لسه واقع متكسر مليون حتة على الارض وعمال يكلمها
بصوت عالي:
– انا شكلي غلطت يا هبة صح ؟
– …….
– جينا مش الانسانة اللي ممكن تفتح بيت وتتحمل مسؤولية ! جينا من نوع البنات اللي عايشين حياتهم
باستهتار وانا مينفعش معايا واحدة كده! صح؟ صح يا هبة؟؟
– ……
– تؤ افففف بس برضو انا ممكن اكون غلطان مع جينا ! يعني المفروض اسايسهااا كده زي ما بسايس هبة !
بس انا مبعرفش مع هبة ليه بتعامل غير ! على فكرة انا مينفعش اعمل كده … انا لازم احاول اقرب جينا
اكتر مني واعاملها حلو زي ما بعامل هبة كده ! صح؟؟؟؟
ويبص للدبدوبة ويبتسم ليها بكل حنان ويقول:
– شفتي هبة كيوت ازاي ؟
راجح يمرر ايده بعصبية في شعره الناعم ويزفر بقوة ويقول:
– ايه التخاااااااريف اللي بتقولها دي يا راجح ! فووووق انت خاطب ومينفعش تلعب بالنار !! يووووووووه
احسن حاجة انا هنااااام وبس وبكرة هصالح جينا واكلمها بالمسايسة كده
**************************************
في ديسكو في أمريكا قعدت جينا مع صحابتها وكان معاهم ولاد وقعدت ترقص مع ولد اتعرفت عليه جديد من شلة صحباتها اسمه “ثامر” وولا كانها اتخنقت مع راجح ..
– على فكرة انا سمعت عنك كتير
– Oh really وسمعت عني ايه بقى ؟
– سمعت عن جينا الحلوة المغرورة اللي بتدوب ولاد كتير بس مش اي ولد يوصلها بسهولة
جينا وهي بترقص بدلع وتتمايع :
– Oh NO هههههه معقول انا كده!
– انتي حلوووة ااه وحلووووة اوووي بس مش مغرورة
جينا بكل مياصة:
– هههههه شفت ازاي
– وعشان كده هقحم نفسي في حياتك !
جينا رغم غرورها الا انها بتنجذب لاي ولد بيحب التحدي والمغامرة ويرضي غرورها فقالت بضحكة مليانة تحدي:
– هههههه يبقى وريني شطارتك بقى
– بكرة الصبح سبيلي نفسك بقى وانا هفسحك فسحة عمرك ما اتفسحتيها
– وااااااو !! اما نشوووف ’ بس خلي بالك انا زهقت من الاماكن هنا فعايزة تغيير جامد فالمهمة هتبقى صعبة عليك
– وانا هعيشك لحظات عمرك ما عشتيها ومتأكد من ده كويس فالمهمة هتبقى سهلة Don’t worry
جينا بإعجاب لتحدي ثامر:
– Ok let’s see
………………………………………….
يا ترى اي جزء في هبة هينتصر عليها لما تشوف راجح تاني يوم في الشغل ؟
يا ترى راجح هيعرف باللي بيحصل مع جينا ؟
ردة فعل مروة ومصطفى لو هبة وافقت تعمل التمثيلية وعرفوا ان حبيب هبة هو راجح هيكون ايه ؟؟
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية تخاتيخو)
