رواية تحرش الفصل الثالث 3 بقلم رقية محمد
رواية تحرش الجزء الثالث
رواية تحرش البارت الثالث
رواية تحرش الحلقة الثالثة
الكتمان زي النزي*ف الداخلي مفيش حد بيشوفة ، بس وجعة بيفضل جواكِ وبيموتك بالبطئ !
نور بخضه
_ محدش هيصدقنى، هو هددنى إني متكلمش واني اكيد بتخيل، هو انا ممكن اكون مجنونه !
قربت منها بسرعه وانا بحضنها وبفتكر المشهد بيتكرر قدامى كتير
رفعت وشها ليا بذعر
_ أنتِ مصدقانى يا رقيه مش كده؟! ها ردي عليا ولا انتِ كمان شايفاني مجنونه
هزت رقيه راسها بسرعه ونفى
_ لا يا نور لا، أنا مصدقاكى يا حبيبتى، صدقيني أنا عارفه انك صح، ممكن تخليكي هنا هجبلك مياه واجيلك، ومتقلقيش أنا هجيب تيته علشان تحكيلها كل حاجه، احنا مش هتفضل خايفين علطول كده!
خرجت وسبتها قفلت الباب ورايا وسندت ضهري عليه بعجز، الحقيقى إن الموضوع مش سهل ابدا، و مُرهق نفسياً لأكبر شكل
رجعت وفي ايدي كوبايه مياه وتيته اللي قولتلها تعالي نشوف نور مالها محاوله مني إن محدش ياخد باله من أهل البيت…
دخلنا الاوضه، وساعتها الوقت وقف تماماً، كوبايه المياه وقعت من ايدي وتيته بدأت تصوت اللي علي صوتها اتجمع كل العيله، نور واقعه علي الارض جمبها سك*ينه كانت في طبق الفاكهه، وفاقده النفس تماماً
قومت بفزع وانا بمسح عيوني أثر النوم ولقيت نفسى فى البلكونه
_ استغفر الله العظيم
تانى يوم
رقيه بابتسامه
_ تشرب اي ؟
على بهدوء
_ متشكر مش عايز، أنا جيت علطول لما رنيتي عليا، والحقيقه معرفش حضرتك عايزاني في اي ؟
اتكلمت بابتسامه خفيفه
_ أنا عرفت إنك مصور كبير، وبتحضر ندوات كتيره، فـ أنا عندى مشكله وصدقني لو حليتهالي هكون ممتنه ليك جدا، أنا محتاجه مكان ويكون كبير ومش بعيد عن هنا علشان اعرف اعمل ندوات تانى وهديك نسبتك
بصلي لثواني
_ هساعدك بس بدون مقابل
بصتله بتركيز وانا بشرب قهوتى
_ لى ؟! لى بتحضر ندواتى مع انك راجل؟
ضحك ضحكه بسيطه
_ اممم، سؤال ذكى، ( اتنهد ) أنا اختي اتعرضت للـتح*رش قبل كده من أهل والدى، وساعتها والدى و والدتى كانوا ميتين في حادثه، ساعتها كنت صغير…بس هي كانت اصغر مش ناسي نظرتها ساعتها وهي بتحكيلي، بس قدرت ارجعلها حقها تاني قدام كل العيله
ابتسامتى بقت أوسع
_ فخوره بـ ده جداً حقيقي، وانك بحركتك دي مش هتنسي رده فعلك طول عمرها
ابتسم وهو بيكمل
_ علشان كده بدأت اسمع ندواتك لما شوفتك منتشره بشكل أكبر وبتأثري علي البنات…حقيقي ممتن لنفسي اني بتابعك، وغير كده كمان علشان اهذب نفسي واعلم عيالي إن الت*حرش ده فكره حقيره، بس الفكره إن الموضوع بدأ معاكى لى اصلا
بصيت للفراغ محاوله منى اني اتحاشا البصه في عينه.!
_ وانا طفله اخو امى أت.حرش بيا، مقدرتش اخد رده فعل…مقدرتش اساعد نفسى لأن مكانش في وعى..وازاى نتصرف فى المواقف اللي زي دى!، وبعدها بـ أقل من شهرين بنت خالتو جت وهى منهاره وبتحكيلي، سيناريو اتعاد قدام عيني بس المره دى قررت افضحه، سبتها فى الاوضه وخرجت علشان اجيب تيته…بس ساعتها هي خافت من الفضيحه وانت.حرت…. .
سكت وانا بمسح دمعه خانتنى وببص علي الشجر اللي قدامى، السكوت عم المكان، وطال تقريباً لتلات دقايق
اتكلمت وانا بقول
_ أنا لحد الان مش عارفه اتعالج، مكانش عندى لا اخ ولا اخت اكبر مني يوجهونى، وماما افتكرتني مجنونه، محدش صدقنى وده فى حد ذاته شئ مميت…..بس لحد دلوقتي البنت اللي بتتعرض للتحرش هي بنت مش كويسه، واكيد لبسها كان وحش، أو طريقه كلامها… اكيد لحد الآن في نظرهم وحشه، لحد دلوقتى خايفه احكي اللي حصل معايا .
_ انتِ جميله، ولطيفه وناجحه، قدرتى تغيري تفكير جيل بعد ما كلامك بقي في عقل كل بنت، التح.رش اكيد هيقل حتي لو بنسبه واحد في الميه، اعملي اللي أنتِ عايزاه وشايفاه صح متخافيش من نظره حد اهم حاجه أنتِ شايفه نفسك ازاى
ابتسمت وروحت البيت وانا بفتح لايف وبقول
_ السلام عليكمْ، اللي ميعرفنيش فـ أنا رُقيه، اللي بنادى لمعاقبه المتحرش وضده تماماً، النهارده حابه اقولكم إني معاكم هنا بسبب اخو امى، اللي اتحرش بيا وانا طفله بريئه، حطم طفولتي وخلاني طول الوقت خايفه وحاسه بـ رهبه شديده، ارجوكم خلوا بالكم من عيالكم حتيٰ من اخواتهم الولاد، خلوا بالكم من بناتكم علشان الغلطه من دى بـ فوره
تانى يوم صحتني منه بسرعه
منه بخضه
_ رقيه قومي، الدنيا مقلوبه عليكي قومي بسرعه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تحرش)
