رواية تحرش الفصل الأول 1 بقلم رقية محمد

رواية تحرش الجزء الأول

رواية تحرش البارت الأول

رواية تحرش الحلقة الأولى

_ ماما خالو حط أيده عليا فى المكان اللى مس روان قالتلي متتخليش حد يجي جمبك فى المكان ده
لفت بسرعه الام وهي بتحط ايديها على بقها
_ ششششش متتكلميش خالص وطي صوتك، وبعدين اى العبط اللي بتقوليه هو أنتِ عينك بدأت تتفتح على الكلام ده بدرى بدرى، وبعدين ده خالك عمره ما يعمل كده بنات قليله الادب بصحيح
اتكلمت بخوف
_ماما انا مش مرتاحه، متخليهوش يجي جمبي تانى انا هقول لبابا علشان يخليه يبعد عنى ويمشي من هنا
قربت منها الام تانى
_انتي عارفه لو فتحتي بوقك بكلمه تانيه انا هعمل اى ؟ انا هم*وتك ومحدش هيعرف قومي يلا جهزى معايا الغدا علشان خالك جعان من بدري
صحيت رقيه بخضه
منه بخضه
تعالى يا حبيبتي اشربي مياه، نفس الكابوس تانى يا رقيه ؟ رقيه لازم تروحي تتعالجى مش طبيعي كده !
اتكلمت رقيه بتعب
انا كويسه انا كويسه ( كملت بعياط ) لا مش كويسه! انا مش عارفه لى مقدرتش ادافع عن نفسى ساعتها لى مصوتتش وخليت البيت كله يعرف أنه متحر*ش لي سكت وضيعت حقي !
منه بشفقه
رقيه الاحساس بالذنب ده وحش اوى، ولوم النفس وتعني*فها عمره ما هيحل اللي فات، بكره هنروح لدكتوره ممكن، تعالى نامى علي رجلي تعالى هشغل قرآن يا حبيبتي
تانى يوم
الدكتوره
اتفضلى، انا عرفاكى وعارفه إنك بتدي ندوات كتيره لـ البنات عن التح”رش وازاى البنت تحافظ على نفسها من اقرب الناس ليها كمان، أنا بفرج بنتي على كل الفيديوز بتاعتك
رقيه ببهتان
بس انا مقدرتش احمى نفسى ساعتها، انا لحد دلوقتى بخاف انام من غير غطا فى عز الصيف انا لحد دلوقتى مش ناسيه اللي حصل فيا وانا طفله لسه، مش قادره حتى ادافع عن نفسى!، بس ساعتها ماما كدبتنى واتهمتنى اني بحب الفت الإنتباه
الدكتوره بهدوء
حكيتي لحد تانى فى العيله غير مامتك
رقيه بتذكر
ايوه، حكيت لخالتو وساعتها واجهته وهددته إنها هتفضحه وساعتها وقف اللي عمله
الدكتوره
طب ما أنتِ كده عملتي حاجه ودافعتي عن نفسك ! أنتِ وقفتي الاذى اللي كان هيحصلك لسنين كتيره لى بتلومى نفسك وبتعنفيها ؟
وقفت رقيه بغل
مكانش كفايه! كان لازم يمو*ت لاني لسه متعافتش، المفروض ميكونش وسطنا هنا ويأذى بنات كتير ملهومش ذنب غير انهم اتولدو بنات!!!
طلعت رقيه من العياده وهي بتعيط وركبت عربيتها وهي بتزعق
_يا غبيه يا غبيه! لي عملتي في نفسك كده لي سمحتي إنه يعيش وسطكم عادى! عاجبك تكونى هربانه من بيتكم وهو عايش فيه واكيد مكفاش اللي عمله فيكى، أنتِ اللي عملتى في نفسك كده حرام والله حرام !!!
سكتت لما لقت حد بيركب عربيتها
على وهو باصص في التيليفون
_ يلا يسطا اتحرك بس بالله عليك بسرعه علشان متأخرش
لفت رقيه وشها بإستغراب
_ حضرتك مين واى اللي دخلك عربيتي بالشكل ده انت عايز تخطفنى؟!!
رفع على راسه بخضه
_ اااا هو أنتِ مش انت؟ ومش تاكس انا آسف آسف جدا أنا افتكرتك تاكسى أنا هنزل حالا أنا آسف
بدأ يلم حاجته بسرعه وبشكل مهرول ومرتبك!
اتكلمت بتنهيده
حضرتك عايز تروح فين طيب ممكن تكون في نفس سكتي ؟
بصلى بتوتر للمره المليون
_ عند المجمع اللي برا المدينه اللي بيحصل فيه ندوات، عن بوابه رقم تلاته
بصيتله من المرايا
_ هتعمل اى هناك ؟ انا هوصلك
اتكلم بهدوء
_ رايح احضر ندوه، متشكر لحضرتك واسف على سوء التفاهم الرخم ده اللي غير مقصود
بصيتله بتركيز من المرايا وهو اتكسف ومسك تيليفونه بتهرب… .
استغربت نفسى إني ركبت راجل عربيتى، و وافقت اني اوصله واتكلمت مع الصنف ده بأريحيه بدون ما اعنفهم أو اتخانق معاهم حتى!؟
بعد شويه كنت قاعده قبل ما اطلع اتكلم و اوعى البنات والأمهات كـ العاده
قرب واحد من مجهزين الندوه
_ ههه لى بقى يا آنسه رقيه مضهده الرجاله بالدرجه دى، زى ما في وحش في حلو برضو لي بتصدرى الوحش بس ليهم، هو احنا ناقصين
مررت لسانى على اسنانى بتركيز
_ عايزه مياه لو سمحت
حمحم بإحراج ومشى من قدامى بهدوء
منه
_ ها يا رقيه؟ جاهزه ؟ خمس دقايق وهتطلعي، ها عملتي اي مع الدكتوره ؟
اتكلمت بتعب
_مصدعه اوى، بلاش نتكلم في حوار الدكتوره ده دلوقتى لما نروح علشان مش قادره اتكلم..
ابتسمت بحنيه وهي بتطبطب عليا بحنيه مُفرطه.
طلعت بهدوء وبدأت الندوه
_ يعني أنتِ عايزه تقوليلنا يا أستاذه إن الراجل ده وحش وكخه، مشوفتيناش واحنا بنطفح اللقمه علشان خاطر عيالنا
اتكلمت بابتسامه
_ لى دايما عايزين الجهل يسيطر عليكم ؟، انا حالياً بخاطب الم*تحرش مش الراجل، ياريت يكون في نضج اكبر من كده ونفهم الكلام قبل ما نتكلم، حد عنده اسأله تانيه؟
اتكلمت بنت
_ لا المجتمع ولا الأهل بيصدقوا البنت، حتي لو معاها دليل، علشان البنت هي الأضعف فى المجتمع!
_ مش لازم يا حبيبى المجتمع يصدقنا، اهم حاجه ناخد احنا حقنا، ومنتنازلش، ونعرف الم*تحرش إن الموضوع مش عادى وهيعدي، لانه لما يلاقي رده فعل من اول واحده هيخاف من رده فعل التانيه.
_ ولو المتحر*ش من اهل البنت ؟ هل هيقدروا يساعدوا نفسهم برضو ؟؟
بصيت علي اللي بيتكلم واتفاجئت إنه هو!!!
_ والله لو انتشر التوعيه، والأمهات عرفوا بناتهم من صغرهم إن في حاجه اسمها ت*حرش، اللي حواليهم هيخافوا يقربوا منهم، ولو قربوا منهم اكيد البنات هتتصرف ما دام عندهم وعي، لكن ما دام محدش عنده وعى، المت*حرش هيفضل وسطنا وبيعمل اللي بيعمله بدون اى عقوبات، والحمد لله إن قانونياً ألمت*حرش بيتعاقب ومش بيفضل سايب كده !!
ابتسم وهو بيسقف، وبعديه تعالت أصوات التسقيف اكتر
اتنفست بفخر وانا بجدد الهوا اللي ملى اقفاص صدرى من أول وجديد
لاحظت إن بنت باصه بتوتر ملحوظ، و واضح، نهيت الندوه والكل بدأ ينسحب لحد ما القاعه فضيت تماماً ما عدا واحد، ما عدا هو!!!
طلع كاميرا وهو بيبصلي بابتسامه وبيقولي
_ ممكن اصورك ؟
ابتسمت بهدوء وصورنى عدد حقيقي محسبتهوش…..
قرب منى بعد ما القاعه فضيت
_ شكراً تانى إنك وصلتينى، الحقيقه خطابك النهارده كان كويس جداً…فخور إن في واحده بتنصح وحنينه على كل البنات، كـ كأنك مريتى بـ ده…!
ابتسمت وانا بلف بعيني بتوتر
_ شكراً ليك بجد…. .
ابتسم بخفه وهو بيديني الكارت بتاعه
_ انا على، مصور لو احتاجتى تتصورى فى اى وقت كلمينى وهكون عندك، عن اذنك
خدت الكارت وانا بحطه فى شنطتى، ومشى جريت عليا منه بحماس
_ اللايف بتاع الندوه كان تحفه وكسر الدنيا،
وتعليقات كتيره اوى ومعظمهم بنات صغيرين وحلمك بدأ يتحقق فعلاً شايفه تعليقاتهم حلوه ازاى ؟!!!