رواية تحدي مع الشيطان الفصل السادس 6 بقلم زهرة الربيع
رواية تحدي مع الشيطان الجزء السادس
رواية تحدي مع الشيطان البارت السادس
رواية تحدي مع الشيطان الحلقة السادسة
حاتم كان شايف كل شيء وسامع الحوار واتحولت ملامحو لغضب اعمى ولسه هيدخل اتفاجأ بهنا زقت سليم بعيد عنها وضربتو قلم قوي جدا
هنا بغضب شديد..انت كنت هتعمل ايه ها انطق هتعمل ايه انت واخوك شايفني رخيصه لدرجه دي هو عايز يلبسني لبس رقصات وانت.. واخدت نفس شديد وقالت بوجع ..انا صحيح بحبك ياسليم ومحبتش في حياتي غيرك وبكره اخوك اضعاف مابحبك بس ده ميخلنيش ارخص نفسي مش انا الست الي تكون على زمة راجل وتمشي مع غيره مش بس لو على زمتو ده لوكان مجرد ارتباط مبدأي ماسمحش تلمس شعره مني فهمت اياك وبحذرك مش هقولك تلمسني لا هقولك ميجيش في بالك حتي فاهم
اتجهت للباب هتمشي وحاتم استخبى مش عايزها تشوفو بس سليم جري عليها وقال استني ياهنا انا مش عارف انا اذاي ضعفت كده انا بجد اسف انا مش قادر انساكي وده مخليني ضعيف جدا قدامك بس اوعدك مش هتتكرر
هنا اتنهدت وقالت..انا جيت اسألك سؤال واحد يا سليم وارجوك ترد عليا حاتم اتجزوزني علشان يأذيك صح هو مضايق منك وعلشان كده اتجوزني مش كده سليم نزل راسو بحزن ومردش
هنا بتفهم..امم تمام وصلت
سليم بحزن..هيه ايه الي وصلت
هنا ..خلاص يا سليم الي عايزه اعرفو عرفتو ابعتلك حد من تحت يساعدك تربط الجرح
سليم ..لا انا تمام خلاص قربت اخلص شكرا
هنا هزت راسها بمعنى تمام وخرجت وراحت اوضتها ملقتش حاتم اتنهدت براحه وخدت بيجامه ودخلت الحمام
حاتم دخل اوضة سليم لقاه قاعد على السرير بحزن سليم لما شافو وقف بارتباك
حاتم بابتسامه مستفزه..مالك شفت عفريت متألقش قوي كده ده انت اخويا يا سليم وقرب عليه وقال بهمس مخيف..هو يعني الي كان عايز يب.وس مراتي حد غريب
سليم برق بخوف وبلع ريقه بتوتر وقال..انت ..احم ..انت كنت
حاتم ببرود..مفيش داعي لكل التهتهه دي ايوه يا سيدي كنت موجود
سليم بقلق ..والله يا حاتم ده انا الي كنت هعمل كده هيه ملهاش ذمب دي حتي ضربتني والله العظيم
حاتم ضحك بصوت عالي وقال..يا عيني على الحب بيعذب صح بس انا كاخوك يعني عندي سؤال صغير هو انت هتبطل الوس.اخه دي امتى ها هتبطل تبص للي في ايدي امتى
سليم بغضب .. لا ياحاتم المراديه انت الي بصيت للي في ايدي واي مشاعر تغلبني تجاه هنا انا مش مسأول عليها لاني بحبها وهفضل احبا لحد ما اموت فاهم
حاتم بغضب..انا عايزك تحبها قاد ما تقدر وحياتك عند اخوك الي بيحبك ده اخرك انك تحبها وبس مش هتطولها ولا تقدر تقرب عليها وهتشوفها معايا في بيتي في اوضتي في سريري وفي حضن.ي ومش هتقدر تعمل حاجه عن اذنك اسيبك تلملم جروحك وابقى ابكي هنا النهارده لان امك تعبانه مش هينفع تبكي عندها ذي كل يوم
حاتم خرج وساب سليم بيموت حرفيا من الغيره والحزن فضل يكسر كل شيى قدامو ووقع على الأرض بإنهبار
حاتم دخل أوضه لقا هنا بتسرح شعرها وكانت لابسه بيجامه جميلهه وشكلها قمر حاتم فضل باصص لها شويه وهي اول ماشافتو خافت واتوترت بس حاولت تداري
حاتم اخد هدوم من الدلاب من غير ما يكلمها ودخل ياخد دش
هنا قامت واتوجهت للسرير وكانت هتنام بس حاتم طلع وقال..بضيق قومي انا هنام على السرير
هنا باستغراب..وانا هنام فين
حاتم بزعيق..وانا مال اهلي انشالة تنامي فوق الدلاب حتى
هنا اخدت غطاو مخده وقامت بضيق لانها مش قادره تجادل معاه كانت هتقوم بس مسكها من ايدها بقوه وشدها قعدها على السرير
هنا بخوف..فيه ايه انا عملت ايه
حاتم مردش عليها وراح جاب علبة الاسعافات وقعد جمبها وفتحها وحط مطهر على القطنه وقرب ايده من شفت.ها المجروحه
هنا بتوتر..شكرا انا كويسه و
حاتم بصلها بصه مخيفه وقال..هشششش انا طلبت رأيك اصلا اهدي خليني اخلص
هنا سكتت بخوف منو..وحاتم كان بيمشي القطنه علي شفايف.ها هنا غمضت بالم وحاتم كان بيبصلها باعجاب واضح ملامحها جميله عن قرب اول مره يركذ في جملها
حاتم بتوهان..لسه بتوجعك هنا فتحت عنيها وبصت في عنيه سود جدا وجميل بشكل يخطف القلب هزت راسها بتوهان بمعنى لا وفضلو مركذين مع بعض بس حاتم نفض اي افكار من دماغو وقام بسرعه
هنا كمان قامت واخدت الغطا وحطتو على الكنبه وقالت بتوتر.. انا…انا روحت اوضة سليم من شويه
حاتم استغرب انها قالتلو قال بسخربه..وبتقوليلي ليه
هنا بتوتر ..علشان حقك تعرف
حاتم ..حقي اعرف قبل ماتروحي واشوف اوافق تروحي ولا لا
هنا .. صح معاك حق اخر مره مش هتتكرر
حاتم.. افتكر لما ضربت سليم والكلام الي قالتلهولو ودلوقتي قالتلو انها راحت ومخبتش عليه قال.. تمام انا على فكره وافقت انك تلبسي البتاع الي عيزاه بكره هبعت اجبلك ملابس محجبات تليق بوضعك الجديد بدل القرف الي بتلبسيه
هنا بغيظ شديد ولما لبسي قرف والخدامه الي عندك احسن مني ونازل اهنات من ساعت ماتجوزتني كنت بتتجوزني ليه من الاساس على فكره بقى انت بفلوسك بقصرك بلبسك الموضه مش عاجبني ولا داخل دماغي
حاتم ببرود..عارف وعارف كمان مين الي عاجبك وداخل دماغك
هنا بعصبيه..ولما انت عارف اتجوزتني ليه ها طبيعي يعني تتجوز واحده بتحب حد غير ومش شيفاك اصلا عادي ده بنسبه لرجولتك لو كان عندك رجوله اصلا
بقلمي…زهرة الربيع
حاتم اتنرفز جدا ومسكها من دراعها بعصبيه وقال..انا راجل غصب عنك وعن اهلك اما بنسبه لتجوزتك ليه فأنا حر واحد معاه فلوس اي جاريه تيجي علي مزاجو بيشتريها مهي في الاخر مجرد جاريه يومين تلاته ويرميها ويشوف غيرها تمام كده ولا عايزه تسألي حاجه تاني
هنا شدت دراعها منو بصتلو بحده وراحت نامت من غير ماترد عليه كانت خايفه دموعا تنزل قدامو حاتم كمان راح نام منغير اي كلام
فاليوم التاني سليم كان قاعد مع امه بيأكلها بأديه
امال ..يا بني كفايه كده هموت من الاكل
سليم بمرح..بعيد الشر عنك يا اموله عشان خاطري كمان شويه
امال حطت الصينيه على الطربيزه الي جمبها وقالت..مجتش امبارح تشوفني ليه فاكر انك لو مجتش محعرفش انك زعلان او تعبان يا سليم انا امك لو خبيت عن الكون وجعك مش حتقدر تدتاري عليا
سليم بحزن..مكنتش حابب اضايقك
امال .تضايقني دانت حته من قلبي ياسليم لو متكلمتش معايا هتتكلم مع مين انت حقك تزعل يا بني وامبارح حاتم ذودها معاك وانا قلبي لتقطع لما شوفتو بيضربك وانت حتى ما حاولتش تمد ايدك عليه كان الموت اهون عليا من اشوفكم بتتخانقو بالشكل ده
سليم بحب..بعد الشر يا ماما اوعي تقولي كده تاني انا امبارح قد مازعلت منو كمان زعلت عليه انا كنت فاكر انو زعلان مني والايام هتخليه يصفى لاكن لا يا امي ده بيكرهني اوي انا غلطت يا امي لما وافقتو على رأيو و سبت البيت كان لازم أفضل كنت استنتو يسامحني او حتي يقتلني يمكن كان اداني فرصه ابرر موقفي الوقت خلى الغل ملا قلبو و بقى سور مابينا صعب يتهد
امال بحزن معاك حق يا بني انا لما وافقتك انك تمشي في الاول فده لان اخوك كانت حالتو متسمحلوش يشوفك بس دلوقتي وجودك بقى بيجرحك انا امبارح حسيت بالذمب اني قولتلك خليك متمشيش لو عايز تمشي يابني امشي مش همنعك انا مش هقدر اشوفك بتتعذب
سليم ..لا يا امي مش هسيب هنا معاه لوحدها لازم يطلقها الاول انا خايف عليها قوي يا امي ويمكن ربنا يخليه يسامحني انا نفسي يرجع يكلمني زي زمان
امال بحب..والله هيرجع انا احساسي عمره ماكدب انت عارف ان الي حصلو مش شويه
حاتم صحي من النوم اتفاجأ بهنا نايمه جمبو وحضناه بأديها ورجلها وراسها على كتفو بص عليها باستغراب ازاي نايمه هنا هو قلها تنام على الكنبه ونامت من قبل ماهو ينام فضل باصصلها شويه وبعدين قال بغضب صوت عالي انتي ياهانم
هنا قعدت بخضه شديده وقالت بزعر..ايه..في ايه… الشقه ولعت ولا ايه ووووووو
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية تحدي مع الشيطان)
