رواية تحدي مع الشيطان الفصل الرابع والعشرون 24 بقلم زهرة الربيع
رواية تحدي مع الشيطان الجزء الرابع والعشرون
رواية تحدي مع الشيطان البارت الرابع والعشرون
رواية تحدي مع الشيطان الحلقة الرابعة والعشرون
حاتم ساب سليم واتقدم على جميله ببطأ وقال…مزقوقه مزقوقه من مين
جميله قالت بدموع اققعدو وادوني فرصه وانا هحكيلكم كل حاجه
سليم قال بغضب ..انا مش قاعد ومش هستنى وانتي بذات مش عايز اسمع صوتك اصلا
هنا غمزت ندى انها تحاول تقنعه ندى فهمتها اتقدمت عليه وقالت بهدوء… ارجوك يا سليم اققعد انا عارفه انو مبقاش يهمك تبرا نفسك بس انا محتاجه اثبت للكل انك فعلا متعملش كده علشان خاطري اققعد
سليم اتنهد بضيق وقعد على الكرسي وقال بسخريه اتفضلي احكي يا شهرزاد
جميله قالت بدموع..انا كنت عايشه مع بابا وماما واخويا اسلام ..وكنا مبسوطين الحمد لله واتجوزت ابن عمي خالد لمدة شهر واحد وبعدها ماما وبابا كانو رايحين عند قرايبنا وخالد اصر يوصلهم بعربيتو الي بيشتغل عليها وفعلا طلعو سوا بس اتقلبت العربيه وماتو كلهم من وقتها وانا مليش غير اسلام وهو ملوش غيري هو عمرو ١٠ سنين دلوقتي من ساعت ما اتوفو وانا بصرف عليه وبحاول اعلمه بس للاسف تعبت جدا والدكتور قالي اني مرضي خطير ولازمني علاج كتير وذادت عليا المصاريف بمصاريف علاجي وتعليم اسلام فدورت على شغل وسا عتها قابلتو
حاتم باهتمام …قابلتي مين
جميله بحزن شديد ..راجل في الخمسينات كده قالي اسمو محمود وقلي مسألهوش على حاجه وافقت كنت عايزه فلوس باي طريقه الاول كان عايز..يعني عايز..احم انت اكيد فاهم …
حاتم بسرعه …فاهم فاهم كملي
جميله…انا رفضتو بكل الطرق وبعد عني فتره بقى يكلفني بشغل عادي وانا كنت مبسوطه اني لقيت شغل بعد مده وتحديدا قبل ما اشتغل عندك قالي اني اشتغل في شركتك واخليك تحبني باي طريقه اقسم بالله انا رفضت بكل الطرق وقلت ربنا كريم الاقي مكان تاني بس فضل يضيق عليا في كل حته اروحها حتى اخويا الصغير اترفد من المدرسه بدون ذمب سعتها روحتلو واترجيتو يسبني في حالي قلتلو اشمعنا انا شوف حد غيري قلي الي زيك تنفعني علشان ملكيش اهميه عند حد ولا ليكي ديه وكان اشرطو نفسو ساعتها وافقت واتعرفت عليك والباقي كان قدام عنيك يا حاتم
سليم قال بضيق..لنفترض كلامك صح انا بقى ليه دخلتوني في الحوار
جميله..هقولك انا الاول كنت بحاول مع حاتم لحد ما قلي نتخطب سا عتها قلتلو قلي ومالو احسن اتخطبيلو انا بصراحه حسيت يعني انو ممكن يعدي الموضوع ونتجوز واخلص من كل الي انا فيه
حاتم بصلها باستهزاء وقال …وبعدين
جميله..وبعدين بعد ما انت سافرت ب٣ ايام وكان فاضل يومين وترجع ساعتها سليم نزل يومها جاني وقلي حاتم معاه اخ اصغر منو ولد طايش وفلاتي ومش هياخد معاكي غلوه الرجاله هيراقبوه واول ما نعرف مكانو هقلك تجهزي وتروحيلو سعتها كأنو ضربني برصاصه قلتلو ازاي ده اخوه اخو خطيبي وبعدين انا مستحيل اعمل كده مع مين ما كان ضربني وقال انتي صدقتي يا روح امك انتي لو عرف حقيقتك هيرميك زي اي كلبه بوست على ايده ورجلو علشان معملش كده فيك يا حاتم وحاولت اقنعو قلتلو ده اخوه وحاتم بعتلو صوري يعني هيعرفني
قلي لا مش هيعرفك هبعتلك واحده محترفه هتغير من شكلك شويه وبعدين سليم دايما سكران ومش هياخد بالو وانتي متخافيش انتي هتطلعي معاه تسهرو وتشربو وفيه شباب هياخدو لكم كام صوره وبس يعني مش هتباتي معاه انا وافقت مضطره كالعاده رحت البار وفعلا قابلت سليم سهرنا وشربنا بس رنلي وقلي الخطه اتغيرت اطلعي معاه الشقه قلتلو حرام عليك انت عارف اني مش بعمل الحجات دي ورفضت بكل قوتي بس مكانتش كفايه قدامو والي عملو خلاني وافقت من غير تردد
بقلمي…زهرة الربيع
سليم وندى وهنا وحاتم كانو بيسمعو باهتمام شديد وحاتم قال..الي عملو…عمل ايه
جميله بدموع ..اخد اسلام خطفو قلي هيفضل معايا لحد ما تنفذي اول ما سمعت صوتو بيبكي في التلفون اطلعت مع سليم وكنت مستعده اعمل اي حاجه هو بقى كان عارف انك هتيجي وانا لا وكان مخطط انك تشوفنا بالوضع ده اتخانقت معاه خناقه كبيره قلتلو استفدت ايه كسبت ايه لما كرهتهم في بعض قلي انا امنية حياتي يكرهو بعض دانا ادفع عمري كلو ويموتو بعض انا استغربت الكره الي في عنيه ليكم ليك انت بالتحديد يا حاتم بس قلتلو انا خلاص كده مليش لزمه وهو وافق يعتقني ورجعلي اسلام خدتو وبعدنا عن البلد كلها وبعد ما سافرت بشهر اكتشفت اني حامل بابن سليم وو
سليم بيحاول يستوعب قال…دقيقه بس دقيقه..يعني الولد ابني بجد
جميله اقسم بالله ورحمت امي وابويا انا ما حد لمسني غير جوزي خالد وهو اتوفى قبل ما اعرفكم بسنتين وانت كنت بنسبالي امر مجبره عليه ولو اعرف انو هيطلب مني كده كنت عملت حسابي بس انا اتفاجات وخوفي على اسلام مسابش فيه دماغ ولما عرفت اني حامل روحت علشان انزلو الدكتوره قالت انتي مينفعش تجهضي علشان مرضك قولت ربنا كاتبلو يعيش فضلت اعافر علشانو هو واسلام وقابلت جماعه طيبين شغلوني عندهم وكمل الحمل واتولد حاتم كان اجمل حاجه حصلتلي كنت ناويه اربيه هو اسلام من الي يكتبو ربنا بس فشلت توقعاتي لما ظهر تاني
حاتم …مين .محمود
جميله ..ايوه رجعت من الشغل لقيتو مع اسلام هو ورجاله مسلحين قلي حاتم رجع سليم على البيت ولازم يرجع يكرهو وطلب مني اجي وقول الي قولتو وسألني ازا الولد ابن سليم وانا قولتلو ايوه ابنو فقلي هينفعنا هتخديه معاكي وتسيبي اسلام معايا امبارح قلي هيخطف هنا وقلي اعمل نفسي بكلم سليم واخلي ندى تسمع وكان عارف ان ندى هتحاول تكلم سليم فسرق تلفونو وكان فاتح الخط علشان ندى تفكر انو بيكلمني وبعد ما قفلت قفل التلفون وبعت رجاله خدرو هنا وجابوها هنا والباقي انتو عارفينو
حاتم قال..سليم بقى ايه جابو الشقه
جميله..انا بعتلو رساله اني هتفاوض معاه علشان اققولك الحقيقه وابرأو وقلتلو يجي الشقه وهو وافق
جميله كانت بتبكي بشده ودموعها بتنزل بحسره مع كل كلمه بتقولها..والكل كان مصدوم حرفيا سليم قال طبعا انتو الي عملتو المكالمه جبتو المكالمه من فين
جميله المكالمه دي حقيقيه بس مش معاك دي كنت بكلم خالد جوزي الله يرحمو وانت كنت بتكلم سميه الي في حسبات شركتكم وهو جابها معرفش ازاي
حاتم وقف وحط ايديه في جيوبو واتنهد بغضب وقال..بس انا عارف جابها ازاي مين الوحيد الي عرف اني هنزل اشوف سليم ليلتها ومين الي يعرف الحسبات وموظفينها ومين الي يعمل كل ده اصلا
سليم بصلو بعدم فهم وقال…مين ده يا حاتم احنا مأذناش حد ابدا عمرنا ما عملناها
حاتم قال..مش مهم يا سليم المهم عايز اعرف انتي ليه حكيتي دلوقتي
جميله ….هو قلي اننا نخلي ندى تسمعني وانت تشك في سليم اكتر بس انا وافقت عل اساس كده بعد ما ندى سمعتني ومشيت رنيت اقولو قالي وهو في قمة انتصارو ان اخيرا فاز وانك هتقتل سليم لما تشوف مراتك في حضنو وبعدها يقلك ان سليم برئ ويحسرك طول العمر انا ساعتها الارض لفت بيا وخفت ملحقكش كنت هموت لو ده حصل بسببي انا عندي اخ يا حاتم بحبو زي عنيا كنت بعمل كل ده علشان احميه ازاي هيجيني قلب تقتل اخوك وهو برئ وتتعذب بعده وبكت بشده وقالت …انا يمكن مش هشوف اسلام تاني اول ما يعرف اني قلتلكم الله اعلم هيعمل فيه ايه بس ربنا كبير وقادر على كل شيئ وبقت تشهق ودموعها تبكي الحجر
الكل صعب عليهم حالها خصوصا ندى كانت بتبكي كانها تعرفها وسليم طلع منديل اداه لها وهنا جابت لها ميه وكانو بيحاولو يسكتوها
حاتم قعد قصادها وقال بهدوء..مقلتليش ليه يا جميله سكتي ليه انا كنت هقدر احميكي انتي واخوكي كنتي اعترفتيلي كان ممكن ميحصلش كل ده
جميله بدموع وصوت باكي…هقولك ايه يا حاتم مكانتش فيه حاجه تتقال كنت خايفه كنت بنام مرعوبه انا اتكتب عليه الخوف من كل شئ من ساعت ما اتوفو الي كانو اماني في الدنيا.. بس انا عايزه اطلب طلب انا اسلام مش عارفه هيعيش ولا لا بس حاتم وبصت لسليم وقالت..وحيات اخويا الي بتمني ربنا ينجيه حاتم ابنك يا سليم خلى بالك منه انت تقدر تعيد التحليل في اي مكان تحبو هو ابنك والله ابنك
سليم قال بابتسامه..انا مش هعيد التحليل انا مصدقك وبص لحاتم وقال بضيق…مش كل الناس بتحتاج ادله نظرة الندم والحزن مبتكدبش يا جميله وحاتم ابني وهيعيش احسن عيشه متقلقيش عليه وان شاء الله انتي واسلام هتكونو بخير
حاتم فهم الكلام عليه قال ..احم طيب هو مقلكيش هيرجع اخوكي امتى او هيقابلك امتى
جميله..قال هيرجعو لما انفذ
حاتم …ركذي معايا كويس هتكلميه تقليلو عايزه تقابليه ضروري وتقليلو انك نفذتي كل الي قاله واني كنت هقتل سليم بس سليم زقني وهرب واني بدور عليه وانك خلاص مبقاش ليكي لزوم احنا هنستناكي بره انا وسليم في حال وافق ورجعلك اخوكي وخرجتي قوام كده نطمن انك مشيتي وحسابو معايا وازا اتأخرتي هندخل وان شاء الله خير بس قبل كل ده هنرجع هناوندى القصر
هنا بغضب..لا طبعا انا جايه هنوصل ندى وانا هاجي معاكم
ندى بعند….مستحيييل انا مش هسيب سليم ابدا جايه يعني جايه
حاتم بعصبيه …هو لعب عيال ولا ايه هو احنا رايحين دريم
بارك كلمه واحده هنوصلكم القصر يعني هنوصلكم القصر وانتو عارفين انا مبقولش كلامي مرتين
حاتم وسليم رجعو هنا وندى القصر وطلعو هما وجميله على المكان الي حددو الندل ده
هنا وندى كانو هيموتو من القلق والخوف وفي نفس الوقت غيظ شديد لانهم رفضو يا خدوهم معاهم بصو لبعض بطريقه خبيثه واخدو عربيه وطلعو وراهم هنا فضلت ماشيه وراه من بعيد خايفه يشوفها لحد ما وصلو لمخزن قديم
جميله نزلت ودخلت المكان وفضلت تحكيلو زي ما قال لها حاتم بس ضحك بشده عليها وقال..لا والله ده الي حصل بقى سليم زق حاتم اممم شكلهم الحج والحجه الله يرحمهم وحشهم ابنهم قوي وضرب رصاصه جمب الطفل الي مربوط اسلام اخو جميله الرصاصه كانت قريبه من اسلام وجميله غمضت وحطت ايديها على ودانها وصرخت بشده
سليم وحاتم كانو قريبين علشان يساعدوها لو احتاجت مساعده واول ما صرخت دخلو بسرعه
هنا وندى كانو واقفين بعيد شويه علشان محدش يشوفهم بس ارتعبو من صوت الرصاص والي رعبهم اكتر لما شافو سليم وحاتم دخلو المخزن وووووو
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية تحدي مع الشيطان)
