رواية تاج والحب الفصل الثاني 2 بقلم نيروز طارق
رواية تاج والحب الجزء الثاني
رواية تاج والحب البارت الثاني
رواية تاج والحب الحلقة الثانية
اتاكدت أنه عمل كدا علشان ميعرفنيش اصلا انا اي اللي عملته ف نفسي دا
– متشكره يا ..
‘ رفع رأسه بسرعه .
– تاج؟
– عمو محمد انا متشكره علشان ..
– اخرسي
– نعم؟
‘ عينه احمرت من كتر العصبيه وزعق
– بقولك اخرسي ايه مسمعتيش ! ، انتي ايه القرف اللي انتي لبساه دا ونازله من بيتك كدا ازاي اصلا الحاج احمد عارف بلبسك دا ؟
– وانت مالك
– كمان بجحه وبتردي انتي مش مكسوفه من نفسك انتي مبقتيش صغيره علي لبسك دا ثم اني مستغرب اصلا مستحيل يكون باباكي عارف انتي لبسك مش كدا
‘ عيطت
– طب كويس أن حضرتك عارف اني مبقتش صغيره
‘ اتوتر
– طب هتفضلي واقفه كدا كتير اتفضلي
– بعد اذنك
– تعالي هنا
– نعم
– نعمالله عليكي ياختي اتفضلي قدامي هروحك انتي مستحيل تروحي في مكان بلبسك دا
– لا طبعا صحابي مستنيني في النادي
‘ بص في الارض ومسح وشه بعصبيه
– أستغفر الله العظيم
– امشي قدامي يا تاج بدال ما اتعصب اكتر من كدا ارجوكي
‘ اضطريت امشي علشان ميتعصبش انا عارفه أنه عصبي وعصبيته وحشه جدا وبيكره الجدال نهائي وبذات في الغلط .
– لما نروح نشوف موضوع انت مالك مع عم احمد دا
‘ بصتله بخوف ورعب وعيطت
– لا ونبي متقولش لبابا علشان خاطري انا خلاص حرمت ومش هلبس كدا تاني
– طب اهدي بس مكنتش هقوله والله انا كنت بهددك بس انا عارف انك مش بتلبسي كدا ياتاج ليه عملتي كدا ؟!
‘ عيطت كتير وحطيت أيدي علي وشي وسكت
– طيب خلاص بطلي عياط بقا دموعك مخلصتش ؟
‘ كشرت
– الدموع مش بتخلص يا محمد
‘ بصلي بنظره مفهمتهاش
– قصدي ياعمو محمد
– احمم طيب اوعديني انك متلبسيش كدا تاني
– اوعدك
– عارفه ياتاج الكاسيات العاريات قال النبي صلى الله عليه وسلم عنهم ” لا يدخلن الجنه ولا يجدن ريحها”
مش عايزه تدخلي الجنه يا تاج ؟!
– لا طبعا مين ميتمناش يدخل الجنه
– يبقا لازم تحفظي نفسك وتتقي الله علشان تنعمي بدخولها اتفقنا
– اتفقنا
” من ساعه الموقف دا وانا رميت كل اللي جبته وملبستهوش تاني انا مكنش في نيتي ألبسه تاني اصلا بس اللي حصل فوقني وهو اللي علمني درس مش هنساه مهما كان حبي ليه ميخلنيش أقل من كرامتي واغضب ربنا علشانه ومش هجري وراه تاني انا مش هغصب عليه يحبني انا لو مش ف قلبه لو فضلت عمري كله ألفت نظره بردوا مش هيحبني لان دي حاجه بتبقا يا موجوده يا لا
وانا استوعبت كلام طنط حنان كويس انا غاليه واستحق دايما اني اتشال علي الراس ومينفعش أكون متهانه ولا حتا علشان بحبه الحب مبيهنش ولا يقلل من كرامه صاحبه وانا ومش هيتحمل اهانه اكتر من كدا أنا هدعي ربنا أنه يشيله من قلبي ويوعدني باللي يقدرني ويحترمني ويشلني علي رأسه لاني غاليه .
– ياماما انا مش عايزه اروح روحي انتي
– هو في اي يابت مش عايزه تشوفي طنط حنان ؟ دي كل شويه تسأل عليكي
– انا علي اتصال بيها دايما وهي مقدره أن عندي مذاكره وامتحاناتي قربت
– خلاص انتي حره
‘ انا بقالي شهرين مبروحش عندهم علشان عرفت أن بتحصل تجديدات للمستشفي وهو مش بيروح كتير في محبتش اشوفه انا اه منستهوش بس مش عايزه اتعلق بيه اكتر وأتابع حركاته ضحكته كلامه ونظره عينيه غمزاته اللي بتبان لما بيضحك من قلبه ولما يتعصب ويمسك شعره ويستغفر أو متغاظ ف يضيق عينيه انا حافظه بيحب اكل اي ومش بيحب اي بيحب ألوان اي وبيكره اي نوع البرفيوم مركه الساعه كل تفصيله بتاعته ف قلبي ولو عقلي نسي قلبي هينسي يدق كل ما يشوفه؟!
‘ انهارده عيد ميلاد ياسين ابن اختي
وهيتم سنتين طبعا مقدرش مكونش موجوده بس مش عايزه اشوفه هو وحشني لكن انا بدأت اعود نفسي بس ولا يهمني اكنه مش موجود وهو كدا كدا مش بيحب الدوشه ولا اعياد الميلاد يعني خمس دقايق وهيمشي
– بقا كدا بقالي تلت شهور بحالهم مشوفكيش موحشتكيش ياتوتا؟
– وحشتيني طبعا يا حنون بس انتي عارفه الامتحانات بقا
– الامتحانات بس ؟!
– امم مشيها كدا
– طيب يالا امك بتنادي علشان تطفي الشمع
‘ اتنهدت يالا
العيد ميلاد كان جميل جدا ونا كنت مبسوطه علشان عيلتي سعيده مفيش احلي من اللمه والجو الأسري الحلو دا غنينا لياسين وجينا نطفي الشمع معرفش حاجه حركتني وبصيت علي محمد لقيته هو كمان بيبصلي وكان بيضحك ونا كنت مصدومه لدرجه ان بؤي اتفتح بس انتبهه وبص قدامه عل طول وانا كمان رجعت لنفسي وقولت اجمدي كدا وخليكي علي وضعك بقا اكيد مكانش قصده يبصلك يعني أو جت صدفه تفتكروا !
– يابنتي قومي نروح لمحمد نشوف موضوع عينيكي اللي تاعبك دا
– لا محمد ايه بس دا انا تلاقيني من الامتحانات بس واني مكنتش بنام
– امتحانات اي ياتاج انتي مخلصه بقالك شهر قومي ألبسي يالا
– بابا مش هتوافق بقا اا..
– موافق ياتوتا ألبسيه
‘ فرحت جدا أنه وافق ألبس الخمار بقالي فترة كنت بزن عليه اني عايزه اخد الخطوه دي وهو فاكرني بلعب وقالي لو لبستيه مفيش تراجع وانا وعدته اني هبقا اد كلمتي واهو وافق دلوقتي بعد محايله كتيره وزي ما بيقولوا الزن علي الودان أمر من السحر
– خلصتي ! اي الجمال دا اللهم بارك
– بجد يابابا حلو !
– زي القمر يابنتي ربنا يحفظك
‘ حضنته بحب
‘ كنت لابسه خمار ابيض وفستان ازرق
– احنا اسفين يا دكتور عارف انك كنت مروح بس تاج تعبانه ومش هقدر استحمل لحد بكرا أو اروح ف مكان تاني
‘ اتكلم بلهفه
– لا طبعا ياعم احمد حضرتك تيجي في اي وقت تشرفني مالها تاج خير ؟!
‘ بصلي وهو بيتكلم وبعدين حسيت ف صوته بنبره قلق وبعدين ضحك هو بيضحك علي ايه شاف ارجوز ابهدله بقا بحلاوته دي ! غض البصر يجماعه بقا
– متقلقوش انشاء الله خير ، تعالي ياتاج اقعدي قدامي علي الجهاز دا وحطي عينيك فيه
– ….
– تاج ؟
– ها
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية تاج والحب)
