رواية تاج والحب الفصل الأول 1 بقلم نيروز طارق
رواية تاج والحب الجزء الأول
رواية تاج والحب البارت الأول
رواية تاج والحب الحلقة الأولى
– ازيك ياتاج
– بخير يا محمد
– ايه!
– اقصد ياعمو محمد
ليه اقول حاجه غصب ؟ انا مش عايزه اقول ياعمو هو علشان اكبر مني ب عشر سنين يعملي فيها الراجل العجوز اللي مينفعش يبصلي غير اني طفله يعني !
انا تاج عندي ١٩ سنه في كليه حقوق عندي اخت واحده ومتجوزه وعندها ولد اسمه ياسين وجوزها مروان ومحمد يبقا اخو مروان وجيرانا من واحنا صغيرين واحنا دايما مع بعض بس لما بدأنا نكبر بعدنا وهما كمان عزلوا بس كنا بنروح زيارات بس مكنش بابا بيوديني كان بيقولي انتي كبرتي وهناك في شباب عيب مع اني كنت هبقا مع ماما يعني مش فاهمه اي الفكره بس بيني وبينكوا كانت ماما بتوديني سرقه كدا بس لاسف مكنتش بشوفه ، مروان خلص كليه وجه اتقدم لروان اختي وبابا عارفه طبعا وعارف ان اختي بتحبه وهو شاب كويس وملتزم وبيسعي علشان يتجوزها ف وافق وحاليا هما متجوزين وبصراحه انا اللي قعدت أقنع بابا علشان الجوازه دي تتم مش لاني طمعانه ف اوضتها وبس لا علشان نبقا نسايب وابقا قريبه اكتر من محمد واشوفه دايما ولما حصل كدا حضرته عاملي فيها الاخ الكبير اللي مفيش منه ولما اتكلمت معاه مره وحده زعقلي وقالي مينفعش تكلميني من غير لقب أنا اكبر منك بعشر سنين وبالنسبه ليكي أبيه أو عمو وبس
مزعلتش منه علي زعيقه اد ما زعلت انه شايفني طفله كدا او ممكن ميحبنيش زي ما بحبه بس انا مش عارفه اشيله من تفكيري ولا شايفه حد زيه دايما بينزل يصلي في الجامع ومواظب وساعات كمان هو اللي بيقول خطبه الجمعه هو دكتور عيون ومحدش اخد قلبي إلا عيونه دول .’
– يعني عجبك كدا يا طنط حنان اللي ابنك بيعمله معايا دا
– يابت ما انا قولتلك اتقلي شويه انتي اللي مش صابره
– والله اصبر لحد ما يجي يقولك انا عايز اتجوز دي وروحي اخطبهالي صح ؟
– هي المشكله فين دلوقتي
– تاني يا طنط تاني
– اممم معلش يابنتي طنطك كبرت بقا والذاكره يدوبك
– طب سيبي بقا اللب دا مش وقته وركزي معايا
– دلوقتي ابنك عاملي فيها الراجل العجوز اللي مينفعش أتجاوز معاه ف الكلام وشايفني دايما طفله تافهه دا لو شافني اصلا
– مهو انتي اللي جاموسه بردوا
– ايه !
– ايوا يابنتي استايلك اطفالي كدا ومش بتغيري الميكي والقطتين اللي ف شعرك دول عايزاهه يشوفك ازاي !
‘ هي عندها حق انا دايما بحب الحاجات اللي فيها كرتون بس دا اي علاقته بالاطفال يعني مهو فيه كرتون للكبار بردوا أما انسان مبيفهمش صحيح .
– خلاص ياستي نغير من لبسنا ، اتصلي بقا ب امي وقوليلها انك تيجي معايا المول نشتري لبس
– لا بقولك ايه انا مقدرش علي اللف اتصلي بأختك وخليها تروح معاكي
– انتي ست مش جدعه يا طنط حنان
– ولازمتها ايه طنط بقا يامحترمه
‘ دمعت ..
_ خدتني في حضنها ..
– انتي يابت هتعيطي ولا ايه دا انا بهزر معاكي والله
‘ بصتلها بحزن
– هو انا وحشه يا طنط حنان ! مستحقش أتحب ؟
– اخس عليكي يابنتي متقوليش كدا ، الله يسامحك يا محمد
تعرفي ياتوتا انا اصلا مرضاش اخد لابني حد غيرك هو انا الاقي حد في جمالك واخلاقك والله يابنتي هو الخسران وانتي بنتي انتي وروان اخدت واحده وانشاء الله ناخد التانيه كمان ، بس مش عايزاكي تتعشمي احنا اه هنحاول بس لو ملفتش نظره انا اللي بقولك شيليه من قلبك لانك تستحقي الاحسن واللي يشوفك بقلبه ويحبك زي ما انتي بتحبيه يحبك كدا زي ما انتي مش تتغيري علشانه بالعكس دا يفضل يجري ويلف وراكي كدا علشان بس توافقي عليه انتي غاليه ياتاج ولازم تفضلي كدا طول العمر تاج علي الراس يا توتا
‘ مسحت دموعي وقومت من حضنها بسرعه .
– طب يالا بقا اتصلي ب روان تيجي معايا علشان مش هترضي لو قولتلها
– شوف البت بقولها اي تقولي اي ، طيب يا ستي هتصل اهو
– كفايه بقا ياتاج رجلي وجعتني من كتر اللف علي المحلات وبعدين تعالي هنا يابت انتي
– تعالي اي ما انا ماشيه جمبك ياست اهو انتي حوله ولا اي
‘ ضربتني عل دماغي
– بطلي لماضه ، انا عايزه افهم اللبس دا لمين
– ليا طبعا
– ينهارك اسود ابوكي مش هيوافق انك تنزلي باللبس الضيق دا
– بقولك اي ربي ابنك واسكتي انا هتصرف
‘ طبطبت عل كتفي
– طيب ياحبيبت اختك بس لو اطردتي من البيت مش هاخدك عندي وهقعد اربي ابني وخليكي انتي في الشارع بقي
– لا مش ههون علي مارو طبعا
– اتلمي يابت انا بس اللي اقوله مارو
– ومين ادك انتي بس
– ياساتر هنولع
– ها ايه رأيك
– يخربيتك يا تاج انا قولت اه تغيري لبس الأطفال دا بس مش للدرجادي دا مسخره
– مهو انا مش هغير لبسي انا مجبتش لبس كتير انا عايزه بس اشوف هياخد باله ولا لا
– لما نشوف اخرتها معاكي
– اخرتها يا اقعد مع ابنك في الكوشه يا اموته واخد فيه تأبيده اللي عاملي فيها عمو دا
‘ وفعلا لبست البنطلون الضيق سيكا يعني لا بصراحه انا كدابه اه هو ضيق جدا ولو بابا شافني كدا هيعمل مني بطاطس محمره ليه بقا ! علشان بابا خلقه أضيق من البنطلون اللي انا لبساه وربنا يستر
‘ طلعت أأمن الجو برا وكله في التمام امي عند خالتو وبابا في الشغل والبيت فاضي لبست وروحت عند طنط حنان وانا متأكدة اني هشوفه انهارده هناك لأنه اجازه
– ازيك يا طنط حنان
– بخير ياتاج انتي اخبارك اي
– بخير ، ازيك يا عمو
‘ كان باصص للفون ومبصليش ولا مره من ساعه مادخلت محافظ علي غض البصر وهيتعبني معاه
– بخير ياتاج
‘ طب ايه مش لاقيه حاجه اخبطه بيها علشان يبصلي
– ممكن بس اطلب من حضرتك حاجه لو مش هعطلك يعني
– لا قولي مش هتعطليني دا انتي اختي الصغيره
‘ استغفر الله العظيم يجماعه سبوني عليه بقا محدش يمسكني
– ممكن بس توصلني مشوار كدا بما اني اختك يعني لأن مفيش وقت اطلب اوبر متأخره علي صحابي
– طيب اديني خمس دقايق بس ألبس
– شيفاكي شيفاكي اضحكي يا حنون متكتميش في نفسك كدا
‘ ضحكت ..
– خطتنا فشلت
– لا مفشلتش ماهو هيبصلي يعني هيبصلي بقا دا انا صارفه ٦٥٠ جنيه علي الطقم دا
– اتفضلي وصلنا
‘ شكلي كدا هعترف اني فشلت ولا اي دا مبصليش مره واحده هتشل من بروده ياربي صبرني بحبه بقا ف لازم استحمل .
_ نزلت من العربيه واول ما نزلت واحد عاكسني ، ياربي اهو دا اللي كنت عامله حسابه بقا
– امشي يابني من هنا واحترم نفسك اعتبرها اختك
‘ صوته والله صوته مش بحلم !
– انت هتعملي محاضره وانت مالك انت
– اممم الاحترام مش جاي معاك يعني
– ياعم وعلي ايه اوعي ايدك كدا الطيب احسن
– وانتي يا انسه انا مقدرش اتحكم في طريقه لبسك بس عل الأقل علشان متتعرضيش للمضايقه ومش كل الناس كويسه وهدافع عنك مره تصيب ومره تخيب ويعالم يحصلك اي المره الجايه
– …..
– هو حضرتك مش بتردي ليه
‘ اتاكدت أنه عمل كدا علشان ميعرفنيش اصلا انا اي اللي عملته ف نفسي دا
– متشكره يا ..
‘ رفع رأسه بسرعه .
– تاج؟
– عمو محمد انا متشكره علشان ..
– اخرسي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية تاج والحب)
