رواية تائهه في بحور الذكريات الفصل السابع والعشرون 27 بقلم دودو محمد
رواية تائهه في بحور الذكريات الجزء السابع والعشرون
رواية تائهه في بحور الذكريات البارت السابع والعشرون
رواية تائهه في بحور الذكريات الحلقة السابعة والعشرون
فى الفندق فى اوضة وليد
وصل وليد ومعا البنات وفتح الباب ودخل
نيره :- اول ما شافت البنات فتحت ايديها ليهم حبايب ماما وحشتونى
البنات :- جريو على نيره واترمو فى حضنها ماما ماما وحشتينا اوى
نيره :- قعدة تبوس فى وشهم وتقولهم حقكم عليا وضمتهم جامد لحضنها
وليد :- يلا يا بنات قولو لماما تلبس هدومها
نيره :- البس ليه رايحين فين
جيرمين :- عمو هياخدنا
وليد :- ايه ده يا جوجو مش احنا قولنا ده سر وهنعمل لماما مفاجئه
جيرمين :- سورى يا عمو نسيت
نيره :- ايه ده بقى ان شاءالله انتو هتتفقو عليه ولا ايه
وليد :- ها يا بنات مع ماما ولا عمو وليد
البنتين :- فى صوت واحد قالو مع بابا وجريو على وليد
وليد :- اتفاجئ بكلمة بابا من البنات
نيره :- اتصدمت لما سمعت كده بس محستش ان هى مضيقه بلعكس اول مره تحس ان هى مبسوطه ان البنات بيحبو وليد
وليد :- بص لنيره وقال احم ا.ا.انا مقولتيش ليهم حاجه هما اللى قالو كده من نفسهم
نيره :- مفيش مشكله ما انت فى مقام ابوهم
وليد :- اتفاجئ برد نيره وهو كان مفكرها هتتعصب عليهم زى كل مره بس اول مره يشوفها هاديه من غير ما تتعصب
نيره :- ع.ع.عن اذنك هخش اغير
وليد :- ماشى براحتك ودخلت نيره الحمام وقعد وليد مع البنات يلعب ويجرى ويهزار
وبعد شويه طلعت نيره وشافت وليد نايم على الارض والبنات نايمين فوقيه وبيضربوه وعاملين يضحكو
نيره :- وقفت من غير ما تعمل صوت وقعدت تتفرج على البنات ووليد وهما بيلعبو وتضحك على ضحكهم
وليد :- كده طاااايب انا مش هسيبكم
البنات :- طلعو يستخبو وراه نيره ويضحكو
وليد :- حاول يمسك البنات من وراه نيره ويضحك ومكنش ملاحظ ان هو مقرب من نيره لدرجه كبيره
نيره :- سرحت فى وليد وضحكته ومحستش بقرب وليد ليها اوى
البنات :- طلعو يجرو من وراه نيره مره واحده ووليد قرب جدآ من نيره ونفسه كان قريب من وش نيره
نيره :- حست بشعور غريب وهو قريب منها وحاسه بنفسه
وليد :- بص فى عين نيره ومحسش بالرفض منها المرادى وكانت مستسلمه فى حضنه ومش بتتحرك
نيره :- حست براحه كبيره اوى فى حضن وليد واستسلمت لحضنه
وليد :- بص على شفايفها ولسه هيبوسها
البنات :- احنا اهووووو هههههههه
نيره :- بعدت عن وليد واتوترت واتكسفت
وليد :- فاق على صوت البنات وقال احم خ.خ.خلاص جهزتى
نيره :- ا.ا.ايوه
وليد :- يلا بينا
البنات :- هيبييييييا رايحين الملاهى
وليد :- ده انتو اللى يقول ليكم سر يروح فى داهيه الواضح كده ان غطا البير عندكم مفتوح
نيره :- ههههههههه
ونزلو كلهم وعزمهم وليد على الغدا وبعد كده راحو الملاهى
……………………………………………………
فى مكتب نادر
كان قاعد على مكتبه ولفت نظره ظرف مقفول على مكتبه مسكه ولاقى مكتوب عليه خاص بنادر محمد إبراهيم
استغرب وفتحه ولاقى صور لشهد ومع ورقه مسك الورقه وقراه اللى فيه واتصدم وكان مضمون الرساله
(اذيك يا ندورتى واحشتينى موووووووت عندك يا قلبى صور لحبيبت القلب شهد هى البت حلوه مفيش كلام بس انا احلى منها طبعآ ولو كنت خايف عليها ومش عايزها تتكل وتموت ابعد عنها وياريت تيجى ليا انا مستنياك على نار ياروحى واه اعمل حسابك انا بعرف كل اللى بيحصل يعنى متحاولش تلعب بديلك ماشى حبيبتك المجنونه فريده )
نادر :- اتعصب ومسك الجواب قطعه حتة صغيره جدآ ورماهم فى الارض وقام روح البيت
……………………………………………………
فى بيت محمد إبراهيم
وصلت نرمين البيت ودخلت وسمعت كلام فى الصالون فتحت الباب فتحه صغيره وبصت منها واتصدمت
نرمين :- يا ابنى ال وكمان جاى تاكل بعقل الحاج الشكولاته ده انا هسيحك
وخبطت على الباب ودخلت
محمد :- تعالى يا حبيبتى سلمى على ادم
نرمين :- اذيك يا دكتور
ادم :- الحمدالله يا انسه نرمين الاخت عامله ايه
نرمين :- الاخت اللى هى مين بقى
ادم :- وهو باصص على الارض انتى طبعآ يا انسه اخت عزيزه على القلب ايوه والله
نرمين :- ازاى بقى
منيره :- من المطبخ يا محمد تعالى ثوانى
محمد :- عن اذنك يا ابنى هشوف الجماعه وجاى ليك
ادم :- وهو باصص على الارض براحتك يا عمى
وطلع محمد وقام ادم جرى ومسك وكتف نيره ايديها الاتنين وراه ضهرها وقرب منها وقال بقى انتى تهربى منى الصبح مفكرانى مش هعرف اوصلك اهو انا وصلتلك وفى بيتك كمان
نرمين :- وهى بتحاول تفك ايديها من ايد ادم انت ايه يا ابنى بايع دمك مفيش خالص وبعدين ايه حكايه التقوه والايمان اللى كان نزلين عليك قدام بابا
أدم :- ايه رايك عجبتك
نرمين :- وهى لسه بتحاول تفك ايديها هقول ايه ما انت ممثل قدير الصراحه
ادم :- يابت اثبتى حركاتك دى بتجنينى
نرمين :- انت مجنون لوحدك
ادم :- مدام انا مجنون طيب وقرب من شفايفها وخطف بوسه
نرمين :- زقته جامد وضربته بالقلم وقالت الواضح كده اخد على الضرب منى كل شويه
ادم :- شدها ليه واخد بوسه منها طويله
نرمين :- حاولت تبعد عنه مقدرتش
ادم :- سمع صوت رجل جايه رجع مكانه بسرعه وقعد
محمد :- لامؤاخذه يا ابنى انت عارف الحريم قصيره وتحط الحاجه فى الدولاب العالى وتقرفنا احنا كل شويه ينادو وهات ده وهات ده
ادم :- ربنا يخليك ليهم يا عمى انت الخير والبركه
محمد :- مالك يا بنتى وقفه كده ليه ما تقعدى
نرمين :- وقفه ومصدومه من اللى حصل وقالت ها
ادم :- بص عليها من تحت لتحت وكتم ضحكته على منظرها
محمد :- مالك يا بنتى وقفه ومسهما كده ليه بقولك اقعدى
نرمين :- ل.ل.لا ع.ع.عن اذنك وسابتهم ودخلت اوضتها وبصت فى المرايا ومشت صوابعها على شفايفها وضحكت
فى اوضة الصالون وقف ادم
محمد :- ما تخليك ياابنى اتغدا معانا
ادم :- شكرآ يا عمى وهستنا من حضرتك الرد
محمد :- فى اقرب وقت ان شاءالله
ادم :- سلام عليكم
محمد :- وعليكم السلام ووصله لحد الباب ونزل ادم ركب عربيته وروح
……………………………………………………
عند وليد ونيره راحو الملاهى وكانت البنات مبسوطه وكانت نيره فرحانه على فرحة بناتها
وليد :- تعالى اركبى معانا الالعاب
نيره :- لالالا انا هتفرج عليكم
وليد :- ليه يا نيره احنا مش بنلعب العاب صعبه علشان البنات
نيره :- لا انا بخاف من اى حاجه مش ثابته
البنات :- يلا معانا والنبى ده احنا لعبنا كذا لعبه مفهاش حاجه يلا بقى يا ماما وقعدت البنات تشد امها
وليد :- مد ايديه وقالها يلا
نيره :- بصت على ايد وليد ومدت ايديها ليه وهى متوتره
وليد :- مسكها من ايديها وشدها وركبو اللعبه
البنات :- هيييا هييييييا
نيره :- قعدت جمب وليد والبنات من الجنب التانى وبدءت اللعبه تتحرك
وليد :- كان مبسوط من قرب نيره ليه
نيره :- اول ما اللعبه اتحركت خافت ومسكت فى دراع وليد وغمضت عنيها
وليد :- اتفاجئ من حركتها وبص على ايديها وهى مسكه فيه
نيره :- كل ما اللعبه تتحرك اكتر كل ما تخاف وتمسك في وليد اكتر وبدءت تتحرك بسرعه خافت واترمت فى حضن وليد
وليد :- بص لنيره اللى فى حضنه بقى مش عارف يعمل ايه بس حس بيها بتمسك فيه اكتر مد ايده وضمها لحضنه اكتر ومسك من الجانب التانى البنات وكان حاسس بساعده كبيره وهو ضممهم فى حضنه وبعد وقت انتهت اللعبه والكل نزل وكانت نيره لسه فى حضن وليد
وليد :- احم نيره اللعبه وقفت خلاص والكل نزل
نيره :- بعدت عن حضنه واتكسفت ووشها احمر وقالت ا.ا.اسفه بس كنت خايفه ونزلت من غير ما تسمع رد وليد
وليد :- لنفسه ياريت علطول كده تخافى وتترمى فى حضنى ونزل هو والبنات من اللعبه واشترى وليد للبنات شكولاته وحجات حلوه كتير وبص لنيره واشترى ليها شكولاته وراح ادهلها
نيره :- ش.ش.شكرآ
وليد :- على ايه يا ستى من بدرى وانا بسألك عايزه حاجه وانتى تقولى لا
نيره :- شكرآ يا وليد اليوم انهارده كان جميل جدآ والبنات كانت مبسوطه اوى
وليد :- ربنا يقدارنى واقدر ابسطكم علطول
جيسى :- بابا بابا
وليد :- فرح اوى بكلمه دى وقال نعم يا حبيبتى
جيسى :- عايزه ايس كريم
نيره :- لا علشان متتعبوش
جيسى :- عاااا مليش دعوه انا عايزه ايس كريم
نيره :- بنت اسمعى الكلام
وليد :- اهدى يا نيره عيله ومتفهمش حاجه وبص لجيسى اللى كانت بتعيط وقال البنات الشاطره تقول حاضر وتسمع كلمة ماما
جيسى :- طب انا عايزه ايس كريم
وليد :- طب ايه رأيك اجيب ليكى لعبه تلعبى بيها احسن من الايس كريم
جيسى :- هييييييييا ماشى موافقه
وليد :- عن اذنك يا نيره هاخد البنات وشويه وجاى
نيره :- هتروحو فين
وليد :- لالالا ده سر انا وبنوتاتى صح
جيسى وجيرمين:- صح
ومشى وليد مع البنات وقعدت نيره تفكر فى السعاده اللى وليد بيدهلهم من غير مقابل بيحاول يسعد كل اللى حاوليه وقد ايه هو راجل وقد كلمته
وبعد شويه جه وليد مع البنات وكانو مبسوطين ومعاهم العاب كتير
البنات :- شوفتى يا ماما بابا جاب لينا ايه
نيره :- ايه ده كل ياوليد
وليد :- ياستى دى حاجه بسيطه بس المهم يكونو مبسوطين كده تملى
نيره :- بجد مش عارفه اقولك ايه على اللى انت بتعملو معانا
وليد :- انا طول ما ربنا مدينى عمر هعيشو ليكم علشان اسعدكم كده تملى
نيره :- احم طب يلا بينا الوقت اتأخر ومفروض البنات كانت نامت من بدرى
وليد :- يلا ومشى كلهم ركبو العربيه وراحو عند بيت محمد وكانت البنات نامت فى العربيه نيره شالت واحده ووليد شال واحده وطلعو بيهم فوق عند الشقه وخبطو الباب وفتحت ليهم نرمين
نرمين :- اول ما شفتهم فرحت وسلمت على نيره وباستها واخدت منها البنت ودخلتها الاوضه ونيره اخدت من وليد التانيه ودخلتها هى كمان
والكل سلم عليهم
محمد :- ما تقعدو يا ابنى اتعشو معانا
وليد :- معلش يا عمى علشان نلحق نروح وننام علشان رايحين شرم الصبح
نرمين :- اووووووبا ايوه بقى
نيره :- ما تيجى معانا يا نونه
نرمين :- لالا احسن وليد يضايق ولا حاجه انتو رايحين تقضو شهر العسل
نيره :- لالا خالص صح يا وليد
وليد :- بغيظ تيجى وتنور
نيره :- اهو موافق مقلش حاجه تعالى بقى وياريت تقولى للبت توتا
وليد :- اه ياريت وياريت تيجى معاها انت كمان يا عمى ومعاك طنط منيره
وقال لنفسه ما هى خربانه خربانه
محمد :- لا يا ابنى روحو انتو اتبسطو احنا خلاص بقينا عطمه كبيره يا ابنى
وليد :- ربنا يعطيكم الصحه يارب عن اذنكم
منيره :- ربنا معاكم يارب
نيره :- امال فين نادر
محمد :- جه من بدرى ودخل اوضه ومن ساعتها ما خرجش منها
نيره :- ابقو سلمولى عليه وبصت لنرمين وقالت هنعدى عليكى الصبح
نرمين :- لا روحى انتى وجوزك وانا هركب مع تقى
نيره :- ماشى يلا سلام عليكم ونزلت نيره مع وليد وراحو الفندق
ودخلو الاوضه وكل واحد غير هدومه ونام وليد على الكنبه ونامت نيره على السرير
نيره :- وليد
وليد :- امممم
نيره :- انت نمت
وليد :- لا
نيره :- انت زعلت منى
وليد :- قام قعد وقال ليه بتقولى كده
نيره :- علشان حسيت انك زعلت لما قولت لنرمين تيجى معانا
وليد :- لا طبعآ بس يعنى اختك دى مش بتنزلى من زور علشان لسانها الطويل ده بس مدام وجودها هيسعدك مفيش مشكله خالص
نيره :- والله نرمين كويسه جدآ هى اه عصبيه اوى ولسانها طويل شويه بس قلبها ابيض وجدعه اوى ولو تعاشرها تحبها علطول
وليد :- لا اعاشر مين لا ربنا يخليكم لبعض بس بعيد عنى
نيره :- هههههههههههههه
وليد :- سرح فى ضحكتها وقال تصدقى ضحكتك حلوه اوى
نيره :- ش.ش.شكرآ تصبح على خير
وليد :- وانتى من اهله
……………………………………………………
اشرقت شمس يوم جديد بنورها الساطع فى سماء العاصمه وبدءت نيره تحرك عنيها وفتحتها شويه شويه لحد ما اتعودت على نور النهار بصت على وليد لاقته الملايه واقعه من عليه وراسه مش معدوله قامت من على السرير وعدلت ليه راسه وحطت عليه الملايه
وليد :- حس بنيره فتح عنيه ومسك ايد نيره وبسها
نيره :- شدت ايديها وقالت احم ك.ك.كان واقع من عليك
وليد :- شكرآ ربنا ميحرمنيش منك
نيره :- احم ا.ا.انا اسفه لو صحيتك
وليد :- لا انا بصحى فى الوقت ده علطول وكويس ان انا صحيت علشان نلحق نمشى بدرى
وقام دخل الحمام وجهز نفسه وخرج اده فرضه ونفس الحكايه نيره وجهزو الاتنين ونزلو الاتنين وركبو العربيه وراحو على شرم
……………………………………………………
فى بيت محمد إبراهيم
صحيت نرمين من نومها قامت دخلت حمامها واتوضت وخرجت ادت فرضها ولبست هدومها ومسكت تليفونها اتصلت على تقى
نرمين :- صباح الخير يا توتا
تقى :- صباح النور يا نونه
نرمين :- اوعى تتأخرى عليا
تقى :- احم مش هينفع انا طلعت بالعربيه وفى طريقى لشرم
نرمين :- نععععععععععععععم يا روح النونه انتى فين يا اختى
تقى :- اهدى يا نونه يا حبيبتى اصل روحت اخد عمرو هوصله على فندق وبعد كده هروح الشاليه
نرمين :- تصدقى انك عيله ولا بلاش انتى عارفه لو قدامى كنت عملت معاكى احلى جلاشه غورى ابت وقفلت السكه
تقى :- نونه نونه قفلت السكه
عمرو :- ده لو كنتى قدمها دلوقتى كانت فقعت ليكى عيونك وكان زمانا احنا الاتنين عامين مش بنشوف 😁😁
تقى :- دى هتولع فيا 😂😂
عمرو :- بقولك ايه ما تيجى افقعلك عين ونعيش اعوار احنا الاتنين 😂😂
تقى :- هههههههههههههههه
عمرو :- احبك يا ابيض
……………………………………………………
عند نرمين
قعدت تسب وتلعن فى تقى وخرجت من اوضتها
نرمين :- صباح الخير
محمد :- صباح النور
منيره :- يا ساتر يارب مالك قلبه وشك على الصبح كده ليه
نرمين :- تقى الكلب مشيت بالعربيه وسابتنى
محمد :- لاحولا ولا قوة الا بالله طب هتعملى ايه
نرمين :- هخدها قطاعى
محمد :- يا بنتى تعب عليكى
نرمين :- طب اعمل ايه ده انا هولع فى تقى بجاز وسخ لما اشوفها ووقفت وقالت هنزل علشان الحق سلامه عليكم
ونزلت نرمين وهى متعصبه وشافت عربية ادم وقفه قدام البيت
نرمين :- اصتبحنا واصتبح الملك لله
ومشيت
ادم :- مشى وراها بالعربيه وقعد يضرب ليها كلاكسات
نرمين :- اللهم طولك ياروح ووقفت وقالت نعم عايز ايه
ادم :- عايز انول الرضا يا جميل
نرمين :- متلاقيش يا حليوه وسابته ومشيت
ادم :- مشى وراها تانى بالعربيه وقعد يضرب ليها كلاكسات تانى
نرمين :- مش هينفع كده الناس بتفرج علينا
ادم :- طب تعالى اركبى معايا وانا اسكت
نرمين :- اركب مع مين يا حبيبى ده على جثتى
ادم :- ما هو لو انتى مركبتيش هنزل واشيلك قدام الناس دى كلها وتبقى فضحتك بجلاجل
نرمين :- عاااااا امته بقى اخلص منك وارتاح
ادم :- على قلبك يا حبيبتى قاعد
نرمين :- هووووووف بقى
ادم :- ها هتركبى ولا
نرمين :- فتحت الباب وركبت جمبه وقعدت مكشره ومضيقه من ادم
وبعد شويه فى عربية ادم
ادم :- ضحك على منظر نرمين ههههههههههه
نرمين :- تعرف تمشى وانت ساكت متخلنيش اندم ان ركبت معاك
ادم :- وهو بيكتم ضحكته خلاص خلاص ماشى
ومشى بعربيته على شرم
……………………………………………………
فى الشاليه
وصل وليد ونيره وكان خالد ورقيه فى استقبلهم
خالد :- ليدو حبيب قلبى واحشتينى
وليد :- خالود والله واحشتينى اوى
نيره :- سلمت على رقيه وقالت عامله ايه
رقيه :- انت واحشت اللى انا نيره
وليد :- تعالو نخش جوه
خالد :- لا يا ابا انا هاخد المزه بتاعتى وهننزل الميه وغمز لوليد 😉😉 عيش حياتك انت
ومشى هو ورقيه ودخل وليد ونيره
الشاليه ودخل وليد الشنط اوضة النوم ودخلت وراه نيره واتفاجئو من منظر الاوضه وكانت متزينه كلها بلالين حمرا وورد على السرير مرسوم قلب واكل على طرابيزه ومحطوط شموع عليها
وليد :- لنفسه نهارك اسود ومنيل ده ايه اللى انت مهببه ده
نيره :- ايه ده
وليد :- مش عارف
نيره :- مش عارف ولا خطه رسمها مع صاحبك علشان توصل للى انت عايزه
وليد :- لا والله انا معرفش ان هو هيعمل كده
نيره :- ما الحكايه واضحه اوى انت عايز توصل لحاجه معينه وده مستحيل فاهم مستحيل وسابته وطلعت من الاوضه
وليد :- انا قولت انك هتسوحنى ما لازم تفهم كده ليها حق والله وطفى الشمعه بأيديه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية تائهه في بحور الذكريات)
