رواية تائهه في بحور الذكريات الفصل الخامس عشر 15 بقلم دودو محمد
رواية تائهه في بحور الذكريات الجزء الخامس عشر
رواية تائهه في بحور الذكريات البارت الخامس عشر
رواية تائهه في بحور الذكريات الحلقة الخامسة عشر
الفصل الخامس عشر
فى اوضة وليد فى الفندق
كانت نيره نايمه مكانها فى الارض ودموعها على خدها دخل وليد ولاقها نايمه على الارض
وليد :- انتى انتى اصحى بلاش سهوكت النسوان دى
نيره :- قامت ببطئ من على الارض ومسحت دموعها ووقفت
وقالت انامش بتسهوك وانا اسفه لو كنت ازعجتك وراحت نحيت الباب
وليد :- انتى رايحه فين كده
نيره :- مروحه بيتى
وليد :- انتى عارفه الساعه كام ولا شوفتى منظرك عامل ازاى
نيره :- بصت على نفسها لاقت الهدوم مقطعه من عند الكتف وحجابها مبين نص شعرها قالت لو سمحت بس تدينى حاجه استر بيها نفسى وانا هروح فى الوقت ده مفيش مشكله
وليد:- مفيش مرواح دلوقتى الصبح ابقى اروحك بالعربيه وفتح الدولاب وطلع ليها قميص بتاعه ورمهولها على السرير وقالها استرى نفسك بده واداها ضهرو
نيره :- راحت ومسكت القميص لبسته وكان واصل لبعد ركبتها وقفلت الزراير بتعته وقالت ممكن بعد اذنك تروحنى دلوقتى بالعربيه
وليد :- انتى بتحبى تتكلمى كتير كده ليه قولتلك الصبح وسبها وراح نام على السرير
نيره :- قعدة على الكرسى وقعدة تعيط وتدعى ربنا يظهر برأتها
وليد :- مكنش نايم وسامع صوت عياطها وقال ممكن بقى تبطلى الشويتن دول علشان اعرف اتخمد
نيره :- حطت ايديها على بؤقها زى الاطفال علشان تكتم صوت شهقاتها
……………………………………………………
فى بيت محمد إبراهيم
وصل نادر للبيت ودخل وكان الدنيا طلمه ولع النور وخبط على باب نيره بس ملاقش حد رد عليه فتح الباب وملاقش حد موجود قال لنفسه
نادر :- هتكون فين الوقت ده الساعه عدت 12 اروح اشوفها عند البت نرمين
وراح عند باب اوضة نرمين وخبط على الباب مره واتنين وتلاته لحد ما سمع صوت نرمين وهو نعسان بتسمح ليه بالدخول
نادر :- فتح الباب وشغل النور
نرمين :- تؤتؤتؤ اطفى النور يا عم ضارب فى عينى
نادر :- متعرفيش نيره فين
نرمين :- اكيد فى اوضتها يعنى ايه هيجبها هنا
نادر :- مش موجوده فى اوضتها
نرمين :- هى الساعه كام
نادر :- عدت 12
نرمين :- ايه لا تلاقيها فى اى اوضه تانيه مش معقوله كل ده تكون بره
نادر :- طب قومى دورى معايه عليها فى الشقه وقامت نرمين ودور عليها فى كل حته فى الشقه وملاقهاش
نرمين :- هتكون راحت فين دى طب اتصل عليها
نادر :- مسك التليفون واتصل عليها بس التليفون رن وبعد كده اتقفل
نرمين :- ها ايه
نادر :- ادانى جرس للاخر وجربت تانى ادانى مقفول
نرمين :- لا كده بقى فى حاجه غلط عمرها نيره ما قعدة بره كده للوقت ده
نادر :- هى راحت فين
نرمين :- كان عندها عشا عمل مع مديرها
نادر :- فين يعنى
نرمين :- فى فندق اسمه اسمه
نادر :- ها اسمه ايه
نرمين :- ثوانى بحاول افتكر اسمه وقعدة تمشى صوابعها فى شعرها وتقول اسمه ياربى اسمه كده حاجه اولها ك او ق ياربى بقى اه افتكرت اسمه (……………)
نادر :- حلو خليكى انتى هنا وهروح اسأل عليها هناك
نرمين :- لا استنا هلبس بسرعه وجايه معاك ودخلت اوضتها ولبست ونزلت مع نادر
……………………………………………………
فى اوضة وليد خبط الباب
خافت نيره وكمشت على نفسها وقعدة تترعش
وليد :- قام من على سريره وبص لنيره بقرف وراح فتح الباب وكانت رقيه
رقيه :- هاى وليد انتى مش جيت للانا فى اوضه ليه
وليد :- معلش يارقيه انا مش فايق دلوقتى روحى اوضك ونامى
رقيه :- وليد البطن بتاع اللى انا مفهوش اكل من بدرى ممكن انتى انزل مع اللى انا ناكل بليز وليد
وليد :- يارقيه مش هينفع
رقيه :- اللى انا زعلان من انتى علشان مش عايزه تاكل البطن بتاع اللى انا
وليد :- احم ط.ط.طب روحى اجهزى وانا جاهز علطول
رقيه :- ثانكس وليد انتى بجد واحده جدعه
وليد :- وحياة اهلك بلاش السهوكه دى دلوقتى احسن انا على اخرى
رقيه :- اللى انا مش يفهم انتى
وليد :- روحى يا رقيه اللهى يعمر بيتك
رقيه :- اللى انا مش هيغيب على انتى
وليد :- اللى انتى عايزه اعمليه بس امشى
ومشت رقيه ووليد قفل الباب متجاهل نيره
دخل الحمام وبعد شويه خرج وسرح شعره وخرج من الاوضه
نيره قامت من على الكرسى ودخلت الحمام واخدت شاور واتوضة ولبست هدومها وفوقيها قميص وليد وخرجت صلت ركعتين وقعدة تدعى ربنا يظهر برأتها وقامت دورت على مصحف ولاقت المصحف وكان جمبه صورت رامى مسكت صورت رامى وقعدة تعيط وتقول اه يارامى اتبهدلت من بعدك كنت انت اللى بتحمينى من شر الناس اخوك مصدق ان انا واحده استغفر الله العظيم زانيه طب ازاى وانا بخاف من ربنا ده انا مش بسمح لاى راجل يكلمنى نص كلمه وقاطعة الجواز علشان انت بس اللى فى قلبى انت بس اللى مالى عينى ومش شايفه غيرك ياريت تاخدنى معاك يا حبيبى ارتاح من هم الدنيا دى وحضنت الصوره وحطتها مكانها ومسكت المصحف وقعدة تقراه فى
……………………………………………………
عند نرمين ونادر
وصلو للفندق ودخلو عند الاستقبال وسالو على نيره ومحدش عرف عنها حاجه ولسه هيطلعو شافو وليد
نرمين :- ايه ده وليد هنا ومعاه واحده وقعدين ياكلو
نادر :- يانرمين احنا مالنا احنا فى ايه ولا ايه
نرمين :- تعالى نسأله يمكن شفها انهارده
نادر :- وهو هيشفها فين يعنى
نرمين :- شدته من ايده وقالت تعالى بس وراحو عند وليد
نادر :- السلام عليكم
وليد :- وعليكم السلام
نادر :- معلش لو هزعجك بس اختى كانت هنا انهارده فى عشا عمل ومجدش لحد دلوقتى قولت اسألك يمكن شفتها ولا حاجه
وليد :- عشا عمل هى مغفلاكم انتو كمان
نادر :- مغفلانا قصدك ايه
وليد :- قصدى اختك كانت مع واحد فى الاوضه انهارده
نرمين :- انت عبيط ولا بتستعبط اختى ايه هيدخلها اوضه مع راجل
وليد :- والله روحى اسأليها
نادر :- انت تعرف مكانها
وليد :- اه فى اوضى وبص لرقيه وقال هتيجى معايه ولا هتقعدى هنا
رقيه :- انا اجى معاكى انتى
وقامت
نرمين :- بصت ليها من فوق لتحت ومشيت معاهم
وطلعو كلهم لاوضة وليد وفتح الباب وداخلو ووليد اتفاجئ بنيره وهى ماسكه المصحف وبتقراه فيه ودموعها على خدها
نيره :- اول ما شافت اخواتها طلعت تجرى عليهم واترمت فى حضن نرمين وقعدة تعيط
نرمين :- شششش اهدى شويه واحكى ايه اللى حصل
نيره :- بدموع حكت كل اللى حصل
وليد :- كان بيسمع واتصدم لما عرف الحقيقه وحس بالذنب
نرمين :- انتى غلطانه يا نيره لما لاقتيه جاى لوحده فى العربيه مكنتيش ركبتى معاه ورجعتى تانى
نيره :- بدموع انا خفت لاظلمه وقولت اكيد هنكون فى مكان عام ومش هيحصل حاجه ولما شوفت الناس بجد قولت ان انا ظلمته وهو نيته شريفه مكنتش اعرف ان هو راسم على كل ده
نرمين :- بصت على وليد وقالت لا فى ناس بتظلم وعادى عندها وقالت لوليد مش دى اللى قولت عليها مستغفيلانا دى منظر واحده تعرف تستغفل حد وبعدين ادينى سبب واحد يخليك تشك فيها دى عاشت معاكم فى الفيلا كذا سنه عمرك شفتها لبسه كده ولا كده لا طبعآ كان لبسها كله عبايات وسعه وشعر متغطى بس ازاى لازم تطلع فيها عيب علشان رفضتك للجواز وكمان علشان تثبت لامك انها مش محترمه واللى جمبك دى ام نص لسان اللى جسمها كله متفصل من لبسها هى دى اللى تنفعك صح
وليد :- ايه اللى انتى بتقوليه ده لا طبعآ مش هو ده قصدى وبعدين هزعل ليه ان هى رفضت الجواز منى وانا اصلا رافضها ومش حابب الجواز منها
نرمين :- انا بقولك اهو ملكش دعوه بأختى ولو فكرت تجرحها بكلمه ودينى هيكون اخر يوم فى عمرك وبعدين اللى بيته من الازاز ميحدفش الناس بالطوب ماانت عايش حياتك ومقضيها فى الفندق ومظبط نفسك وعلشان انت بتعمل كده مفكر كل الناس زيك واه لايقه عليك كلمة انتى عندها حق تكلمك بصيغة المؤنث ماهى مش شيفاك غير كده ابقى روح اتعالج ومسكت ايد اختها وطلعت وبصت على وليد وقالت سلام يا انتى
ومشيت
وليد :- يا بنت ال ودينى ما انا سيبك يا نرمين الكلب وهعرفك ان انا ابقى راجل ولا لا
رقيه :- اهدى شويه وليد
وليد :- رقيه روحى على اوضك وسبينى لوحدى
رقيه :- اوك وليد وخرجت رقيه وراحت على اوضتها وقعد وليد متغاظ من كلام نرمين
……………………………………………………
فى بيت محمد إبراهيم
وصلو التلاته للبيت وكان نادر متعصب
نادر :- انا سكت ومنطقتش بولا كلمه هناك وانتى ولا عملتى ليه اى اعتبار وقعدى تبهدلى فى الراجل وانا فى نص هدومى وكأن انتى الراجل وانا بنت وقفت اتفرج عليكى
نرمين :- مش قصدى يا نادر بس اتعصبت من طريقة كلامه على اختى
نادر :- طب ماهى اختى انا كمان وكلامه واجعنى اكتر بس فى نفس الوقت عنده حق
نرمين :- عنده حق ايه اللى انت بتقوله ده انت عارف معناه
نادر :- ايوه عارف وفاهم شعوره لما يشوف مرات اخوه طالعه من اوضة راجل ومحدش هيصدق سذاجة اختك هيشوفو واحده وراحت مع واحد فى فندق ولاكمان طلعت برجليها الاوضه احنا فهمين دماغ اختك بس اى حد هيشوف الموضوع من بره هيشك فيها ومش هيصدق اللى حصل
نرمين :- مش مشكلتها انها طيبه وبتأمن للناس بسرعه ولا مشكلتها انها بتتعامل بحسن نيه المشكله فى الناس اللى بقت قلوبهم وحشه ونفوسهم سوده وضميرها سوء
نادر :- خلاص مدام هى مش قد العالم اللى بره خليها فى البيت محبوسه او تتجوز وليد وهو يقدر يحميها
نرمين :- وليد ده بنأدم معقد من اول مره شفها شك فيها محولش يسألها
ويسمعها ومن الاخر مايستهلش واحده زى نيره
وفى الوقت ده سمعو هبط على الارض بيبصو لاقو نيره وقعه على الارض مغمى عليها
نادر :- بص لنرمين وقال هاتى برفان بسرعه
نرمين :- طلعت تجرى على الاوضه وجابت ازازة البرفان وحاولو يفوقها بس مفقتش
نادر :- مش عايزه تفوق
نرمين :- طب شلها وتعال نوديها اى مستشفى
نادر :- شال نيره ونزل بيها هو ونرمين ووقفو تاكسى وراحو بيها على المستشفى ودخلو بيها على اوضة الكشف وشويه وجه ادم
ادم :- نادر
نادر:- الحقنا يا ادم نيره مغمى عليها جوه ومش عايزه تفوق
ادم :- طب انا داخل ليها علطول واتجاهل نرمين ودخل الاوضه وكشف على نيره وخرج
نرمين :- جريت عليه وقالت طمنى ياادم عامله ايه
ادم :- سبها وبص لنادر وقال متخفش الضغط وطى عليها من قلة الاكل شكلها مأكلتش طول النهار عمومآ انا ركبت ليها محلول وهى هتفوق دلوقتى تقدر تدخلها
نادر :- شكرآ ياادم تعبناك معانا
ادم :- مفيش تعب ولا حاجه انا اتصلو بيا على تليفون الفيلا علشان انزل لحاله خاطره وده من حظى علشان اشوفك
نادر :- ربنا يكرمك يارب وشكرآ مره تانيه
ادم :- العفو عن اذنك
ومشى وساب نرمين متغاظه من تجاهلو ليها
ودخلو الاتنين عند نيره وبعد شويه فاقت نيره واستأذنت نرمين انها هتروح الحمام وخرجت من الاوضه
وسألت على اوضة ادم وراحت عليها وخبطت على الباب واذن ليها ادم بدخول
نرمين :- دخلت وقالت ممكن افهم ايه شغل العيال ده
ادم :- انت شايفه اللى انتى عامله ده عادى واللى انا عمله ده شغل عيال
نرمين :- انا مش عارفه ليه عامل كل ده والله انا شايفه ان سافرى ده حاجه متخصكش يعنى
ادم :- ولماانتى شايفه نفسك مش غلطانه جايه ليه تكلمينى
نرمين :- بص ياادم انا من النوع اللى مش بحب الخانقه وطول عمرى بابا مدينى الحريه ولا عمره سألنى انتى رايحه فين ولا جايه منين علشان واثق فيا وانا اتعود اعمل كل حاجه من غير ما اخد راي حد علشان انا عارفه ان انا بعمل الصح ومش هتيجى انت دلوقتى بتطلب منى اخد رأيك واستأذنك وانا مش هعرف ولا هقبل بكده انا حره وبقولها ليك من دلوقتى قابل شخصيتى على كده اوك مش قابل يبقى كويس ان احنا لسه فى اولها وعايزه اعرف رايك دلوقتى
ادم :- ومحدش قالك ان انا سوسن وهبقى مركون على الرف وابقى شورت المدام ويااما ابقى انا الراجل وكلمتى تتسمع يا اما بلاش ولو بجد بقايه عليه بلاش من سفارية شرم وهعرف ردك من ده لو روحتى شرم هفهم انك مش عايزانى ولو مروحتيش هفهم انك باقيه عليه وعايزانى واتفضلى بعد اذنك علشان ورايا شغل
نرمين :- وانا مش هعطلك علشان انا كمان مشغوله وورايا سفر عن اذنك
ادم :- براحتك بس صدقينى هتندمى
نرمين :- عمرى ما اندم على حاجه واللى اقلعه من رجلى مفكرش البسه تانى
ادم :- اطلعى بره
نرمين :- سيبهالك مخطره وخرجت من الاوضه
ادم :- ماشى يا نرمين لو مكنتش اخليكى تقولى حقى برقبتى مبقاش انا ادم الدمنهورى
……………………………………………………
فى الاوضه عند نيره
كان المحلول خلص وخرجو التلاته من المستشفى وروحو على البيت ودخل كل واحد اوضه
فى اوضة نيره قعدة على السرير وضمت رجليها لصدرها وقعدة تعيط
نيره :- يارررررب انا تعبت الناس بتعامل الطيبه دى على انها مرض
ط.ط.طب اعمل ايه لازم اكون لسانى طويل ولائيمه علشان اعرف اتعامل مع الناس ولازم يكون قلبى اسود واقدم الشر قبل الخير بس مقدرش اعمل كده ليه يارامى سبتنى ليه كنت انت ضهرى كنت مش بحس بالامان غير فى حضنك يارب ودينى عنده انا تعبت من الدنيا دى مش عارفه اتعامل مع ناسها خدنى وريحنى بقى تعبت تعبت
……………………………………………………
فى اوضة نرمين
كانت بتحضر شنطتها وبتكلم نفسها
نرمين :- هو مفكر نفسه مين علشان يبيع ويشترى فيا هو مفكر نفسه سى السيد وانا امينه وهمسك ليه المبخره ده بعينه ده انا نرمين اللى طول عمرى محدش قدر يكسرها وبعدين حدفت الهدوم فى الشنطه وقعدة فى الارض وقالت بس انا قلبى وجعنى اوى ومش هقدر على بعده انا بحبه لا انا بعشقه وعنيه نزلت دموع ضربت على قلبها وقالت ليه ضعفت ليه انت سبب دموعى اللى نزلت من عينى لاول مره انت سبب ضعفى ليه ليه ومسحت دموعها وقالت لا مش هسمح بدموعى وضعفى ده ابدآ وزى ما عشت عمرى اللى فات نرمين البت اللى مقدرش حد يكسرها هعيش اللى جاي كده برضه وادم هشيلك من قلبى وتفكرى وهحطك تحت رجليى وادوس عليك وقامت حضرت شنطتها واستعدت لسفر
……………………………………………………
ونزلت نرمين وركبت تاكسى ووصلها لمكان التجمع للرحله وكانت تقى وصلت ووقفه مع عمرو
تقى :- ايه يا بنتى مالك داخله كده ولا سلام ولا كلام مالك
نرمين :- والنبى يا تقى مش فايقه ليكى
عمرو :- وبالنسبالى انا ايه ووشى اللى اتشلفت بسببك ده
نرمين :- اعملك ايه يعنى
عمرو :- ولا حاجه عبرينا بس
نرمين :- ابوس ايديكم اعتبرونى مش موجوده وانسونى ممكن وسابتهم ومشيت
تقى :- غريبه انا اول مره اشوف نرمين فى الحاله دى
عمرو :- يمكن متعركه مع اخوكى
تقى :- تصدق صح علشان هو كمان متعصب على اخره وحتى منمش لحد دلوقتى
عمرو :- تخيلى كده ادم مع نرمين هتكون ايه النتيجه اكيد واحد هيموت مقتول والتانيه هتاخد اعدام
تقى :- ايه يا ابنى التفكير الشرانى ده
عمرو :- يا اما ده لقاء الجبابره💪💪 نرمين وادم ده لقاءهم بالظبط كأنك وقفه بعربيتك فى بنزينه وبتولعى سيجاره🚬🚬 تخيلى ايه هيحصل طبعآ هيحصل انفجار💣💣 نفس الحكايه ادم ونرمين
تقى :- هههههههههه تشبهاتك مشكله 😂😂
عمرو :- ربنا يستر على البشريه الجايه من خلفت نرمين وادم
تقى :- يارب يا اخويه يارب 😂😂
……………………………………………………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية تائهه في بحور الذكريات)
