رواية تائهه في بحور الذكريات الفصل الثالث 3 بقلم دودو محمد
رواية تائهه في بحور الذكريات الجزء الثالث
رواية تائهه في بحور الذكريات البارت الثالث
رواية تائهه في بحور الذكريات الحلقة الثالثة
فى فيلا وحيد الدمنهورى
كانت نرمين قعده ومتعصبه فى اوضة تقى
نرمين :- اه هموت من الغيظ كنتى سبينى عليهم كنت شربت من دمهم
تقى :- يخربيتك اتهدى ربنا يهدك ده هما لو اتفقو عليكى هيخلصو عليكى ومحدش هيعرف يحوشك من ايديهم
نرمين :- مين ده ولا حد يقدر يعملى حاجه وفى الوقت ده خبط الباب قامت تقى تفتح الباب
تقى :- حبايب عمتو عاملين ايه
جيسى :- الحمدالله يا عمتو
تقى :- تستهلى الحمد يا قلب عمتو ها عملتو ايه مع تيته
جيرمين :- تيته مش بتعرف تلعب معانا مش بترضه تقوم من على الكرسى بتاعها
تقى :- لا هى مش بتعرف تقوم علشان رجليها بتوجعها بس ايه رأيكم نلعب احنا مع بعض
جيسى :- هيييييييا قشطه
تقى :- يلا يا نرمين
نرمين :- لا مليش مزاج الله يكرمك
تقى :- بس يلا متبقيش غلسه بقى
جيسى :- اه والنبى يا خالتو تعالى العبى معانا
نرمين :- بزهق حاضر ما انا مش هخلص من زنكم اتفضلو يلا
ونزلو كلهم الجنينه
تقى :- ها تحبو تلعبو ايه يابنات
جيسى :- القطه العاميه
تقى :- ازاى
جيسى :- تجيبى حاجه نغمى بيها عنيكى واحنا نعمل اصوات وانتى حولى تمسكى حد فينا
تقى :- ماشى
وبدءت اللعبه وقعدة تقى تجرى وراهم وهما يضحكو ومسكت جيرمين
وبدءة تجرى وراهم وجيرمين مسكت نرمين وبدءة نرمين اللعب وقعدة تجرى وراهم وهما بيضحكو ومره واحده مسكت حد وقالت
نرمين :- مسكتك يا تقى بس مالك كده طولت ونشفتى وشالت المنديل لاقت نفسها مسكه أدم
أدم :- واحده هيفا
نرمين :- احترم نفسك احنا كنا بنلاعب البنات ونفرحهم وبعدين انت ايه جايبك هنا اصلا
أدم :- اما غريبه والله يعنى انتى جايه عندنا الفيلا وبتتحكم فين كمان
نرمين :- والله انا مش هموت واشوف وششكم اللى تقطع الخميره من البيت بس حضرت الظابط جه واخد بنات اختى وانا كنت جايه اخدهم وامشى بس قولت اسبهم يقعدو مع جدتتهم شويه بس شكلى كده غلط لما عملت خير مع ناس ميطمرش فيهم واخدت البنات ودخلت الفيلا
امينه :- رايحى فين يابنتى مش هتقعدى تتغدى معانا واقعد مع العيال شويه
نرمين :- معلش يا طنط بس بجد الفيلا هنا تخنق بعيالك الصبيان الصراحه انتى مجبتيش غير رامى الله يرحمه والبت تقى غير كده كلهم زبالة البطن
أدم :- قسمآ بالله يا زفتت الطين انتى لو ملمتيش لسانك هتغابه عليكى
نرمين :- ما انا عارفه انك غبى ومسكت ايد البنات ومشيت لحد الباب وبصت تانى ليهم وقالت واه تبقى تقول لاخوك التانى ملهوش دعوه بأختى علشان انا اللى هقفلو ويبقى يفكر بس ياخد منها البنات قسمآ بالله هوريه النجوم فى عز الضهر
أدم :- يابت انتى مفكره نفسك مين المرأه الحديديه ده انتى حتة بنت اوزعه مش باينه من الارض واللى يشوف صوتك ما يشوف جسمك
نرمين :- اوزعه بس مزه الدور والباقى على اللى عامل شبه البغل
أدم :- طب والله لانا مكسرك سقف سنانك ده
تقى :- بالله عليك خلاص علشان البنات متخفش
أدم :- انتى مش شايفه طولت لسانها اللى اطول منها اصلا
تقى :- معلش وبصت لنرمين وقالت امشى بقى وانتى على رجلك بدل ما ياخدوكى على النقاله
نرمين :- وهى بتفتح الباب نقاله تشيل اللى بيكرهنى ومتغاظ منى يارب وخرجت وقفلت الباب وراها
أدم :- سبونى عليها والنبى البت دى عايزه تتكسر
أمينه :- هههههههههههههههههههه
أدم :- انتى بتضحكى
أمينه :- اهو لسنها الطويل ولمضتها دى اللى مخليه دمها زى الشربات
أدم :- شربات دى دمها زى السم
تقى :- لا حاسب نرمين دمها زى العسل ده نص شباب الجامعه هيموتو ويكلموها بس هى مصدره ليهم الطرشه
امينه :- هى ايه قصدها بالكلام اللى قالته على وليد
تقى :- هقولك ياستى وحكت ليها اللى حصل من وليد فى بيت محمد إبراهيم
أمينه :- اخص عليك يا وليد هو ده اللى اتفقنا عليه ده كده بيعقدها اكتر علينا
أدم :- ابنك مش موافق اصلا على موضوع الوصيه دى
أمينه :- برضا او غصب عنه هيتم الموضوع ووصية رامى هيتعمل بيها
تقى :- يا ماما اهدى انتى عارفه ابيه وليد مش بيجى بالعند بس انا عندى طريقه تانيه
أدم :- قولى يا ام العروف
تقى :- غلس
أمينه :- يابنتى قولى واخلصى قبل ماينزل من اوضه
تقى :- حاضر بصى احنا نجيب نيره تعيش هنا معانا فى الفيلا وتبقى قريبه منه وهو قريب منها وهتحصل مشددت كتير ما بنهم بس فى الاخر ممكن يتعلقو ببعض
أدم :- وازاى هنقنع مرات اخوكى يا فلحه وهى لما مات رامى وحصل العركه بنها وبين وليد مشيت من الفيلا وحلفت ما ترجع فيها تانى
تقى :- سهل احنا نتصل بيها ونقول ان ماما تعبانه اوى وعايزه تشوفها وهى بتحب ماما هتيجى علطول ودى بقى مهمة ماما ان هى تقنعها ان هى تعبانه بجد وعايزه بنات ابنها يقعدو اليومين دول معها ونيره استحاله هتسيب البنات تقعد هنا من غيرها هتضر تقعد معاهم واحنا بقى بشوية خطط وكده نخلوهم يحبو بعض ويتجوز وبكده يبقى نفذنا وصية رامى
امينه :- هى فكره حلوه بس برضه صعبه اخوكى عندى وعصبى ومرات اخوكى عنديه
أدم :- لا من النحيه دى سبيها على انا هخليهم يولعو نار
تقى :- يعنى ننفذ
أدم :- اه بس خليها من بكره علشان ما تتكشفش الحكايه
تقى :- اوكى
……………………………………………………
فى بيت محمد إبراهيم
وصلت نرمين ومعاها البنات
نيره :- اول ما شافت البنات طلعت تجرى عليهم وحضنتهم وقعدة تبوس فيهم
نرمين :- متخفيش عيالك كويسين وكانو مبسوطين ولعبو وهيصو هناك
نيره :- اللى اسمه وليد ده عملهم حاجه
نرمين :- لا معملش ليهم حاجه وخلى بالك انا اه مش بطقيهم بس شهاده لله كلهم بيحبوهم هناك حتى البغل اللى اسمه أدم
نيره :- هههههههههههههه البغل ده انتى مشكله ده لو سمعك كان علقك من قفاكى
نرمين :- يعلق مين يا اما ده انا خليته عايز يولع فى نفسه هناك من الغيظ
نيره :- ههههههه انتى هتقوليلى على لسانك
نرمين :- يابنتى الناس اللى زى اهل جوزك دى مش عايزه الطيبه عايزه تكونى بسبع لسنا علشان تصدى عليهم
جيسى :- متقوليش كده يا خالتو عيب
نرمين :- انتو هنا بتعملو ايه روحو يلا على اوضتكم
جيسى :- ماشى يا خالتو لما اشوف عمتو تقى هقولها عليكى
نرمين :- شالت جيسى من هدومها وقالت تعرفى يا زئردت الكلب انتى لو فتحتى بؤق بكلمه واحده هعمل فيكى ايه همسك لسانك واقطعهولك واعمل عليه شربت لسان عصفور فاهمه
جيسى :- عععععععععا الحقينى يا ماما خالتو عايزه تقطع لسانى
نيره :- متخفيش يا حبيبتى وقالت لنرمين يخربيتك صرعتى البت نزليها
نرمين :- ايوه كده تتعلمى الادب يا اما انتى عارفه انا مجنونه واعملها ويلا على اوضك
جيسى وجيرمين :- طلعو يجرو على اوضتهم
نرمين :- ههههههههه 😂😂نرمين تأديبون وتهذيبون واصلح هو ده الاصلاح ههههههههههه😂😂
وسابت نيره ودخلت اوضتها
نيره :- والله العظيم مجنونه ودمغها طقه
ودخلت هى كمان اوضتها وشويه وجه نادر وخبط على باب اوضة نيره
نادر :- الحلو بيعمل ايه
نيره :- تعال يا حبيبى اقعد معايه
نادر :- دخل وقفل الباب وراه وقعد جمب نيره على الكنبه وقال ماما حكت ليا على اللى حصل مع وليد ومعاكى
نيره :- ده واحد معندهوش ريحة الدم وبيهددنى ياخد البنات منى
نادر :- ياحبيبتى وليد ميعملش كده ولوحتى عمل كده القانون فى صفك
وبعدين انا عايز اقولك حاجه ومتزعليش منى
نيره :- قول انا مش بزعل منك
نادر :- يا حبيبتى دول اهلهم وليهم حق يشوفهم ويقعدو معاهم وانتى منعهم من الحق ده من يوم موت رامى الله يرحمه وخناقك مع وليد وانتى مش بتخلى البنات يرحو عندهم وانتى عارفه ان ام رامى متقدرش تمشى وعاجزه واكيد بتبقى مشتاقه ليهم علشان من ريحة ابنهم وانتى المفروض تسألى على حماتك ده واجب عليكى يا نيرو واكيد رامى زعلان منك علشان مش بتسألى على امه
نيره :- بدموع مش هقدر يا نادر اخش فى مكان كنت عايشه فيه مع رامى وهو مش موجود دلوقتى وبعدين انا كل ما بشوف اللى اسمه وليد ده بيركبنى مية عفريت
نادر :- معلش بصى على حماتك علشان خاطر ربنا وملكيش دعوه بى وليد
نيره :- ربنا يسهل
نادر :- ان شاءلله هيسهل بس انتى انوى على خير وربنا هيقف جمبك وقام وقف وقال هخش انام تصبحى على خير
نيره :- مقولتليش عملت ايه مع بنت صاحب المكتب
نادر :- بحاول اتجاهلها بس هى مش بتيأس ابدآ طول النهار بتحاول تفتح معايه حوارات وانا بطنشها
نيره :- ربنا معاك يا حبيبى
نادر :- يارب وخرج نادر وراح على اوضه ودخل نام ونام الجميع
……………………………………………………
فى اوضه فى فيلا وحيد الدمنهورى
نيره :- ابعد بقى يارامى بجد الحمل مخلينى مش.طايقه نفسى
رامى :- وانا مال امى بقى انا كل ما اقرب منك تقوليلى ابعد
نيره :- وانت مالك ازاى مش اللى فى بطنى دى بنتك ولازم تصبر شويه امال لو زى شايلها فى بطنك وحاسس بالتعب ده كنت قولت ايه بقى
رامى :- وانا جوزك وليا حقوق عليكى
نيره :- وانا تعبانه يا رامى واللى عندك اعمله
رامى :- دى بقت عيشه تقرف وخرج وقفل الباب بعصبيه
نيره :- عيطت وقالت لنفسها كده برضه يارامى اهون عليك تزعقلى
وشويه ودخل رامى
رامى :- نيرو قومى انا عارف انك صاحيه
نيره :- ………………………………
رامى :- باس كتفها وقال حق عليا متزعليش منى بقى ده انا روما حبيبك
نيره :- اوعى ايدك من عليا انا زعلانه منك
رامى :- حط ايده على بطنها وقال طب وحياة ام سحلول ما تزعلى منى
نيره :- قامت قعدة وقالت مين دى ام سحلول ان شاءالله يا اخويه
رامى :- هههههههه انتى يا حبيبتى
نيره :- مسكت المخده وضربته وقالت تصدق انك غلس وقعدة تضرب فيه
رامى :- بس بس يا بت المجنونه خلاص احنا اسفين يا صلاح
نيره :- اوعى بقى لسه زعلانه منك علشان انت اول مره تزعقلى كده
رامى :- يقطعنى يارب علشان زعلتك
نيره :- حطت ايديها على بقه وقالت متقولش كده بعد الشر عليك
رامى :- ههههههه خايفه عليا وبعدين الموت عمره ما كان شر الموت ده راحه ونعيم هو ده الحقيقه اللى فى حياتنا
نيره :- ربنا يديك طولت العمر لحد ما تشوف عيال عيالنا
رامى :- ان شاءالله يا حبيبتى يعنى خلاص مش زعلانه منى
نيره :- لا.مقدرش ازعل منك
رامى :- طب ادينى بوسه تثب ليا انك مش زعلانه
نيره :- لا برضه مش هتوصل للى فى دماغك قولتلك تعبانه
رامى :- انتى ليه مخك بيروح شمال علطول كده انا بقولك بوسه شريفه بس
نيره :- بوسه شريفه هو البوس فى شريفه وفى لا
رامى :- طبعآ تحبى اوصفهملك
نيره :- ههههههههه لالالا خلاص مش عايزه اعرف
رامى :- طب ايه مش ناويه تدينى البوسه الشريفه
نيره :- قربت منه وجت تديله البوسه فى خده راح رامى مسكها وبسها من شفايفها و
……………………………………………………
جيسى :- ماما ماما
نيره :- اوعى بقى يارامى انت قليل الادب
جيسى :- يا ماما اصحى قوم
نيره :- فتحت عنيها وبصت حواليها ملاقتش رامى دموعها نزلت من عنيها
جيسى :- ماما انتى تعبانه
نيره :- لا يا حبيبتى مفيش حاجه
جيسى :- طب بتعيطى ليه
نيره :- مفيش يا حبيبتى
جيسى :- طب قومى ردى على التليفون بسرعه
نيره :- ليه ومين اللى على التليفون
جيسى :- عمتو تقى وقالت نادى ماما بسرعه
نيره :- خير اللهم اجعله خير وطلعت تجرى على التليفون وقالت
فى حاجه ولا ايه يا تقى
تقى :- بدموع مزيفه الحقى يا نيره ماما تعبانه اوووى وعايزه تشوف البنات
نيره :- بخوف حقيقى مالها يا تقى وجبته ليها الدكتور ولا لا
تقى :- جبنى ليها الدكتور وقال انها تعبانه اوى واى حاجه تزعلها فى خطوره اوى عليها
نيره :- لا حولا ولا قوة الا بالله ماشى يا تقى انا هجيب البنات وجايه حالا
تقى :- شويه وهتلاقى ادم بالعربيه قدام البيت هيجى يخدك انتى والعيال
نيره :- لالا مفيش لزوم يتعب نفسه انا هاجى فى تاكسى
تقى :- يا نيره انا مش فايقه ليكى ادم شويه وهيكون عندك سلام
وقفلت معاهم ودخلت تجرى على اوضتها وهى بتجرى خبطت فى نرمين
نرمين :- فى ايه يا بنتى بتجرى كده ليه
نيره :- ماما امينه تعبانه خالص وطالبه تشوف البنات
نرمين :- ما امبارح كانت كويسه ايه حصلها فى يوم وليله
نيره :- معرفش بقى يانرمين مش وقت تحقيقاتك دى وسبتها ومشيت
نرمين :- اقطع دراعى من لغلوغو لو مكنش الحكايه دى فيها ان انا لازم اروح واشوف فى ايه ودخلت اوضتها لبست وخرجت ةراحت لنيره
نيره :- انتى رايحه فين
نرمين :- رايحه معاكى
نيره :- ليه
نرمين :- اسال على الوليه قبل ما تموت وابقى معاكى علشان محدش منهم يضيقك
نيره :- الله يخربيت لسانك بعد الشر عليها موتيها قوام
نرمين :- ما هو كلنا هنموت يلا بس علشان منتأخرش ومسكت ايد البنات ونزلت وكانت عربية ادم وقفه مستنيهم
ادم :- انتى جايه ليه
نرمين :- وانت مالك رايحه ابص على امك قبل ما الوليه تفلسع ولا حاجه
أدم :- ودينى وما اعبد لو مااحترمتيش نفسك لكون سايبك فى الشارع واخد اختك والبنات ورايح على الفيلا
نرمين :- ركبت وراه وقالت ورينى بقى هتنزلنى ازاى
ونزلت نيره وسلمت على ادم وقالت
نيره :- هو انتو لسه قط وفار مع بعض
أدم :- مش عارف ازاى انتو اخوات ومن بطن واحده
نرمين :- اه يا خفه عندك اعتراض
أدم :- يخربيت رزارتك يا شيخه
نرمين :- ويخربيت برودك يا شيخ
أدم :- ياقصيره يا اوزعه
نرمين :- يا طويل يا اهبل
نيره :- بس بس بس حرام عليكم امشى يا ادم على الفيلا
ادم :- هوووووف وركب عربيته ومش بيها على الفيلا
……………………………………………………
فى فيلا وحيد الدمنهورى
كان وليد وتقى قعدين فى اوضة امينه
وامينه نايمه على السرير
وليد :- كده يا ماما تتعبى نفسك كده كام مره قولنا بلاش العصبيه علشان السكر والضغط عجبك كده نومك فى السرير
امينه :- اه الحمدالله يا ابنى افتكار ربنا رحمه
تقى :- بغمزه 😉😉 الف سلامه عليكى ياست الكل
امينه :- الله يسلمك يابنتى
وفى الوقت دخلت نيره تجرى عليها وباست راسها وباست ايديها وقالت
نيره :- الف سلامه عليكى يا ماما عامله ايه دلوقتى
امينه :- الحمدالله يابنتى واحشانى يانيره
نيره :- وانتى والله ياماما
جيسى :- تيته تيته تيته ونطت عليها
نيره :- بنت انزلى من على جدتك علشان تعبانه
امينه :- لالالا سبيهم انا مرتاحه طول ما هما فى حضنى
وفى الوقت ده كانت نرمين داخله الاوضه وكان ادم هو كمان داخل وخبطو فى بعض
نرمين :- ااااااااه العن ابو شكلك يا شيخ ايه قطر ماشى
أدم :- انتى اللى ماشيه عاميه مش شايفه قدامك
نرمين :- تصدق وتؤمن بالله انت خساره الواحد يقف يتكلم معاك اصلا ويضيع وقته
أدم :- لا حوش البت سيدة اعمال ووقتها سمين عندها وقت ايه يا ام وقت يا بتاعت فنون جميله يا فاشله
نرمين :- انا فاشله يا دكتور على ما تفرج يا دكتور عيره وفى كل حته بتسعيره
تقى :- عععععععع حتى والوليه تعبانه مش رحمنها
ادم :- انا دكتور عيره وحياة امك ما انا سايبك
نرمين :- يااما يا اما يااما تصدق خفت ورجلى بتخبط على الجيران
وليد :- انتى فى ايه يا بنتى مفيش حد مالى عينك
نرمين :- نعم انت كمان يا ننوس عين امك حد داس ليك على طرف
وليد :- والله العظيم ده الواحد خساره ينزل من مقامه ويكلم الزباله اللى زيك
نيره :- لو سمحت متغلطش احنا مش زباله
نرمين :- لا استنى هنا يا نيره وبصت لوليد وقالت لما احنا زباله نسبتونا ليه من الاول ولا علشان انتو زباله ارتحتو للزباله اللى زيكم
ادم :- احنا زباله يا عرة المجتمع
نيره :- كده يا ادم
ادم :- متزعليش يا نيره انتى عارفه انا بحبك قد ايه بس اختك خرجتنى عن شعورى
نرمين :- وتخرج ليه عن شعورك خش فى تانى احسن تاخد برد
امينه :- اااااااااااااااااه
الكل جرى عليها
نيره :- مالك يا ماما نتصل بالدكتور
وليد :- ماما فيكى حاجه
امينه :- تعبانه اوى ااه يا قلبى مش قادره
تقى :- نامى يا ماما ريحى الدكتور قال بلاش العصبيه ولا المجهود
نرمين :- احنا اسفين يا طنط ان احنا تعبناكى
امينه :- ولا يهمك يا حبيبتى ربنا يعلم بحبكم انتو الاتنين ازى زى تقى بالظبط ربنا يسعدكم يارب
نيره :- ويخليكى لينا يارب
امينه :- ياريت لو تقعدى معانا اليومين دول انتى والبنات
نيره :- انتى عارفه ان مش هينفع يا ماما
امينه :- يابنتى حاسه ان هموت وعايزه اشبع من بنات ابنى ده طلب من واحده ست كبيره قد امك
وليد :- ماتسبيها ياماما براحتها انتى هتحايلى عليها ماهى حره تيجى او لا
امينه :- اسكت انت ملكش دعوه انا عارفه ان بنتى مش ههون عليها
نيره :- يا ماما انتى عارفه غلاوتك عندى قد ايه بس
امينه :- بس ايه بقولك علشان خاطرى
نيره :- حاضر يا ماما بس هما يومين بس وكمان بشرط
امينه :- ايه هو الشرط
نيره :- ………
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية تائهه في بحور الذكريات)
