رواية بيتنا الصغير الفصل السادس 6 بقلم هدير عبد العليم
رواية بيتنا الصغير الجزء السادس
رواية بيتنا الصغير البارت السادس
رواية بيتنا الصغير الحلقة السادسة
شيماء بصدمة: يمنى؟؟! فيه آيه؟!
يمنى:..
شيماء بتوتر : يمنى فيه آيه أنتِ كويسه؟!ردي عليا طيب
يمنى: …
شيماء : بسرعة و توتر بتنادى على الدكاتره
^^^ بعد ساعه^^^
شيماء : يا دكتور نتيجة التحاليل ظهرت أتفضل
الدكتور بسرعة و اندهاش و حزن: أيه ده؟
شيماء : أيه يا دكتور ساكت ليه؟ فى أيه؟!
الدكتور : …
شيماء :فيه آيه يا دكتور .. التحاليل فيها أيه؟!
الدكتور : لازم حد من أهلها ييجي ؟!
شيماء أخدت التحاليل منه علشان آشوف فيها أيه..: هو إلى أنا شوفته ده صح؟! ولا أنا مش مركزه؟
الدكتور : للأسف صح , هنعمل أيه؟!
شيماء بحزن و آسف: مش عاارفه .. يمنى كأن عندها ظروف صعبة اووي فى البيت أتخيل إن كمان يحصل ليها حاجه زي كده ؟
الدكتور : أنا عارف أنه صعب جداا بس ربنا أكيد عارف إنها هتتحمل البلاء و التعب ده … ربنا أرحم بينا من نفسنا شوفي إحنا زعلانين عليها إزاى ربنا أرحم و اللطف بيها مننا متخيلة بعد كله ده يكون البلاء شر ليها أكيد لا؟ ..
شيماء : الحاله أيه بالظبط ؟!
الدكتور : مش هقدر أحدد المرحلة غير لما أعمل تحاليل كتير تانى علشان آشوف بالظبط هى عندها أيه..
شيماء : معاك حق .. عموماً أنا هكلم طنط و أعرفها ان يمنى هتتأخر شوية علشان عندها شغل
الدكتور : خلاص تمام
*بعد ربع ساعه*
_طنط ؟!!!هو أنتِ جيتي ؟
= كان لازم اجى كنت حاسه إن يمنى تعبانة مش مجرد إن عندها شغل
_ قلب الام ..
= يمنى عندها كاسنر على المخ بس حميد الحمد لله
_بدهشه يعنى حضرتك عارفه؟؟!!!
= و يمنى كمان عارفه
_ بجد ؟!! طب عرفت إزاى؟! وليه نزلت الشغل؟
= يمنى أهم حاجه عندها تساعد الناس إللى حواليها
_ يا طنط طب أنتِ إزاى وافقتي إنها تنزل؟
= بدموع .. أوقات كتير الشخص بيكون عارف الصح بس هو مش قادر يعمله, لأنه عكس رغبته فاهمه يعنى أيه توقفي كل حاجه عايزها و علشان حاجه تانى مش ب إيدك؟ .. ف تهربي من الحاجه التانيه و تكملي حياتك وأنتِ عارفه إنك بتيجي على نفسك ..
_ لا مش فاهمه ؟
= يمنى رافضه تبدأ مرحلة العلاج … فا بتهرب من الخوف ب إنها تنزل تساعد الناس هنا فى المستشفى, يمنى بتكون مبسوطة وهى بتساعد الناس يمنى مش عايزه تقعد فى البيت
_ بس ده أ..ياا دكتور .. معلش يا طنط هرجع ليكِ تانى
^^^^
شيماء : يمنى عندها كانسر مش محتاج تتأكد يا دكتور
الدكتور : اتاكدتي إزاى؟
شيماء بدموع: من طنط ( ام يمنى)
الدكتور : يعنى يمنى عارفها ؟
شيماء : اه
الدكتور : طب ليه نزلت المستشفى ؟؛
شيماء : علشان دى يمنى .. الشخص إللى مش بيقدر يشوفك حد محتاج مساعده و يرفض.. يمنى بتحب تشوف كل الناس مبسوطة حتى لو هتيجي على نفسها
الدكتور : ..
شيماء : يمنى رافضة تبدأ مرحلة العلاج.
الدكتور : إللى هو إزاى و ليه؟؟
شيماء : مش عارفه..
^^^^^
يمنى : شيماء أنتِ إزاى قولتي ل ماما تيجي ؟!
شيماء : للأسف هى إللى جات …اما أنتِ تعبانة جيتي ليه ؟
يمنى بدموع: كنتِ عايزني أقولك إنى تعبانة علشان كله يعطف عليا و يتعاطف معايا صح؟.. ولا علشان كله يمشي زى ما فارس عمل؟ مش عارفه آيه المشكلة لما أكون تعبانة و أحاول أتجاوز تعبى لوحدي؟!
شيماء : المشكلة إنك كده مش واثقه فى حبنا ليكِ ، الناس لبعض فى الحزن قبل الفرح ، و التعب قبل الصحه .. شكلك نسيت إنك أكتر واحده بتساعد الكل .. أنتِ أخت ل الكل قبل ما تكوني صاحبه .. ام ل كل طفل قبل ما تكوني ممرضة و بعد كله ده عايزه تعدى مرحلة تعبك لوحدك؟
ماما : وبعدين أنتِ تستاهلي حد أحسن من فارس..فارس معرفش يقدرك افهمي بقا … مش كل الناس وحشه
يمنى : بس معظم الناس وحشة.
ماما : مش معنى إنك قابلتي شخص وحش يبقا حياتك هتقف بعده . الدنيا مش بتقف على حد الا لو إحنا إللى قررنا أننا نقف و الحزن يسيطر علينا , أنتِ عندك عيالك المفروض تكملي حياتك ابداي العلاج علشان نفسك مش علشان حد
شيماء : والله ياا طنط كلامك صح .. وبعدين يا يمنى هانم كفايه وقفتك معانا كلنا .. مش عايزنا بقا نقف معاكِ؟!
الدكتور : أول حاجه هنعمل التحاليل تانى علشان نبدأ العلاج ..و هتاخدي أجازة مرضية فتره .. وأنا واثق إنك هتقومي و تكوني أقوي من الأول
يمنى : تفتكر ؟!
الدكتور : أنا واثق, يمنى أقوى من العلاج والمرض … يمنى إللى بيقف مع الكل و بتساعد المرضى كلهم هتقوم تانى علشان مكانك هيفضل موجود لحد ما تيجي .. أتفقنا
يمنى : مش عايزه الولاد يعرفوا حاجه …عايزه حياتهم تمشي زى ما هى
شيماء : محدش هيعرف يا ستي .. امتى هنبدا العلاج يا دكتور؟
الدكتور : بعد إسبوعين ان شاء الله
يمنى : أتفقنا
الدكتور : متقلقيش أنتِ لسه فى الأول و سهل تتعالجي
تيته : ياارب يا بنتي تقومك بالسلامه
يمنى بدموع : ماما العيال أمانه فى رقبتك فى فتره تعبي و لو ربنا افتكرني يبقا..
تيته بسرعة: بلاش كلامك العبيط ده .. بعد عمراً طويل
يمنى :سليم قوليله ديما إنك ملكش غير أخواتك البنات و ان الدنيا ..
تيته بدموع: أيه يا يمنى الكلام ده
الدكتور بضحك : لا يا يمنى هانم مش هتهربي من مسؤولية العيال ربنا هيقومك بالسلامة و تزعقى و تعلمي و تربي
شيماء : و إحنا معاكِ يا اسطااا
الدكتور بضحك: أنا حاسس إنى بتكلم مع سواق توكتك مش ممرضة والله
يمنى بضحك: شيماء ديما فضحااانا كده الله يكسفك يا شيخة
( بدأت فى العلاج.. أحياناً مش بنكون عايزين حاجه غير أننا نحس أننا مش لوحدنا .. ان فيه حد معانا فى وسط تعبنا .. حد يهون التعب إللى إحنا فيه .. وده حسيته فى شيماء و ماما و دكاترة المستشفى.. حسيتى إنى لازم أقوم علشان فيه ناس عايزني أكون معاهم .. ناس لسه بتحبني رغم تعبي)
*بعد ٣ شهور *
شيماء : يا ام سليم فيه ضيف جاي معايا ممكن يدخل
يمنى: ضيف!!!! مين
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بيتنا الصغير)
