رواية بيتنا الصغير الفصل الخامس 5 بقلم هدير عبد العليم
رواية بيتنا الصغير الجزء الخامس
رواية بيتنا الصغير البارت الخامس
رواية بيتنا الصغير الحلقة الخامسة
تيته : فيه آيه ؟!!!
يمنى : مفيش يا مامااا..
تيته : حصل إللى كنا متوقعين أنه يحصل ؟!!
يمنى بحزن : ماما أنا مش قادره أتكلم .. وخاصهً فى الموضوع ده
تيته : والله أنتِ عبيطة… أنتِ فاكره إنك خسرتى حاجه .. دا هو إللى خسرك و هيندم طول حياته أنه بعد عنك
يمنى : معتقدش أنه هيندم .. أنا فيه أحسن منى كتير
تيته : محدش أحسن منك وأنا كانوا أحسن منك فى الشكل .. أنتِ روحك جميلة و محبوبة من الكل .. الجمال جمال الروح و القلب جمال الشكل ده مش دايم أفهمي بقا
يمنى : بس أنا مش شكل بس وأنتِ عارفه ! أنا فيه سبب أكبر من الشكل
تيته : المواقف هى إللى بتظهر الناس على حقيقتهم يا بنتى و كل موقف صعب مر عليكِ أكيد اتعلمتي منه .
يمنى : بس ده مش وقت إنى أتعلم أنا كأن نفسي يفضل جنبي لأنه أكتر حد عارف إنى بمر بوقت صعب .. ماما أنتِ متخيلة أنا بواجهه أيه..ماما أنا حاسه بهزيمة من كل الناس
تيته:حسيتي بهزيمة منى؟!
يمنى بدموع : أنتِ الوحيدة إللى حاسه إنها معاياااا .. أنا لولا وجودك مكنتش اتحملت كله ده
تيته ب إبتسامة: طب أنا مش كفايه عليكِ ,مش دى يمنى إللى أنا عارفها .. يمنى أقوى من أى حاجه لو مكنتش قويه لازم تكونى قويه علشان ليلى ومريم و سليم …
يمنى بحضن و دموع : أنا مش عارفه من غيرك كنت عملت إيه .. الا صحيح سليم جه من الدروس على هنا صح ؟! أنا كنت متفقه معه أنه هييجي على هنا؟
تيته : اه جه من بدري
يمنى : طب الحمد لله
تيته : هقوم اعملكم الآكل
يمنى : مش قادره آكل..
تيته : من النهارده مفيش حاجه إسمها مش قادره
ليلى : ماما هو فيه آيه؟و ليه جينا هنا و هنقعد كام يوم؟!
تيته : مفيش حاجه يا ليلى ماما عندها بس شغل كتير و إحنا أقرب ل المستشفى؟
ليلى : اه
يمنى : نسيت أقولكم ان فيه طفل كان عندنا النهارده فى المستشفى و فضل يشكر فى الآكل إللى ساعدوتني فيه
مريم: بجد يا ماما ؟
يمنى : اه بجد يا أجمل مرسوم
سليم بضحك : أنا هبقا أساعد معاكم فى الآكل
ليلى بضحك : أنت؟؟؟ قول كلام غير كده طيب .. دا أنت الوحيد إللى بتكسل تعمل حاجه
سليم : بس يا بت أنتِ..ردي عليها يا ماما
يمنى ب إبتسامة: هى كدبت ؟؟ دا أنا بيطلع عيني علشان تعمل مصلحه
سليم : بقا كده ؟؟ ماشي يا ست ماما شكرأ
تيته : سليم معلش ممكن تجيب…
سليم : أنا جاي من الدروس مش قادر أعمل حاجه
مريم بضحك: دا إحنا لسه بنتكلم
سليم بتردد : اممم .. عايزه أيه يا تيته
تيته بضحك: لا أنا مش عايزه حاجه أنا بس كنت بجرب أشوفك هتتغير ولا إيه؟!
ليلى : يلا يا تيته نعمل الآكل
مريم :ياريت علشان أنا جعانة اووى
يمنى : اه علشان آكل و أنام عندى شفت مسائي بكره و..
تيته بدهشة: يمنى ما بلاش أاا
يمنى : ماما مش عايزه أتكلم فى أى حاجه تخص حياتى الفترة دي ينفع؟ … أنتِ عارفه يا ماما أنا بفرح أوي لما أساعد حد .. عارفه أنا بحب شغلي لانى بكون سبب إنى أهون على حد تعبه
ليلى : ماما إحنا بنتعلم منك كل حاجه
يمنى : ربنا يديمكم ليا يا حلوين
*تانى يوم الساعه ٢ بالليل وفى المستشفى*
يمنى : شيماء أنا حاسه إنى تعبانة اووى ..
شيماء : مالك طيب ؟!
يمنى : حاسه بصداع و ارهاق
شيماء : تعالى طيب نخلى دكتور يكشف عليكِ إحنا كده كده فى المستشفى أهو
يمنى : لا ..
شيماء : هو أيه إللى لا ؟
يمنى : بصى أنا غلطانه إنى اشتكيت قدامك اصلا
شيماء : نسيت أقولك زين سأل عليكِ قبل ما يمشي
يمنى : يا روحي عسل اووي تصدقى بالله حبيبته اووي
شيماء : هو قمر بصراحة.. فات ليكِ الجواب ده
يمنى : جواب !!!…
شيماء : مالك فيه آيه ؟! الجواب فيه آيه طيب؟! .. يمنى أنتِ كويسه
يمنى : خير تعمل جبراً تلقى .. عارفه زين كاتب جواب يشكرني فيه على إللى عملته معه و بيقولى أنه شاف فيه إنى مامته ..و أتبرع ب صدقه ليا فى جمعيات خيريه .. متخيلة ان طفل يفكر فيكِ كده .. ياااها دى أجمل حاجه حصلتلى
شيماء بصدمة:يمنى؟!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بيتنا الصغير)
