رواية بيتنا الصغير الفصل الثاني 2 بقلم هدير عبد العليم
رواية بيتنا الصغير الجزء الثاني
رواية بيتنا الصغير البارت الثاني
رواية بيتنا الصغير الحلقة الثانية
أيمن : زين ماله؟!! فى أيه؟!
يمنى : أنا مش عارفه .. زين أنا ماما رد عليا ياحبيبي أنت كويس؟.. بدموع يا دكتور يا دكتور
الدكتور : أيه يا يمنى ..
يمنى :الحقني بسرعه يادكتور مره واحده جسمه بقا أحمر و درجه الحرارة بترتفع
الدكتور : هو بيشكي من أى أمراض؟!
يمنى : أبوه بره استنى هسأله بسرعه .. طلعت و أنا بعيط .. أول مره أحس الشعور ده وأنا مع حاله أنا مش عارفه أنا بعيط ليه او من أيه.. فيه حالات كتير أصعب من زين بس أول مره أضعف قدام حاله كده .. أنا مش عارفه أتكلم ولا قادره أسأل أبوه.. فضلت شويه لحد ما بدأت أتكلم.. هو زين عنده أى أمراض؟!
أيمن: أمراض؟!!! قصدي لا مش عنده حاجه الحمد لله
يمنى : لا يا دكتوور مش بيشكي من حاجه الحمد لله
الدكتور : الطفل ده آكل حاجه ملوثه من الشارع.. و هو مناعته ضعيفة هى إللى عملت كده .. لازم يدخل العمليات علشان يعمل تنظيف معده
*** بعد أربع ساعات***
زين بدآ يفوق : ماما فين؟!؟!
يمنى : أنا جنبك أهو..
أيمن بدآ يبتسم و هو مطمن بكون يمنى مع
زين : أنا هنزل أشترى آكل و هجبلك عصير تفاح من إللى بتحبه يا زين
يمني : بتحب عصير التفاح زييي دا إحنا على كده أصحاب بقا
زين :عارفه يا ماما أنا مكنتش عايش وأنتِ مش معايا .. ماما أنتِ هتسيبيني تانى؟!
يمني بدموع و تردد و خوف : مش عارفه يا زين بس خلينا فى دلوقتى أنا معاك أهو..
^^ بعد عشر دقائق ^^
أيمن: زين دلوقتى يقدر يشرب او ياكل ؟
يمنى : اه أكيد.. بس مش هينفع ياكل أى آكل من بره لمده اسبوع..
زين : بس أنا جعان اووي
يمنى : أنا عامله آكل ليا وحظك حلو النهارده فيه فراخ و.. استني هجيبه واجي
أيمن: والله مش عارف أقول لحضرتك أيه شكرأ جداا
يمنى : ولا أى حاجه يا أبو زين الشكر لله
الدكتور : زين عامل أيه دلوقتى؟!
أيمن: كويس الحمد لله..
الدكتور : لازم يقعد إسبوع بدون آكل من بره…
أيمن : اه عرفنا من مس يمنى
الدكتور : يمني دي من أشطر الناس فى المستشفى كلها و محبوبه من الكل ..
يمنى : أنا جبت الآكل يا زين بااشا .. الآكل ده كله لازم يخلص ماشي يا باشااا
الدكتور ب إبتسامة: مش قولتلك محبوبه من الكل هنا
زين بدآ يأكل: الآكل جميل اووي يا ماما
يمنى : هتفق معاك أتفاق حلو .. أيه رأيك
زين : أتفاق؟!!
يمنى : لما يكون ام و أبنها أصحاب بيقولها ب إسمها.. فا بلاش كلمة ماما و قولي يا يمنى
أيمن: وعلشان زين محترم هيقولك يا مس يمنى .. صح يا زين
زين بدآ عليه الحزن .. بدآ يرجع ل وراه و مش بياكل ..
يمنى بترفع حاجبها : الآكل مش حلو؟! مش عاااااجبك يعنى؟
زين : …
يمنى: هو ماله ؟!
أيمن: لا عادى متشغليش بالك …أنا عملت حساب حضرتك فى عصير تفاح مع زين اتفضلي .
يمنى : مش هشرب غير لما أعرف زين ماله زعلان كده ليه ؟! وكمان مش بياكل
زين : بابا أنا عايز أمشي من هنا
يمنى : مش أنت كنت عايز تقعد معايا عالطول و أتفقنا أننا هنشوف بعض كتير
زين : مش فارقه..
يمنى بضحك : كلامك أكبر من سنك بكتير إللى يشوفك يقول عندك ١٧ سنه 😅 .. اللهم بارك طبعاً
الدكتور : ماماااا؟!! هو إبنك؟!
يمنى : هو…
أيمن: هو ممكن حضرتك…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بيتنا الصغير)
