رواية بيان العشق الفصل السادس عشر 16 بقلم سلمى ابراهيم
رواية بيان العشق الجزء السادس عشر
رواية بيان العشق البارت السادس عشر
رواية بيان العشق الحلقة السادسة عشر
عبدالرحمن..انا عارف انكم بتطلقو..بقولك بقا ياريت تخلصنا عشان نت اول ما هتطلقها نا هتجوزها بعد شهور عدتها
عمرو برق عينه كدا وبص لبيان اللي كانت مش عارفه تروح فين ولا تعمل اي..ورجع نظره تاني لعبدالرحمن بغلل شديد
عمرو..نت جاي بيتي…تقولي انك عاوز تتجوز مراتي…وعاوز تخرج من هنا سليم
عبدالرحمن..متقولش مراتك..انا وبيان لبعض من يوم ما اتولدنا ابعد عننا بقا..انا بحبها وهي كمان بتحبني
عمرو خلاص فقد اعصابو….شد عبدالرحمن قربو عليه اوي..نت قولت نت بتحبها
عبدالرحمن..وهي كمان بتحبني…..مكملش الكلمه وعمرو ضر”بو جامد في وشو وقع فالارض…..
اتنفضت بيان وخافت جدا..عمرو بالله عليك خلاص اهدي
عمرو مكانش سامعها اصلا…نزل شد عبدالرحمن تاني..قولت اي بقا…بتحبها….ومسكو فضل يضر”ب فيه بغلل شديد وعبدالرحمن مش قادر حتي يقاوم عمرو فعلا كان اتجنن والوقت اكتشف وكلنا اكتشفنا ان عمرو بيحب بيان اوي ….
بيان جريت عليه برعب لانو كان بيضر”بو بطريقه بشعه..بيان بتحاول تحوش مش قادره وبتصرخ عشان يسمعها..سيبو يا عمرو ونبي…عمرو سيبو …..يا عمرو هيم”موت في ايدك بالله عليك…وصرخت اوي..لو بتحبني سيبو بقا…..
عمرو اول ما سمع الكلمه دي بدأ شويه ..قام وقف بهدوء وبصلها وبعد كدا بعد عنو ….حط ايده ع وشو بعصبيه ..وشد عبدالرحمن من عالارض اللي كان خلاص مش قادر
عمرو ماسكه في ايده بتهديد..اسمع بقا..اقسم بالله لو شوفت وشك دا ادامي تاني…انا مش عارف ممكن اعمل فيك اي تاني.. بس اللي نت خدتو دا جزء من اللي هعملو فيك….فاهم يالا
عبدالرحمن..انا وبيان بنحب بعض وهنتجو…غصب عنك
بيان..غور في داهيه يا عبدالرحمن يالا….يالا نا خليتوا يسيبك بالعافية……
عمرو..يلا غور بدل ما ارقدك تاني
عبدالرحمن وخارج..ماشي يا عمرو…بس وآلله ما هسيبك وبيان هتطلق منك….وخرج وقفل الباب
عمرو بزعيق شديد..نت مين نت يابن الكل”ب عشان تطلقني منها
بيان..عمرو اهدي شويه
بصلها بحده وزعق اوي..هو ازاي بيقول انكو بتحبو بعض ونتي ساكته….يعني اي يقول انك بتحبيه
بيان بحده..ونت مالك نت احب مين واكره مين مش فاهمه
عمرو اترفز اوي..هو اي اللي مالي..نتي مراتي
بيان بجرأه.. عمرو نفسي تحط ادامك كدا الكام كلمه دول.. انا ونت متجوزين عالورق بس ..وهنتطلق قريب اوي..
عمرو وصل لاعلي معدل في نرفزته..هو نتي فاكره اني هطلقك….انتي مجنونه
بيان بزعيق..اه هتطلقني وغصب عنك كمان..انا مش عاوزه اعيش معاك ملكش دعوة
عمرو بزعيق شديد..هتروحي تتجوزي ال**** دا
بيان ببرود..والله دي حاجه تخصني انا اتجوز اللي انا عاوزاه بقا..نت مش هيبقالك حكم عليا اصلا
عمرو زعيقو بدا يبقا مرعب ليها والغيرة اتمكنت منو اوي..متقوليش كدا….انا مش هسيبك يا بيان …انا ونتي هنفضل مع بعض ومش هنطلق..لا يمكن استحمل انك تكوني مغ غيري..انا ممكن اموت بجد
بيان بزعيق ودموع..واشمعنا انا استحملت انك تكون مع غيري ..هااا….ونت المفروض تبقي معايا كنت مع غيري يا عمرو…وبتتكلم معاها كل يوم وبتخرج كمان..وتسيبني انا قاعده هنا لوحدي..عمرك قبل كدا فكرت ونت معاها وفرحان وبتضحك..انك سايب واحده هنا في سكاكين في قلبها كل ما تفتكر ان الشخص اللي هي بتحبه مع واحده تانيه وكمان بيحبها…نا مش فاهمه نت جايب جرأتك دي منين وكمان واقف تزعقلي دلوقتي..
عمرو بهدوء..بيان نا عارف اني عذبتك كتير..وعارف اني كنت بخنقك وبضايقك..بس نا مكنتش ببقا حاسس بنفسي صدقيني..كان كل اللي فدماغي اني انا اللي افضل مبسوط..علي حساب مين مش عارف بس المهم اني انا مبسوط..بس والله بتغير كتير للأحسن..ساعديني وخليكي جنبي ..وعشان خاطري شيلي موضوع الطلاق دا من دماغك
بيان قربت منو شويه بجرأه وقوه..مش عشان نت عاوزنا نقرب يبقي نقرب…مش عشان نت عاوز منتطلقش يبقي منتطلقش..انت مش محور الكون..افهم بقا …اللي انا عاوزاه هو اللي هيحصل يا عمرو وهتطلقني
اتعصب تاني وزعق اوي..ونا قولت مش هطلقك يا بيان
بيان بزعيق شديد..لو مش هتطلقني …يبقي هخلعك يا عمرو
عمرو الكلمه جننتو..نتي بتقولي اي….
بيان..اي مسمعتش…لو مش هتطلقني هخلعك صدقني انا مش بهدد واظن نت اكتر واحد عارف اني مش بقول كلام وبس…..
عمرو..بيان متختبريش صبري..صدقيني كلامك دا بيرفعلي ضغطي بجد وبيتعبني
بيان بضحكه جننتو..ما انت ياما رفعتلي ضغطي وجننتني..دوق بقا شويه…وجايه تمشي مسك ايديها
عمرو بضعف..بيان…
بيان قاطعه بزعيق..قولتلك متملسنيش تاني….
عمرو قربها عليه اوي وكتفها وبقت قريبه منو اوي
بيان كانت هتموت وتحضنو اصلا من اول ما بدأو خناقه …لكن ماسكه نفسها لازم تربيه شويه..مقدرتش تنطق اصلا اول ما شمت ريحتو اللي بتعشقها وبتموت في قربه منها…
عمرو كان بيقربها اكتر ومش قادر حرفيا يسبها ولا يبعدها عنو وريحتها اللي بعشقها كل حاجه فيها وحشتو اوي…كان قريب منها اوي
عمرو همس..وحشتيني اوي……
بيان كانت تقريبا متخدره بسبب قربه منها وكمان بيقولها وحشتيني…بيان ردت في عقلها..نت كمان وحشتني اوي..قرب عليا اكتر…
عمرو زي ما يكون سامع عقلها..قرب عليها اكتر ومش فاصل شفايفه عن شفايفها غير خط صغير اوي …
عمرو همس بين شفايفها..انا بحبك اوي…..ومقدرش ابعد عنك….
بيان كانت خلاص راحت دنيا تانيه دا بيقولها بحبك….فضل هو يشم في ريحتها ونفسها بادمان لانو مش عارف هيقدر يقرب منها تاني ولا لا ..ميل راسه ع راسها وكان بيشمها وبس ….نزل وشو لرقبتها وكان بيشمها بحب شديد حاسس انو بقا مدمن لكل تفصيله ليها ..مقدرش يمسك نفسه وبا”س رقبتها مرة واحدة بس عشان متضايقش هي…وحشاه اوي بجد نفسه يحضنها اوي ..نفسو تبقي مراتو بجد …بس للاسف …..
كانت هي ولا قادره تقربو ولا قادره تقربو ولا تبعدو وسايباه براحتو هو كمان كان واحشها اوي..هي اه قويه بس محدش بيقدر يفضل قوي أدام جد بيحبه او بيعشقه كمان……
حس عمرو انو شبع منها نسبيا..طبعا هو عمره ما هيشبع منها بس عشان هي متبعدوش وتضايق قرر اخيرا انو يبعد….بعد عنها عمرو براحه خالص وسابها خالص وفضل باصصلها بحب وهي كمان فضلت باصالو دا قالي بحبك يعني خلاص هو بيحبني….مقدرتش هي تتكلم ولا تزعق ولا تعمل حاجه..سابته ودخلت الاوضه بسرعه وقفلت الباب عليها….
فضلت تلمس رقبتها بحب شديد هي فعلا فرحانه انو قرب منها..بس لا…..لازم يتعلم الادب شويه…..
كان واقف هو…راح قعد عالكرسي وعمال يفتكر لحظة قربه منها ويبتسم…
عمرو..لو عليا نا مكنتش هبعد ولو اي حصل ….بس عشان متفكريش اني بستغل لحظة ضعفك معايا ….ولقا فونه بيرن وكانت حبيبه
عمرو بقرف..يلع”ن شكلك يا شيخه..حد يبقا بيفكر في بيان ويلاقي دي بترن عليه..وقفل في وشها وكمان عملها بلوك ورما التليفون….
ونام عالكنبه حط ايده تحت رأسه والتانيه ع وشو ومفيش في عقلو غير لحظة قربو منها……
عدي شويه وقت……..خرجت بيان من الاوضه ولقيتو نايم كدا…راحت المطبخ وبدأت تعمل اكل…..
شويه وصحي هو قام دخل الحمام وخرج غير هدومو لانو كان لسه بلبس الشغل…..وبعدها خرج ودخل المطبخ..هي كانت بتعمل الاكل ..بصلها كدا وهي واقفه بضهرها ومش شايفاه وبيبتسم لها وبس…..بعدها راح فتح التلاجه وطلع ميه وبيشرب…
هي كانت بتمنع نفسها انها متبصلوش بالعافيه
عمرو بيدلع..هوووف الجو حر اوي…..وقل”ع التيشيرت وحطو ع كتفو ومتكلمش معاها خالص……
بيان بقت هتموت وتبصلو لكن مانعه نفسها بالعافيه….راح هو طلع من التلاجه طماطم وخيار وحاجات السلطه..بدأ يقطعها هو بيتحرك ادامها كتير عشان يلفت نظرها وتبصلو …خلص السلطه هو واخدها وخرج من الأوضة
بيان..هوووف….يخربيتك يشيخ..بت اجمدي ..هو بيعمل كدا عشان يلفت انتباهك..ودا بعدو…..بس يخربيتو قمور اوي….وكملت الاكل
قعد هو فالصالة بياكل السلطه رن عليه معتز
معتز..ها طمني كلو تحت السيطرة
عمرو ..يعم اتهد..دنا قربت اقلب ارجوز عشان بس ألفت نظرها وتحس اني موجود هنا
معتز بضحكه..احسن..اهي جاتلك اللي هتربيك
عمرو..ياخي ادعي عليك بأي انك تجيلك نت كمان اللي تربيك
معتز بضحكه..لا يخويا سبنالك نت الحب والنحنحه يا عبدالحليم
عمرو ضحك..نت لسه فالشركه ياض صح
معتز..اه يخويا..عندي مدير منه لله خلاني انا اتنيل في الشغل وهو روح..هو نت مش قولتلي اني هروح بكرا لي خليتني اروح انهارده
عمرو..عشان حضرتك كنت بتدلع الايام اللي فاتت ومش بتروح..طبق بقا انهارده في الشركه خلص الشغل اللي عليك
خرجت بيان ومعاها الاكل…..
معتز..خلاص ياخويا يلا اقفل خليني الحق اخلص
عمرو..ماشي يا حبيبي……بصتله بيان كدا بصدمه وقالت لنفسها..حبيبه!!!
عمرو بسرعه اوي..يا حبيبي..مش يا حبيبه…هاااا…..
معتز..بتقول اي
عمرو..مش نت يا معتز مش نت
معتز بضحكه لانو فهم..اااه…ماشي يعم….يلا اسيبك نت يا عم رميو
عمرو بضحكه..ماشي..بكرا هبقا احكيلك بقا..سلام……وقفلو….
بيان كانت محروجه لأنها بصتلو بصدمه مكانتش قادره تمنع نفسها لما سمعت اسم حبيبه…
عمرو..عامله اكل اي
بيان بقرف.. مهو ادامك اهو مبتشوفش
عمرو..مااشي…ادينا بنستحملك وبنستحمل دلعك
بيان بحده..عمرو…
عمرو..خلاص آسف…….كانت فارده شعرها الطويل الجميل ع ضهرها وهو اصلا بيموت في شعرها دا ….كان عاوز يلمسو بس هو ماسك نفسو عنها بالعافيه اصلا عشان ميندمش لو هي اللي بعدتو دي اكتر حاجة ممكن توجعو انها هي اللي تبعدو عنها…..
كان قاعد معتز في الشركه الساعه 8 بالليل تقريبا
السكرتيرة..اجيب لحضرتك حاجه تاني
معتز..لا كفايه قهوة كدا….
السكرتيرة بصت فالكميرات..اي دا مين اللي داخله الشركه دي
معتز مبصش كان بيخلص ورق..روحي شوفيها يا ستي سيبيني اخلص….
وخرجت تشوفها…..
السكرتيرة..مين حضرتك
رغد..نا رغد اخت عمرو وبنت مصطفي بيه
السكرتيرة..اه انا اسفه جدا ….معرفش حضرتك
رغد..تمام….هدخل لاخويا عاوزه…ومستنتش ردها ودخلت..سابتها السكرتيرة تدخل عادي
دخلت رغد لقيتو معتز هي متعرفوش اصلا غير اسمه بس
معتز قام وقف..اهلا وسهلا..مين حضرتك
رغد باحراج..اي دا ..هو عمرو فين
معتز..ونتي مين وبتسالي ع عمرو لي
رغد..نا اختو…هو مش هنا انهارده
معتز..اه اسف مكنتش اعرفك….هو مجاش انهارده لا
رغد..طيب اسفه اني عطلت حضرتك،..مش نت معتز بردو
ابتسم معتز..اه انا..ونتي رغد صح
رغد بابتسامه..اه……واتكلمو وشويه وهي مشيت……
معتز كان فرحان شويه مش عارف اي السبب………
كان عبدالرحمن قاعد مع مصطفي
عبدالرحمن..يا عمي صدقني ندمت..واهو هكون نا مطلق وهي متطلقه ونتجوز بقا
مصطفي..معرفش هي هيكون ردها اي
عبدالرحمن..صدقني بيان بتحبني انا وبس…….
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية بيان العشق)
