رواية بيان الزين الجزء الثاني الفصل الرابع عشر 14 بقلم هاجر الغريب
رواية بيان الزين الجزء الثاني الجزء الرابع عشر
رواية بيان الزين الجزء الثاني البارت الرابع عشر
رواية بيان الزين الجزء الثاني الحلقة الرابعة عشر
فى بيت عمار
زين: عاوزين حاجه ياخالتى
نوران: لا تسلم ياابنى ماتقعد معنا تاكل لقمه انا بعمل اكل اهو
بالف هنا وشفا انا لازم انزل علشان بيان فى العربية
توصلو بالف سلامه ياابنى
لو فى اي حاجه حصلت كلمينى سلام
………………….
فى عمان
ريم: جدتى
نعم
هى فين طنط فاطمه
اولا مسمهاش طنط قولى جدتى
طب وثانيا
ثانيا نايمه فوق فى اية مالك
ريم بحزن: وحشتنى مصر اوى
الجده بحنان: متزعليش بكرا نرجع وكل حاجه تبقا تمام
طب هو احنا لية سافرنا اصلا
علشان اخوكى بيحمينا هو قال ان فى خطر علينا فى مصر وميعرفش يتحرك ويسيبنا فى البيت هناك فخلانا نسافر
واشمعنا عمان يعنى وهو عارف ان ليا ذكريات فيها
(والد ووالدة زين سافرو عمان علشان والدة يبتدى شغله وخلفو ريم هناك)
فلاش باااااك
ريم: ماما انا مش عاوزة اروح المدرسة دى تانى
الام: لية بس ياحبيبتي اية اللى حصل
كل يوم العيال اللى هناك بيضايقونى ويعاملونى على انى مختلفة عنهم
الام: بس انتى المفروض تفرحى مش تزعلى
ريم باستفهام: ازاى
الام: ماهو انتى لازم تبقى مختلفة عنهم علشان تبقى مميزة طب قوليلى المدرسين بيعاملوكى ازاى هناك
ريم: بيعاملونى بلطف عكس الباقى
الام: خلاص هما بيضايقوكى علشان غيرانين منك علشان انتى مميزة
ريم بفرحة: بجد ياماما
الام حضنتها: بجد ياقلب ماما
………… بااااك…………
الجده: سرحتى فين ياريم
ها معاكى ياجدتى
طب يلا روحى خلى الخدم يحضرو الغدا
حاضر
……………………….
قدام بيت زين
زين: ممكن تنزلى يلا
بيان: لا مش هنزل غير لما تفهمنى كل حاجه
هفهمك فوق يلا انزلى
نزلت بيان وطلعو البيت
ها اتفضل اتكلم بقا ان…….
فجأه جرس الباب
زين فتح الباب
نور: حضرتك زين بية الشونى مش كده
ايوة مين حضرتك
انا نور ابقا صاحبة شاهى قبل ما تتعصب انا غيرها خالص انا جاية اساعدك
اتفضلى ادخلى
بيان بغضب: وكمان جايب واحدة تانية
نور: استنى بس انا مش جاية تبع زين ولا حاجه انا جاية اقولك الحقيقة
زين: حقيقة اية
الصور اللى شاهى اداتها لبيان فى المستشفى شاهى اتجننت على الاخر يازين ومفيش حد يوقفها
زين: طب وانتى اية مصلحتك انك تيجى تقوليلى
نور: انا مليش مصلحه بس شاهى دى صاحبتى من عشر سنين ومينفعش اسيبها تروح فى داهية وانا ساكته
الصور اللى معاكى دى كانت. من حوالى خمس سنين واكتر قبل ما زين بية يعرفك يعنى قديمه والعلاقة بين شاهى وزين بية كانت مجرد مصلحه علشان هى تاخد فلوس مكنش في اي حاجه تدل على الحب وبعدين شاهى طمعت وعاوزة تاخد اكتر وتضمن انه مش هيرميها فقررت تلعب عليه وتوهمه بحبها وكانت هتنجح لولا بيان دخلت حياتك
زين: طب وهى ناوية تعمل اية دلوقتي
نور: انا مش عارفة اية خطوتها الجاية عموما انا بلغتك علشان عرفت انها راحت لبيان هانم واكيد هتخرب الدنيا بس اللى انا عاوزاك تعمله انك تمشى معاها ولا كأنك تعرف حاجه علشان متأذيش بيان
زين: طيب اوصلك ازاى لو احتاجتك
نور: دا رقم تليفونى هرد عليك فى الاوقات اللى انا بعيد عنها فيها
زين: تمام
خرجت نور من عند زين
بيان بتوتر: زين ان…..
زين: انا مش عاوزك تقولى حاجه ومش زعلان منك اي واحدة مكانك كانت عملت كدا
بيان بدأت تبكى والله مكنش قصدى اشك فيك بس الصور كانت قدامى وانا شيفاها بتقولى كلام زى السم عاوزنى كنت اعمل اية
زين قام مسك ايديها بحنان
اششش ممكن متبكيش المهم انك عرفتى الحقيقة وانا مخنتكيش من اول ما عرفتك اصلا اهم حاجه دلوقتي نتعامل عادى كأنك معرفتيش حاجه وتعاملينى بقسوة بره بحيث انها متاخدش بالها واوعدك انا هخلص كل حاجه فى اسرع وقت
ماشى
يلا قومى دلوقتي خدى دش ونامى شوية وانا هروح الشركه اخلص شوية شغل متراكم وارجعلك
حاضر متتاخرش عليا وخد بالك من نفسك
………………..
فى القسم
مراد: دلوقتي المحاكمه بتاعت على بكرا انا متأكد ان فيها اعدام او على الاقل مؤبد يعنى هو لابسها
محمد: طب احنا برضو معرفناش مين اللى وراهم
مراد: ازاى الرجاله مقلوش حاجه
ابدا محدش اتكلم لحد دلوقتي
والكلام اللى قاله حسام دراعه اليمين
منقدرش نستند على كلامه اذا كان هما عارفين كل حاجه جوا السجن لو احنا مشينا ورا كلامه يبقا احنا كدا ماشيين على خطتهم
لازم نفكر كويس قبل ما نتحرك
…………………………………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بيان الزين الجزء الثاني)
